2 Gawˇliˬtu 8:20 - Akha

²⁰ Nui ma keuˆ-awˇ damˬ taˬ-euˬ pyuˇ heu deuˬ-ahˇ nga maꞈ tuˆ tehˬ-awˇ gaˇ mˇ ngeh, aˬ cawˬ iˬ baˇ taˬ-eu jeˬ maˬ bi doˆ laˇ ni yahˇ luꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Nga’maf, aqcawq nae damqtaq-euq zawr myaq-eu pyur heu-anr dzoeqdzaq mrluf-eu gar, aqcawq, nga’maf-anr aerkhar maqbi za paq-aer nga’maf yanrluf-eu ma.

2 Gawˇliˬtu 8:20 ပူးပေါင်းရင်းမြစ်များ

2 Sahˬpaˬ 12:15

Gaˇ mˇ gaˇ haw luꞈ pyaˆ luꞈ-eu tsawˇ haˬ kʼoeˇ deuˬ nui ma dawˇ dui dui-eu miˇ neh, pyuˇ gaˇ kawˆ pyehˆ tseˇ haw-eu maˬ loˬ-a.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Lormav 14:16

Nawˬ neh yaw muiˬ meh lehˇ noeˬ-euˬ jeˬ aˬ cawˬ ja doeˇ duˬ taˬ bi pyeuꞈ.

1 Gawˇliˬtu 16:3

Ngaˇ oe keuˆ naˇ, nawˬ maꞈ nui ma tsaˬ-awˇ kʼehˇ doˆ-euˬ tsawˇ haˬ-ahˇ ngaˇ sahˬ boꞈ boꞈ ahˇ nehˬ-awˇ, naw maꞈ neh damˬ-euˬ pyuˇ kʼoeˇ Yeˬluˇsaˬlehˬ meuˬ-ahˇ bi sha ha-iˇ ma.

2 Gawˇliˬtu 11:12

Gʼaˬ kʼehˇ kʼoeˇ deuˬ gʼeh nga maꞈ kʼaˇ mˇ-eu loꞈ-ehˇ mˇ luꞈ-eu ma lehˇ ehˇ-awˇ kʼahˬ sehˇ jehˆ kʼaˇ maˬ bi za ni, nymˬ-mˇ ngaˇ kʼaˇ mˇ luꞈ-eu jeˬ-ahˇ maˬ byehˇ dzeh ni mˇ daˆ leꞈ ma.

2 Gawˇliˬtu 8:19

Kʼoeˇ uˬ taꞈ, nga maꞈ laꞈ kʼoeˇ caw ba nehˬ mawꞈ-eu nui ma ahˇ-eu gaˇ kawˆ aˬ cawˬ-ahˇ bi siˬ bi mawˇ-eu gʼaˇ duˬ, Sahˬpaˬ Yeˬsuˇ-euˬ yaw shehꞈ kʼahˬ sehˇ doˆ laˇ ni gʼoeˇ-eu gaˬ-eu jeˬ-ahˇ taꞈ-eu gaˇ heu hmˬ-ahˇ nga maꞈ mˇ mˇ-ehˇ cah ngeh, nga maꞈ nehˬ-ehˇ bi cah-eu lehˇ aˬ yawꞈ-ahˇ Ka li zaˬ aˇ muˇ deuˬ neh tseˇ doˆ taˬ-euˬ meh.

2 Gawˇliˬtu 8:21

Sahˬpaˬ Miˬyehˇ mehˬ shi tehꞈ-ehˇ maˬ ngeuˇ ni, tsawˇ haˬ zaˬ-euˬ mehˬ shi kʼawꞈ dawˇ coe ni mˇ-eu gʼaˇ duˬ nga maꞈ noeˬ tsehˆ taˬ-euˬ ma.

Eˇpeˇsu 5:15

Kʼoeˇ miˇ neh, naw maꞈ aˬ joˆ-ehˇ dehꞈ luꞈ-eu gaˇ kawˆ yahˇ-awˬ. Zaˬ siˬ tsawˇ gahˇ maˬ ahˇ-eu tsawˇ haˬ loꞈ-ehˇ taˬ dehꞈ. Zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ.

1 Teˇsaˬloˇni 5:22

Yaw muiˬ deuˬ-ahˇ jeˬ hmˬ geuꞈ-awˬ. Maˬ muiˬ-eu yawˬ jeˬ na luꞈ-ahˇ gaˇ jaw jaw-awˬ.