2 Gawˇliˬtu 8:9 - Akha

⁹ Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Nawmaf, aqdui-euq Sanqpaq Yeqsur Kali-euq guiqlanq yawdzanr-anr siqnya luf-eu mae. Aqyawf smrmuiq muiq-eu khawf, nawmaf-euq gharduq irshaqzaq pyeufle-euq mae. Aqyawf irshaq shaqle-euq baqda’nae, nawmaf smrmuiq muiqlar-euq mae.

2 Gawˇliˬtu 8:9 ပူးပေါင်းရင်းမြစ်များ

Iˇsaˬyaˇ 53:2

Miˇ tsaˬ gui gaˇ duˬ ciˇ toeˬ-eu aˇ bawˇ loꞈ-ehˇ, aˬ yawꞈ-euˬ zaˬ kʼaˆ dehꞈ ziꞈ laˇ nya ni, Sahˬpaˬ Miˬyehˇ nui kʼahˇ jaˆ meh. Zaˬ kʼaˆ gʼaˬ-ahˇ aˬ dui haw tsaˬ tsoˆ paˬ-ehˇ, haw muiˬ-eu jeˬ hawˇ-eu kʼahˬ sehˇ tiˬ pawꞈ-iˬ maˬ ahˇ-a. Aˬ yawꞈ-ahˇ aˬ dui haw nahˇ paˬ-ehˇ maˬ gʼeh-a. Aˬ yawꞈ laꞈ kʼoeˇ aˬ dui ya leˇ-eu jeˬ tiˬ pawꞈ-iˬ maˬ ahˇ-a.

Iˇsaˬyaˇ 62:1

Yeˬluˇsaˬlehˬ meuˬ-ahˇ gʼaˬ biꞈ nehˬ-eu dawˬ ngaˇ ngehˬ ma. Meuˬ kʼoeˇ meuˬ ka kʼoꞈ-eu jeˬ za gʼaˬ-awˇ, aˬ yawꞈ gʼaˬ leˇ-eu jeˬ uˬ ciꞈ bya-eu nahˇ ma nahˇ doꞈ loꞈ-ehˇ maˬ bya laˇ kʼoeˇ keuˆ ni, ngaˇ ciˬ cuˇ ni maˬ jawˇ.

Iˇsaˬyaˇ 65:8

Sahˬpaˬ Miˬyehˇ heu loꞈ-ehˇ ehˇ-eu meh. “Aˬ gaꞈ aˇ siˬ yaw muiˬ maˬ laˆ cawˆ ni, aˬ gaꞈ dzaˇ uiˇ jahˇ gaˇ geuꞈ-eu loꞈ-ehˇ, Ngaˬ-euˬ tsawˇ haˬ dawˬ tawˆ luꞈ-ahˇ maˬ laˆ cawˆ ni, ngaˬ-euˬ nui kʼahˇ mˇ-eu deuˬ-ahˇ ngaˇ ka kʼoꞈ ma.

Maꞈtehˬ 17:27

Ehˇ kʼawꞈ, tsawˇ haˬ heu deuˬ-ahˇ coeˬ leˇ ni aˇ nyaꞈ maˬ jahˇ mawꞈ nya. Kʼoeˇ miˇ neh, lah-ahˇ iˇ-awˇ ngaˬ juiꞈ juiꞈ-iˇ-awˬ. Juiꞈ paꞈ beh beh-euˬ ngaˬ shaˬ kʼoeˇ mawˇ gʼeu doˆ-awˬ. Aˇ nyaꞈ gʼaˇ duˬ Uˬ duˬ tahˬ nymˇ nymˇ ma-euˬ kawˬ doˆ tsehˆ nya ni poeˬ-eu pyuˇ maˇ byaˆ tiˬ byaˆ, ngaˬ shaˬ kʼoeˇ mawˇ-euˬ kʼaˬ meh-ahˇ tsmˬ gaˇ nawˇ ya mawˇ tehꞈ-a. Maˇ byaˆ kʼoeˇ byaˆ yuˇ-awˇ, aˬ yawꞈ maꞈ-ahˇ kawˬ doˆ nehˬ-awˬ.”

Maꞈtehˬ 20:28

Tsawˇhaˬ-euˬ Zaˬmaˇ kʼawꞈ, aˬ cawˬ neh bi mˇ cu-eu gʼaˇ duˬ oe-euˬ maˬ ngeuˇ-a. Aˬ cawˬ gʼaˇ duˬ mˇ le-euˬ uˬ taꞈ, tsawˇ haˬ gʼawˬ mya ni-ahˇ ka kʼoꞈ-eu gʼaˇ duˬ shiˇ dah le-eu lehˇ oe-euˬ meh.”

Maꞈtehˬ 8:20

Tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Byaˬ hiˇ-aˬ bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇ haˬ-euˬ Zaˬmaˇ -aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

Maˬkuˆ 6:3

Tsawˇ haˬ heu gʼaˬ Maˬliˇ-euˬ aˬ li laꞈ saˇ maˇ kʼoeˇ gʼaˬ maˬ ngeuˇ nga loˇ. Yaˬkoˆ, Yoˇsehˆ, Yuˇdaˆ, Siˇmoˬ aˬ ha mehˇ nmˇ-euˬ aˇ doˆ maˬ ngeuˇ nga loˇ. Aˬ yawꞈ-euˬ dmˇ ma deuˬ aˬ dui maꞈ nehˬ-ehˇ jawˇ luꞈ meh tawˇ.” Aˬ yawꞈ maꞈ aˬ yawꞈ-ahˇ myaˆ naˆ-awˇ bye-eu meh.

Luˇkaꞈ 16:11

Miˇ tsaˬ pyuˇ shuiˇ myawˬ gahˬ-ahˇ naw maꞈ tuˆ tehˬ ngeh, saˇ jaˇ maˬ ziꞈ naˇ, maˇ maˇ ni gʼeh-eu pyuˇ shuiˇ myawˬ gahˬ-ahˇ bi tuˆ tehˬ-eu gʼaˇ duˬ naw maꞈ-ahˇ aˬ suˇ gʼaˬ jah coeˇ nmˇ.

Luˇkaꞈ 2:7

Kʼoeˇ ngeh, aˬ yawꞈ zaˬ ciˬ-awˇ, dehꞈ le beh beh-euˬ aˬ li-ahˇ bui loˬ loˬ-awˇ, mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ meh. Aˬ jeˬ miˇ neh ehˇ naˇ, daˬ yah yaꞈ-eu nymˇ laꞈ kʼoeˇ, aˬ yawꞈ nyaꞈ yaꞈ kʼaˇ maˬ za-a.

Luˇkaꞈ 8:3

Heˬloˆ-euˬ saˇ naˇ-ahˇ gaˇ mˇ-eu Kuˇzaˬ-euˬ nymˇ dahˬ Yoˇaˬnaˆ tiˬ gʼaˬ, Suˬsaˇnaˬ tiˬ gʼaˬ hawˇ-eu, nui deuˬ gʼawˬ mya gʼaˬ meh. Zaˬ miˬ zaˬ kʼoeˇ deuˬ-aˬ, yawˬ ha kʼaˇ jaˆ-eu jeˬ yuˇ doˆ-awˇ, Yeˬsuˇ hawˇ-eu aˬ yawꞈ-euˬ zaˬ lahˇ deuˬ-ahˇ caw ba nehˬ-euˬ meh.

Luˇkaꞈ 9:58

Yeˬsuˇ aˬ yawꞈ-ahˇ ehˇ nehˬ-eu, “Byaˬ hiˇ-aˬ, bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇhaˬ-euˬ Zaˬmaˇ-aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

Yoˇhaˬ 1:10

Miˬyehˇ neh aˬ yawꞈ-ahˇ gʼoe-awˇ beh taˬ-euˬ miˇ tsaˬ heu kʼoeˇ taˆ, aˬ yawꞈ jawˇ luꞈ meh. Ehˇ kʼawꞈ, miˇ tsaˬ zaˬ deuˬ aˬ yawꞈ-ahˇ maˬ siˬ nya-a.

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Yoˇhaˬ 12:30

Ehˇ kʼawꞈ, aˬ yawꞈ maꞈ-ahˇ Yeˬsuˇ ehˇ nehˬ-eu, “Dawˬ kʼoeˇ ngehˬ doˆ le-euˬ-aˬ, ngaˬ-euˬ gʼaˇ duˬ maˬ ngeuˇ-a. Naw maꞈ-euˬ gʼaˇ duˬ meh.

Yoˇhaˬ 16:15

Ngaˬ Da kʼaˇ jaˆ-eu jeˬ dawˬ tawˆ luꞈ ngaˬ-euˬ ma. Kʼoeˇ miˇ neh, Yaw sahˇ Miˬyehˇ-aˬ, ngaˬ neh kʼaˇ biꞈ nehˬ-euˬ dawˬ deuˬ yuˇ-awˇ, naw maꞈ-ahˇ paˇ ehˇ nehˬ le tehꞈ-a lehˇ, naw maꞈ-ahˇ ngaˇ ehˇ-eu ma.

Yoˇhaˬ 17:19

Aˬ yawꞈ maꞈ-euˬ gʼawˇ mawˇ yaw tsaˬ yaw dawˇ jeˬ laꞈ kʼoeˇ nawˬ-ahˇ a nehˬ nya ni, aˬ yawꞈ maꞈ gʼaˇ duˬ ngaˬ-euˬ gʼawˇ mawˇ nawˬ-ahˇ a nehˬ-eu ma.

Lormav 11:12

Yuˇdaˆ tsawˇ haˬ deuˬ iˬ baˇ mˇ-euˬ miˇ neh miˇ tsaˬ zaˬ deuˬ yaw muiˬ gʼawˬ mya jeˬ siˬ nya laˇ-awˇ, aˬ yawꞈ maꞈ guiˬ lahˬ saꞈ laˇ paw iˇ shaˬ shaˬ-euˬ kʼoeˇ-aˬ, aˬ cawˬ tsawˇ jeuˬ guiˬ lahˬ gʼawˬ mya ni za-euˬ meh.

Lormav 15:3

Aˬ jeˬ miˇ neh ehˇ naˇ, Ka li-aˬ, aˬ yawꞈ gʼaˇ duˬ muiˬ ni dehꞈ-euˬ maˬ ngeuˇ-a. “Naw maꞈ-ahˇ ja bu ja doeˇ-eu deuˬ-euˬ dawˬ doeˇ ngaˇ daˬ-euˬ ma” lehˇ Jaˇliꞈ laꞈ kʼoeˇ boꞈ taˬ-euˬ meh.

Lormav 5:8

Ehˇ kʼawꞈ, Miˬyehˇ-aˬ, aˬ dui iˬ baˇ zaˬ pyeuꞈ luꞈ ngeh, aˬ dui-euˬ gʼaˇ duˬ Ka li-ahˇ bi kamˇ shiˇ-eu laꞈ kʼoeˇ, aˬ dui-ahˇ aˇ naˆ ni gaˬ-eu gaˇ kawˆ bi mawˇ duˬ laꞈ-eu meh.

Lormav 8:32

Yawˬ ha-euˬ Zaˬmaˇ-ahˇ keuˆ ni ciˇ kʼoꞈ maˬ kʼoꞈ ni aˬ dui dawˬ tawˆ luꞈ gʼaˇ duˬ biꞈ nehˬ leꞈ-euˬ Miˬyehˇ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ aˬ dui-ahˇ maˬ biꞈ laꞈ-aˇ loˇ.

1 Gawˇliˬtu 1:4

Yeˬsuˇ Ka li-ahˇ gʼoe-awˇ Miˬyehˇ neh naw maꞈ-ahˇ biꞈ nehˬ-euˬ guiˬ lahˬ yaw dzahˇ baˬ da neh, ngaˬ-euˬ Miˬyehˇ-euˬ guiˬ lahˬ-ahˇ ngaˇ aˬ myah luꞈ ja ceuˬ-eu ma.

1 Gawˇliˬtu 15:47

Aˬdaˬ yaw beh gʼaˬ-aˬ, miˇ tsaˬ neh tehˆ-awˇ, miˇ tsaˬ-ahˇ neh doˆ laˇ-euˬ jeˬ pyeuꞈ-eu meh. Aˬdaˬ nyiˬ gʼaˬ tiˬ gʼaˬ-aˬ, mˬ-ahˇ neh oe-euˬ meh.

2 Gawˇliˬtu 6:10

Noeˬ shaˬ dui dui luꞈ gaˇ duˇ kʼawꞈ, aˬ myah luꞈ laˬ kʼaˬ cehˇ luꞈ-eu tsawˇ haˬ ma. Iˇ shaˬ shaˬ gaˇ duˇ kʼawꞈ, aˬ cawˬ gʼawˬ mya ni smˇ muiˬ muiˬ laˇ ni jahˇ nehˬ-euˬ tsawˇ haˬ ma. Tiˬ jeˬ-iˬ maˬ jaˆ gaˇ duˇ kʼawꞈ, yawˬ jeˬ na luꞈ jaˆ kuꞈ-eu tsawˇ haˬ ma.

Eˇpeˇsu 2:7

Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ bi mawˇ laꞈ-euˬ gʼoeˇ-eu gaˬ-eu jeˬ laꞈ kʼoeˇ ahˇ-eu maˬ ehˇ jiˇ coeˇ ni huiˬ-eu aˬ yawꞈ-euˬ guiˬ lahˬ yaw dzahˇ-ahˇ, aˬ kaˇ kaˇ ziˇ keuˆ ni a myah luꞈ bi siˬ bi mawˇ-eu gʼaˇ duˬ, Miˬyehˇ kʼoeˇ loꞈ-ehˇ mˇ-euˬ jeˬ pyeuꞈ-eu meh.

Eˇpeˇsu 3:19

Aˬ yawꞈ-euˬ gʼoeˇ-eu gaˬ-eu jeˬ-aˬ, tiˬ byah tiˬ loꞈ maˬ siˬ duˬ nya-eu jeˬ pyeuꞈ-eu kʼawꞈ, gʼoeˇ-eu gaˬ-eu kʼoeˇ-ahˇ naw maꞈ siˬ nya laˇ-awˇ, Miˬyehˇ laꞈ kʼoeˇ byah luꞈ-eu jeˬ naw maꞈ laꞈ kʼoeˇ byah laˇ luꞈ-uˇ.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

Gawˇlawˇsehˇ 1:24

Nymˬ-mˇ naw maꞈ gʼaˇ duˬ ngaˇ ya daˬ luꞈ-eu heu-ahˇ, ngaˇ laˬ kʼaˬ cehˇ ma. Aˬ jeˬ miˇ neh ehˇ naˇ, ngaˬ-euˬ shiˬ shaˬ jiˇ gʼawˇ mawˇ heu loꞈ-ehˇ ya daˬ luꞈ-eu heu-aˬ, Ka li aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ gʼaˇ duˬ aˬ yawꞈ ya daˬ-euˬ kʼoeˇ maˬ byah laˇ jiˇ-ehˇ jaˆ yaꞈ-euˬ deuˬ bi byah laˇ-eu gʼaˇ duˬ caw ba gaˇ duˇ-eu ma.

1 Tiˆmoˇseˬ 6:18

Aˬ cawˬ gʼaˇ duˬ yaw muiˬ jeˬ mˇ-eu, muiˬ-eu gaˇ gʼawˬ mya jeˬ mˇ-eu, tsawˇ tsiˇ maˬ tsiˇ ni damˬ nehˬ-eu, aˬ cawˬ-ahˇ caw ba nehˬ-eu, heu loꞈ-ehˇ gʼeh-eu deuˬ-ahˇ mˇ-awˬ lehˇ aˬ yawꞈ maꞈ-ahˇ mehˬ nehˬ-awˬ.

HeˬByehˇ 1:2

Ehˇ kʼawꞈ, aˇ saˬ saˬ-eu aˇ yamˬ pyeuꞈ-eu heu ziˇ laꞈ kʼoeˇ, aˬ yawꞈ-euˬ Zaˬmaˇ-ahˇ gʼoe-awˇ aˬ dui-ahˇ dawˬ ngehˬ cawˬ-euˬ meh. Mˬ hawˇ-eu miˇ dawˬ tawˆ luꞈ-ahˇ Miˬyehˇ beh ngeh, Zaˬmaˇ-ahˇ gʼoe-awˇ beh-euˬ meh. Zaˬmaˇ-aˬ, aˇ saˬ saˬ ngeh kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ jeˬ biˇ za-euˬ gʼaˬ pyeuꞈ ni Miˬyehˇ neh tseˇ doˆ-euˬ meh.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

Panmaeq 2:9

Nawˇ aˇ naˆ ni shaˬ zahˬ mˇ luꞈ-eu gaˇ kawˆ hawˇ-eu, aˇ naˆ ni iˇ shaˬ shaˬ-eu gaˇ kawˆ ngaˇ siˬ nya ma. Ehˇ kʼawꞈ, maˇ maˇ ni ehˇ leꞈ naˇ, nawˇ smˇ muiˬ muiˬ-eu meh. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu tsawˇ haˬ kʼoeˇ deuˬ neh nawˬ-ahˇ aˇ naˆ ni ja bu ja doeˇ-euˬ gaˇ kawˆ ngaˇ siˬ nya ma. Aˬ yawꞈ maꞈ-aˬ, nehꞈ Saˬdaˬ-ahˇ taꞈ-eu aˇ muˇ tiˬ muˇ meh.

Panmaeq 21:7

Gʼaˬ leˇ-euˬ tsawˇ haˬ aˬ geu gʼaˬ maˬ kaˬ, jeˬ biˇ heu oꞈ tehꞈ-a. Ngaˇ aˬ yawꞈ-euˬ Miˬyehˇ pyeuꞈ-awˇ, aˬ yawꞈ ngaˬ-euˬ aˬ li ya pyeuꞈ-eu jeˬ biˇ oꞈ tehꞈ-a.

Panmaeq 3:18

Kʼoeˇ miˇ neh, nawˇ smˇ muiˬ bi muiˬ laˇ-eu gʼaˇ duˬ, ngaˇ jawˇ gaˇ maˇ jawˆ ni gʼeh-eu shuiˇ zeuˇ laˇ-awˬ lehˇ nui noeˬ nui duˇ biꞈ-eu ma. Nawˇ dm-eu gʼaˇ duˬ mehˬ tsoeˬ yaw pyuˇ kʼawꞈ zeuˇ-awˇ, shaꞈ dawˇ dui dui paˬ-ehˇ neˇ myawˆ ni gʼeh-eu nawˬ-euˬ gʼawˇ mawˇ-ahˇ dm kaˬ-awˬ. Nawˬ-euˬ myaˆ nuiˆ mawˇ nya laˇ ni, myaˆ nuiˆ-ahˇ dawˆ-eu tsiˇ zeuˇ-awˬ.