2 Gawˇliˬtu 9:1 - Akha

¹ Yuˇdaˆ miˇ kʼahˬ-ahˇ jawˇ-eu Miˬyehˇ-euˬ tsawˇ haˬ deuˬ-ahˇ caw ba-eu pyuˇ daˬ gaˇ kawˆ naw maꞈ-ahˇ ngaˇ sahˬ boꞈ boꞈ nehˬ-eu maˬ paˇ loˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Tsawrshawr deuq-anr guiqlanq janrnaeq-eu garkawv, ngar, nawmaf-anr sanqbof maq bofanrlef khawf geufnya-eu mae.

2 Gawˇliˬtu 9:1 ပူးပေါင်းရင်းမြစ်များ

Aˇ dahˬ 27:42

Ehˇ kʼawꞈ, Yaˬkoˆ-ahˇ Iˇsawˇ sehꞈ-eu lehˇ lehˬ hmˬ luꞈ-eu gaˇ kawˆ Leˬbehˇkaꞈ ya gaˬ ngeh, Yaˬkoˆ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Ngaˇ ehˇ gaˇ naˇ haˬ sheˇ. Nawˬ-euˬ aˇ doˆ nawˬ-ahˇ sehꞈ-eu lehˇ lehˬ hmˬ luꞈ meh.

2 Sahˬpaˬ 22:18

Iˇsaˬleˬlaˆ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ, Yuˇdaˆ sahˬ paˬ-ahˇ heu loꞈ-ehˇ ehˇ-eu ma. sahˬ boꞈ paˇ yoˆ teu dmˬ laꞈ kʼoeˇ boꞈ taˬ-euˬ je-ahˇ nawˇ naˇ haˬ geuꞈ-euˬ meh.

Yawˇbaˆ 37:23

Miˬyehˇ-euˬ baoˬ huiˬ dui dui-eu miˇ neh, aˬ yawꞈ dawˬ peh aˬ dui maˬ nyiˬ leˇ nya-a. Aˬ yawꞈ tsawˇ haˬ zaˬ-ahˇ yaw tsaˬ yaw dawˇ laꞈ kʼoeˇ cawˬ cawˬ taꞈ-eu meh.

Jaceuq 45:1

Sahˬ paˬ gʼaˇ duˬ caˇ dawˬ heu bymˇ ngaˇ yuˇ doˆ ngeh, naˇ haˬ muiˬ-eu dawˬ kawˬ deuˬ ngaˬ-euˬ nui ma laꞈ kʼoeˇ byah luꞈ meh. Sahˬ boꞈ boꞈ nya dui dui-eu gʼaˬ-euˬ sahˬ duˇ loꞈ-ehˇ, ngaˬ-euˬ mehˬ laˇ-ahˇ caˇ dawˬ yoeˇ le luꞈ meh.

Maꞈtehˬ 22:31

Shiˇ-euˬ tsawˇ haˬ deuˬ gʼoꞈ dehꞈ laˇ-eu gaˇ kawˆ-ahˇ taꞈ leˇ-awˇ, Miˬyehˇ neh naw maꞈ-ahˇ ehˇ taˬ-euˬ dawˬ, naw maꞈ tiˬ jawˇ-iˬ maˬ gui haw-aˬ loˇ.

Gʼaˬkʼehˇ 24:17

“Ngaˇ Yeˬluˇsaˬlehˬ meuˬ-ahˇ maˬ iˇ-ehˇ jawˇ-eu gʼawˬ mya kʼoꞈ byah laˇ-euˬ miˇ neh, ngaˬ-euˬ tsawˇ haˬ deuˬ jawˇ gaˇ pyuˇ shuiˇ ui cuiˆ sha ha nehˬiˇ-awˇ, lawˇ-eu shehˇ-eu jeˬ mˇ-iˇ-eu gʼaˇ duˬ, kʼoeˇ gaˇ iˇ-euˬ ma.

Lormav 11:28

Yuˇdaˆ tsawˇ haˬ deuˬ-aˬ, Laˬ kʼaˬ cehˇ-eu Guiˬ lahˬ dawˬ heu-ahˇ maˬ ha geuꞈ-eu paw dzeˇ neh ehˇ leꞈ naˇ, naw maꞈ Yuˇdaˆ tsawˇ haˬ maˬ ngeuˇ-eu deuˬ-euˬ dah zaˇ Miˬyehˇ-ahˇ muiˇ-eu tsawˇ haˬ pyeuꞈ laˇ-euˬ meh. Ehˇ kʼawꞈ, Miˬyehˇ neh tseˇ doˆ-euˬ paw dzeˇ neh paˇ ehˇ leꞈ naˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ myaˆ pyawˬ naˇ mehˇ baˬ da neh Miˬyehˇ-euˬ nui gaˬ-ahˇ za taˬ-euˬ tsawˇ haˬ pyeuꞈ-eu meh.

Lormav 12:13

Nawˇ kʼaˇ jaˆ-eu jeˬ nawˬ-euˬ cawˬ Ka li zaˬ deuˬ-ahˇ caw ba nehˬ-awˇ, daˬ yah-ahˇ yaw muiˬ-ehˇ ha-awˬ.

Lormav 15:31

Yuˇdaˆ miˇ kʼahˬ laꞈ kʼoeˇ jawˇ-eu Ka li-ahˇ maˬ jah-eu tsawˇ haˬ kʼoeˇ deuˬ ngaˬ-ahˇ maˬ ya laˆ coeˬ laˆ ciˆ ni maˬ ehˇ, Yeˬluˇsaˬlehˬ meuˬ laꞈ kʼoeˇ ngaˬ neh mˇ nehˬ shaˇ nehˬ-euˬ jeˬ-ahˇ Miˬyehˇ-euˬ tsawˇ haˬ deuˬ laˬ kʼaˬ tiˬ cehˇ ha geuꞈ nehˬ laꞈ ni maˬ ehˇ, guiˬ lahˬ caw shaˇ nehˬ laꞈ-awˬ.

Gaˬlaˬtiˆ 2:10

Aˬ yawꞈ maꞈ shaˇ-eu-aˬ, aˬ yawꞈ maꞈ aˇ muˇ laꞈ kʼoeˇ shaˬ-eu zahˬ-eu tsawˇ haˬ deuˬ-ahˇ noeˬ keuˆ nehˬ laꞈ lehˇ shaˇ-eu tehꞈ meh. Gaˇ kawˆ kʼoeˇ hmˬ-ahˇ ngaˇ mˇ-eu nui ma keuˆ dui dui luꞈ ma.

Gaˬlaˬtiˆ 6:10

Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.

1 Teˇsaˬloˇni 5:1

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ zaꞈ le-eu aˇ yamˬ aˇ law gaˇ kawˆ naw maꞈ-ahˇ boꞈ nehˬ-eu maˬ paˇ loˬ meh.

1 Yoˇhaˬ 2:27

Ehˇ kʼawꞈ, Ka li neh naw maꞈ-euˬ kʼoeˇ taˆ aˬ yawꞈ-euˬ Yaw sahˇ shehˆ daˆ nehˬ gʼaˬ-euˬ meh. Aˬ yawꞈ-euˬ Yaw sahˇ kʼoeˇ naw maꞈ laꞈ kʼoeˇ kʼaˇ jawˇ kʼoeˇ keuˆ ni, aˬ cawˬ naw maꞈ-ahˇ mehˬ nehˬ tsoˆ nehˬ-eu maˬ paˇ loˬ meh. Aˬ jeˬ miˇ neh ehˇ naˇ, aˬ yawꞈ-euˬ Yaw sahˇ kʼoeˇ naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ tehꞈ-a. Aˬ yawꞈ-euˬ Yaw sahˇ kʼaˇ mehˬ kʼaˇ tsoˆ-eu jeˬ dawˬ tawˆ luꞈ, tsaˬ dui dui-eu meh. Tiˬ pawꞈ-iˬ maˬ lehˬ-a. Yaw sahˇ kʼoeˇ neh mehˬ nehˬ tsoˆ nehˬ laꞈ-euˬ jeˬ-ahˇ naˇ haˬ geuꞈ-awˇ, Ka li-euˬ laꞈ kʼoeˇ jawˇ-awˬ.

1 Saˬmeuˬlaˆ 20:23

Aˇ nyaꞈ yaw kaˬ ngehˬ cawˬ-euˬ dawˬ heu dawˬ-ahˇ taꞈ leˇ-eu laꞈ kʼoeˇ, aˇ nyaꞈ-euˬ yaw kaˬ-ahˇ Sahˬpaˬ Miˬyehˇ aˬ myah luꞈ jawˇ tehꞈ-a.”