2 Gawˇliˬtu 9:4 - Akha

⁴ Ehˇ kʼawꞈ, Maˬgeˬdawˇniˆˆ miˇ kʼahˬ-ahˇ jawˇ-eu tsawˇ haˬ deuˬ ngaˬ nehˬ-ehˇ oe ngeh, naw maꞈ maˬ lehˬ hmˬ taˬ ni jawˇ gaˇ ya mawˇ naˇ, naw maꞈ daˬ ga-eu gaˇ kawˆ ngaˇ maˬ paˇ ehˇ nahˇ miˇ-a. Naw maꞈ-ahˇ jah jah-ehˇ kʼahˬ sehˇ jehˆ-euˬ nga maꞈ kʼawꞈ aˇ naˆ ni daˬ ga nmˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Khoerlof-aer maqngeur nar-aq, Maqgeqdawrniv mirkhanq-anr jawr-eu tsawrhaq ngaq naeq-aer oe ngae, nawmaf maq laeqhmq taq-euq gar ya’mawr nar-aq, nga’maf nae nawmaf-anr yawduq baw-euq khoer-aq, shafdawr-eu jeq pyeuf-ir taef-a. Nawmaf ya shafdawr-eu gar ngeurdzaeq taqpar aerkeuv.

2 Gawˇliˬtu 9:4 ပူးပေါင်းရင်းမြစ်များ

Lormav 15:26

Aˬ jeˬ miˇ neh ehˇ naˇ, Yeˬluˇsaˬlehˬ meuˬ-ahˇjawˇ-eu Miˬyehˇ-euˬ tsawˇ haˬ deuˬ laꞈ kʼoeˇ shaˬ-eu zahˬ-eu deuˬ-ahˇ caw ba nehˬ-eu gʼaˇ duˬ, Maˬgeˬdawˇniˆˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ jawˇ-eu Ka li zaˬ aˇ muˇ deuˬ pyuˇ daˬ biꞈ nehˬ-eu lehˇ noeˬ tsehˆ taˬ-euˬ meh.

1 Gawˇliˬtu 16:2

Tiˬ jaw laꞈ kʼoeˇ aˇ dahˬ beh-eu nah aˬ yawꞈ nah yawꞈ, naw maꞈ yawˬ gʼaˬ na luꞈ yawˬ ha neh kʼaˇ poˆ za-euˬ loꞈ-ehˇ geuˇ ni pyuˇ daˬ ui cuiˆ yuˇ doˆ-awˇ jeˬ hmˬ taˬ-awˬ. Kʼoeˇ loꞈ-ehˇ jahˇ naˇ, ngaˇ oe ngeh naw maꞈ pyuˇ taꞈ uiˬ-eu maˬ loˬ-aˇ.

2 Gawˇliˬtu 11:17

Nymˬ-mˇ ngaˇ ehˇ luꞈ-eu heu-aˬ, Sahˬpaˬ Miˬyehˇ ngaˬ-ahˇ bi ngehˬ mawꞈ-eu jeˬ law nmˇ-aˬ maˬ ngeuˇ-a. Kʼahˬ sehˇ jehˆ-eu gaˇ kawˆ heu-ahˇ taꞈ leˇ-awˇ, maˇ maˇ ni aˬ dzawˬ aˇ gah tiˬ gʼaˬ loꞈ-ehˇ ngaˇ ngehˬ luꞈ-eu ma.

2 Gawˇliˬtu 8:24

Naw maꞈ-euˬ gaˇ kawˆ nga maꞈ neh kʼahˬ sehˇ jehˆ-euˬ loꞈ-ehˇ ngeuˇ ngaˇ lehˇ, Ka li zaˬ aˇ muˇ dawˬ tawˆ luꞈ-ahˇ bi siˬ bi mawˇ duˬ leˇ-eu gʼaˇ duˬ, naw maꞈ-euˬ gʼoeˇ-eu gaˬ-eu jeˬ aˬ yawꞈ maꞈ-ahˇ mehˬ nehˬ-awˬ.

2 Gawˇliˬtu 9:2

Naw maꞈ caw ba mawꞈ-eu nui ma ahˇ meh lehˇ ngaˇ siˬ nya-awˇ, Maˬgeˬdawˇniˆˆ miˇ kʼahˬ-ahˇ jawˇ-eu Ka li zaˬ deuˬ-ahˇ naw maꞈ-euˬ gaˇ kawˆ ngaˇ kʼahˬ sehˇ jehˆ mehˬ gʼaˬ-euˬ ma. “Aˬgaˬyaˇ miˇ kʼahˬ-ahˇ jawˇ-eu Ka li zaˬ deuˬ-aˬ, miˇ nui kʼoꞈ ba neh caw ba nehˬ-eu gʼaˇ duˬ lehˬ hmˬ dah taˬ-euˬ meh” lehˇ ngaˇ ehˇ nehˬ-euˬ ma. Naw maꞈ nui ma keuˆ-eu gaˇ kawˆ ya gaˬ ngeh, aˬ yawꞈ maꞈ dawˬ tawˆ luꞈ ehˇ gʼaˬ ni nui ma keuˆ laˇ-euˬ meh.

Piˇleˇmoˬ 1:19

Ngaˬ-euˬ aˬ laꞈ neh ngaˇ heu loꞈ-ehˇ boꞈ-eu ma. Ngaˇ Pawˇluˆ nawˬ-ahˇ tsoeˬ kʼoꞈ nehˬ ma. (Nawˬ-euˬ mawˇ do do lah-ehˇ ngaˬ-ahˇ dziˇ dzoˆ naꞈ luꞈ-eu gaˇ kawˆ ngaˇ maˬ paˇ ehˇ ma.)