2 Gawˇliˬtu 7:15 - Akha

¹⁵ Aˬ yawꞈ neh naw maꞈ-ahˇ mehˬ nehˬ tsoˆ nehˬ-euˬ jeˬ-ahˇ naw maꞈ naˇ haˬ geuꞈ mawꞈ-eu nui ma ahˇ-awˇ, Miˬyehˇ mehˬ shi naw maꞈ guˆ-awˇ yaw dzuˬ dzuˬ-eu laꞈ kʼoeˇ aˬ yawꞈ-ahˇ ha geuꞈ nehˬ-euˬ gaˇ aˬ yawꞈ paˇ noeˬ mawˇ leˇ ngeh, aˬ yawꞈ-euˬ nui ma laꞈ kʼoeˇ naw maꞈ-ahˇ gaˬ-eu jeˬ bi lehˬ lehˬ laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Nawmaf dawqtawvluf, aqyawf-euq dawq narhaq geuf-awr, guv-eu lafkhoer yawdzuq gan’gan-aer aqyawf-anr ha-euq gar, aqyawf noeqdovlar ngae, aqyawf, nawmaf-anr ghoerdzaeqlar luf-eu mae.

2 Gawˇliˬtu 7:15 ပူးပေါင်းရင်းမြစ်များ

Aˇ dahˬ 43:30

Kʼoeˇ ngeh, aˬ ha mehˇ nmˇ jawˇ gaˇ neh Yoˇsehˆ tiˬ poˆ tehꞈ-ehˇ doˆ-iˇ-euˬ meh. Aˬ jeˬ miˇ neh ehˇ naˇ, aˬ yawꞈ-euˬ nui ma laꞈ kʼoeˇ aˬ ha mehˇ nmˇ-ahˇ gʼawˬ shaˇ shaˬ-ehˇ gʼeh-euˬ meh.

1 Sahˬpaˬ 3:26

Kʼoeˇ ngeh, aˬ ma ma maˇ pyeuꞈ-awˇ zaˬ-ahˇ gaˬ-eu nui ma ahˇ-eu gʼaˬ ehˇ-eu, “Sahˬ paˬ-oˇ ngaˬ-ahˇ gʼawˬ shaˬ gaˬ-eu laꞈ kʼoeˇ zaˬ-ahˇ taˬ sehꞈ nehˬ laꞈ. Aˬ yawꞈ-ahˇ biꞈ nehˬ-awˬ.” Ehˇ kʼawꞈ, yaw gʼaˬ yawˬ ehˇ-eu, “Aˬ yawꞈ maˬ ehˇ, ngaˇ maˬ ehˇ, maˬ ya geuꞈ ni, zaˬ teu gʼaˬ-ahˇ nyiˬ kʼoeˆ deuˆ kʼoeˆ-awˬ.”

Eˇzaˬlaˬ 10:9

Smˬ nah laꞈ kʼoeˇ Yuˇdaˆ miˇ kʼahˬ hawˇ-eu Beˬyaˬmiˬ miˇ kʼahˬ laꞈ kʼoeˇ jawˇ-eu tsawˇ haˬ dawˬ tawˆ luꞈ Yeˬluˇsaˬlehˬ meuˬ-ahˇ laˇ uiˬ jiˇ-euˬ meh. Ba la gʼoeˬ siˬ tiˬ siˬ nyiˬ tseˇ nah-ahˇ, tsawˇ haˬ dawˬ tawˆ luꞈ Uˬ duˬ tahˬ nymˇ nymˇ ma-euˬ poˆ ka uiˬ laˇ taˬ-euˬ meh. Uˬ yehˇ yaw kʼaˆ-ehˇ yehˇ-eu miˇ neh maˬ ehˇ, huiˬ dui dui-eu gaˇ gʼaˇ duˬ uiˬ laˇ taˬ-euˬ miˇ neh maˬ ehˇ, tsawˇ haˬ yawˬ gʼaˬ na luꞈ yaw dzuˬ dzuˬ-euˬ meh.

Eˇzaˬlaˬ 9:4

Ngaˇ noeˬ shaˬ dui dui-eu laꞈ kʼoeˇ uˬ ciꞈ uˬ taw paw poˆ lawˇ-eu shehˇ-eu yamˬ keuˆ laˇ ngeh keuˆ ni kʼoeˇ loꞈ-ehˇ dzuˇ luꞈ ngeh, Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ kʼoeˇ deuˬ neh mˇ-euˬ iˬ baˇ gaˇ kawˆ-ahˇ Iˇsaˬleˬlaˆ tsawˇ jeuˬ-euˬ Miˬyehˇ neh ehˇ-euˬ gaˇ kʼaˇ guˆ-eu tsawˇ haˬ dawˬ tawˆ luꞈ ngaˬ-euˬ dawˬ peh uiˬ laˇ-euˬ meh.

Yawˇbaˆ 21:6

Ngaˬ-euˬ kʼoeˇ taˆ keuˆ le-euˬ jeˬ-ahˇ ngaˇ shaˇ noeˬ ngeh, ngaˬ-ahˇ zahˬ leˇ-awˇ yaw dzuˬ dzuˬ dui dui nya.

Jaceuq 119:120

Nawˬ-ahˇ ngaˇ guˆ-awˇ yaw dzuˬ dzuˬ-eu ma. Nawˇ yaˇ kʼaˬ daˇ gaˇ ngaˇ guˆ dui dui-eu ma.

Jaceuq 2:11

Guˆ-eu nui ma ahˇ-eu laꞈ kʼoeˇ, SahˬpaˬMiˬyehˇ-euˬgaˇmˇ-awˬ. Guˆ-awˇ yaw dzuˬdzuˬ-eu laꞈkʼoeˇ, aˬkuiˇ uˬmoˆ awˆbyaˆ leˇ-awˬ. Yawꞈ-euˬ nui pehˇ ga keuˆ le naˇ, ja pyuˬni ya shiˇjiˇtehꞈ-a. Yawꞈ-ahˇ tahˬshaˇleˇ-eu deuˬ-aˬ, guiˬlahˬhuiˬ-eu tsawˇhaˬmeh.

Dawˬ caˇ 5:4

Ngaˇ gaˬ-eu gʼaˬ laˇ gʼoˆ-ahˇ tuˆ tehˬ laˇ-awˇ, aˬ yawꞈ laˇ keuˆ shaw-iˬ-eu miˇ neh ngaˇ nui ma cehˇ tahˬ tahˬ nya.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Hawˇseˬ 13:1

Eˇpaˬleˬ tsawˇ jeuˬ dawˬ ngehˬ ngeh, Iˇsaˬleˬlaˆ tsawˇ jeuˬ nui deuˬ, guˆ-awˇ taˬ huiˬ taˬ mahˇ-euˬ meh. Ehˇ kʼawꞈ ni Baˬlaˇ miˬ yehˇ-ahˇ, uˬ duˬ tahˬ-euˬ baˬ da baˇ neh. Aˬ yawꞈ maꞈ ya shiˇ gaˇ keuˆ meh.

Yoˇhaˬ 16:21

Zaˬ miˬ zaˬ tiˬ gʼaˬ zaˬ baw-eu lehˇ gʼeh ngeh, shaˬ zahˬ ya mˇ-eu aˇ yamˬ keuˆ le-euˬ miˇ neh noeˬ shaˬ-eu meh. Ehˇ kʼawꞈ, zaˬ ciˬ doˆ leꞈ gʼaˬ ngeh, shaˬ zahˬ naꞈ-eu jeˬ-ahˇ ngehˇ jiˇ-eu meh. Aˬ jeˬ miˇ neh ehˇ naˇ, zaˬ tiˬ gʼaˬ miˇ tsaˬ kʼoeˇ taˆ dehꞈ doˆ le-euˬ miˇ neh, aˬ yawꞈ laˬ kʼaꞈ cehˇ-eu meh.

Gʼaˬkʼehˇ 16:29

Kʼoeˇ ngeh, tawˬ-ahˇ haw-eu kʼoeˇ gʼaˬ miˬ dzaˬ keuˬ leꞈ-awˬ lehˇ guˇ-awˇ, tawˬ laꞈ kʼoeˇ cehˆ uˇ gʼeh-awˇ, guˆ-awˇ yaw dzuˬ dzuˬ-eu laꞈ kʼoeˇ Pawˇluˆ hawˇ-eu Siˬlaˆ aˬ nyaꞈ-euˬ aˬ kuiˇ dawˬ peh pawˬ tsuiꞈ pawˬ dmˬ ga dmˬ-euˬ meh.

1 Gawˇliˬtu 2:3

Kʼoeˇ miˇ neh, naw maꞈ jawˇ gaˇ ngaˇ oe ngeh, ngaˇ nui ma baˬ dui dui-awˇ, guˆ dui dui-eu laꞈ kʼoeˇ yaw dzuˬ dzuˬ-euˬ ma.

2 Gawˇliˬtu 2:9

Naw maꞈ ngaˬ neh mehˬ-euˬ tsoˆ-euˬ dawˬ-ahˇ aˇ naˆ ni naˇ haˬ geuꞈ-eu nga lehˇ ngaˇ siˬ duˬ mawꞈ-eu miˇ neh, naw maꞈ-ahˇ lawˬ haw-eu laꞈ kʼoeˇ sahˬ boꞈ kʼoeˇ taꞈ boꞈ ahˇ leꞈ-euˬ jeˬ pyeuꞈ-eu ma.

2 Gawˇliˬtu 6:12

Naw maꞈ gʼaˇ duˬ nga maꞈ-euˬ gʼoeˇ-eu gaˬ-eu nui ma piˬ tehˬ taˬ-euˬ maˬ ngeuˇ. Nga maꞈ gʼaˇ duˬ naw maꞈ-euˬ gʼoeˇ-eu gaˬ-eu nui ma piˬ tehˬ taˬ-euˬ meh.

Eˇpeˇsu 6:5

Zaˬ kʼaˆ deuˬ-oˇ, miˇ tsaˬ zaˬ pyeuꞈ-eu naw maꞈ-euˬ baw leˬ deuˬ-ahˇ guˆ-awˇ yaw dzuˬ dzuˬ-eu laꞈ koeˇ, ehˇ dawˬ naˇ haˬ geuꞈ-awˬ. Ka li-euˬ gaˇ mˇ gaˇ duˇ ni, aˬ yawꞈ maꞈ kʼaˇ kʼehˇ-eu jeˬ-ahˇ mˇ-awˬ.

Piˇliˇpiˆ 1:8

Ngaˇ naw maꞈ-ahˇ gaˬ dui dui-eu heu-aˬ, Yeˬsuˇ Ka li-euˬ nui ma-ahˇ neh doˆ le-euˬ gʼoeˇ-eu gaˬ-eu jeˬ neh gaˬ-eu ma lehˇ ngaˇ ehˇ-eu heu tsaˬ-eu gaˇ kawˆ, Miˬyehˇ ngaˬ-euˬ gʼaˇ duˬ saˇ kiˇ pyeuꞈ-eu ma.

Piˇliˇpiˆ 2:12

Kʼoeˇ miˇ neh ngaˇ gaˬ-eu cawˬ deuˬ-oˇ, ngaˇ naw maꞈ nehˬ-ehˇ jawˇ ngeh ngaˬ-euˬ dawˬ-ahˇ naw maꞈ aˬ myah luꞈ naˇ haˬ geuꞈ-euˬ meh. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, ngaˬ-euˬ dawˬ-ahˇ kʼoeˇ naˆ maˬ tseˇ naˇ haˬ geuꞈ-awˬ. Naw maꞈ ka kʼoꞈ-eu jeˬ-ahˇ za nya ni, Miˬyehˇ-ahˇ guˆ-awˇ yaw dzuˬ dzuˬ-eu laꞈ kʼoeˇ leh jeh dui dui-awˬ.

Gawˇlawˇsehˇ 3:12

Naw maꞈ-aˬ, Miˬyehˇ-euˬ tsawˇ haˬ meh. Aˬ yawꞈ naw maꞈ-ahˇ gaˬ-awˇ, aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ tseˇ doˆ taˬ-euˬ meh. Kʼoeˇ miˇ neh, aˬ cawˬ-ahˇ gʼawˬ shaˬ gaˬ-eu, aˬ cawˬ-ahˇ ngehˬ gʼeh mawꞈ-eu, yawˬ haˇ yawˬ ha taˬ nyiˇ-eu, nui nahˬ nui yu ahˇ-eu, nui ma gʼawˬ mahˇ ni taˬ-eu, heu deuˬ-ahˇ naw maꞈ dm tsahˬ taˬ-awˬ.

2 Teˇsaˬloˇni 3:14

Naw maꞈ jawˇ gaˇ boꞈ ahˇ laꞈ-euˬ sahˬ boꞈ heu taꞈ laꞈ kʼoeˇ, nga maꞈ neh mehˬ-euˬ dawˬ heu deuˬ-ahˇ maˬ naˇ haˬ geuꞈ-eu tsawˇ haˬ kʼawꞈ jawˇ-eu baw tehꞈ-a. Kʼoeˇ loꞈ-ehˇ gʼeh-eu tsawˇ haˬ-ahˇ noeˬ taˬ-awˇ, cawˬ maˬ cawˬ nehˬ ni bi shaꞈ dawˇ-awˬ.

1 Yoˇhaˬ 3:17

Smˇ muiˬ smˇ baw tiˬ gʼaˬ-aˬ, shaˬ-eu zahˬ-eu aˬ yuiꞈ aˬ nyiˇ tiˬ gʼaˬ-ahˇ mawˇ luꞈ kʼawꞈ, gʼawˬ shaˬ gaˬ-eu nui ma maˬ ahˇ naˇ, Ka li zaˬ ma lehˇ aˬ joˆ-ehˇ ehˇ nya nmˇ.