2 Gawˇliˬtu 8:4 - Akha

⁴ Yuˇdaˆ miˇ kʼahˬ-ahˇ jawˇ-eu Miˬyehˇ-euˬ tsawˇ haˬ-ahˇ caw ba nehˬ-eu gʼaˇ duˬ bi damˬ nehˬ laꞈ lehˇ nga maꞈ-ahˇ shaˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawfmaf, tsawrshawr deuq-anr cawq cawq-eu gharduq guiqlanq pyeufnaeq-eu lafsawq hageuf naeqlaf laer, nga’maf-anr shar duidui-eu mae.

2 Gawˇliˬtu 8:4 ပူးပေါင်းရင်းမြစ်များ

Maꞈtehˬ 10:42

Ngaˬ-euˬ mehˬ nah caw teh-eu tsawˇ haˬ deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ dzehˬ-eu tiˬ gʼaˬ-ahˇ kʼawꞈ, ngaˬ-euˬ mehˬ nah caw teh-eu tsawˇ haˬ pyeuꞈ-eu miˇ neh bi dawˇ-eu ma lehˇ noeˬ siˬ nya-awˇ, iˇ cuꞈ iˇ tsehꞈ tiˬ kʼmˬ tehꞈ-ehˇ bi dawˇ-euˬ kʼawꞈ, kʼoeˇ loꞈ-ehˇ kʼaˇ bi dawˇ-eu tsawˇ haˬ aˬ geu gʼaˬ maˬ kaˬ, aˬ diˇ aˬ maˇ guiˬ lahˬ za tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Maꞈtehˬ 12:50

Mˬ kʼoeˇ taˆ jawˇ-eu ngaˬ Da bi mˇ mawꞈ-eu jeˬ kʼaˇ mˇ-eu tsawˇ haˬ-aˬ, ngaˬ-euˬ mehˇ nmˇ, ngaˬ-euˬ dmˇ ma, ngaˬ-euˬ aˬ ma pyeuꞈ-eu ma.”

Maꞈtehˬ 25:40

Kʼoeˇ ngeh, aˬ yawꞈ maꞈ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ-euˬ aˬ yuiꞈ aˬ nyiˇ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ neh ngehˬ gʼeh nehˬ-euˬ jeˬ-aˬ, ngaˬ-ahˇ ngehˬ gʼeh nehˬ laꞈ gaˇ duˇ-eu meh lehˇ, ngaˇ naw maꞈ-ahˇ maˇ jawˆ ni ehˇ-eu ma.’

Maˬkuˆ 14:7

Shaˬ zaˬ zahˬ zaˬ deuˬ naw maꞈ nehˬ-ehˇ aˬ myah luꞈ jawˇ-awˇ, naw maꞈ kʼaˇ caw ba nehˬ mawꞈ ngeh caw ba nehˬ nya tehꞈ-a. Ehˇ kʼawꞈ, ngaˇ-aˬ, naw maꞈ nehˬ-ehˇ aˬ myah luꞈ jawˇ-eu maˬ ngeuˇ.

Gʼaˬkʼehˇ 11:29

Zaˬ lahˇ deuˬ yawˬ gʼaˬ na luꞈ, yawˬ ha kʼaˇ gʼeh nya-eu loꞈ-ehˇ, Yuˇdaˆ miˇ kʼahˬ-ahˇ jawˇ-eu jah-eu tsawˇ haˬ deuˬ-ahˇ caw ba-eu gʼaˇ duˬ noeˬ tsehˆ-euˬ meh.

Gʼaˬkʼehˇ 16:15

Aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ dawˬ tawˆ luꞈ iˇ cuꞈ shawˇ gʼaˬ ngeh jawˇ, “Ngaˇ-aˬ, Sahˬpaˬ Miˬyehˇ-ahˇ aˬ diˇ jah-eu tsawˇ haˬ pyeuꞈ-eu ngaˇ lehˇ naw maꞈ noeˬ tsehˆ gʼaˬ-euˬ ngeuˇ naˇ, ngaˬ-euˬ nymˇ-ahˇ yaꞈ laˇ-awˬ” lehˇ ehˇ-awˇ, nga maꞈ-ahˇ aˬ yawꞈ-euˬ nymˇ-ahˇ sheuˬ daˆ gʼeh-euˬ meh.

Gʼaˬkʼehˇ 24:17

“Ngaˇ Yeˬluˇsaˬlehˬ meuˬ-ahˇ maˬ iˇ-ehˇ jawˇ-eu gʼawˬ mya kʼoꞈ byah laˇ-euˬ miˇ neh, ngaˬ-euˬ tsawˇ haˬ deuˬ jawˇ gaˇ pyuˇ shuiˇ ui cuiˆ sha ha nehˬiˇ-awˇ, lawˇ-eu shehˇ-eu jeˬ mˇ-iˇ-eu gʼaˇ duˬ, kʼoeˇ gaˇ iˇ-euˬ ma.

Lormav 15:31

Yuˇdaˆ miˇ kʼahˬ laꞈ kʼoeˇ jawˇ-eu Ka li-ahˇ maˬ jah-eu tsawˇ haˬ kʼoeˇ deuˬ ngaˬ-ahˇ maˬ ya laˆ coeˬ laˆ ciˆ ni maˬ ehˇ, Yeˬluˇsaˬlehˬ meuˬ laꞈ kʼoeˇ ngaˬ neh mˇ nehˬ shaˇ nehˬ-euˬ jeˬ-ahˇ Miˬyehˇ-euˬ tsawˇ haˬ deuˬ laˬ kʼaˬ tiˬ cehˇ ha geuꞈ nehˬ laꞈ ni maˬ ehˇ, guiˬ lahˬ caw shaˇ nehˬ laꞈ-awˬ.

1 Gawˇliˬtu 16:1

Nymˬ-mˇ poˆ jawˇ-aˬ, Yuˇdaˆ miˇ kʼahˬ-ahˇ jawˇ-eu aˬ yuiꞈ aˬ nyiˇ Ka li zaˬ deuˬ-ahˇ caw ba nehˬ-eu gʼaˇ duˬ pyuˇ daˬ gʼoˆ uiˬ-eu gaˇ kawˆ naw maꞈ neh ngaˇ jawˇ gaˇ boꞈ ahˇ laꞈ-euˬ gaˇ kawˆ-ahˇ taꞈ leˇ-awˇ, ngaˇ heu loꞈ-ehˇ ehˇ-eu ma. Gaˬlaˬtiˆ miˇ kʼahˬ-ahˇ jawˇ-eu Ka li zaˬ aˇ muˇ deuˬ-ahˇ ngaˬ neh ehˇ nehˬ-euˬ loꞈ-ehˇ naw maꞈ mˇ-awˬ.

1 Gawˇliˬtu 16:15

Saˬteˬpaˬ hawˇ-eu aˬ yawꞈ-euˬ miˬ sawˇ zaˬ deuˬ gaˇ kawˆ naw maꞈ siˬ nya meh. Aˬ yawꞈ pehˬ-aˬ, Aˬˬgaˬyaˇ miˇ kʼahˬ laꞈ kʼoeˇ Ka li zaˬ pyeuꞈ beh beh laˇ-awˇ, Miˬyehˇ-euˬ tsawˇ haˬ deuˬ gʼaˇ duˬ gaˇ mˇ-eu lehˇ gʼawˇ mawˇ damˬ taˬ-euˬ tsawˇ haˬ meh. Ngaˇ naw maꞈ-ahˇ heu loꞈ-ehˇ shaˇ-eu ma.

2 Gawˇliˬtu 9:1

Yuˇdaˆ miˇ kʼahˬ-ahˇ jawˇ-eu Miˬyehˇ-euˬ tsawˇ haˬ deuˬ-ahˇ caw ba-eu pyuˇ daˬ gaˇ kawˆ naw maꞈ-ahˇ ngaˇ sahˬ boꞈ boꞈ nehˬ-eu maˬ paˇ loˬ meh.

Gaˬlaˬtiˆ 2:10

Aˬ yawꞈ maꞈ shaˇ-eu-aˬ, aˬ yawꞈ maꞈ aˇ muˇ laꞈ kʼoeˇ shaˬ-eu zahˬ-eu tsawˇ haˬ deuˬ-ahˇ noeˬ keuˆ nehˬ laꞈ lehˇ shaˇ-eu tehꞈ meh. Gaˇ kawˆ kʼoeˇ hmˬ-ahˇ ngaˇ mˇ-eu nui ma keuˆ dui dui luꞈ ma.

Gaˬlaˬtiˆ 6:10

Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.

1 Tiˆmoˇseˬ 5:10

Kʼoeˇ uˬ taꞈ, yaw muiˬ jeˬ heu loꞈ-ehˇ mˇ taˬ-euˬ jaˆ-eu tsawˇ haˬ ya bi pyeuꞈ meh. Yawˬ ha-euˬ zaˬ deuˬ-ahˇ yaw muiˬ paˬ-ehˇ bo saˆ huiˬ-eu, daˬ yah-ahˇ yaw muiˬ-ehˇ ha-eu, Ka li zaˬ deuˬ gʼaˇ duˬ nyiˇ-eu teˬ-eu gaˇ deuˬ mˇ nehˬ-eu, shaˬ laˇ zahˬ laˇ-euˬ deuˬ-ahˇ caw ba-eu, yaw muiˬ jeˬ-ahˇ gʼaˬ byehˆ maˬ byehˆ ni mˇ-eu, heu loꞈ-ehˇ gʼeh-eu gaˇ deuˬ-ahˇ mˇ-eu tsawˇ haˬ ya bi pyeuꞈ-eu meh.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.