2 Gawˇliˬtu 7:8 - Akha8 Ngaˬ neh boꞈ-euˬ sahˬ boꞈ kʼoeˇ taꞈ naw maꞈ-ahˇ bi noeˬ shaˬ-euˬ kʼawꞈ, sahˬ boꞈ kʼoeˇ taꞈ-ahˇ ngaˬ neh boꞈ-euˬ gaˇ ngaˇ nui ma maˬ saˇ-ehˇ maˬ gʼeh. Sahˬ boꞈ kʼoeˇ taꞈ baˬ da neh naw maꞈ tiˬ kʼehˬ tiˬ yamˬ ya noeˬ shaˬ luꞈ gaˇ ngaˇ ya mawˇ law nmˇ-aˬ, ngaˇ nui ma maˬ saˇ-eu kʼawꞈ baw tehꞈ-a. အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq8 Ngaq nae nawmaf-anr bofnaeq-euq sanqbof khoertaf nawmaf-anr bi noeqshaq-euq mirnae, yawbae ngar noeqshaq-euq khawf, nymq-mr maqpar noeqshaq mir-a. Aqjeq mirnae aernar-aq, sanqbof khoertaf nawmaf-anr tiqkhaeq taef-aer bi noeqshaq-euq gar ngar ya’mawr-euq ma. အခန်းကိုကြည့်ပါ။ |
2 Gawˇliˬtu 7:8
15 ပူးပေါင်းရင်းမြစ်များ
Yeˬsuˇ aˬ yawꞈ-ahˇ smˬ poˆ tiˬ poˆ paˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, nawˇ ngaˬ-ahˇ gaˬ ma loˇ.” “Nawˇ ngaˬ-ahˇ gaˬ ma loˇ” lehˇ Yeˬsuˇ aˬ yawꞈ-ahˇ smˬ poˆ naˇ haˬ keuˆ laꞈ-euˬ miˇ neh, Beˬtuˆluˆ nui ma maˬ saˇ-ehˇ, heu loꞈ-ehˇ ehˇ kʼoꞈ nehˬ-euˬ meh. “Sahˬpaˬ-oˇ, nawˇ yawˬ jeˬ na luꞈ siˬ nya meh. Ngaˇ nawˬ-ahˇ aˇ naˆ ni gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ yawˇ deuˬ-ahˇ bo saˆ-awˬ.
Naw maꞈ neh noeˬ shaˬ-euˬ kʼoeˇ-ahˇ Miˬyehˇ aˬ joˆ-ehˇ jahˇ-euˬ gaˇ shaˇ noeˬ haw sheˇ. Naw maꞈ guiˬ lahˬ saꞈ laˇ paw nui ma keuˆ dui dui laˇ-euˬ meh. Naw maꞈ yawˬ ha maˬ mˇ lehˬ-euˬ gaˇ kawˆ bi siˬ bi mawˇ mawꞈ dui dui laˇ-euˬ meh. Yaw tsaˬ yaw dawˇ laꞈ kʼoeˇ nui ma pehˇ-eu, kʼahˬ lahˇ-eu, ngaˬ-ahˇ mawˇ mawꞈ dui dui-eu, ngaˬ-euˬ gʼaˇ duˬ nui ma keuˆ dui dui-eu, yaw lehˬ mˇ gaˇ yaw kʼaˆ-ehˇ daˇ nehˬ mawꞈ-eu, heu deuˬ naw maꞈ-euˬ laꞈ kʼoeˇ pyeuꞈ doˆ laˇ-euˬ meh. Yawˬ jeˬ na luꞈ laꞈ kʼoeˇ yawˬ ha maˬ lehˬ maˬ ca-eu gaˇ kawˆ bya cehˆ ni doˆ laˇ ni naw maꞈ dehꞈ-euˬ meh.
Kʼoeˇ miˇ neh, sahˬ boꞈ kʼoeˇ taꞈ ngaˇ boꞈ-euˬ kʼawꞈ, aˬ cawˬ-ahˇ mˇ lehˬ-euˬ tsawˇ haˬ gʼaˇ duˬ boꞈ-euˬ maˬ ngeuˇ. Aˬ cawˬ mˇ lehˬ gaˇ ya daˬ-euˬ tsawˇ haˬ gʼaˇ duˬ boꞈ-euˬ kʼawꞈ maˬ ngeuˇ. Nga maꞈ gʼaˇ duˬ naw maꞈ nui ma aˇ naˆ ni keuˆ-eu gaˇ kawˆ Miˬyehˇ mehˬ shi naw maꞈ siˬ duˬ mawˇ duˬ nya ni boꞈ-euˬ ma.
Aˬ yawꞈ laˇ-euˬ baˬ da neh tehꞈ-ehˇ nga maꞈ gʼaˬ ahˇ laˇ-euˬ maˬ ngeuˇ. Naw maꞈ aˬ yawꞈ-ahˇ aˬ joˆ-ehˇ gʼaˬ biꞈ-euˬ gaˇ kawˆ aˬ yawꞈ ja mehˬ nehˬ laꞈ-euˬ miˇ neh, nga maꞈ gʼaˬ ahˇ laˇ-euˬ ma. Naw maꞈ ngaˬ-ahˇ aˇ naˆ ni mawˇ mawꞈ-eu gaˇ kawˆ maˬ ehˇ, pyeuꞈ dzeuˇ yaꞈ-euˬ gaˇ kawˆ-ahˇ naw maꞈ aˇ naˆ ni noeˬ shaˬ luꞈ-eu gaˇ kawˆ maˬ ehˇ, naw maꞈ ngaˇ jawˇ paw aˇ naˆ ni pyawˬ mawꞈ-eu gaˇ kawˆ maˬ ehˇ, nga maꞈ-ahˇ aˬ yawꞈ dzawˇ mehˬ laꞈ-euˬ meh. Kʼoeˇ miˇ neh, ngaˇ laˬ kʼaˬ cehˇ-eu maˬ ehˇ jiˇ coeˇ nya.
Ehˇ kʼawꞈ, nymˬ-mˇ ngaˇ laˬ kʼaˬ cehˇ-eu ma. Heu loꞈ-ehˇ ehˇ ngeh, naw maꞈ noeˬ shaˬ ni ya boꞈ-euˬ miˇ neh laˬ kʼaˬ cehˇ-eu ma lehˇ ehˇ mawꞈ-eu maˬ ngeuˇ. Naw maꞈ kʼoeˇ loꞈ-ehˇ noeˬ shaˬ-euˬ kʼoeˇ baˬ da neh, naw maꞈ yaw dehꞈ dehꞈ paˇ-euˬ gaˇ ngaˇ laˬ kʼaˬ cehˇ-eu ma lehˇ ehˇ mawꞈ-eu ma. Nga maꞈ baˬ da neh naw maꞈ maˬ ya smˬ-iˇ-eu gʼaˇ duˬ, Miˬyehˇ nui ma tsaˬ-eu laꞈ kʼoeˇ naw maꞈ kʼoeˇ loꞈ-ehˇ ya noeˬ shaˬ-euˬ jeˬ pyeuꞈ-eu meh.
ကြော်ငြာတွေ