2 Gawˇliˬtu 8:6 - Akha

⁶ Kʼoeˇ miˇ neh, Tiˇtuˆ aˬ yawꞈ naw maꞈ jawˇ gaˇ gʼoeˇ-eu gaˬ-eu jeˬ-ahˇ taꞈ-eu gaˇ heu hmˬ mˇ-eu gʼaˇ duˬ dahˬ beh nehˬ le-euˬ gʼaˬ pyeuꞈ-eu loꞈ-ehˇ, aˇ saˬ saˬ ngeh keuˆ ni mˇ daˆ leꞈ-eu gʼaˇ duˬ aˬ yawꞈ-ahˇ nga maꞈ gʼaˬ biꞈ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Tirtuv nae guiqlanq yawdzanr-euq gar heu mrdanq bae-euq lof-aer, nawmaf-euq ghanrcae khawf mrluiv-awq laer nga’maf, aqyawf-anr shar-euq ma.

2 Gawˇliˬtu 8:6 ပူးပေါင်းရင်းမြစ်များ

Gʼaˬkʼehˇ 24:17

“Ngaˇ Yeˬluˇsaˬlehˬ meuˬ-ahˇ maˬ iˇ-ehˇ jawˇ-eu gʼawˬ mya kʼoꞈ byah laˇ-euˬ miˇ neh, ngaˬ-euˬ tsawˇ haˬ deuˬ jawˇ gaˇ pyuˇ shuiˇ ui cuiˆ sha ha nehˬiˇ-awˇ, lawˇ-eu shehˇ-eu jeˬ mˇ-iˇ-eu gʼaˇ duˬ, kʼoeˇ gaˇ iˇ-euˬ ma.

Lormav 15:25

Ehˇ kʼawꞈ, nymˬ-mˇ kʼa tseuˆ ni-aˬ, Miˬyehˇ-euˬ tsawˇ haˬ deuˬ-ahˇ caw mˇ caw shaˇ nehˬ-eu gʼaˇ duˬ Yeˬluˇsaˬlehˬ meuˬ-ahˇ iˇ-eu lehˇ gʼeh-eu ma.

2 Gawˇliˬtu 12:18

Tiˇtuˆ-ahˇ naw maꞈ jawˇ gaˇ iˇ-eu gʼaˇ duˬ ngaˇ shaˇ-awˇ, aˬ yuiꞈ aˬ nyiˇ Ka li zaˬ kʼoeˇ gʼaˬ-ahˇ aˬ yawꞈ nehˬ-ehˇ bi oe caw-euˬ ma. Tiˇtuˆ naw maꞈ-ahˇ mehˇ shuiˇ shuiˇ dzaˬ le-euˬ nga lehˇ ehˇ mawꞈ-eu nya loˇ. Tiˇtuˆ nga nyaꞈ nui ma tiˬ gaˇ taꞈ-awˇ, kuiˇ toꞈ tiˬ gaˇ ciˬ-euˬ maˬ ngeuˇ-a loˇ.

2 Gawˇliˬtu 2:13

Ehˇ kʼawꞈ, a nyiˇ Tiˇtuˆ-ahˇ kʼoeˇ gaˇ maˬ ya mawˇ-euˬ miˇ neh nui ma tiˬ pawꞈ-iˬ maˬ saˇ nya. Kʼoeˇ miˇ neh, kʼoeˇ gaˇ jawˇ-eu tsawˇ haˬ deuˬ-ahˇ dawˬ cawˬ puˬ yaꞈ-awˇ, Maˬgeˬdawˇniˆˆ miˇ kʼahˬ-ahˇ le gʼeh leꞈ-euˬ ma.

2 Gawˇliˬtu 8:10

Gaˇ kawˆ heu hmˬ-ahˇ taꞈ leˇ-awˇ, ngaˇ naw maꞈ-ahˇ heu loꞈ-ehˇ gʼaˬ biꞈ-eu ma. Miˇ nui kʼoꞈ naw maꞈ neh beh-euˬ gaˇ heu hmˬ nymˬ-mˇ mˇ luiˆ jiˇ-eu tsaˬ meh. Naw maꞈ-aˬ, mˇ beh beh-euˬ deuˬ pyeuꞈ-eu tehꞈ-ehˇ maˬ ngeuˇ ni, mui ma keuˆ beh beh-euˬ deuˬ kʼawꞈ pyeuꞈ-eu meh.

2 Gawˇliˬtu 8:19

Kʼoeˇ uˬ taꞈ, nga maꞈ laꞈ kʼoeˇ caw ba nehˬ mawꞈ-eu nui ma ahˇ-eu gaˇ kawˆ aˬ cawˬ-ahˇ bi siˬ bi mawˇ-eu gʼaˇ duˬ, Sahˬpaˬ Yeˬsuˇ-euˬ yaw shehꞈ kʼahˬ sehˇ doˆ laˇ ni gʼoeˇ-eu gaˬ-eu jeˬ-ahˇ taꞈ-eu gaˇ heu hmˬ-ahˇ nga maꞈ mˇ mˇ-ehˇ cah ngeh, nga maꞈ nehˬ-ehˇ bi cah-eu lehˇ aˬ yawꞈ-ahˇ Ka li zaˬ aˇ muˇ deuˬ neh tseˇ doˆ taˬ-euˬ meh.

2 Gawˇliˬtu 8:23

Tiˇtuˆ gʼaˬ-aˬ, ngaˬ-euˬ gaˇ mˇ cawˬ pyeuꞈ-eu loꞈ-ehˇ, ngaˬ nehˬ-ehˇ tiˬ kawˆ loꞈ-ehˇ naw maꞈ-ahˇ caw ba-eu gaˇ mˇ luꞈ meh. Aˬ yawꞈ nehˬ-ehˇ oe caw-euˬ aˬ yuiꞈ aˬ nyiˇ nui deuˬ-aˬ, Ka li-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ Ka li zaˬ aˇ muˇ deuˬ-euˬ dah zaˇ oe-euˬ meh.

2 Gawˇliˬtu 8:4

Yuˇdaˆ miˇ kʼahˬ-ahˇ jawˇ-eu Miˬyehˇ-euˬ tsawˇ haˬ-ahˇ caw ba nehˬ-eu gʼaˇ duˬ bi damˬ nehˬ laꞈ lehˇ nga maꞈ-ahˇ shaˇ-eu meh.

2 Gawˇliˬtu 9:5

Kʼoeˇ miˇ neh, ngaˬ-euˬ gʼawˇ mawˇ naw maꞈ jawˇ gaˇ maˬ oe mi naˆ-ehˇ, naw maꞈ neh damˬ ma lehˇ ehˇ taˬ-euˬ loꞈ-ehˇ bi laˆ dah taˬ jiˇ-eu gʼaˇ duˬ, aˬ nyiˇ heu deuˬ-ahˇ jeˬ huˬ kʼehˇ gʼeh leꞈ-eu tsaˬ-eu duˇ lehˇ ngaˇ noeˬ-eu ma. Kʼoeˇ miˇ neh, ngaˇ oe keuˆ ngeh naw maꞈ laˆ uiˬ gʼaˬ jiˇ-awˇ, aˬ cawˬ ehˇ-eu miˇ neh damˬ-eu maˬ ngeuˇ-ehˇ, yawˬ ha nui ma keuˆ-awˇ damˬ-euˬ jeˬ pyeuꞈ-eu gaˇ kawˆ aˬ cawˬ-ahˇ mawˇ leˇ tehꞈ-a.

Piˇliˇpiˆ 4:18

Naw maꞈ neh kʼaˇ biꞈ laꞈ-euˬ yawˬ jeˬ na luꞈ gʼaˇ duˬ, guiˬ lahˬ huiˬ-eu dawˬ tsaꞈ ahˇ laꞈ-eu ma. Ngaˇ loˬ-eu myaˆ maˬ tseˇ naw maꞈ ngaˬ-ahˇ biꞈ laˬ-euˬ meh. Naw maꞈ neh biꞈ laꞈ-euˬ laꞈ sawˬ deuˬ-ahˇ Iˇbaˬpawˬdiˇ neh hehˇ keuˆ nehˬ leꞈ-euˬ miˇ neh, ngaˇ kʼaˇ loˬ-eu jeˬ nymˬ-mˇ byah miˇ-a. Laꞈ sawˬ heu deuˬ-aˬ, Miˬyehˇ nui kʼahˇ shiˇ-awˇ ha geuꞈ-euˬ saw dui dui-eu lawˇ-eu jeˬ pyeuꞈ-eu meh.

1 Beˬtuˆluˆ 4:10

Tiˬ gʼaˬ tiˇ gʼaˬ za taˬ-euˬ Miˬyehˇ neh biꞈ laꞈ-euˬ laꞈ sawˬ deuˬ-ahˇ yaw muiˬ paˬ-ehˇ jeˬ hmˬ-awˇ, aˬ cawˬ gʼaˇ duˬ gaˇ dahˇ tsoeˬ ni zmˬ-awˬ.