2 Gawˇliˬtu 7:7 - Akha

⁷ Aˬ yawꞈ laˇ-euˬ baˬ da neh tehꞈ-ehˇ nga maꞈ gʼaˬ ahˇ laˇ-euˬ maˬ ngeuˇ. Naw maꞈ aˬ yawꞈ-ahˇ aˬ joˆ-ehˇ gʼaˬ biꞈ-euˬ gaˇ kawˆ aˬ yawꞈ ja mehˬ nehˬ laꞈ-euˬ miˇ neh, nga maꞈ gʼaˬ ahˇ laˇ-euˬ ma. Naw maꞈ ngaˬ-ahˇ aˇ naˆ ni mawˇ mawꞈ-eu gaˇ kawˆ maˬ ehˇ, pyeuꞈ dzeuˇ yaꞈ-euˬ gaˇ kawˆ-ahˇ naw maꞈ aˇ naˆ ni noeˬ shaˬ luꞈ-eu gaˇ kawˆ maˬ ehˇ, naw maꞈ ngaˇ jawˇ paw aˇ naˆ ni pyawˬ mawꞈ-eu gaˇ kawˆ maˬ ehˇ, nga maꞈ-ahˇ aˬ yawꞈ dzawˇ mehˬ laꞈ-euˬ meh. Kʼoeˇ miˇ neh, ngaˇ laˬ kʼaˬ cehˇ-eu maˬ ehˇ jiˇ coeˇ nya.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Tirtuv larkeuv-euq mirnae taef-aer nuima sarlar-euq maqngeur-aer, aqyawf, nawmaf naeq-aer jawr ngae nuima sarlar-euq mirnae, nga’maf khawf nuima sarlar-euq mir-a. Nawmaf, ngaq-anr mawrmawf duidui-eu, nawmaf tsawrngoer ngoerluf-eu hawr-eu nawmaf, ngaq-anr nuima keuv duidui-eu garkawv heudeuq, aqyawf, ja’naeq laf-euq mirnae ngar laqkhaq caerdzaeq lar-euq mir-a.

2 Gawˇliˬtu 7:7 ပူးပေါင်းရင်းမြစ်များ

Jaceuq 141:5

Tsawˇ muiˬ deuˬ neh gʼawˬ shaˬ gaˬ-awˇ dehˬ-euˬ dawˬ doeˇ-ahˇ ya daˬ kʼawꞈ, haiˬ-eu tsawˇ haˬ deuˬ neh taˬ bi taˬ huiˬ nehˬ laꞈ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ yaw haiˬ jeˬ piˬ-iˇ byoˆ-iˇ nya ni, aˬ myah luꞈ ngaˇ guiˬ lahˬ shaˇ luꞈ-eu ma.

Jaceuq 30:5

Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

Jaceuq 38:18

Ngaˬ-euˬ iˬbaˇ ehˇdoˆ-eu ma. Iˬbaˇshaˬzahˬmaˬmˇcoeˇnya.

Jaceuq 51:1

Miˬyehˇ-oˇ, aˬ myah luꞈ maˬ tsehˆ leˇ ni gaˬ-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-ahˇ gʼawˬ shaˬ gaˬ nehˬ laꞈ-awˬ. Huiˬ dui dui-eu gʼawˬ shaˬ gaˬ nya-eu jeˬ baˬ da neh, ngaˬ-euˬ iˬ baˇ tsiˬ shawˇ nehˬ laꞈ-awˬ.

Maꞈtehˬ 26:75

Kʼoeˇ ngeh jawˇ, “Ya poeˇ maˬ doeˇ laˇ mi naˆ-ehˇ, nawˇ ngaˬ-ahˇ maˬ siˬ lehˇ smˬ poˆ keuˆ ni pyehˇ tehꞈ-a” lehˇ, Yeˬsuˇ neh aˬ yawꞈ-ahˇ ehˇ nehˬ-euˬ dawˬ kʼoeˇ dawˬ-ahˇ, Beˬtuˆluˆ noeˬ doˆ leˇ-euˬ meh. Kʼoeˇ naˇ, aˬ yawꞈ laꞈ nyiˇ iˇ doˆ-awˇ, ngoeˇ dui dui-euˬ meh.

Maꞈtehˬ 5:4

“Noeˬ shaˬ noeˬ zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi noeˬ saˇ laˇ tehꞈ-a.

Luˇkaꞈ 22:44

Aˬ yawꞈ nui ma shaˬ zahˬ mˇ dui dui-eu laꞈ kʼoeˇ, yaw beh naˆ maˬ tseˇ guiˬ lahˬ paˇ shaˇ dui dui-euˬ meh. Shiˬ miˇ tsa dzaˆ ka-eu loꞈ-ehˇ, aˬ yawꞈ kuˬ pyuˇ yoeˇ le-euˬ meh.

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

Lormav 1:12

Ngaˇ ehˇ mawꞈ-eu-aˬ, ngaˬ-euˬ jah-eu jeˬ baˬ da neh naw maꞈ gʼaˬ ahˇ dzehˬ laˇ-eu uˬ taꞈ, naw maꞈ-euˬ jah-eu jeˬ baˬ da neh ngaˇ gʼaˬ ahˇ dzehˬ laˇ-awˇ, nyiˬ paw luꞈ guiˬ lahˬ baw-eu jeˬ-ahˇ ehˇ mawꞈ-eu ma.

1 Gawˇliˬtu 5:2

Ehˇ kʼawꞈ naw maꞈ nui ma paˇ huiˬ-eu la. Noeˬ shaˬ dui dui paˬ-ehˇ gʼeh-awˇ, kʼoeˇ loꞈ-ehˇ mˇ-euˬ tsawˇ haˬ-ahˇ Ka li zaˬ aˇ muˇ laꞈ kʼoeˇ neh teh doˆ-eu tsaˬ meh.

2 Gawˇliˬtu 1:14

Nga maꞈ-euˬ gaˇ kawˆ naw maꞈ tsaˬ tsaˬ ni gʼoˆ shaw gʼaˬ taˬ-euˬ meh. Kʼoeˇ miˇ neh, aˬ dui-euˬ Sahˬpaˬ Yeˬsuˇ zaꞈ le ngeh nah naw maꞈ gʼaˇ duˬ nga maꞈ kʼahˬ sehˇ jehˆ kʼaˇ za-eu loꞈ-ehˇ, nga maꞈ gʼaˇ duˬ kʼawꞈ naw maꞈ kʼahˬ sehˇ jehˆ kʼaˇ za tehꞈ-a.

2 Gawˇliˬtu 1:4

Aˬ yawꞈ neh biꞈ leꞈ-euˬ ngehˬ gʼeh dah teˬ-eu jeˬ-ahˇ aˬ dui gʼoe-awˇ, shaˬ-eu zahˬ-eu yawˬ jeˬ na luꞈ-ahˇ ya tahˬ puˬ-eu tsawˇ haˬ deuˬ-ahˇ aˬ dui ngehˬ gʼeh dah teˬ nehˬ nya ni, aˬ dui ya tahˬ puˬ-eu shaˬ zahˬ dawˬ tawˆ luꞈ laꞈ kʼoeˇ Miˬyehˇ aˬ dui-ahˇ ngehˬ gʼeh dah teˬ nehˬ laꞈ-euˬ meh.

2 Gawˇliˬtu 2:9

Naw maꞈ ngaˬ neh mehˬ-euˬ tsoˆ-euˬ dawˬ-ahˇ aˇ naˆ ni naˇ haˬ geuꞈ-eu nga lehˇ ngaˇ siˬ duˬ mawꞈ-eu miˇ neh, naw maꞈ-ahˇ lawˬ haw-eu laꞈ kʼoeˇ sahˬ boꞈ kʼoeˇ taꞈ boꞈ ahˇ leꞈ-euˬ jeˬ pyeuꞈ-eu ma.

2 Gawˇliˬtu 5:2

Nymˬ-mˇ aˬ dui mehˬ tsoeˬ dm daˆ-eu loꞈ-ehˇ, mˬ taˆ-euˬ nymˇ kʼoeˇ-ahˇ dm mawꞈ dui dui-eu miˇ neh mahˇ mahˇ-ehˇ shaˬ-eu laꞈ kʼoeˇ noeˬ tmˬ luꞈ ma.

2 Gawˇliˬtu 7:6

Ehˇ kʼawꞈ, nui ma cawˆ-eu deuˬ-ahˇ gʼaˬ biꞈ-eu Miˬyehˇ-aˬ, Tiˇtuˆ-ahˇ bi laˇ-eu laꞈ kʼoeˇ nga maꞈ-euˬ nui ma-ahˇ gʼaˬ biꞈ lahˬ laꞈ-euˬ meh.

2 Gawˇliˬtu 7:8

Ngaˬ neh boꞈ-euˬ sahˬ boꞈ kʼoeˇ taꞈ naw maꞈ-ahˇ bi noeˬ shaˬ-euˬ kʼawꞈ, sahˬ boꞈ kʼoeˇ taꞈ-ahˇ ngaˬ neh boꞈ-euˬ gaˇ ngaˇ nui ma maˬ saˇ-ehˇ maˬ gʼeh. Sahˬ boꞈ kʼoeˇ taꞈ baˬ da neh naw maꞈ tiˬ kʼehˬ tiˬ yamˬ ya noeˬ shaˬ luꞈ gaˇ ngaˇ ya mawˇ law nmˇ-aˬ, ngaˇ nui ma maˬ saˇ-eu kʼawꞈ baw tehꞈ-a.

2 Gawˇliˬtu 8:16

Ngaˇ naw maꞈ gʼaˇ duˬ nui ma keuˆ-eu loꞈ-ehˇ, Tiˇtuˆ kʼawꞈ nui ma keuˆ ni Miˬyehˇ jahˇ-euˬ miˇ neh, Miˬyehˇ-euˬ guiˬ lahˬ-ahˇ ja ceuˬ ngeh maˬ jiˇ nya.

Piˇliˇpiˆ 1:20

Ngaˇ geuꞈ mawꞈ dui dui-awˇ noeˬ tmˬ taˬ-euˬ jeˬ-aˬ, ngaˇ mˇ paˬ-ehˇ gʼeh-eu gaˇ deuˬ-ahˇ aˬ myah luꞈ mˇ-eu uˬ taꞈ, hehˬ nymˬ-mˇ ngaˇ dehꞈ-eu maˬ ehˇ, shiˇ-eu maˬ ehˇ, kʼaˇ mˇ kʼaˇ shaˇ-eu jeˬ dawˬ tawˆ luꞈ laꞈ kʼoeˇ Ka li-ahˇ aˬ cawˬ yaw zeu baw laˇ-eu gʼaˇ duˬ nui ma kʼaˬ duˬ ni taˬ nya-eu jeˬ-ahˇ geuꞈ mawꞈ-eu ma.

Gawˇlawˇsehˇ 2:5

Ngaˬ-euˬ gʼawˇ mawˇ naw maꞈ nehˬ-ehˇ maˬ jawˇ kʼawꞈ, ngaˬ-euˬ nui ma naw maꞈ nehˬ-ehˇ jawˇ luꞈ-awˇ, naw maꞈ Ka li-ahˇ jah-eu jeˬ laꞈ kʼoeˇ tiˬ kawˆ loꞈ-ehˇ ziꞈ dah ni jawˇ luꞈ gaˇ ya mawˇ-eu miˇ neh, laˬ kʼaˬ cehˇ dui dui nya.

1 Teˇsaˬloˇni 3:6

Nymˬ-mˇ Tiˆmoˇseˬ gʼoꞈ keuˆ le-awˇ, naw maꞈ-euˬ jah-eu jeˬ hawˇ-eu gʼoeˇ-eu gaˬ-eu jeˬ gaˇ kawˆ, laˬ kʼaˬ cehˇ laˇ paˬ-ehˇ dzawˇ gaˬ le-euˬ meh. Naw maꞈ nga maꞈ-ahˇ aˬ myah luꞈ noeˬ keuˆ luꞈ-awˇ, nga maꞈ naw maꞈ-ahˇ mawˇ mawꞈ dui dui-eu loꞈ-ehˇ, naw maꞈ kʼawꞈ nga maꞈ-ahˇ mawˇ mawꞈ dui dui luꞈ-eu gaˇ kawˆ dzawˇ nehˬ laꞈ-euˬ meh.

1 Teˇsaˬloˇni 3:8

Naw maꞈ Sahˬpaˬ Yeˬsuˇ laꞈ kʼoeˇ ziꞈ dah ni jawˇ luꞈ naˇ, nga maꞈ yaw dehꞈ dehꞈ mahˇ tsahˇ ma.

HeˬByehˇ 2:1

Kʼoeˇ miˇ neh, aˬ dui-ahˇ yawˬ paw yawˬ maˬ bi tsahˇ jiˆ gʼeh-eu gʼaˇ duˬ, aˬ dui ya gaˬ taˬ-euˬ yaw tsaˬ yaw dawˇ jeˬ-ahˇ heu naˆ maˬ tseˇ ziꞈ dah ni ya tuˆ tehˬ taˬ meh.

Yaˬkoˆ 5:17

Eˇliˇyaˆ-aˬ, aˬ dui loꞈ-ehˇ gʼeh-eu tsawˇ haˬ tiˬ gʼaˬ meh. Uˬ yehˇ maˬ bi yehˇ le-eu gʼaˇ duˬ aˬ yawꞈ nui ma keuˆ dui dui-eu laꞈ kʼoeˇ guiˬ lahˬ shaˇ ngeh, miˇ kʼahˬ kʼoeˇ kʼahˬ smˇ kʼoꞈ tiˬ paˆ keuˆ ni mˬ gʼoˇ gʼoˇ-euˬ meh.

2 Yoˇhaˬ 1:4

Aˬda Miˬyehˇ neh dawˬ kʼaˇ biꞈ taˬ-euˬ loꞈ-ehˇ, nawˬ-euˬ zaˬ tiˬ paˆ na deuˬ yaw tsaˬ yaw dawˇ jeˬ laꞈ kʼoeˇ jawˇ luꞈ gaˇ ya siˬ ya mawˇ-euˬ miˇ neh ngaˇ laˬ kʼaˬ cehˇ dui dui-eu ma.

Yuˇdaˆ 1:3

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, aˬ dui dawˬ tawˆ luꞈ-ahˇ taꞈ-eu ka kʼoꞈ-eu jeˬ gaˇ kawˆ, ngaˇ kʼaˇ gʼeh nya-eu loꞈ-ehˇ boꞈ ahˇ laꞈ-eu ma. Miˬyehˇ neh aˬ yawꞈ-euˬ tsawˇ haˬ deuˬ-ahˇ mˬ maˬ maˬ byaˆ zaˇ ziˇ tiˬ poˆ tehꞈ-ehˇ biꞈ-euˬ jah-eu jeˬ gʼaˇ duˬ leh jeh dui dui-awˇ deuˆ ceh ceh paˬ-ehˇ gʼeh-eu gaˇ kawˆ, naw maꞈ-ahˇ gʼaˬ biꞈ-eu sahˬ boꞈ yaw kawˇ-ehˇ boꞈ paˬ-ehˇ gʼeh-eu meh lehˇ ngaˇ noeˬ-eu ma.