2 Laˬsaˬbaˬ 10:11 - Akha

¹¹ ‘Ngaˬ da-aˬ, kah dui dui-eu kʼaˆ behˆ naw maꞈ-ahˇ ciˬ pi-euˬ meh. Ngaˇ-aˬ, kʼoeˇ naˆ maˬ tseˇ kah-eu kʼaˆ behˆ naw maꞈ-ahˇ paˇ ciˬ pi nehˬ ma. Ngaˬ da naw maꞈ-ahˇ aˇ caˆ neh juiꞈ-euˬ meh. Ehˇ kʼawꞈ, ngaˇ naw maꞈ-ahˇ boeˬ kaˬ laˬ ma nyehꞈ kawꞈ ma’ lehˇ ehˇ nehˬ-awˬ.”

2 Laˬsaˬbaˬ 10:11 ပူးပေါင်းရင်းမြစ်များ

2 Laˬsaˬbaˬ 10:10

Aˬ yawꞈ maꞈ ehˇ-eu, “Tsawˇ haˬ kʼoeˇ deuˬ-ahˇ heu loꞈ-ehˇ ehˇ kʼoꞈ nehˬ-awˬ. ‘Ngaˬ-euˬ caˇ caˬ-aˬ ngaˬ da-euˬ joꞈ naˆ maˬ tseˇ tuˇ dzehˬ ma’ lehˇ ehˇ nehˬ-awˬ.

2 Laˬsaˬbaˬ 10:12

Smˬ nah byah laˇ ngeh, sahˬ paˬ Leˬhawˇbamˬ neh ehˇ nehˬ taˬ-euˬ loꞈ-ehˇ, Yeˬyawˇbamˬ hawˇ-eu tsawˇ haˬ kʼoeˇ deuˬ dawˬ tawˆ luꞈ aˬ yawꞈ jawˇ gaˇ oe-euˬ meh.

Doˆ-iˇ 5:18

Naw maꞈ-ahˇ gʼo yoeˬ maˬ paˇ biꞈ ma. Ehˇ kʼawꞈ, dzeuˇ laˇ ngeh naw maꞈ tsaˬ byaˆ kʼaˇ tehˆ doˆ-euˬ loꞈ-ehˇ, nymˬ-mˇ kʼawꞈ maˬ bi teˬ-iˇ ni ya tehˆ doˆ meh.”

Iˇsaˬyaˇ 47:6

Ngaˬ-euˬ tsawˇ jeuˬ-ahˇ ngaˇ nui ma pehˇ-awˇ, ngaˬ-euˬ tsawˇ haˬ maˬ paˇ sawˇ ni byehˇ dzeh nehˬ ngeh, nawˬ-euˬ baoˬ uˬ moˆ aˬ yawꞈ maꞈ-ahˇ ngaˇ bi jawˇ-euˬ ma. Kʼoeˇ ngeh aˬ yawꞈ maꞈ-ahˇ nawˇ gʼawˬ shaˬ maˬ gaˬ-ehˇ, tsawˇ mawˬ deuˬ-ahˇ kʼawꞈ yehˬ bawˬ-ehˇ jahˇ nehˬ-euˬ meh.

Iˇsaˬyaˇ 58:6

“Ngaˇ geuꞈ mawꞈ-eu maˬ dzaˬ-eu zahˇ heu loꞈ-ehˇ ma. Kʼehˬ-eu kʼaˆ-eu shmˇ caˆ hawˇ-eu maˬ tsaˬ maˬ dawˇ-eu kʼaˆ baꞈ deuˬ, dawˬ tawˆ biˬ dzeh jiˇ-awˇ, kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ, dawˬ tawˆ puiˇ pyehˬ jiˇ-awˬ.

Maꞈtehˬ 11:29

Ngaˬ-euˬ kʼaˆ baꞈ baꞈ-awˇ ngaˬ-ahˇ dzaw geuꞈ-awˬ. Aˬ jeˬ miˇ neh ehˇ naˇ, ngaˇ-aˬ, nui nahˬ nui yu ahˇ-awˇ, naw maꞈ-euˬ saꞈ laˇ gʼaˬ doeˇ dah kʼaˇ za ma.

Luˇkaꞈ 10:19

Naˇ haˬ sheˇ. Doꞈ kʼaˆ-eu aˇ lawˇ hawˇ-eu boeˬ kaˬ laˬ ma-ahˇ nawˬ tehˬ nya-eu uˬ taꞈ, muiˇ-eu deuˬ-euˬ baoˬ-ahˇ gʼaˬ leˇ nya ni, ngaˇ naw maꞈ-ahˇ baoˬ biꞈ-eu ma. Naw maꞈ-ahˇ laˆ coeˬ laˆ ciˆ nya-eu tiˬ jeˬ-iˬ maˬ jaˆ-a.

Panmaeq 9:10

Aˬ yawꞈ maꞈ-euˬ dawˬ miˬ-aˬ, boeˬ kaˬ laˬ ma-euˬ dawˬ miˬ-ahˇ duˇ-awˇ, byaˬ iˬ tsoꞈ-eu meh. Dawˬ miˬ kʼoeˇ baˬ da neh, tsawˇ haˬ zaˬ-ahˇ ba la ngaˬ siˬ byah ni kʼehˬ nya-eu baoˬ ahˇ-eu meh.

Panmaeq 9:3

Uˬ kʼoeˬ kʼoeˇ-euˬ laꞈ kʼoeˇ nyehˇ bahˇ doˆ le-awˇ, miˇ tsaˬ kʼoeˇ taˆ ga taˬ le-euˬ meh. Nyehˇ bahˇ kʼoeˇ deuˬ-ahˇ, boeˬ kaˬ laˬ ma loꞈ-ehˇ kʼaˆ-eu doꞈ biꞈ taˬ-euˬ meh.

Panmaeq 9:5

Nyehˇ bahˇ kʼoeˇ deuˬ-aˬ, tsawˇ haˬ kʼoeˇ deuˬ-ahˇ kawꞈ sehꞈ-eu gʼaˇ duˬ maˬ ngeuˇ-ehˇ, ba la ngaˬ siˬ byah ni kʼehˬ-eu kʼaˆ-eu gʼaˇ duˬ pyeuꞈ-eu meh. Nyehˇ bahˇ kʼoeˇ deuˬ neh bi kʼehˬ-euˬ kʼoeˇ-aˬ, boeˬ kaˬ laˬ ma neh bi kawꞈ-euˬ loꞈ-ehˇ gawˇ-eu meh.

1 Saˬmeuˬlaˆ 8:18

Aˇ yamˬ kʼoeˇ yamˬ keuˆ laˇ ngeh jawˇ, naw maꞈ-euˬ nui kʼahˇ byah laˇ ni yawˬ haˇ yawˬ ha tseˇ doˆ-euˬ sahˬ paˬ baˬ da neh, nui ma cawˆ dui dui nya lehˇ naw maꞈ ya ehˇ tehꞈ-a. Ehˇ kʼawꞈ, naw maꞈ nui ma cawˆ-awˇ toˇ-eu dawˬ-ahˇ, Sahˬpaˬ Miˬyehˇ maˬ paˇ naˇ haˬ nehˬ laꞈ-aˇ.”