2 Gawˇliˬtu 6:4 - Akha

⁴ Ehˇ kʼawꞈ, kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nga maꞈ Miˬyehˇ-euˬ zaˬ kʼaˆ pyeuꞈ-eu gaˇ kawˆ aˬ cawˬ-ahˇ mawˇ leˇ ni, shaˬ-eu zahˬ-eu jeˬ, noeˬ dui noeˬ duiˇ-eu jeˬ, nui ma shaˬ zahˬ naꞈ-eu jeˬ, heu deuˬ-ahˇ oˇ oˇ-ehˇ daˬ dui dui luꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aerkhawf, nga’maf yawqjeq navluf-euq lafkhoer yawqhar yawqha, Miqyaer-euq guiqlanq-euq gar mrzaq ma laer noeqpoeq-awr, heudeuq-anr yadaq-euq ma: yawkhav-aer ya’or-eu, shaqzanq myaq-eu, mawf-awr nym-eu, noeqshaq-eu,

2 Gawˇliˬtu 6:4 ပူးပေါင်းရင်းမြစ်များ

Iˇsaˬyaˇ 61:6

Naw maꞈ-ahˇ Sahˬpaˬ Miˬyehˇ-euˬ piˇ ma lehˇ kuˇ-awˇ, aˬ dui Miˬyehˇ-euˬ gʼaˬ zaˬ lehˇ myahˇ tehꞈ-a. Miˇ kʼahˬ tsawˇ jeuˬ deuˬ-euˬ pyuˇ shuiˇ naw maꞈ dzaˬ-awˇ, aˬ yawꞈ maꞈ-euˬ pyuˇ shuiˇ myawˬ gahˬ, naw maꞈ-euˬ kʼahˬ sehˇ pyeuꞈ tehꞈ-a.

Yawˇlaˆ 1:9

Uˬ duˬ tahˬ nymˇ nymˇ ma laꞈ kʼoeˇ, damˬ-eu dzaˬ la gʼo cehˇ hawˇ-eu, aˬ gaꞈ dzaˇ uiˇ maˬ paˇ jaˆ meh. Sahˬpaˬ Miˬyehˇ-ahˇ damˬ nehˬ-eu, tiˬ jeˬ-iˬ maˬ jaˆ-eu miˇ neh, piˇ ma deuˬ tsawˇ ngoeˇ ngoeˇ luꞈ meh.

Yawˇlaˆ 2:17

Uˬ duˬ tahˬ nymˇ lahˇ kʼehˬ hawˇ-eu, lawˇ duˬ-euˬ yaw kaˬ-ahˇ jawˇ-awˇ, Sahˬpaˬ Miˬyehˇ-euˬ gaˇ mˇ-eu, piˇ ma kʼoeˇ deuˬ ngoeˇ-eu laꞈ kʼoeˇ heu loꞈ-ehˇ guiˬ lahˬ shaˇ nehˬ-awˬ. “Sahˬpaˬ Miˬyehˇ nawˬ-ahˇ shaˇ ma. Nawˬ-euˬ tsawˇ haˬ-ahˇ taˬ byehˇ laꞈ. Aˬ cawˬ tsawˇ jeuˬ deuˬ nga maꞈ-ahˇ, ‘Aˬ lehˬ, naw maꞈ-euˬ Miˬyehˇ’ lehˇ, cehꞈ lehꞈ ka-awˇ ja bu laˇ gaˇ, taˬ bi daˬ nehˬ laꞈ” lehˇ shaˇ-awˬ.

Luˇkaꞈ 21:19

Naw maꞈ ziꞈ dah ni kamˬ coeˇ naˇ, dehꞈ-eu jeˬ-ahˇ za tehꞈ-a.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Gʼaˬkʼehˇ 2:22

“Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ yaw muiˬ paˬ-ehˇ naˇ haˬ sheˇ. Naˬzaˬlehˇ tsawˇ haˬ Yeˬsuˇ-aˬ, maˇ maˇ ni Miˬyehˇ neh bi oe-euˬ gʼaˬ pyeuꞈ-eu gaˇ kawˆ, aˬ yawꞈ-ahˇ gʼoe-eu laꞈ kʼoeˇ Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ kʼoeˇ deuˬ saˇ kiˇ kamˬ luꞈ meh. Gaˇ kawˆ kʼoeˇ deuˬ naw maꞈ-euˬ mehˬ shi pyeuꞈ dzeuˇ yaꞈ-euˬ miˇ neh, naw maꞈ yaw muiˬ paˬ-ehˇ siˬ duˬ meh.

Gʼaˬkʼehˇ 20:34

Ngaˇ hawˇ-eu ngaˬ-euˬ cawˬ deuˬ kʼaˇ loˬ-eu jeˬ za nya ni, ngaˬ-euˬ aˬ laꞈ heu neh gaˇ mˇ-awˇ pyuˇ poˆ-euˬ naw maꞈ siˬ nya meh.

Gʼaˬkʼehˇ 9:16

Ngaˬ-euˬ tsawˇ myahˇ gʼaˇ duˬ kʼehˬ-eu kʼaˆ-eu jeˬ-ahˇ aˬ yawꞈ aˇ naˆ ni ya daˬ paˬ-ehˇ jaˆ-eu gaˇ kawˆ, aˬ yawꞈ-ahˇ ngaˇ bi mawˇ ma.”

Lormav 14:18

Ka li gʼaˇ duˬ kʼoeˇ loꞈ-ehˇ mˇ-eu tsawˇ haˬ-ahˇ Miˬyehˇ nui ma tsaˬ-awˇ, tsawˇ haˬ zaˬ kʼawꞈ nui kʼahˇ shiˇ-eu meh.

Lormav 16:10

Ka li-ahˇ saˇ jaˇ ziꞈ-eu gaˇ kawˆ kʼaˬ duˬ ni mˇ mehˬ-euˬ gʼaˬ pyeuꞈ-eu Aˬbeˇleˇ-ahˇ kʼawꞈ noeˬ mawˇ luꞈ ma. Aˬliˇtawˇbuˆ-euˬ nymˇ kʼahˬ zaˬ deuˬ-ahˇ kʼawꞈ noeˬ mawˇ luꞈ ma.

Lormav 3:5

Aˬ dui yaw lehˬ jeˬ mˇ-euˬ kʼoeˇ-aˬ, Miˬyehˇ yaw tsaˬ jeˬ mˇ-eu gaˇ kawˆ bi mawˇ shawˇ dzehˬ laˇ-eu gʼaˇ duˬ pyeuꞈ-eu ngeuˇ naˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui-ahˇ kʼehˬ nehˬ kʼaˆ nehˬ laꞈ ngeh, aˬ yawꞈ yaw lehˬ jeˬ mˇ-eu meh lehˇ aˬ dui ehˇ nmˇ loˇ. (Heu-aˬ, tsawˇ haˬ zaˬ naˇ haˬ tseˇ mawꞈ-eu dawˬ tiˬ dawˬ meh.)

Lormav 5:8

Ehˇ kʼawꞈ, Miˬyehˇ-aˬ, aˬ dui iˬ baˇ zaˬ pyeuꞈ luꞈ ngeh, aˬ dui-euˬ gʼaˇ duˬ Ka li-ahˇ bi kamˇ shiˇ-eu laꞈ kʼoeˇ, aˬ dui-ahˇ aˇ naˆ ni gaˬ-eu gaˇ kawˆ bi mawˇ duˬ laꞈ-eu meh.

1 Gawˇliˬtu 3:5

Aˬpawˇluˆ aˬ suˇ gʼaˬ-a. Pawˇluˆ aˬ suˇ gʼaˬ-a. Nga nyaꞈ-aˬ, naw maꞈ jah laˇ ni sheuˬ gʼeh nehˬ-eu Miˬyehˇ-euˬ zaˬ kʼaˆ pyeuꞈ-eu tehꞈ ma. Nyiˬ gʼaˬ luꞈ yawˬ ha-ahˇ Miˬyehˇ neh kʼaˇ bi mˇ laꞈ-euˬ jeˬ mˇ-eu tehꞈ ma.

1 Gawˇliˬtu 4:1

Naw maꞈ nga maꞈ-ahˇ heu loꞈ-ehˇ noeˬ-eu tsaˬ meh. Nga maꞈ Ka liˬeuˬ gaˇ mˇ zaˬ deuˬ pyeuꞈ-awˇ, Miˬyehˇ-euˬ zaꞈ taˬ-euˬ yaw tsaˬ yaw dawˇ jeˬ-ahˇ haw piˇ luꞈ-eu tsawˇ haˬ meh lehˇ noeˬ-eu tsaˬ meh.

1 Gawˇliˬtu 9:11

Naw maꞈ jawˇ gaˇ nga maꞈ guiˬ lah saꞈ laˇ-ahˇ taꞈ-eu siˬ yoeˬ sehˬ ngeh keuˆ-ehˇ-aˬ, shiˬ shaˬ jiˇ-ahˇ taꞈ leˇ-eu jeˬ yehˬ dzaˬ naˇ aˇ dzehˬ dzeuˇ ta loˇ.

2 Gawˇliˬtu 11:23

Ngaˇ tsawˇ uˬ loꞈ-ehˇ ngehˬ la de. Aˬ yawꞈ maꞈ Ka li-euˬ zaˬ kʼaˆ ngeuˇ naˇ, ngaˇ-aˬ, aˬ yawꞈ maꞈ naˆ maˬ tseˇ bym dzehˬ-eu Ka li-euˬ zaˬ kʼaˆ ma. Aˬ yawꞈ maꞈ naˆ maˬ tseˇ ngaˇ mˇ taˬ shaˇ taˬ-euˬ jaˆ ma. Aˬ yawꞈ maꞈ naˆ maˬ tseˇ tawˬ-ahˇ uˇ haw-euˬ ma. Aˬ yawꞈ maꞈ naˆ maˬ tseˇ yahˬ caˆ neh bi juiꞈ haw-euˬ ma. Aˬ yawꞈ maꞈ naˆ maˬ tseˇ shiˇ taw tehˬ ni gʼawˬ mya poˆ bi kʼehˬ bi kʼaˆ haw-euˬ ma.

2 Gawˇliˬtu 11:27

Gaˇ mˇ dui dui-awˇ shaˬ dui dui-eu laꞈ kʼoeˇ, uˬ ciꞈ maˬ yuꞈ ni gʼawˬ mya poˆ leh jeh haw-euˬ ma. Hawˬ mehꞈ-eu, iˇ cuꞈ mehꞈ-eu, dzaˬ dzaˬ dawˇ dawˇ maˬ jaˆ-ehˇ ya dzahˬ-eu, dm gʼaˬ dm lmˇ maˬ jaˆ-ehˇ yaw gaˆ gaˆ-eu, heu deuˬ-ahˇ daˬ dzeuˇ yaꞈ-euˬ ma.

2 Gawˇliˬtu 11:9

Naw maꞈ nehˬ-ehˇ ngaˇ jawˇ ngeh, pyuˇ loˬ laˇ kʼawꞈ naw maꞈ-ahˇ maˬ shaˇ haw-aˬ. Maˬgeˬdawˇniˆˆ miˇ kʼahˬ-ahˇ neh oe-euˬ aˬ yuiꞈ aˬ nyiˇ Ka li zaˬ deuˬ ngaˇ kʼaˇ loˬ-eu jeˬ sha ha le-euˬ meh. Dzeuˇ laˇ ngeh naw maꞈ-ahˇ tiˬ jeˬ-iˬ maˬ shaˇ haw-euˬ loꞈ-ehˇ, aˬ kaˇ mehˬ hu paw kʼawꞈ maˬ shaˇ ni mˇ daˆ leꞈ ma.

2 Gawˇliˬtu 12:10

Kʼoeˇ miˇ neh, gʼaˬ baˬ-eu jeˬ, yehˬ bawˬ sehˇ lu-ehˇ gʼeh nehˬ laꞈ-eu jeˬ, shaˬ-eu zahˬ-eu jeˬ, kʼehˬ-eu kʼaˆ-eu jeˬ, nui ma shaˬ zahˬ ya mˇ-eu jeˬ, heu deuˬ-ahˇ Ka li gʼaˇ duˬ ngaˇ laˬ kʼaˬ cehˇ cehˇ-ehˇ daˬ-eu ma. Aˬ jeˬ miˇ neh ehˇ naˇ, ngaˇ gʼaˬ baˬ-eu kʼoeˇ-aˬ, gʼaˬ kʼaˆ-eu jeˬ pyeuꞈ-eu ma.

2 Gawˇliˬtu 12:12

Ngaˇ maˇ maˇ ni gʼaˬ kʼehˇ pyeuꞈ-eu gaˇ kawˆ bi siˬ bi mawˇ duˬ-euˬ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ-ahˇ, nui ma gʼawˬ mahˇ ni taˬ-eu laꞈ kʼoeˇ naw maꞈ-ahˇ mˇ mehˬ-euˬ ma.

2 Gawˇliˬtu 2:17

Nga maꞈ-aˬ, aˬ cawˬ loꞈ-ehˇ yawˬ ha gʼaˇ duˬ jiˇ jeuˬ ahˇ ni Miˬyehˇ dawˬ kawˬ mehˬ-eu tsawˇ haˬ maˬ ngeuˇ. Ehˇ kʼawꞈ, Miˬyehˇ neh kʼehˇ gʼeh leꞈ-euˬ tsawˇ haˬ pyeuꞈ-eu miˇ neh, Ka li-euˬ zaˬ kʼaˆ loꞈ-ehˇ Miˬyehˇ mehˬ shi dawˇ coe ni ngehˬ-eu tmˇ-eu ma.

2 Gawˇliˬtu 3:6

Boꞈ doˆ taˬ-euˬ zahˇ dawˬ kʼoꞈ dawˬ-ahˇ maˬ taꞈ-ehˇ, Yaw sahˇ Miˬyehˇ-ahˇ taꞈ-eu dawˬ ma saˇ jaˇ yaw shuiꞈ gʼaˇ duˬ nga maꞈ gaˇ mˇ nya ni Miˬyehˇ neh jahˇ nehˬ laꞈ-euˬ meh. Boꞈ doˆ taˬ-euˬ zahˇ dawˬ kʼoꞈ dawˬ-aˬ, bi shiˇ-eu jeˬ pyeuꞈ-eu meh. Ehˇ kʼawꞈ Yaw sahˇ Miˬyehˇ-aˬ, bi dehꞈ laˇ-eu jeˬ pyeuꞈ-eu meh.

2 Gawˇliˬtu 4:17

Tiˬ kʼehˬ tiˬ yamˬ laꞈ kʼoeˇ nga maꞈ ya daˬ luꞈ-eu ehˇ nyaꞈ maˬ nyeuˆ-eu shaˬ zahˬ heu-aˬ, maˬ shaˇ cehˆ nya gaˇ keuˆ ni huiˬ-eu mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ-ahˇ za nya ni lehˬ hmˬ luꞈ gaˇ duˇ-eu ma.

2 Gawˇliˬtu 4:2

Shaꞈ dawˇ paˬ-ehˇ gʼeh-eu zaꞈ taˬ-euˬ jeˬ-ahˇ nga maꞈ tiˬ jawˇ-iˬ maˬ mˇ. Mehˇ shuiˇ shuiˇ-eu jeˬ hawˇ-eu Miˬyehˇ dawˬ kawˬ-ahˇ yuˇ pyawˆ-eu jeˬ nga maꞈ maˬ jahˇ. Yaw tsaˬ yaw dawˇ jeˬ-ahˇ bya cehˆ ni mehˬ-awˇ , nga maꞈ-ahˇ aˬ cawˬ jah coeˇ ni Miˬyehˇ-euˬ mehˬ shi dehꞈ luꞈ-eu ma.

2 Gawˇliˬtu 4:8

Shaˬ zahˬ gʼawˬ mya jeˬ-ahˇ nga maꞈ ya daˬ-euˬ ma. Ehˇ kʼawꞈ, yaw li uˬ duˬ maˬ keuˆ le-aˬ siˬ. Tiˬ poˆ na noeˬ dui noeˬ duiˇ gaˇ keuˆ-euˬ ma. Ehˇ kʼawꞈ, nui ma cawˆ gaˇ maˬ keuˆ-aˬ siˬ.

2 Gawˇliˬtu 7:11

Naw maꞈ neh noeˬ shaˬ-euˬ kʼoeˇ-ahˇ Miˬyehˇ aˬ joˆ-ehˇ jahˇ-euˬ gaˇ shaˇ noeˬ haw sheˇ. Naw maꞈ guiˬ lahˬ saꞈ laˇ paw nui ma keuˆ dui dui laˇ-euˬ meh. Naw maꞈ yawˬ ha maˬ mˇ lehˬ-euˬ gaˇ kawˆ bi siˬ bi mawˇ mawꞈ dui dui laˇ-euˬ meh. Yaw tsaˬ yaw dawˇ laꞈ kʼoeˇ nui ma pehˇ-eu, kʼahˬ lahˇ-eu, ngaˬ-ahˇ mawˇ mawꞈ dui dui-eu, ngaˬ-euˬ gʼaˇ duˬ nui ma keuˆ dui dui-eu, yaw lehˬ mˇ gaˇ yaw kʼaˆ-ehˇ daˇ nehˬ mawꞈ-eu, heu deuˬ naw maꞈ-euˬ laꞈ kʼoeˇ pyeuꞈ doˆ laˇ-euˬ meh. Yawˬ jeˬ na luꞈ laꞈ kʼoeˇ yawˬ ha maˬ lehˬ maˬ ca-eu gaˇ kawˆ bya cehˆ ni doˆ laˇ ni naw maꞈ dehꞈ-euˬ meh.

Gawˇlawˇsehˇ 1:11

Yawˬ jeˬ na luꞈ-ahˇ naw maꞈ nui ma gʼawˬ mahˇ ni taˬ-awˇ daˬ coeˇ ni, aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ neh doˆ le-euˬ gʼaˬ baˬ da neh naw maꞈ gʼaˬ kʼaˆ laˇ luꞈ-uˇ. Yaw shehꞈ-euˬ miˇ kʼahˬ laꞈ kʼoeˇ aˬ yawꞈ-euˬ tsawˇ haˬ deuˬ bi jawˇ-eu gʼaˇ duˬ lehˬ hmˬ taˬ-euˬ jawˇ duˬ-ahˇ naw maꞈ jawˇ leˇ nya ni jahˇ nehˬ laꞈ-euˬ Aˬda Miˬyehˇ-euˬ guiˬ lahˬ-ahˇ, laˬ kʼaˬ tiˬ cehˇ ja ceuˬ-awˬ.

Gawˇlawˇsehˇ 1:24

Nymˬ-mˇ naw maꞈ gʼaˇ duˬ ngaˇ ya daˬ luꞈ-eu heu-ahˇ, ngaˇ laˬ kʼaˬ cehˇ ma. Aˬ jeˬ miˇ neh ehˇ naˇ, ngaˬ-euˬ shiˬ shaˬ jiˇ gʼawˇ mawˇ heu loꞈ-ehˇ ya daˬ luꞈ-eu heu-aˬ, Ka li aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ gʼaˇ duˬ aˬ yawꞈ ya daˬ-euˬ kʼoeˇ maˬ byah laˇ jiˇ-ehˇ jaˆ yaꞈ-euˬ deuˬ bi byah laˇ-eu gʼaˇ duˬ caw ba gaˇ duˇ-eu ma.

1 Teˇsaˬloˇni 3:7

Kʼoeˇ miˇ neh aˬ yuiꞈ aꞈ nyiˇ Ka li zaˬ deuˬ-oˇ, shaˬ-eu zahˬ-eu jeˬ hawˇ-eu kʼehˬ-eu kʼaˆ-eu jeˬ-ahˇ nga maꞈ ya daˬ luꞈ ngeh, naw maꞈ-euˬ gaˇ kawˆ ya gaˬ-awˇ, gʼaˬ tiˬ tiˆ paˇ lahˬ laˇ-euˬ miˇ-a. Naw maꞈ-euˬ jah-eu jeˬ kʼoeˇ, nga maꞈ-ahˇ gʼaˬ bi lahˬ laˇ-euˬ meh.

1 Teˇsaˬloˇni 5:14

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ nga maꞈ heu loꞈ-ehˇ gʼaˬ biꞈ-eu ma. Maˬ mˇ maˬ shaˇ nahˇ-eu tsawˇ haˬ-ahˇ yaw kʼaˆ kʼaˆ-ehˇ mehˬ nehˬ tsoˆ nehˬ-awˬ. Nui ma baˬ-eu tsawˇ haˬ-ahˇ gʼaˬ biꞈ nehˬ-awˬ. Gʼaˬ byehˆ byehˆ-eu tsawˇ haˬ-ahˇ caw ba nehˬ-awˬ. Tsawˇ haˬ yawˬ gʼaˬ na luꞈ kʼoeˇ taˆ nui ma gʼawˬ mahˇ ni taˬ-awˬ.

1 Tiˆmoˇseˬ 2:15

Ehˇ kʼawꞈ, zaˬ miˬ zaˬ tiˬ gʼaˬ nui nahˬ nui yu ahˇ-eu laꞈ kʼoeˇ, jah-eu jeˬ, gʼoeˇ-eu gaˬ-eu jeˬ hawˇ-eu, muiˬ-eu shawˇ-eu jeˬ laꞈ kʼoeˇ ziꞈ luꞈ naˇ, zaˬ ciˬ zaˬ cu mˇ-eu baˬ da neh ka kʼoꞈ-eu jeˬ za nya tehꞈ-a.

1 Tiˆmoˇseˬ 4:6

Gaˇ kawˆ heu deuˬ aˬ yuiꞈ aˬ nyiˇ Ka li zaˬ deuˬ-ahˇ nawˇ mehˬ nehˬ naˇ, nawˇ-aˬ, nawˬ neh caw teh gʼeh-euˬ jah-eu jeˬ-ahˇ taꞈ-eu yaw tsaˬ yaw dawˇ jeˬ laꞈ kʼoeˇ hawˇ-eu muiˬ dui dui-eu mehˬ-eu tsoˆ-eu dawˬ deuˬ laꞈ kʼoeˇ huiˬ laˇ-euˬ, Yeˬsuˇ Ka li-euˬ muiˬ-eu zaˬ kʼaˆ tiˬ gʼaˬ pyeuꞈ tehꞈ-a.

1 Tiˆmoˇseˬ 6:11

Ehˇ kʼawꞈ, Miˬyehˇ-euˬ tsawˇ haˬ pyeuꞈ-eu nawˇ-aˬ, heu deuˬ dawˬ tawˆ luꞈ-ahˇ gaˇ jaw jaw-awˬ. Yaw tsaˬ yaw dawˇ jeˬ, Miˬyehˇ-ahˇ yaw zeu baw-eu jeˬ, jah-eu jeˬ, gʼoeˇ-eu gaˬ-eu jeˬ, daˬ coeˇ oˇ coeˇ-eu jeˬ, nui nahˬ nui yu ahˇ-eu jeˬ, heu deuˬ-ahˇ leh jeh dui dui-awˬ.

2 Tiˆmoˇseˬ 1:8

Kʼoeˇ miˇ neh, aˬ dui-euˬ Sahˬpaˬ Yeˬsuˇ gʼaˇ duˬ saˇ kiˇ kamˬ-eu taˬ shaꞈ dawˇ. Ka li-euˬ gʼaˇ duˬ tawˬ-ahˇ bi paꞈ ahˇ-euˬ gʼaˬ pyeuꞈ-eu ngaˬ-ahˇ kʼawꞈ taˬ shaꞈ dawˇ. Ehˇ kʼawꞈ, Miˬyehˇ neh nawˬ-ahˇ gʼaˬ biꞈ nehˬ taˬ-euˬ loꞈ-ehˇ, Laˬ kʼaˬ cehˇ-eu Guiˬ lahˬ dawˬ gʼaˇ duˬ shaˬ-eu zahˬ-eu jeˬ-ahˇ nawˬ-euˬ shaˬ bymˇ nawˇ daˬ-awˬ.

2 Tiˆmoˇseˬ 2:24

Sahˬpaˬ Yeˬsuˇ-euˬ zaˬ kʼaˆ-aˬ, aˬ cawˬ nehˬ-ehˇ maˬ ya ceh dzaˬ-a. Aˬ yawꞈ-aˬ, tsawˇ haˬ yawˬ gʼaˬ na luꞈ-ahˇ gʼawˬ shaˬ ya gaˬ-awˇ, nui ma gʼawˬ mahˇ ni taˬ nya-eu muiˬ dui dui-eu mehˬ-eu tsoˆ-eu saˬ laˬ ya bi pyeuꞈ meh.

2 Tiˆmoˇseˬ 4:5

Ehˇ kʼawꞈ nawˇ-aˬ, aˬ jeˬ pyeuꞈ kʼawꞈ yawˬ ha-euˬ nui ma-ahˇ gʼaˬ leˇ-awˇ, shaˬ-eu zahˬ-eu jeˬ-ahˇ daˬ-eu laꞈ koeˇ Laˬ kʼaˬcehˇ-eu Guiˬ lahˬ dawˬ mehˬ mehˬ-ehˇ, Miˬyehˇ-euˬ zaˬ kʼaˆ tiˬ gʼaˬ loꞈ-ehˇ nawˬ-euˬ gaˇ-ahˇ yaw muiˬ paˬ-ehˇ mˇ-awˬ.

HeˬByehˇ 12:1

Jah-eu jeˬ gaˇ kawˆ saˇ kiˇ kamˬ-euˬ tsawˇ haˬ kʼoeˇ deuˬ, aˬ dui-euˬ tiˬ jawˬ tiˬ byah ni jawˇ luꞈ ma. Kʼoeˇ miˇ neh, gaˇ ma-ahˇ kʼaˇ jaˆ tsoeˬ-eu yawˬ jeˬ na luꞈ-ahˇ aˬ dui teuˆ lehˆ-awˇ, aˬ dui-ahˇ deuˇ geuˆ ni lahˇ cuꞈ taꞈ-euˬ iˬ baˇ-ahˇ behˇ lehˆ-awˇ, aˬ dui mehˬ shi laˆ saˆ taˬ-euˬ cehˆ ceh ceh-eu gaˇ ma-ahˇ nui ma ziꞈ dah ni cehˆ gʼeh kaˇ-euˇ.

Panmaeq 1:9

Ngaˇ-aˬ, naw maꞈ-euˬ aˬ yuiꞈ aˬ nyiˇ Ka li zaˬ pyeuꞈ-eu Yoˇhaˬ ma. Yeˬsuˇ-euˬ mehˬ nah caw teh-euˬ tsawˇ haˬ tiˬ gʼaˬ pyeuꞈ-eu loꞈ-ehˇ, aˬ yawꞈ-euˬ Miˇ kʼahˬ-ahˇ kʼaˇ taꞈ-eu tsawˇ haˬ deuˬ kʼoeˇ taˆ keuˆ le-euˬ shaˬ-eu zahˬ-eu jeˬ-ahˇ naw maꞈ nehˬ-ehˇ tiˬ kawˆ loꞈ-ehˇ oˇ-awˇ daˬ luꞈ-eu ma. Miˬyehˇ-euˬ dawˬ kawˬ hawˇ-eu Yeˬsuˇ neh pah mehˬ nehˬ laꞈ-euˬ yaw tsaˬ yaw dawˇ jeˬ gaˇ kawˆ ngaˇ mehˬ-euˬ miˇ neh, Baˬmoˇ iˇ jaw lahˇ-ahˇ ka lahˇ-awˇ bi jawˇ laꞈ-euˬ meh.

Panmaeq 3:10

Aˬ jeˬ miˇ neh ehˇ naˇ, ngaˬ neh biꞈ-euˬ dawˬ-ahˇ naw maꞈ naˇ haˬ geuꞈ-awˇ daˬ dzeuˇ oˇ dzeuˇ-euˬ miˇ neh, miˇ tsaˬ zaˬ dawˬ tawˆ luꞈ-ahˇ lawˬ haw-eu gʼaˇ duˬ, miˇ tsaˬ heu kʼoeˇ taˆ shaˬ-eu zahˬ-eu jeˬ bi keuˆ le-eu aˇ yamˬ laꞈ kʼoeˇ, naw maꞈ-ahˇ bi buˬ bi law-iˇ ma.