2 Gawˇliˬtu 6:2 - Akha

² Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ-eu meh. “Aˇ yamˬ yaw muiˬ-ehˇ kʼehˬ laˇ ngeh, naw maꞈ shaˇ dawˬ ngaˇ naˇ haˬ-awˇ, ka kʼoꞈ-eu aˇ nah keuˆ le ngeh, naw maꞈ-ahˇ ngaˇ ngehˬ gʼeh-euˬ ma.” Naˇ haˬ sheˇ. Nymˬ-mˇ aˇ yamˬ kʼehˬ laˇ taˬ-euˬ meh. Iˬ nah ka kʼoꞈ-eu jeˬ za-eu aˇ nah meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqjeq mirnae aernar-aq, Miqyaer aer-eu, “Aryamq tsaq ngae, ngar, nawq-euq shardawq-anr narhaq-euq ma. Kakhof-eu arnan ngae nan, ngar, nawq-anr cawba-euq ma.” (Isy 49:8) Hawsher-eq. Nymq-mr-aq, aryamq tsaq-eu mae. Iqnan-aq, kakhof-eu arnan mae.

2 Gawˇliˬtu 6:2 ပူးပေါင်းရင်းမြစ်များ

Jaceuq 69:13

Ehˇ kʼawꞈ, Sahˬpaˬ Miˬyehˇ-oˇ, ngaˇ nawˬ-ahˇ guiˬ lahˬ shaˇ-eu ma. Miˬyehˇ-oˇ, nawˇ naˇ haˬ mawꞈ-eu aˇ yamˬ-ahˇ, ngaˬ-euˬ shaˇ dawˬ naˇ haˬ nehˬ laꞈ-awˬ. Nawˇ-aˬ, gʼoeˇ-eu gaˬ-eu jeˬ huiˬ dui dui-awˇ, ka kʼoꞈ-eu gʼaˇ duˬ dzaˬ taˬ-euˬ nawˬ-euˬ dawˬ ma saˇ jaˇ-ahˇ nawˇ ziꞈ-eu miˇ neh, ngaˬ-euˬ shaˇ dawˬ-ahˇ naˇ haˬ nehˬ laꞈ-awˬ.

Iˇsaˬyaˇ 49:8

Aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ ehˇ-eu, “Nawˬ-ahˇ ka kʼoꞈ-eu aˇ yamˬ tsaˬ laˇ ngeh, nawˬ-euˬ myaˆ pyawˬ naˇ mehˇ-ahˇ ngaˇ haw-awˇ, nawˬ-euˬ shaˇ dawˬ ngaˇ naˇ haˬ ma. Nawˬ-ahˇ ngaˇ bo saˆ haw piˇ-awˇ, nawˬ-ahˇ gʼoe-eu laꞈ kʼoeˇ tsawˇ jeuˬ dawˬ tawˆ luꞈ-ahˇ, ngaˇ dawˬ ma saˇ jaˇ dzaˬ taꞈ ma. Nymˬ-mˇ yaw cawˆ-ehˇ jaˆ-eu nawˬ-euˬ miˇ kʼahˬ-ahˇ, nawˬ-ahˇ paˇ bi jawˇ kʼoꞈ laˇ ma.

Iˇsaˬyaˇ 61:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ka kʼoꞈ-awˇ, aˬ yawꞈ maꞈ-ahˇ muiˇ-eu deuˬ-ahˇ guiˇ deuˆ gʼaˬ-eu, aˇ nah aˇ yamˬ keuˆ le luꞈ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ pyehˬ leꞈ-euˬ meh. Noeˬ shaˬ noeˬ zahˬ-eu tsawˇ haˬ deuˬ nui ma bi saˇ laˇ ni, aˬ yawꞈ ngaˬ-ahˇ pyehˬ leꞈ-euˬ meh.

Yeˬsaˬgeˬlaˇ 16:8

“Ngaˇ yawˬ poˆ yawˬ paˇ oe tsehˆ ngeh, nawˇ cawˬ shaˇ baw yamˬ tsaˬ laˇ taˬ-euˬ meh. Neˇ myawˆ ni gʼeh-eu nawˬ-euˬ gʼawˇ mawˇ-ahˇ, ngaˬ-euˬ pehˇ kʼahˬ neh tsahˇ lahˇ nehˬ-awˇ, nawˬ-ahˇ sheuˬ ma lehˇ saˇ jaˇ biꞈ yaꞈ-euˬ ma. Ngeuˇ ma. Nawˬ-ahˇ sheuˬ-eu gʼaˇ duˬ ngaˇ saˇ jaˇ dzaˬ gʼaˬ-awˇ, nawˇ ngaˬ-euˬ zaˬ kʼaˬ pyeuꞈ laˇ gʼaˬ-euˬ ma” lehˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Luˇkaꞈ 18:37

“Naˬzaˬlehˇ tsawˇ haˬ Yeˬsuˇ le luꞈ-eu nga” lehˇ, aˬ cawˬ aˬ yawꞈ-ahˇ ehˇ nehˬ-euˬ meh.

Luˇkaꞈ 4:19

Sahˬpaˬ Miˬyehˇ gʼawˬ shaˬ gaˬ-eu, aˇ kʼoꞈ keuˆ le taˬ-euˬ gaˇ kawˆ, ngaˇ tsaꞈ gaˬ guˇ gaˬ le-euˬ ma.”

HeˬByehˇ 3:13

Naw maꞈ tiˬ gʼaˬ-iˬ iˬ baˇ neh mehˇ shuiˇ maˬ bi shuiˇ gʼaˬ-ehˇ, nui ma maˬ ya gʼahˇ laˇ ni, “Iˬnah” lehˇ JaˇLiꞈ laꞈ kʼoeˇ ehˇ taˬ-euˬ dawˬ kʼoeˇ dawˬ aˬ dui-ahˇ kʼaˇ toeˬ ceh luꞈ kʼoeˇ keuˆ ni, yawˬ nah na luꞈ tiˬ gʼaˬ tiˇ gʼaˬ ngehˬ gʼeh-awˬ.

HeˬByehˇ 3:7

Kʼoeˇ miˇ neh, Muiˬ-eu shawˇ-eu Yaw sahˇ Miˬyehˇ neh ehˇ taˬ-euˬ loꞈ-ehˇ, “Iˬ nah Miˬyehˇ ehˇ luꞈ-eu dawˬ, naw maꞈ ya gaˬ gʼaˬ-euˬ ngeuˇ naˇ,

HeˬByehˇ 4:7

“Iˬnah” lehˇ ehˇ-eu aˇ nah tiˬ nah-ahˇ Miˬyehˇ nah tsaˬ tsoˆ paˇ-euˬ gaˇ haw-awˇ, gaˇ kawˆ heu aˬ dui siˬ duˬ nya-eu meh. Aˇ kʼoꞈ aˇ la gʼawˬ myahˇ ni dzeuˇ-iˇ gʼaˬ miˇ tsa, Daˬbiˇ-ahˇ gʼoe-awˇ Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ taˬ-eu meh. “Iˬ nah Miˬyehˇ ehˇ luꞈ-eu dawˬ, naw maꞈ ya gaˬ gʼaˬ-euˬ ngeuˇ naˇ, naw maꞈ-euˬ nui ma taˬ bi gʼahˇ.”