2 Gawˇliˬtu 8:10 - Akha

¹⁰ Gaˇ kawˆ heu hmˬ-ahˇ taꞈ leˇ-awˇ, ngaˇ naw maꞈ-ahˇ heu loꞈ-ehˇ gʼaˬ biꞈ-eu ma. Miˇ nui kʼoꞈ naw maꞈ neh beh-euˬ gaˇ heu hmˬ nymˬ-mˇ mˇ luiˆ jiˇ-eu tsaˬ meh. Naw maꞈ-aˬ, mˇ beh beh-euˬ deuˬ pyeuꞈ-eu tehꞈ-ehˇ maˬ ngeuˇ ni, mui ma keuˆ beh beh-euˬ deuˬ kʼawꞈ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ngar, garkawv heukawv-anr taf-eu, ngaq-euq nuinoeq nawmaf-anr heulof-aer aernaeq-eu ma. Heu-aq, nawmaf-euq gharduq yawmuiq mae. Aqjeq mirnae aernar-aq, nawmaf gar heuhmq mrmawf-awr, mirnuivkhof nae mrdanq baetaq-euq mae.

2 Gawˇliˬtu 8:10 ပူးပေါင်းရင်းမြစ်များ

Dawqdaq 19:17

Iˇ shaˬ zaˬ-ahˇ gʼawˬ shaˬ gaˬ-eu tsawˇ haˬ, Sahˬpaˬ Miˬyehˇ-ahˇ dziˇ dzoˆ paˇ mehˬ gaˇ duˇ-awˇ, Sahˬpaˬ Miˬyehˇ dziˇ dzoˆ tsoeˬ nehˬ tehꞈ-a.

Maꞈtehˬ 10:42

Ngaˬ-euˬ mehˬ nah caw teh-eu tsawˇ haˬ deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ dzehˬ-eu tiˬ gʼaˬ-ahˇ kʼawꞈ, ngaˬ-euˬ mehˬ nah caw teh-eu tsawˇ haˬ pyeuꞈ-eu miˇ neh bi dawˇ-eu ma lehˇ noeˬ siˬ nya-awˇ, iˇ cuꞈ iˇ tsehꞈ tiˬ kʼmˬ tehꞈ-ehˇ bi dawˇ-euˬ kʼawꞈ, kʼoeˇ loꞈ-ehˇ kʼaˇ bi dawˇ-eu tsawˇ haˬ aˬ geu gʼaˬ maˬ kaˬ, aˬ diˇ aˬ maˇ guiˬ lahˬ za tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Yoˇhaˬ 11:50

Tsawˇ jeuˬ tiˬ jeuˬ jeuˬ lah-ehˇ bi laˆ cawˆ-eu naˆ maˬ tseˇ, tsawˇ haˬ tiˬ gʼaˬ bi shiˇ dah-eu muiˬ dzehˬ meh lehˇ naw maꞈ maˬ gʼoˆ shaw nya te loˇ.”

Yoˇhaˬ 16:7

Ngaˇ naw maꞈ-ahˇ maˇ jawˆ ni ehˇ-eu ma. Ngaˇ gʼoꞈ leˇ-eu-aˬ, naw maꞈ gʼaˇ duˬ muiˬ dzehˬ meh. Aˬ jeˬ miˇ neh ehˇ naˇ, ngaˇ maˬ gʼoꞈ leˇ naˇ, Caw ba-eu gʼaˬ naw maꞈ jawˇ gaˇ maˬ oe nya-a. Ngaˇ gʼoꞈ leˇ naˇ, Caw ba-eu gʼaˬ-ahˇ kʼehˇ gʼeh leꞈ ma.

Yoˇhaˬ 18:14

Tsawˇ jeuˬ tiˬ jeuˬ jeuˬ lah ni ya cawˆ-iˇ-eu dah zaˇ tsawˇ haˬ tiˬ gʼaˬ bi shiˇ dah-eu muiˬ dzehˬ meh lehˇ, Yuˇdaˆ tsawˇ haˬ aˬ yuiꞈ aˬ tsu deuˬ-ahˇ ja noeˬ nehˬ-euˬ gʼaˬ-aˬ, Gaˬyaˬpaˇ meh.

1 Gawˇliˬtu 10:23

“Yawˬ jeˬ na luꞈ mˇ kʼmˬ meh.” Ehˇkʼawꞈ, yawˬ jeˬ na luꞈ gaˇ dahˇ tsoeˬ-eu maˬ ngeuˇ-a. “Yawˬ jeˬ na luꞈ mˇ kʼmˬ meh.” Ehˇ kʼawꞈ, yawˬ jeˬ na luꞈ guiˬ lahˬ baw-eu maˬ ngeuˇ-a.

1 Gawˇliˬtu 16:2

Tiˬ jaw laꞈ kʼoeˇ aˇ dahˬ beh-eu nah aˬ yawꞈ nah yawꞈ, naw maꞈ yawˬ gʼaˬ na luꞈ yawˬ ha neh kʼaˇ poˆ za-euˬ loꞈ-ehˇ geuˇ ni pyuˇ daˬ ui cuiˆ yuˇ doˆ-awˇ jeˬ hmˬ taˬ-awˬ. Kʼoeˇ loꞈ-ehˇ jahˇ naˇ, ngaˇ oe ngeh naw maꞈ pyuˇ taꞈ uiˬ-eu maˬ loˬ-aˇ.

1 Gawˇliˬtu 6:12

“Ngaˇ maˬ mˇ kʼmˬ-eu jeˬ maˬ jaˆ.” Ehˇ kʼawꞈ, yawˬ jeˬ na luꞈ gaˇ dahˇ tsoeˬ-eu maˬ ngeuˇ-a. “Ngaˇ maˬ mˇ kʼmˬ-eu jeˬ maˬ jaˆ.” Ehˇ kʼawꞈ, aˬ geu jeˬ-euˬ laꞈ oˆ maˬ kaˬ, ngaˇ zaˬ kʼaˆ maˬ geuꞈ.

1 Gawˇliˬtu 7:25

Naw maꞈ neh ngaˬ-ahˇ boꞈ naˇ haˬ laꞈ-euˬ smˇ miˇ maˬ iˇ ni jawˇ-eu zaˬ miˬ zaˬ deuˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ maˬ za-aˬ. Ehˇ kʼawꞈ, Miˬyehˇ guiˬ lahˬ baˬ da neh jah coeˇ paˬ-ehˇ gʼeh-eu ngaˬ-euˬ nui noeˬ naw maꞈ-ahˇ biꞈ-eu ma.

1 Gawˇliˬtu 7:40

Ngaˬ neh noeˬ-euˬ loꞈ-ehˇ ya ehˇ naˇ, maˬ dahˬ dzaˬ-iˇ ni jawˇ-eu-aˬ, aˬ yawꞈ gʼaˇ duˬ zaˬ dzehˬ meh. Ngaˬ neh noeˬ-euˬ heu Miˬyehˇ-euˬ Yaw sahˇ-ahˇ tsaˬ ma lehˇ ngaˇ jah-eu ma.

2 Gawˇliˬtu 12:1

Kʼahˬ sehˇ jehˆ-eu jeˬ gaˇ dahˇ maˬ tsoeˬ kʼawꞈ, ngaˇ kʼahˬ sehˇ ya jehˆ meh. Nymˬ-mˇ ngaˇ Sahˬpaˬ Yeˬsuˇ neh pah mehˬ nehˬ laꞈ-euˬ yaw sahˇ laꞈ kʼoeˇ ya siˬ ya mawˇ-euˬ gaˇ kawˆ ja ma.

2 Gawˇliˬtu 8:6

Kʼoeˇ miˇ neh, Tiˇtuˆ aˬ yawꞈ naw maꞈ jawˇ gaˇ gʼoeˇ-eu gaˬ-eu jeˬ-ahˇ taꞈ-eu gaˇ heu hmˬ mˇ-eu gʼaˇ duˬ dahˬ beh nehˬ le-euˬ gʼaˬ pyeuꞈ-eu loꞈ-ehˇ, aˇ saˬ saˬ ngeh keuˆ ni mˇ daˆ leꞈ-eu gʼaˇ duˬ aˬ yawꞈ-ahˇ nga maꞈ gʼaˬ biꞈ-euˬ ma.

2 Gawˇliˬtu 8:8

Maˬ mˇ-ehˇ maˬ gʼeh nya-a lehˇ naw maꞈ-ahˇ ciˬ pi nehˬ-eu maˬ ngeuˇ. Aˬ cawˬ caw ba mawꞈ-eu nui ma aˇ naˆ ni ahˇ-eu gaˇ kawˆ naw maꞈ-ahˇ bi siˬ bi mawˇ-eu laꞈ kʼoeˇ, naw maꞈ-euˬ gʼoeˇ-eu gaˬ-eu jeˬ aˇ naˆ ni duˬ-eu ciˇ-eu gaˇ kawˆ ngaˇ siˬ duˬ mawꞈ-eu ma.

2 Gawˇliˬtu 9:2

Naw maꞈ caw ba mawꞈ-eu nui ma ahˇ meh lehˇ ngaˇ siˬ nya-awˇ, Maˬgeˬdawˇniˆˆ miˇ kʼahˬ-ahˇ jawˇ-eu Ka li zaˬ deuˬ-ahˇ naw maꞈ-euˬ gaˇ kawˆ ngaˇ kʼahˬ sehˇ jehˆ mehˬ gʼaˬ-euˬ ma. “Aˬgaˬyaˇ miˇ kʼahˬ-ahˇ jawˇ-eu Ka li zaˬ deuˬ-aˬ, miˇ nui kʼoꞈ ba neh caw ba nehˬ-eu gʼaˇ duˬ lehˬ hmˬ dah taˬ-euˬ meh” lehˇ ngaˇ ehˇ nehˬ-euˬ ma. Naw maꞈ nui ma keuˆ-eu gaˇ kawˆ ya gaˬ ngeh, aˬ yawꞈ maꞈ dawˬ tawˆ luꞈ ehˇ gʼaˬ ni nui ma keuˆ laˇ-euˬ meh.

Piˇliˇpiˆ 4:17

Ngaˇ pyuˇ daˬ za gaˇ tehꞈ-ehˇ shaˇ noeˬ-eu maˬ ngeuˇ. Naw maꞈ-euˬ jeˬ ma-ahˇ jiˇ jeuˬ ahˇ dzehˬ laˇ ni kʼawꞈ shaˇ noeˬ-eu ma.

HeˬByehˇ 13:16

Yaw muiˬ jeˬ hawˇ-eu tiˬ gʼaˬ tiˇ gʼaˬ caw ba ngehˬ gʼeh-eu jeˬ-ahˇ maˬ ngehˇ ni mˇ-awˬ. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma tsaˬ-eu lawˇ-eu shehˇ-eu jeˬ pyeuꞈ-eu meh.