2 Gawˇliˬtu 6:12 - Akha

¹² Naw maꞈ gʼaˇ duˬ nga maꞈ-euˬ gʼoeˇ-eu gaˬ-eu nui ma piˬ tehˬ taˬ-euˬ maˬ ngeuˇ. Nga maꞈ gʼaˇ duˬ naw maꞈ-euˬ gʼoeˇ-eu gaˬ-eu nui ma piˬ tehˬ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nawmaf-euq nuima-aq, nga’maf-euq baqda’nae piqtaeq taq-euq maqngeur-a, yawqha-euq nuinoeq-euq baqda’nae piqtaeq taq-euq mae.

2 Gawˇliˬtu 6:12 ပူးပေါင်းရင်းမြစ်များ

Yawˇbaˆ 36:16

Shaˬ-eu zahˬ-eu jeˬ laꞈ kʼoeˇ Miˬyehˇ nawˬ-ahˇ sheuˬ doˆ-awˇ, nui saˇ oꞈ-eu laꞈ kʼoeˇ bi dehꞈ-euˬ meh. Nawˬ-euˬ hawˬ jeh kʼoeˇ taˆ dzaˬ dzaˬ dawˇ dawˇ tiˬ byah jaˆ-eu meh.

Dawqdaq 4:12

Nawˇ gaˇ ma cah ngeh pehˆ toˆ kʼaˇ maˬ za-ehˇ, nawˇ cehˆ coeˬ coeˬ ngeh sahˬ tiꞈ maˬ tiꞈ-aˇ.

Dawˬ tsoˆ 6:9

Kʼoeˇ-aˬ, tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh. Aˇ dzehˬ poˆ geuꞈ-eu naˆ maˬ tseˇ, yawˬ ha kʼaˇ jaˆ-eu jeˬ-ahˇ nui kʼahˇ shiˇ-eu zaˬ dzehˬ meh.

Miˇkaˬ 2:7

Iˇsaˬleˬlaˆ tsawˇ haˬ deuˬ yaˬ kʼehˇ yaˬ-eu jeˬ-ahˇ ya daˬ meh lehˇ nawˇ noeˬ te loˇ. Sahˬpaˬ Miˬyehˇ maˬ oˇ oꞈ coeˇ-ehˇ pyeuꞈ laˇ taˬ loˇ. Kʼoeˇ loꞈ-ehˇ gʼeh-eu jeˬ aˬ yawꞈ aˬ diˇ aˬ maˇ mˇ tehꞈ-a loˇ. Yaw tsaˬ yaw dawˇ dawˇ-ehˇ dehꞈ-eu deuˬ-ahˇ aˬ yawꞈ dawˬ yaw muiˬ ngehˬ cawˬ-eu maˬ ngeuˇ-a loˇ.”

Maꞈtehˬ 7:14

Ehˇ kʼawꞈ, dehˬ-eu saꞈ laˇ gaˇ ma-euˬ gʼoˆ kʼehˬ-aˬ, suꞈ dui dui-awˇ, gaˇ ma shaˬ dui dui-eu miˇ neh, gaˇ ma kʼoeˇ kahˇ poˆ mawˇ-eu tsawˇ haˬ yaw cuiˆ meh.

2 Gawˇliˬtu 4:8

Shaˬ zahˬ gʼawˬ mya jeˬ-ahˇ nga maꞈ ya daˬ-euˬ ma. Ehˇ kʼawꞈ, yaw li uˬ duˬ maˬ keuˆ le-aˬ siˬ. Tiˬ poˆ na noeˬ dui noeˬ duiˇ gaˇ keuˆ-euˬ ma. Ehˇ kʼawꞈ, nui ma cawˆ gaˇ maˬ keuˆ-aˬ siˬ.

2 Gawˇliˬtu 7:2

Nga maꞈ gʼaˇ duˬ naw maꞈ-euˬ nui ma pah nehˬ laꞈ-awˬ. Tsawˇ haˬ tiˬ gʼaˬ-ahˇ-iˬ nga maꞈ maˬ mˇ lehˬ haw-aˬ. Tsawˇ haˬ tiˬ gʼaˬ-ahˇ-iˬ nga maꞈ maˬ laˆ cawˆ haw-aˬ. Tsawˇ haˬ tiˬ gʼaˬ-ahˇ-iˬ nga maꞈ maˬ myawꞈ maˬ shuiˇ haw-aˬ.

Piˇliˇpiˆ 1:8

Ngaˇ naw maꞈ-ahˇ gaˬ dui dui-eu heu-aˬ, Yeˬsuˇ Ka li-euˬ nui ma-ahˇ neh doˆ le-euˬ gʼoeˇ-eu gaˬ-eu jeˬ neh gaˬ-eu ma lehˇ ngaˇ ehˇ-eu heu tsaˬ-eu gaˇ kawˆ, Miˬyehˇ ngaˬ-euˬ gʼaˇ duˬ saˇ kiˇ pyeuꞈ-eu ma.

1 Yoˇhaˬ 3:17

Smˇ muiˬ smˇ baw tiˬ gʼaˬ-aˬ, shaˬ-eu zahˬ-eu aˬ yuiꞈ aˬ nyiˇ tiˬ gʼaˬ-ahˇ mawˇ luꞈ kʼawꞈ, gʼawˬ shaˬ gaˬ-eu nui ma maˬ ahˇ naˇ, Ka li zaˬ ma lehˇ aˬ joˆ-ehˇ ehˇ nya nmˇ.