2 Gawˇliˬtu 8:23 - Akha

²³ Tiˇtuˆ gʼaˬ-aˬ, ngaˬ-euˬ gaˇ mˇ cawˬ pyeuꞈ-eu loꞈ-ehˇ, ngaˬ nehˬ-ehˇ tiˬ kawˆ loꞈ-ehˇ naw maꞈ-ahˇ caw ba-eu gaˇ mˇ luꞈ meh. Aˬ yawꞈ nehˬ-ehˇ oe caw-euˬ aˬ yuiꞈ aˬ nyiˇ nui deuˬ-aˬ, Ka li-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ Ka li zaˬ aˇ muˇ deuˬ-euˬ dah zaˇ oe-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Tiqghaqnav siqnya’mawf nar-aq, Tirtuv-aq, ngaq-euq cawq pyeuf-awr nawmaf-anr gar mrnaeq luf-eu, ngaq-euq gar mrcawq mae. Maernmr heu nyiq ghaq-aq, Kali-euq yawshaef khanqsaer pyeuf-eu Kalizaq armur deuq-euq dawqtsaf dawqdzawr mr-eu tsawrhaq mae.

2 Gawˇliˬtu 8:23 ပူးပေါင်းရင်းမြစ်များ

Luˇkaꞈ 5:10

Siˇmoˬ nehˬ-ehˇ ngaˬ shaˬ poˆ-eu cawˬ deuˬ pyeuꞈ-eu Zeˬbeˬdehˇ-euˬ aˬ li Yaˬkoˆ hawˇ-eu Yoˇhaˬ aˬ nyaꞈ nmˇ kʼawꞈ, zahˬ dui dui leˇ-euˬ meh. Siˇmoˬ-ahˇ Yeˬsuˇ ehˇ nehˬ-eu, “Taˬ guˆ. Aˬ kaˇ naˇ, nawˬ-ahˇ ngaˬ shaˬ poˆ-eu tsawˇ haˬ maˬ paˇ bi geuꞈ-ehˇ, tsawˇ haˬ poˆ-eu tsawˇ haˬ bi geuꞈ ma.”

Luˇkaꞈ 5:7

Kʼoeˇ miˇ neh, aˬ yawꞈ maꞈ-ahˇ bi caw ba le-eu gʼaˇ duˬ, lawˬ yawˬ laˇ yawˬ-ahˇ laꞈ dzawˇ dzawˇ-awˇ kuˇ-euˬ meh. Lawˬ kʼoeˇ laˇ oe keuˆ-awˇ, nyiˬ laˇ luꞈ ngaˬ shaˬ nyehꞈ byah-euˬ miˇ neh, ga nuiꞈ-iˇ paˬ-ehˇ pyeuꞈ laˇ-euˬ meh.

Yoˇhaˬ 13:16

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Zaˬ kʼaˆ-aˬ baw leˬ naˆ maˬ tseˇ maˬ huiˬ dzehˬ-aˇ. Myawˬ kʼehˇ gʼoˆ le-euˬ gʼaˬ-aˬ, aˬ yawꞈ-ahˇ kʼehˇ gʼeh leꞈ-euˬ gʼaˬ naˆ maˬ tseˇ maˬ huiˬ dzehˬ-aˇ.

1 Gawˇliˬtu 11:7

Kʼaˬ dzeˇ zaˬ-aˬ, uˬ dzahˬ dzahˬ-eu maˬ loˬ-a. Aˬ jeˬ miˇ neh ehˇ naˇ, aˬ yawꞈ-aˬ Miˬyehˇ-euˬ myaˆ pyawˬ naˇ mehˇ pyeuꞈ-eu meh. Ehˇ kʼawꞈ, zaˬ miˬ zaˬ-aˬ kʼaˬ dzeˇ zaˬ-euˬ myaˇ pyawˬ naˇ mehˇ pyeuꞈ-eu meh.

2 Gawˇliˬtu 12:18

Tiˇtuˆ-ahˇ naw maꞈ jawˇ gaˇ iˇ-eu gʼaˇ duˬ ngaˇ shaˇ-awˇ, aˬ yuiꞈ aˬ nyiˇ Ka li zaˬ kʼoeˇ gʼaˬ-ahˇ aˬ yawꞈ nehˬ-ehˇ bi oe caw-euˬ ma. Tiˇtuˆ naw maꞈ-ahˇ mehˇ shuiˇ shuiˇ dzaˬ le-euˬ nga lehˇ ehˇ mawꞈ-eu nya loˇ. Tiˇtuˆ nga nyaꞈ nui ma tiˬ gaˇ taꞈ-awˇ, kuiˇ toꞈ tiˬ gaˇ ciˬ-euˬ maˬ ngeuˇ-a loˇ.

2 Gawˇliˬtu 7:6

Ehˇ kʼawꞈ, nui ma cawˆ-eu deuˬ-ahˇ gʼaˬ biꞈ-eu Miˬyehˇ-aˬ, Tiˇtuˆ-ahˇ bi laˇ-eu laꞈ kʼoeˇ nga maꞈ-euˬ nui ma-ahˇ gʼaˬ biꞈ lahˬ laꞈ-euˬ meh.

2 Gawˇliˬtu 8:16

Ngaˇ naw maꞈ gʼaˇ duˬ nui ma keuˆ-eu loꞈ-ehˇ, Tiˇtuˆ kʼawꞈ nui ma keuˆ ni Miˬyehˇ jahˇ-euˬ miˇ neh, Miˬyehˇ-euˬ guiˬ lahˬ-ahˇ ja ceuˬ ngeh maˬ jiˇ nya.

2 Gawˇliˬtu 8:18

Laˬ kʼaˬ cehˇ-eu Guiˬ lahˬ dawˬ mehˬ-eu gaˇ laꞈ kʼoeˇ Ka li zaˬ aˇ muˇ dawˬ tawˆ luꞈ yaw zeu baw dui dui-eu nga maꞈ-euˬ aˬ nyiˇ tiˬ gʼaˬ-ahˇ kʼawꞈ, aˬ yawꞈ nehˬ-ehˇ bi oe caw-euˬ ma.

2 Gawˇliˬtu 8:19

Kʼoeˇ uˬ taꞈ, nga maꞈ laꞈ kʼoeˇ caw ba nehˬ mawꞈ-eu nui ma ahˇ-eu gaˇ kawˆ aˬ cawˬ-ahˇ bi siˬ bi mawˇ-eu gʼaˇ duˬ, Sahˬpaˬ Yeˬsuˇ-euˬ yaw shehꞈ kʼahˬ sehˇ doˆ laˇ ni gʼoeˇ-eu gaˬ-eu jeˬ-ahˇ taꞈ-eu gaˇ heu hmˬ-ahˇ nga maꞈ mˇ mˇ-ehˇ cah ngeh, nga maꞈ nehˬ-ehˇ bi cah-eu lehˇ aˬ yawꞈ-ahˇ Ka li zaˬ aˇ muˇ deuˬ neh tseˇ doˆ taˬ-euˬ meh.

2 Gawˇliˬtu 8:22

Kʼoeˇ miˇ neh, nga maꞈ-euˬ aˬ nyiˇ heu gʼaˬ-ahˇ aˬ yawꞈ maꞈ nehˬ-ehˇ kʼehˇ gʼeh leꞈ-euˬ ma. Nga maꞈ aˬ yawꞈ-ahˇ gʼawˬ mya poˆ lawˬ haw-eu laꞈ kʼoeˇ, aˬ yawꞈ aˬ myah luꞈ caw ba mawꞈ-eu nui ma ahˇ-eu gaˇ kawˆ siˬ duˬ taˬ-euˬ ma. Nymˬ-mˇ aˬ yawꞈ naw maꞈ-ahˇ jah coeˇ-eu nui ma paˇ ahˇ-eu miˇ neh, yaw beh naˆ maˬ tseˇ nui ma keuˆ dui dui luꞈ meh.

2 Gawˇliˬtu 8:6

Kʼoeˇ miˇ neh, Tiˇtuˆ aˬ yawꞈ naw maꞈ jawˇ gaˇ gʼoeˇ-eu gaˬ-eu jeˬ-ahˇ taꞈ-eu gaˇ heu hmˬ mˇ-eu gʼaˇ duˬ dahˬ beh nehˬ le-euˬ gʼaˬ pyeuꞈ-eu loꞈ-ehˇ, aˇ saˬ saˬ ngeh keuˆ ni mˇ daˆ leꞈ-eu gʼaˇ duˬ aˬ yawꞈ-ahˇ nga maꞈ gʼaˬ biꞈ-euˬ ma.

Piˇliˇpiˆ 2:25

Laˬ kʼaˬ cehˇ-eu Guiˬ lahˬ dawˬ gʼaˇ duˬ, ngaˬ nehˬ-ehˇ mˇ caw shaˇ caw-awˇ guiˇ deuˆ caw luꞈ-eu tsawˇ haˬ tiˬ gʼaˬ pyeuꞈ-eu ngaˇ loˬ-eu jeˬ-ahˇ bi caw ba-eu lehˇ naw maꞈ neh kʼehˇ gʼeh leꞈ-euˬ aˬ dui-euˬ aˬ nyiˇ Iˬbaˬpawˬdiˇ-ahˇ kʼawꞈ, naw maꞈ jawˇ gaˇ ya bi laˇ meh lehˇ ngaˇ noeˬ-eu ma.

Piˇliˇpiˆ 4:3

Saˇ jaˇ ziꞈ-eu ngaˬ-euˬ gaˇ mˇ cawˬ deuˬ kʼawꞈ, zaˬ miˬ zaˬ heu nyiˬ gʼaˬ-ahˇ ngehˬ bi gʼeh mawꞈ miˇ-a. Aˬ jeˬ miˇ neh ehˇ naˇ, zaˬ miˬ zaˬ heu nyiˬ gʼaˬ-aˬ, Laˬ kʼaˬ cehˇ-eu Guiˬ lahˬ dawˬ gaˬ doe-iˇ ni, ngaˬ-euˬ gaˇ mˇ cawˬ Gaˬleˬmeˬ hawˇ-eu ngaˬ nehˬ-ehˇ gaˇ kʼaˇ mˇ-euˬ deuˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ leh jeh dui dui-euˬ meh. Miˬyehˇ-euˬ dehꞈ-eu sahˬ boꞈ laꞈ kʼoeˇ tsawˇ haˬ heu deuˬ-euˬ tsawˇ myahˇ ahˇ meh.

Gawˇlawˇsehˇ 1:7

Nga maꞈ-euˬ dah zaˇ Ka li-euˬ gaˇ-ahˇ saˇ jaˇ ziꞈ-awˇ mˇ luꞈ-eu gaˇ mˇ cawˬ Iˇbaˬpaˬlaˇ neh Miˬyehˇ gʼawˬ shaˬ gaˬ-eu guiˬ lahˬ yaw dzahˇ gaˇ kawˆ naw maꞈ-ahˇ mehˬ nehˬ-euˬ meh.

1 Teˇsaˬloˇni 2:2

Naw maꞈ jawˇ-eu Teˇsaˬloˇni meuˬ-ahˇ nga maꞈ maˬ oe mi naˆ-ehˇ, Piˇliˇpiˆ meuˬ laꞈ kʼoeˇ aˬ cawˬ nga maꞈ-ahˇ kʼehˬ nehˬ kʼaˆ nehˬ laꞈ-awˇ yehˬ bawˬ sehˇ lu-ehˇ ehˇ nehˬ laꞈ gaˇ ya daˬ-euˬ naw maꞈ siˬ nya meh. Laˆ tsoeˬ-eu gʼawˬ mya jeˬ jaˆ kʼawꞈ, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ naw maꞈ-ahˇ mehˬ nehˬ nya ni, aˬ dui-euˬ Miˬyehˇ nga maꞈ-ahˇ gʼaˬ biꞈ laꞈ-euˬ meh.

2 Tiˆmoˇseˬ 4:10

Deˬmaˆ-aˬ, heu ziˇ-ahˇ taꞈ-eu miˇ tsaˬ heu-ahˇ gaˬ-eu miˇ neh, ngaˬ-ahˇ byehˇ dzeh yaꞈ-awˇ Teˇsaˬloˇni meuˬ-ahˇ iˇ-euˬ meh. Gaˬleˬgeˬ gʼaˬ-aˬ, Gaˬlaˬtiˆ miˇ kʼahˬ-ahˇ iˇ-awˇ, Tiˇtuˆ gʼaˬ-aˬ, Daˬlaˬmaˬdiˇ miˇ kʼahˬ-ahˇ iˇ-euˬ meh.

Tiˇtuˆ 1:4

Jah-eu jeˬ laꞈ kʼoeˇ ngaˬ nehˬ-ehˇ tiˬ gaˇ taꞈ-eu ngaˬ li-ahˇ duˇ-eu Tiˇtuˆ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, nawˬ-euˬ kʼoeˇ taˆ jaˆ luꞈ-uˇ.

Piˇleˇmoˬ 1:17

Kʼoeˇ miˇ neh, nawˇ ngaˬ-ahˇ nawˬ-euˬ gaˇ mˇ cawˬ ma lehˇ sawˇ naˇ, ngaˬ-ahˇ ha geuꞈ-eu loꞈ-ehˇ aˬ yawꞈ-ahˇ ha geuꞈ-awˬ.

Piˇleˇmoˬ 1:24

Kʼoeˇ loꞈ-ehˇ duˇ ni, ngaˬ-euˬ gaˇ mˇ cawˬ deuˬ pyeuꞈ-eu Maˬkuˆ, Aˬliˬdaˬguˇ, Deˬmaˆ, Luˇkaꞈ aˬ ha oeˬ gʼaˬ kʼawꞈ, naw maꞈ-ahˇ dawˬ cawˬ puˬ-ahˇ laꞈ-euˬ meh.

3 Yoˇhaˬ 1:8

Aˬ dui kʼawꞈ, aˬ yawꞈ maꞈ nehˬ-ehˇ yaw tsaˬ yaw dawˇ jeˬ gʼaˇ duˬ tiˬ kawˆ loꞈ-ehˇ caw mˇ caw shaˇ-eu jeˬ pyeuꞈ ni, aˬ dui Ka li zaˬ deuˬ aˬ yawꞈ maꞈ-ahˇ ya caw ba meh.