2 Laˬsaˬbaˬ 1:17 - Akha

¹⁷ Iˇjiˇtuˆ miˇ kʼahˬ-ahˇ neh kʼaˇ ahˬ doˆ-euˬ mahˬ laˆ lawˬ deuˬ kʼawꞈ, aˬ yawꞈ maꞈ neh zeuˇ jiˇ-euˬ meh. Heˬtaˆ sahˬ paˬ deuˬ hawˇ-eu Shuˇliˆ sahˬ paˬ deuˬ-ahˇ, aˬ yawꞈ maꞈ mahˬ hawˇ-eu mahˬ laˆ lawˬ ahˬ ahˇ nehˬ-euˬ meh. Mahˬ laˆ lawˬ tiˬ laˇ-euˬ pyuˇ maˇ byaˆ koꞈ yaˇ byaˆ-ahˇ neh ahˬ-awˇ, mahˬ tiˬ mawˇ-euˬ tiˬ yaˇ ngaˬ tseˇ byaˆ-ahˇ neh ahˬ nehˬ-euˬ meh.

2 Laˬsaˬbaˬ 1:17 ပူးပေါင်းရင်းမြစ်များ

1 Sahˬpaˬ 10:29

Iˇjiˇtuˆ miˇ kʼahˬ-ahˇ neh kʼaˇ ahˬ doˆ-euˬ mahˬ laˆ lawˬ deuˬ-ahˇ kʼawꞈ, aˬ yawꞈ maꞈ neh zeuˇ jiˇ-euˬ meh. Heˬtaˆ sahˬ paˬ hawˇ-eu Suˇliˆ sahˬ paˬ deuˬ-ahˇ, mahˬ hawˇ-eu mahˬ laˆ lawˬ deuˬ aˬ yawꞈ maꞈ ahˬ ahˇ nehˬ-euˬ meh. Mahˬ laˆ lawˬ tiˬ laˇ-euˬ pyuˇ maˇ byaˆ koꞈ yaˇ byaˆ-ehˇ neh ahˬ nehˬ-awˇ, mahˬ tiˬ mawˇ-euˬ pyuˇ maˇ byaˆ tiˬ yaˇ ngaˬ tseˇ byaˆ-ehˇ neh ahˬ nehˬ-euˬ meh.

2 Sahˬpaˬ 10:29

Ehˇ kʼawꞈ, Beˬdeˬlaˇ meuˬ hawˇ-eu Daˬ meuˬ laꞈ kʼoeˇ shuiˇ mawˇ neˇ mawˇ kawˇ ka tuˇ-awˇ, Iˇsaˬleˬlaˆ tsawˇ haˬ deuˬ kʼoeˇ gaˇ uˬ duˬ tahˬ ni sheuˬ gʼeh-euˬ gʼaˬ pyeuꞈ-eu sahˬ paˬ Yeˬyawˇbamˬ-ahˇ aˬ yawꞈ dzaw geuꞈ-awˇ, kʼoeˇ loꞈ-ehˇ gʼeh-eu iˬ baˇ aˬ yawꞈ mˇ-euˬ meh.

2 Laˬsaˬbaˬ 1:16

Muˬsaˬliˬ miˇ kʼahˬ hawˇ-eu Ciˬliˇshaˆ miˇ kʼahˬ-ahˇ neh kʼaˇ ahˬ doˆ-euˬ mahˬ dawˬ tawˆ luꞈ-ahˇ, sahˬ paˬ Sawˇlaˬmoˬ neh pyehˬ taˬ-euˬ tsawˇ haˬ deuˬ neh zeuˇ jiˇ-euˬ meh.

2 Laˬsaˬbaˬ 2:1

Sahˬpaˬ Miˬyehˇ-ahˇ uˬ duˬ tahˬ-eu nymˇ tiˬ nymˇ hawˇ-eu, aˬ yawꞈ jawˇ-eu sahˬ paˬ-euˬ hawˇ nymˇ tiˬ nymˇ tsoˆ-eu gʼaˇ duˬ, sahˬ paˬ Sawˇlaˬmoˬ noeˬ tsehˆ-euˬ meh.

2 Laˬsaˬbaˬ 9:28

Muˬ saˬ liˬ miˇ kʼahˬ hawˇ-eu miˇ kʼahˬ yawˬ kʼahˬ na luꞈ-ahˇ jawˇ-eu mahˬ deuˬ aˬ yawꞈ zeuˇ geuꞈ-euˬ meh.

Dawˬ caˇ 1:9

Paˬlawˇ sahˬ paˬ-euˬ laˆ lawˬ gʼeu-eu mahˬ paˬ deuˬ, mahˬ mahˬ ma tiˬ ma mawˇ-awˇ teuˆ laˇ-eu loꞈ-ehˇ, ngaˇ gaˬ-eu gʼaˬ-oˇ, kʼaˬ dzeˇ zaˬ deuˬ-ahˇ nui ma cehˇ tahˬ laˆ tahˬ nehˬ-awˬ.