2 Gawˇliˬtu 6:13 - Akha

¹³ Naw maꞈ-ahˇ ngaˬ-euˬ zaˬ loꞈ-ehˇ sawˇ-awˇ ngehˬ cawˬ luꞈ-eu ma. Naw maꞈ kʼoeˇ taˆ nga maꞈ nui ma taˬ-eu loꞈ-ehˇ, nga maꞈ kʼoeˇ taˆ naw maꞈ nui ma taˬ nehˬ laꞈ-awˬ. Naw maꞈ-euˬ nui ma jeˇ lo ni pah nehˬ laꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawmaf khawf, ngaq-anr nuima jerloni pannaeq laf-awq laer yawqha-euq zaq-anr ngaeqnaeq-eu lof-aer aer-eu ma.

2 Gawˇliˬtu 6:13 ပူးပေါင်းရင်းမြစ်များ

Jaceuq 119:32

Nawˬ-euˬ zahˇ dawˬ kʼoꞈ dawˬ-ahˇ ngaˇ nui ma keuˆ-awˇ naˇ haˬ geuꞈ-eu ma. Aˬ jeˬ miˇ neh ehˇ naˇ, nawˇ ngaˬ-ahˇ noeˬ siˬ noeˬ mawˇ nya-eu guiˬ lahˬ biꞈ laꞈ tehꞈ-a.

Jaceuq 81:10

Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-euˬ gʼaˬ ngaˇ ma. Naw maꞈ-euˬ kʼaˬ meh mˇ nga-awˬ. Naw maꞈ-ahˇ ngaˇ bi dzaˬ bi dawˇ ma.

Maˬkuˆ 11:24

Teu miˇ neh, naw maꞈ-ahˇ ngaˇ ehˇ nehˬ nyaˇ. Naw maꞈ tiˬ jeˬ paˬ za ni guiˬ lahˬ shaˇ ngeh, za ma lehˇ jah-awˇ shaˇ naˇ, naw maꞈ neh kʼaˇ shaˇ-euˬ jeˬ za tehꞈ-a.

Gaˬlaˬtiˆ 4:12

Aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ loꞈ-ehˇ pyeuꞈ laˇ-euˬ miˇ neh, naw maꞈ ngaˬ loꞈ-ehˇ pyeuꞈ laˇ-awˬ lehˇ shaˇ-eu ma. Naw maꞈ neh ngaˬ-ahˇ mˇ lehˬ taˬ-euˬ tiˬ jeˬ-iˬ maˬ jaˆ-a.

Gaˬlaˬtiˆ 4:19

Ngaˇ gaˬ-eu ngaˬ-euˬ zaˬ deuˬ-oˇ, Ka li-euˬ aˇ gʼehˇ naw maꞈ laꞈ kʼoeˇ ahˇ laˇ ni, zaˬ baw luꞈ-eu aˬ ma tiˬ gʼaˬ uˬ maˆ naˇ-eu shaˬ-eu loꞈ-ehˇ naw maꞈ gʼaˇ duˬ ngaˇ shaˬ zahˬ mˇ-eu maˬ tsehˆ leˇ nya.

1 Teˇsaˬloˇni 2:11

Aˬ da tiˬ gʼaˬ yawˬ ha-euˬ zaˬ deuˬ-ahˇ hehˇ tehˇ-eu loꞈ-ehˇ, naw maꞈ aˬ yawꞈ gʼaˬ yawꞈ-ahˇ nga maꞈ hehˇ tehˇ-euˬ naw maꞈ siˬ nya meh.

1 Yoˇhaˬ 2:1

Ngaˇ gaˬ dui dui-eu zaˬ deuˬ-oˇ, naw maꞈ iˬ baˇ maˬ bi mˇ-eu gʼaˇ duˬ, gaˇ kawˆ heu deuˬ naw maꞈ jawˇ gaˇ ngaˇ boꞈ ahˇ laꞈ-eu jeˬ pyeuꞈ-eu ma. Ehˇ kʼawꞈ, tsawˇ haˬ tiˬ gʼaˬ na iˬ baˇ mˇ lawˬ naˇ, aˬ dui-euˬ dah zaˇ Aˬda Miˬyehˇ-ahˇ tahˬ shaˇ leˇ-eu gʼaˬ jawˇ ma. Kʼoeˇ-aˬ, yaw tsaˬ yaw dawˇ tsawˇ haˬ pyeuꞈ-eu Yeˬsuˇ Ka li meh.

1 Yoˇhaˬ 3:18

Ngaˇ gaˬ dui dui-eu zaˬ deuˬ-oˇ, aˬ dui-euˬ gʼoeˇ-eu gaˬ-eu heu-aˬ, mehˬ boeˬ neh tehꞈ-ehˇ gaˬ-eu jeˬ taˬ bi pyeuꞈ. Maˇ jawˆ ni gʼeh-eu gʼoeˇ-eu gaˬ-eu jeˬ bi pyeuꞈ-awˇ, mˇ-eu shaˇ-eu laꞈ kʼoeˇ bi doˆ laˇ-awˬ.

1 Yoˇhaˬ 3:7

Ngaˇ gaˬ dui dui-eu zaˬ deuˬ-oˇ, tsawˇ haˬ tiˬ gʼaˬ neh-iˬ naw maꞈ-ahˇ mehˇ shuiˇ taˬ bi shuiˇ tawˆ. Yaw tsaˬ yaw dawˇ jeˬ-ahˇ kʼaˇ mˇ-eu tsawˇ haˬ-aˬ, Ka li tsaˬ-eu dawˇ-eu loꞈ-ehˇ yawˬ ha kʼawꞈ tsaˬ-eu dawˇ-eu meh.

3 Yoˇhaˬ 1:4

Ngaˬ-euˬ zaˬ deuˬ yaw tsaˬ yaw dawˇ jeˬ laꞈ kʼoeˇ dehꞈ luꞈ meh lehˇ ya gaˬ-eu naˆ maˬ tseˇ, ngaˇ laˬ kʼaˬ cehˇ-eu nui jeˬ maˬ paˇ jaˆ ma.