2 Gawˇliˬtu 9:9 - Akha

⁹ Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Shaˬ zaˬ zahˬ zaˬ deuˬ-euˬ gʼaˇ duˬ, gʼawˬ mya ni damˬ nehˬ-eu tsawˇ haˬ, yawˬ ha neh gʼawˬ shaˬ gaˬ-euˬ kʼoeˇ, mˬ maˬ maˬ byaˆ zaˇ ziˇ ziꞈ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Yaerbof boftaq-euq lof-aer, “Aqyawf ghawqmya’ni saeq-awr, irshaqzaq-anr bifkhawq naeq-euq mae. Aqyawf-euq tsaq-awr dawr-eu jeq, li-eu maqbawni zif-eu mae.” (Jc 112:9)

2 Gawˇliˬtu 9:9 ပူးပေါင်းရင်းမြစ်များ

Jaceuq 112:3

Aˬ yawꞈ-euˬ nymˇ jiˇ smˇ muiˬ smˇ baw baw laˇ-awˇ, mˬ maˬ maˬ byaˆ zaˇ ziˇ guiˬ lahˬ baw tehꞈ-a.

Jaceuq 112:9

Shaˬ-eu tsawˇ haˬ-ahˇ aˬ yawꞈ yaw muiˬ-ehˇ gamꞈ nehˬ-awˇ, gʼawˬ shaˬ gaˬ-eu nui ma maˬ byoˆ-iˇ-a. Aˬ yawꞈ baoˬ jaˆ-awˇ, aˬ cawˬ yaw zeu baw tehꞈ-a.

Dawqdaq 21:21

Nawˇ ziˇ baw ziˇ za nya ni, gʼawˬ shaˬ gaˬ-eu nui ma ahˇ-awˇ yaw tsaˬ yaw dawˇ jeˬ mˇ-awˬ. Aˬ cawˬ nawˬ-ahˇ yaw zeu baw tehꞈ-a.

Dawqdaq 8:18

Pyuˇ shuiˇ myawˬ gahˬ hawˇ-eu tsawˇ myahˇ doˆ-eu jeˬ ngaˇ biꞈ nya-awˇ, tsawˇ ziˇ gmˬ-eu baw le za le-eu jeˬ, ngaˇ jawˇ gaˇ jaˆ-eu ma.

Iˇsaˬyaˇ 51:8

Aˬ iˬ bi shehˇ byoˆ-euˬ mehˬ tsoeˬ paˇ cehˇ loꞈ-ehˇ, aˬ yawꞈ maꞈ ya cawˆ-iˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-eu jeˬ poˆ laˇ paˇ laˇ-eu maˬ baw-a.”

1 Gawˇliˬtu 13:13

Nymˬ-mˇ-aˬ, jah-eu jeˬ, noeˬ tmˬ-eu jeˬ, gʼoeˇ-eu gaˬ-eu jeˬ, heu smˇ jeˬ jaˆ-eu meh. Heu smˇ jeˬ laꞈ kʼoeˇ aˬ cawˬ naˆ maˬ tseˇ huiˬ dzehˬ-eu jeˬ-aˬ, gʼoeˇ-eu gaˬ-eu jeˬ meh.

2 Gawˇliˬtu 9:10

Ka-eu gʼaˇ duˬ siˬ yoeˬ hawˇ-eu dzaˬ-eu gʼaˇ duˬ kaˬ muˇ biꞈ-eu Miˬyehˇ-aˬ, naw maꞈ damˬ-eu jeˬ-ahˇ taꞈ leˇ-eu loˬ-eu siˬ yoeˬ nuiˆ yoeˬ dawˬ tawˆ luꞈ biꞈ nehˬ laꞈ-eu uˬ taꞈ, naw maꞈ nui ma keuˆ-awˇ damˬ-eu jeˬ siˬ le loˆ le-awˇ gʼawˬ mya ni za laˇ ni caw ba tehꞈ-a.