2 Gawˇliˬtu 8:12 - Akha

¹² Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Aqjeq mirnae aernar-aq, yawbae jeq-aq, tsawrhaq tiq ghaq bifmawf-eu nuima anr nar-aq, aqyawf kharjav-eu lof-aer Miqyaer hageuf-eu mae. Maqjav-eu gar keuvni mr laer Miqyaer maqaer-a.

2 Gawˇliˬtu 8:12 ပူးပေါင်းရင်းမြစ်များ

2 Laˬsaˬbaˬ 6:8

Ehˇ kʼawꞈ, Sahˬpaˬ Miˬyehˇ aˬ yawꞈ-ahˇ ehˇ nehˬ-eu, ‘Ngaˬ-euˬ gʼaˇ duˬ nawˇ uˬ duˬ tahˬ nymˇ tiˬ nymˇ tsoˆ mawꞈ-eu-aˬ, muiˬ meh.

Doˆ-iˇ 25:2

“Ngaˬ-ahˇ tiˬ jeˬ paˬ ya damˬ nehˬ laꞈ meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Tsawˇ haˬ aˬ geu gʼaˬ maˬ kaˬ, nui ma keuˆ-eu laꞈ kʼoeˇ, tiˬ jeˬ paˬ damˬ laˇ naˇ, ha geuꞈ nehˬ-awˬ.

Doˆ-iˇ 35:24

Gʼeh nya-eu tsawˇ haˬ dawˬ tawˆ luꞈ, pyuˇ hawˇ-eu guiˬ shuiˇ yuˇ-awˇ, Sahˬpaˬ Miˬyehˇ-ahˇ damˬ nehˬ laˇ-euˬ meh. Aˬkaˬshaˇ daˇ kawˬ kʼaˇ jaˆ-eu tsawˇ haˬ deuˬ kʼawꞈ, loˬ-eu tsahˇ-ahˇ bi zmˬ-eu gʼaˇ duˬ, aˬkaˬshaˇ daˇ kawˬ deuˬ yuˇ laꞈ-euˬ meh.

Doˆ-iˇ 35:29

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, nui ma keuˆ-eu Iˇsaˬleˬlaˆ tsawˇ haˬ dawˬ tawˆ luꞈ, Sahˬpaˬ Miˬyehˇ-ahˇ damˬ nehˬ laˇ-euˬ meh.

Doˆ-iˇ 35:5

Sahˬpaˬ Miˬyehˇ-ahˇ damˬ-awˬ. Sahˬpaˬ Miˬyehˇ-ahˇ kʼaˇ damˬ mawꞈ-eu tsawˇ haˬ deuˬ, shuiˇ maˬ ehˇ, pyuˇ maˬ ehˇ, guiˬ shuiˇ maˬ ehˇ,

Dawqdaq 19:22

Tsawˇ haˬ zaˬ saˇ jaˇ ziꞈ gaˇ nui kʼahˇ jaˆ-awˇ, jaˬ myawꞈ zaˬ iˇ shaˬ maˬ tawˬ-a.

Maꞈtehˬ 25:17

Kʼoeˇ loꞈ-ehˇ duˇ ni, nyiˬ heˇ byaˆ ha geuꞈ taˬ-euˬ gʼaˬ kʼawꞈ, nyiˬ heˇ byaˆ paˇ gaꞈ jeuˬ-euˬ meh.

Maꞈtehˬ 25:22

Kʼoeˇ naˇ, shuiˇ maˇ byaˆ nyiˬ heˇ byaˆ ha geuꞈ taˬ-euˬ zaˬ kʼaˆ kʼoeˇ gʼaˬ oe-awˇ, ‘Baw leˬ-oˇ, nawˇ ngaˬ-ahˇ shuiˇ mehˇ byaˆ nyiˬ heˇ byaˆ biꞈ taˬ yaꞈ-euˬ meh. Haw sheˇ. Ngaˇ nyiˬ heˇ byaˆ paˇ gaꞈ jeuˬ taˬ-euˬ ma.’

Luˇkaꞈ 16:10

Gaˇ yaw nyiˇ laꞈ kʼoeˇ saˇ jaˇ ziꞈ-eu tsawˇ haˬ-aˬ, gaˇ yaw huiˬ laꞈ kʼoeˇ kʼawꞈ saˇ jaˇ ziꞈ tehꞈ-a. Gaˇ yaw nyiˇ laꞈ kʼoeˇ maˬ sui maˬ dawˇ-eu tsawˇ haˬ-aˬ, gaˇ yaw huiˬ laꞈ kʼoeˇ kʼawꞈ maˬ sui maˬ dawˇ-aˇ.

2 Gawˇliˬtu 8:11

Gaˇ heu hmˬ-ahˇ tiˬ poˆ paˇ dawꞈ leˇ-awˇ mˇ luiˆ-awˬ. Aˇ dahˬ beh ngeh nui ma keuˆ-euˬ loꞈ-ehˇ mˇ luiˆ-eu gʼaˇ duˬ kʼawꞈ nui ma keuˆ-eu laꞈ kʼoeˇ, naw maꞈ kʼaˇ gʼeh nya-eu loꞈ-ehˇ damˬ-awˬ.

2 Gawˇliˬtu 8:13

Aˬ cawˬ-euˬ kʼaˆ behˆ bi pyaˇ dzehˬ-awˇ naw maꞈ-euˬ kʼaˆ behˆ bi kah dzehˬ-eu lehˇ ngaˇ jahˇ-eu maˬ ngeuˇ.

2 Gawˇliˬtu 8:19

Kʼoeˇ uˬ taꞈ, nga maꞈ laꞈ kʼoeˇ caw ba nehˬ mawꞈ-eu nui ma ahˇ-eu gaˇ kawˆ aˬ cawˬ-ahˇ bi siˬ bi mawˇ-eu gʼaˇ duˬ, Sahˬpaˬ Yeˬsuˇ-euˬ yaw shehꞈ kʼahˬ sehˇ doˆ laˇ ni gʼoeˇ-eu gaˬ-eu jeˬ-ahˇ taꞈ-eu gaˇ heu hmˬ-ahˇ nga maꞈ mˇ mˇ-ehˇ cah ngeh, nga maꞈ nehˬ-ehˇ bi cah-eu lehˇ aˬ yawꞈ-ahˇ Ka li zaˬ aˇ muˇ deuˬ neh tseˇ doˆ taˬ-euˬ meh.

2 Gawˇliˬtu 9:7

Kʼoeˇ miˇ neh, aˬ yawꞈ gʼaˬ yawꞈ yawˬ ha neh kʼaˇ noeˬ tsehˆ taˬ-euˬ loꞈ-ehˇ damˬ-awˬ. Nui ma maˬ keuˆ ni damˬ-eu maˬ ehˇ, aˬ cawˬ ehˇ-eu miˇ neh damˬ-eu maˬ ehˇ, taˬ bi pyeuꞈ. Aˬ jeˬ miˇ neh ehˇ naˇ, laˬ kʼaˬ tiˬ cehˇ damˬ-eu tsawˇ haˬ-ahˇ Miˬyehˇ gaˬ-eu meh.

1 Beˬtuˆluˆ 4:10

Tiˬ gʼaˬ tiˇ gʼaˬ za taˬ-euˬ Miˬyehˇ neh biꞈ laꞈ-euˬ laꞈ sawˬ deuˬ-ahˇ yaw muiˬ paˬ-ehˇ jeˬ hmˬ-awˇ, aˬ cawˬ gʼaˇ duˬ gaˇ dahˇ tsoeˬ ni zmˬ-awˬ.