2 Laˬsaˬbaˬ 1:14 - Akha

¹⁴ Mahˬ laˆ lawˬ tiˬ heˇ oeˬ yaˇ laˇ hawˇ-eu, dziˬ mahˬ tiˬ muiˇ nyiˬ heˇ mawˇ aˬ yawꞈ poˆ uiˬ-euˬ meh. Tiˬ paˆ deuˬ-ahˇ Yeˬluˇsaˬlehˬ meuˬ-ahˇ bi jawˇ-awˇ, tiˬ paˆ deuˬ-ahˇ meuˬ nui deuˬ-ahˇ bi jawˇ-euˬ meh.

2 Laˬsaˬbaˬ 1:14 ပူးပေါင်းရင်းမြစ်များ

1 Sahˬpaˬ 10:16

Sawˇlaˬmoˬ-aˬ, dehˬ daˬ duˬ yaw huiˬ nyiˬ yaˇ hmˬ jahˇ-awˇ, aˬ yawꞈ hmˬ yawꞈ-ahˇ shuiˇ oeˬ jawꞈ-i yaw-euˬ meh.

1 Sahˬpaˬ 4:26

Sawˇlaˬmoˬ-aˬ, mahˬ laˆ lawˬ gʼeu-eu mahˬ deuˬ bi jawˇ-eu mahˬ mahˬ kuˆ oeˬ muiˇ kuˆ jaˆ-awˇ, dziˬ mahˬ tiˬ muiˇ nyiˬ heˇ mawˇ jawˇ-eu meh.

1 Sahˬpaˬ 5:6

Kʼoeˇ miˇ neh, ngaˬ-euˬ tsawˇ haˬ deuˬ-ahˇ Leˬbaˬnoˬ gawˬ jawˬ-ahˇ pyehˬ gʼeh-awˇ, ngaˬ-euˬ gʼaˇ duˬ shuˬ liˇ aˇ bawˇ bi tuˇ leˇ-awˬ. Ngaˬ-euˬ tsawˇ haˬ deuˬ kʼawꞈ, aˬ yawꞈ maꞈ nehˬ-ehˇ bi mˇ caw leˇ-awˇ, nawˬ-euˬ tsawˇ haˬ deuˬ gʼaˇ duˬ, nawˇ kʼaˇ shaˇ-eu loꞈ-ehˇ ngaˇ aˇ poeˬ biꞈ ma. Ngaˬ-euˬ tsawˇ haˬ deuˬ-aˬ, nawˬ-euˬ tsawˇ haˬ deuˬ loꞈ-ehˇ aˇ bawˇ maˬ tuˇ nya-eu nawˇ siˬ nya meh.”

1 Sahˬpaˬ 9:19

Aˬ yawꞈ-euˬ myawˬ gahˬ deuˬ bi jaˆ-euˬ meuˬ deuˬ, aˬ yawꞈ-euˬ mahˬ deuˬ hawˇ-eu mahˬ laˆ lawˬ deuˬ taˬ-euˬ meuˬ deuˬ, Yeˬluˇsaˬlehˬ meuˬ laꞈ kʼoeˇ maˬ ehˇ, Leˬbaˬnoˬ miˇ kʼahˬ laꞈ kʼoeˇ maˬ ehˇ, aˬ yawꞈ neh kʼaˇ uˆ lahˇ-euˬ miˇ kʼahˬ yawˬ gaˇ na luꞈ maˬ ehˇ, aˬ yawꞈ neh kʼaˇ tsoˆ-euˬ jeˬ hawˇ-eu kʼaˇ mˇ kʼaˇ shaˇ-euˬ jeˬ laꞈ kʼoeˇ, tsawˇ haˬ paˆ-awˇ myawˬ kʼaˆ bi mˇ-euˬ meh.

2 Laˬsaˬbaˬ 8:6

Baˬlaˆ meuˬ, aˬ yawꞈ neh myawˬ gahˬ hawˇ-eu dzaˬ dzaˬ dawˇ dawˇ tawˬ taˬ-awˇ jeˬ hmˬ-euˬ meuˬ dawˬ tawˆ luꞈ hawˇ-eu, aˬ yawꞈ-euˬ mahˬ deuˬ hawˇ-eu mahˬ laˆ lawˬ deuˬ bi jawˇ-euˬ meuˬ deuˬ meh. Yeˬluˇsaˬlehˬ meuˬ-ahˇ maˬ ehˇ, Leˬbaˬnoˬ miˇ kʼahˬ laꞈ kʼoeˇ maˬ ehˇ, aˬ yawꞈ kʼaˇ uˆ lahˇ keuˆ-eu miˇ kʼahˬ deuˬ doe ni maˬ ehˇ, aˬ yawꞈ neh kʼaˇ lehˬ hmˬ taˬ-euˬ loꞈ-ehˇ, meuˬ tsoˆ pu tsoˆ-eu gaˇ aˬ yawꞈ mˇ doˆ gʼeh-euˬ meh.

2 Laˬsaˬbaˬ 9:25

Sahˬ paˬ Sawˇlaˬmoˬ-aˬ, aˬ yawꞈ-euˬ mahˬ laˆ lawˬ deuˬ hawˇ-eu mahˬ deuˬ taˬ-eu gʼaˇ duˬ mahˬ mahˬ kuˆ oeˬ heˇ kuˆ jaˆ-awˇ, dziˬ mahˬ tiˬ muiˇ nyiˬ heˇ mawˇ jawˇ-eu meh. Yeˬluˇsaˬlehˬ meuˬ laꞈ kʼoeˇ tiˬ deuˬ bi jawˇ-awˇ, nui deuˬ-ahˇ meuˬ gʼawˬ mya meuˬ laꞈ kʼoeˇ bi jawˇ-euˬ meh.

Dawˬmehˬ 17:16

Sahˬ paˬ geuꞈ-eu gʼaˬ-aˬ, aˬ yawꞈ-euˬ guiˇ guiˇ maꞈ gʼaˇ duˬ mahˬ gʼawˬ mya ni maˬ ya cu-a. Iˇjiˇtuˆ miˇ kʼahˬ-ahˇ aˬ yawꞈ-euˬ tsawˇ haˬ pyehˬ gʼeh-awˇ mahˬ maˬ ya bi zeuˇ laˬ-iˇ-a. Aˬ jeˬ miˇ neh ehˇ naˇ, aˬ yawꞈ-euˬ tsawˇ haˬ deuˬ kʼoeˇ gaˇ tiˬ jawˇ-iˬ maˬ paˇ ya gʼoꞈ poˆ-iˇ meh lehˇ Sahˬpaˬ Miˬyehˇ neh ehˇ taˬ-euˬ jaˆ-eu meh.