2 Gawˇliˬtu 9:15 - Akha

¹⁵ Miˬyehˇ aˬ dui-ahˇ maˬ ehˇ jiˇ coeˇ-eu laꞈ sawˬ biꞈ laꞈ-euˬ miˇ neh, aˬ yawꞈ-euˬ guiˬ lahˬ-ahˇ ja ceuˬ kaˇ-euˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Maq aerjir coer-eu lafsawq bifnaeq laf-euq Miqyaer-anr jaceuq kar-eur.

2 Gawˇliˬtu 9:15 ပူးပေါင်းရင်းမြစ်များ

1 Laˬsaˬbaˬ 16:35

Nga maꞈ-ahˇ ka kʼoꞈ-eu Miˬyehˇ, nga maꞈ-ahˇ ka kʼoꞈ nehˬ laꞈ-awˬ. Nga maꞈ-ahˇ tiˬ gaˇ sheuˬ uiˬ-awˇ, aˬ cawˬ tsawˇ jeuˬ aˬ laꞈ laꞈ kʼoeˇ, nga maꞈ-ahˇ ka kʼoꞈ nehˬ laꞈ-awˬ. “Nga maꞈ nawˬ-ahˇ guiˬ lahˬ huiˬ-awˇ, nawˬ-euˬ muiˬ-eu shawˇ-eu tsawˇ myahˇ, ja ceuˬ ma” lehˇ yawꞈ-ahˇ ehˇ yawˬ.

1 Laˬsaˬbaˬ 16:8

Sahˬpaˬ Miˬyehˇ-euˬ guiˬ lahˬ-ahˇ, laˬ kʼaˬ tiˬ cehˇ ja ceuˬ kaˇ-euˇ. Aˬ yawꞈ huiˬ dui mahˇ dui dui gaˇ, aˬ dui ciˬ huiˬ ciˬ mahˇ kaˇ-euˇ. Yawꞈ neh mˇ-euˬ gaˇ deuˬ gaˇ kawˆ , tsawˇ jeuˬ dawˬ tawˆ-ahˇ dzawˇ nehˬ yawˬ.

Jaceuq 30:12

Ciˬcuˇni maˬjawˇtehˬcoeˇ-ehˇ, nawˬ-ahˇ caˇ-awˇ ja ceuˬ-eu ma. Ngaˬ-euˬSahˬpaˬMiˬyehˇgʼaˬ-oˇ, mˬmaˬmaˬbyaˆzaˇziˇ jiˇni, nawˬ-euˬguiˬlahˬ-ahˇja ceuˬma.

Jaceuq 30:4

SahˬpaˬMiˬyehˇ-euˬtsawˇshawˇdeuˬ, ja ceuˬ-eu caˇ-eu dawˬcaˇ-awˇ, SahˬpaˬMiˬyehˇ-ahˇ ciˬpoeˬ-awˬ. Yawꞈ-euˬtsawˇmyahˇ-ahˇnoeˬkeuˆ-awˇ, yawꞈ-euˬguiˬlahˬ-ahˇ ja ceuˬ-awˬ.

Jaceuq 92:1

Sahˬpaˬ Miˬyehˇ-oˇ, nawˬ-euˬ guiˬ lahˬ-ahˇ ja ceuˬ-eu jeˬ aˇ naˆ ni muiˬ-eu nga. Huiˬ dui mahˇ dui dui-eu Miˬyehˇ-oˇ, nawˬ-ahˇ taˬ huiˬ taˬ mahˇ-eu caˇ dawˬ caˇ-eu jeˬ aˇ naˆ ni jaˬ-eu nga.

Iˇsaˬyaˇ 49:6

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ-oˇ, ngaˇ nawˬ-ahˇ, huiˬ dzehˬ-eu gaˇ paˇ bi mˇ ma. Dzeuˇ-iˇ-euˬ Iˇsaˬleˬlaˆ tsawˇ haˬ-ahˇ sheuˬ kʼoꞈ doˆ-awˇ, aˬ yawꞈ maꞈ dehꞈ doˆ dzaˬ laˇ ni ya mˇ-eu gaˇ tehꞈ-ehˇ maˬ ngeuˇ, mˬ dzeˇ miˇ dzeˇ keuˆ ni ka kʼoꞈ-eu jeˬ za ni, nawˬ-ahˇ miˇ tsaˬ-euˬ yaw shehꞈ paˇ bi geuꞈ-eu ma.”

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Luˇkaꞈ 2:14

“Mˬ taˆ yaw goˇ jawˇ-eu Miˬyehˇ, baoˬ yaw shehꞈ kʼahˬ sehˇ huiˬ luꞈ-uˇ. Miˇ tsaˬ tsawˇ haˬ zaˬ deuˬ laꞈ kʼoeˇ, aˬ yawꞈ nui kʼahˇ shiˇ-eu deuˬ-ahˇ, nui saˇ za-eu jeˬ oꞈ luꞈ-uˇ.”

Luˇkaꞈ 2:38

Aˇ yamˬ kʼoeˇ yamˬ nyiˬ paˆ-ehˇ aˬ yawꞈ laˇ keuˆ-awˇ, Miˬyehˇ-ahˇ ja ceuˬ-awˇ, Yeˬluˇsaˬlehˬ meuˬ-ahˇ Miˬyehˇ bi buˬ-iˇ gaˇ noeˬ tmˬ luꞈ-eu tsawˇ haˬ dawˬ tawˆ luꞈ-ahˇ, zaˬ nahˬ kʼoeˇ gʼaˬ-euˬ gaˇ kawˆ aꞈ yawꞈ ja mehˬ-euˬ meh.

Yoˇhaˬ 1:16

Aˬ yawꞈ laꞈ kʼoeˇ gʼawˬ shaˬ gaˬ-eu jeˬ tiˬ byah ni ahˇ-awˇ, aˬ dui-ahˇ guiˬ lahˬ tiˬ jeˬ saˇ-iˬ tiˬ jeˬ biꞈ laꞈ luꞈ-eu meh.

Yoˇhaˬ 3:16

Miˬyehˇ miˇ tsaˬ zaˬ-ahˇ gaˬ dui dui-eu miˇ neh, aˬ yawꞈ-euˬ Zaˬmaˇ tiˬ gʼaˬ tehꞈ kʼawꞈ biꞈ nehˬ leꞈ-euˬ meh. Zaˬmaˇ-ahˇ kʼaˇ jah-eu tsawˇ haˬ maˬ ya cawˆ-iˇ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Lormav 5:15

Ehˇ kʼawꞈ, tsawˇ haˬ kʼoeˇ nyiˬ gʼaˬ beu gaˇ duˬ jaˆ-eu meh. Aˬ jeˬ miˇ neh ehˇ naˇ, Miˬyehˇ neh yawꞈ ngehꞈ-ehˇ biꞈ laꞈ-euˬ laꞈ sawˬ kʼoeˇ-aˬ, Aˬdaˬ neh iˬ baˇ mˇ-euˬ gaˇ maˬ duˇ leˇ-a. Tsawˇ haˬ kʼoeˇ tiˬ gʼaˬ-euˬ iˬ baˇ baˬ da neh tsawˇ haˬ gʼawˬ mya ni ya shiˇ-euˬ ngeuˇ meh. Ehˇ kʼawꞈ, Miˬyehˇ-euˬ guiˬ lahˬ yaw dzahˇ gʼaˬ kʼaˆ dzehˬ-awˇ, Yeˬsuˇ Ka li lehˇ kuˇ-eu tsawˇ haˬ tiˬ gʼaˬ-ahˇ gʼoe-eu laꞈ kʼoeˇ tsawˇ haˬ gʼawˬ mya ni-ahˇ yawꞈ ngehꞈ-ehˇ biꞈ nehˬ-euˬ meh.

Lormav 6:23

Aˬ jeˬ miˇ neh ehˇ naˇ, iˬ baˇ-euˬ aˇ poeˬ-aˬ, shiˇ-eu jeˬ pyeuꞈ-eu meh. Ehˇ kʼawꞈ, Miˬyehˇ neh yawꞈ ngehꞈ-ehˇ biꞈ nehˬ laꞈ-euˬ laꞈ sawˬ-aˬ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Lormav 8:32

Yawˬ ha-euˬ Zaˬmaˇ-ahˇ keuˆ ni ciˇ kʼoꞈ maˬ kʼoꞈ ni aˬ dui dawˬ tawˆ luꞈ gʼaˇ duˬ biꞈ nehˬ leꞈ-euˬ Miˬyehˇ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ aˬ dui-ahˇ maˬ biꞈ laꞈ-aˇ loˇ.

1 Gawˇliˬtu 15:57

Ehˇ kʼawꞈ, Sahˬpaˬ Yeˬsuˇ ka li-ahˇ gʼoe-awˇ aˬ dui-ahˇ gʼaˬ leˇ-eu jeˬ biꞈ laꞈ-euˬ Miˬyehˇ-aˬ, guiˬ lahˬ huiˬ luꞈ-uˇ.

2 Gawˇliˬtu 2:14

Ehˇ kʼawꞈ, Miˬyehˇ-euˬ guiˬ lahˬ-ahˇ ja ceuˬ-eu ma. Aˬ jeˬ miˇ neh ehˇ naˇ, Ka li laꞈ kʼoeˇ aˬ dui gʼaˬ leˇ nya ni aˬ yawꞈ sheuˬ gʼeh nehˬ laꞈ-awˇ, tsiˇ yaw saw jeˬ yawˬ gaˇ na luꞈ saw keuˆ-iˇ-eu loꞈ-ehˇ, Ka li-ahˇ siˬ nya-eu jeˬ yawˬ gaˇ na luꞈ byah-iˇ ni nga maꞈ-ahˇ aˬ yawꞈ zmˬ nehˬ laꞈ-euˬ meh.

2 Gawˇliˬtu 9:11

Naw maꞈ neh damˬ-euˬ jeˬ-ahˇ nga maꞈ sha miˇ nehˬ-eu baˬ da neh, aˬ cawˬ gʼawˬ mya ni Miˬyehˇ-ahˇ ja ceuˬ ni naw maꞈ aˬ myah luꞈ damˬ nya-eu gʼaˇ duˬ, Miˬyehˇ naw maꞈ-ahˇ smˇ muiˬ bi muiˬ laˇ tehꞈ-a.

2 Gawˇliˬtu 9:14

Aˬ cawˬ naˆ maˬ tseˇ huiˬ-eu Miˬyehˇ-euˬ guiˬ lahˬ naw maꞈ laꞈ kʼoeˇ ahˇ-eu miˇ neh, aˬ yawꞈ maꞈ naw maꞈ-ahˇ gaˬ dui gʼoeˇ dui dui-eu laꞈ kʼoeˇ, naw maꞈ gʼaˇ duˬ guiˬ lahˬ shaˇ tehꞈ-a.

Eˇpeˇsu 5:20

A dui-euˬ Sahˬpaˬ Yeˬsuˇ Ka li-euˬ tsawˇ myahˇ laꞈ kʼoeˇ yawˬ jeˬ na luꞈ gʼaˇ duˬ Aˬda Miˬyehˇ-euˬ guiˬ lahˬ-ahˇ ja ceuˬ-awˬ.

Yaˬkoˆ 1:17

Muiˬ-eu guiˬ lahˬ hawˇ-eu byah-eu laꞈ sawˬ dawˬ tawˆ luꞈ, mˬ paw neh yaw shehꞈ-euˬ Aˬda jawˇ gaˇ neh oe-euˬ meh. Aˬ yawꞈ laꞈ kʼoeˇ poˆ laˇ paˇ laˇ nya-eu naˇ shmˇ maˬ ahˇ-a.

Panmaeq 4:9

Jeˬ zaˬ kʼoeˇ oeˬ mawˇ-aˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu mˬ maˬ maˬ byaˆ zaˇ ziˆ dehꞈ-eu gʼaˬ-ahˇ, yaw shehꞈ kʼahˬ sehˇ huiˬ gaˇ ja ceuˬ-eu caˇ dawˬ, ciˬ huiˬ ciˬ mahˇ-eu caˇ dawˬ hawˇ-eu, guiˬ lahˬ-ahˇ ja ceuˬ-eu caˇ dawˬ caˇ-eu meh. Aˬ yawꞈ maꞈ kʼoeˇ loꞈ-ehˇ caˇ ngeh,