2 Gawˇliˬtu 5:15 - Akha

¹⁵ Dehꞈ luꞈ-eu tsawˇ haˬ deuˬ kʼawꞈ yawˬ ha gʼaˇ duˬ dehꞈ luꞈ-eu jeˬ maˬ bi pyeuꞈ-ehˇ, aˬ yawꞈ maꞈ gʼaˇ duˬ shiˇ dah-awˇ paˇ bi gʼoꞈ dehꞈ laˇ-euˬ gʼaˬ-euˬ gʼaˇ duˬ tehꞈ-ehˇ dehꞈ luꞈ-eu jeˬ bi pyeuꞈ ni, dawˬ tawˆ luꞈ gʼaˇ duˬ aˬ yawꞈ shiˇ dah-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Daefluf-eu tsawrhaq deuq yawqha-euq gharduq maqpar daef-aer, aqyawf maf-euq gharduq shirdan-awr ghofdaef lar-euq ghaq-euq gharduq daefni, tsawrhaq dawqtawv luf-euq gharduq aqyawf shirdan-euq mae.

2 Gawˇliˬtu 5:15 ပူးပေါင်းရင်းမြစ်များ

2 Sahˬpaˬ 5:17

Neˬmaˬ ehˇ-eu, “Ngaˬ neh biꞈ-euˬ laꞈ sawˬ-ahˇ nawˇ maˬ ha geuꞈ te lehˇ ngeuˇ naˇ kʼawꞈ, mahˬ shaˆ lawˬ nyiˬ mawˇ byah ni miˇ tsaˬ bi tawˬ kʼoꞈ gʼeh nehˬ laꞈ-awˬ. Aˬ jeˬ miˇ neh ehˇ naˇ, nymˬ-mˇ neh aˇ dahˬ beh-awˇ, Sahˬpaˬ Miˬyehˇ-ahˇ maˬ ngeuˇ naˇ, miˬ yehˇ nui gʼaˬ-ahˇ lawˇ-eu shehˇ-eu hawˇ-eu miˬ dzaˬ dzah puiˆ-awˇ lawˇ-eu jeˬ ngaˇ maˬ paˇ lawˇ ma.

Yeˬsaˬgeˬlaˇ 16:6

Kʼoeˇ naˇ, nawˬ-euˬ dawˬ peh ngaˇ oe tsehˆ ngeh, nawˬ-euˬ shiˬ laꞈ kʼoeˇ nawˇ teuˆ teuˆ-ehˇ jawˇ gaˇ ngaˇ mawˇ-euˬ ma. Nawˬ-euˬ shiˬ lah lehꞈ lah gʼa-awˇ jawˇ ngeh, nawˬ-ahˇ ngaˇ maˬ bi shiˇ-aˬ.

Yeˬsaˬgeˬlaˇ 37:14

Aˬ yawꞈ maꞈ-ahˇ ngaˬ-euˬ saꞈ baw ahˇ nehˬ-eu laꞈ kʼoeˇ paˇ bi gʼoꞈ dehꞈ laˇ-awˇ, aˬ yawꞈ maꞈ-euˬ miˇ kʼahˬ-ahˇ paˇ bi jawˇ ma. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu aˬ yawꞈ maꞈ ya siˬ duˬ tehꞈ-a. Ngaˇ heu loꞈ-ehˇ mˇ ma lehˇ saˇ jaˇ dzaˬ taˬ-euˬ loꞈ-ehˇ, aˬ diˇ aˬ maˇ mˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 37:9

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, jaˬ lehˇ-ahˇ ngaˬ-euˬ gʼaˇ duˬ ngehˬ dah nehˬ-awˬ. Oeˬ paw oeˬ coeˇ luꞈ jaˬ lehˇ baw ahˇ laꞈ-awˇ, shiˇ taˬ-euˬ gʼawˇ mawˇ heu deuˬ bi dehꞈ laˇ-awˬ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dawˬ biꞈ-eu meh lehˇ jaˬ lehˇ-ahˇ ehˇ nehˬ-awˬ.”

Haˬbaˬkuˆ 2:4

Gaˇ kawˆ kʼoeˇ-aˬ, heu loꞈ-ehˇ meh. Miˬyehˇ-ahˇ saˇ jaˇ maˬ puiˬ-eu, yaw tsaˬ yaw dawˇ deuˬ ya dehꞈ-awˇ, yaw haiˬ deuˬ maˬ dzeuˇ-iˇ nya-a.”

Zaˬkaˬliˇ 10:9

Miˇ kʼahˬ doe ni aˬ yawꞈ maꞈ-ahˇ, ngaˇ teh dzeh-awˇ bi jawˇ-euˬ kʼawꞈ, gaˇ mahˇ kaˬ gaˇ jawˇ byoˆ luꞈ ngeh, yawꞈ maꞈ ngaˬ-ahˇ noeˬ mawˇ tehꞈ-a. Aˬ yawꞈ maꞈ maˬ byoˆ maˬ laˆ ni, zaˬ deuˬ nehˬ-ehˇ tiˬ kawˆ loꞈ-ehˇ, iˇ kahˇ-ahˇ gʼoꞈ doˆ laˇ tehꞈ-a.

Yoˇhaˬ 5:24

“Ngaˇ naw maꞈ-ahˇ maˇ jawˆ ni ehˇ-eu ma. Ngaˬ-euˬ dawˬ ya gaˬ-awˇ, ngaˬ-ahˇ kʼehˇ gʼeh leꞈ-euˬ gʼaˬ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za meh. Miˬyehˇ neh yaˇ kʼaˬ daˇ nehˬ gaˇ maˬ ya daˬ-eu uˬ taꞈ, shiˇ-eu jeˬ-ahˇ neh dehꞈ-eu jeˬ-ahˇ tsehˆ doˆ dzeuˇ-euˬ meh.

Yoˇhaˬ 6:57

Dehꞈ luꞈ-eu Aˬda neh ngaˬ-ahˇ kʼehˇ gʼeh leꞈ-euˬ meh. Ngaˇ kʼawꞈ, aˬ yawꞈ baˬ da neh dehꞈ luꞈ-eu ma. Kʼoeˇ gaˇ duˇ ni, ngaˬ-ahˇ kʼaˇ dzaˬ-eu tsawˇ haˬ-aˬ, ngaˇ baˬ da neh dehꞈ tehꞈ-a.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Lormav 4:25

Aˬ dui-euˬ iˬ baˇ baˬ da neh aˬ yawꞈ-ahˇ sehꞈ-eu gʼaˇ duˬ bi a nehˬ-awˇ, aˬ dui Miˬyehˇ-ahˇ tsaˬ leˇ tsahˇ leˇ nya ni aˬ yawꞈ-ahˇ bi gʼoꞈ dehꞈ laˇ-euˬ meh.

Lormav 6:2

Kʼoeˇ loꞈ-ehˇ maˬ ngeuˇ-a. Iˬ baˇ mˇ-eu jeˬ-ahˇ taꞈ leˇ-awˇ, aˬ dui shiˇ dzeuˇ gʼaˬ-euˬ gaˇ duˇ-eu-aˬ, iˬ baˇ laꞈ kʼoeˇ aˬ duiˬ aˬ joˆ-ehˇ paˇ dehꞈ daˆ gʼeh leꞈ nya nmˇ.

Lormav 6:6

Aˬ dui-euˬ iˬ baˇ mˇ-eu nui ma yaw oeˇ siˬ-euˬ baoˬ-ahˇ laˆ cawˆ-awˇ, iˬ baˇ-euˬ zaˬ kʼaˆ maˬ paˇ ya geuꞈ-eu gʼaˇ duˬ aˬ dui yaw dehꞈ dehꞈ-eu yaw oeˇ hmˬ Ka li nehˬ-ehˇ laꞈ yaꞈ kʼoeˇ taˆ kamˇ shiˇ gʼaˬ-euˬ ma lehˇ aˬ dui siˬ nya ma.

Lormav 8:10

Ehˇ kʼawꞈ, naw maꞈ laꞈ kʼoeˇ Ka li jawˇ naˇ, iˬ baˇ baˬ da neh naw maꞈ-euˬ gʼawˇ mawˇ shiˇ-euˬ kʼawꞈ, yaw tsaˬ yaw dawˇ jeˬ ba da neh naw maꞈ-euˬ saꞈ laˇ dehꞈ luꞈ-eu meh.

Lormav 8:2

Aˬ jeˬ miˇ neh ehˇ naˇ, aˬ dui-ahˇ Yeˬsuˇ Ka li laꞈ kʼoeˇ bi dehꞈ laꞈ-euˬ Yaw sahˇ Miˬyehˇ-euˬ baoˬ-aˬ, iˬ baˇ hawˇ-eu shiˇ-eu jeˬ-euˬ zahˇ sahˇ kʼoꞈ uˬ moˆ aˬ dui-ahˇ bi buˬ-iˇ laꞈ-euˬ meh.

Lormav 8:6

Shiˬ shaˬ jiˇ-euˬ nui noeˬ neh bi uˆ lahˇ-euˬ jeˬ-aˬ, shiˇ-eu jeˬ-ahˇ aˇ saˬ saˬ leˇ-eu meh. Yaw sahˇ Miˬyehˇ neh bi uˆ lahˇ-euˬ tsawˇ haˬ deuˬ-aˬ, dehꞈ-eu jeˬ hawˇ-eu nui saˇ oꞈ-eu jeˬ-ahˇ aˇ saˬ saˬ leˇ-eu meh.

1 Gawˇliˬtu 10:33

Ngaˬ neh kʼaˇ mˇ-euˬ loꞈ-ehˇ mˇ-awˬ. Ngaˇ kʼaˇ mˇ-eu jeˬ laꞈ kʼoeˇ, tsawˇ haˬ yawˬ gʼaˬ na luꞈ nui kʼahˇ shiˇ ni mˇ-eu ma. Aˬ yawꞈ maꞈ ka kʼoꞈ-eu jeˬ za nya ni, ngaˬ-euˬ gʼaˇ duˬ muiˬ-eu jeˬ-ahˇ maˬ shaˇ noeˬ-ehˇ, aˬ cawˬ gʼaˇ duˬ muiˬ-eu jeˬ-ahˇ shaˇ noeˬ-awˇ mˇ-eu ma.

2 Gawˇliˬtu 12:10

Kʼoeˇ miˇ neh, gʼaˬ baˬ-eu jeˬ, yehˬ bawˬ sehˇ lu-ehˇ gʼeh nehˬ laꞈ-eu jeˬ, shaˬ-eu zahˬ-eu jeˬ, kʼehˬ-eu kʼaˆ-eu jeˬ, nui ma shaˬ zahˬ ya mˇ-eu jeˬ, heu deuˬ-ahˇ Ka li gʼaˇ duˬ ngaˇ laˬ kʼaˬ cehˇ cehˇ-ehˇ daˬ-eu ma. Aˬ jeˬ miˇ neh ehˇ naˇ, ngaˇ gʼaˬ baˬ-eu kʼoeˇ-aˬ, gʼaˬ kʼaˆ-eu jeˬ pyeuꞈ-eu ma.

2 Gawˇliˬtu 3:6

Boꞈ doˆ taˬ-euˬ zahˇ dawˬ kʼoꞈ dawˬ-ahˇ maˬ taꞈ-ehˇ, Yaw sahˇ Miˬyehˇ-ahˇ taꞈ-eu dawˬ ma saˇ jaˇ yaw shuiꞈ gʼaˇ duˬ nga maꞈ gaˇ mˇ nya ni Miˬyehˇ neh jahˇ nehˬ laꞈ-euˬ meh. Boꞈ doˆ taˬ-euˬ zahˇ dawˬ kʼoꞈ dawˬ-aˬ, bi shiˇ-eu jeˬ pyeuꞈ-eu meh. Ehˇ kʼawꞈ Yaw sahˇ Miˬyehˇ-aˬ, bi dehꞈ laˇ-eu jeˬ pyeuꞈ-eu meh.

2 Gawˇliˬtu 5:16

Iˬ nah taꞈ naˇ, shiˬ shaˬ jiˇ myaˆ nuiˆ neh aˬ cawˬ-ahˇ nga maꞈ maˬ paˇ haw ma. Dzeuˇ laˇ ngeh Ka li-ahˇ shiˬ shaˬ jiˇ myaˆ nuiˆ neh haw-euˬ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ haw ma.

Gaˬlaˬtiˆ 5:25

Aˬ dui Yaw sahˇ Miˬyehˇ-ahˇ gʼoe-awˇ dehꞈ luꞈ-eu ngeuˇ naˇ, Yaw sahˇ Miˬyehˇ-ahˇ gʼoe-awˇ mehˬ hu paw cah gʼeh kaˇ-euˇ.

Eˇpeˇsu 4:17

Lawˇ ciꞈ zaˬ loꞈ-ehˇ taˬ paˇ dehꞈ lehˇ, Sahˬ paˬ Yeˬsuˇ-euˬ tsawˇ myahˇ uˬ moˆ ngaˇ naw maꞈ-ahˇ yaw kʼaˆ kʼaˆ-ehˇ ehˇ-eu ma. Aˬ yawꞈ maꞈ-euˬ nui noeˬ gaˇ dahˇ maˬ tsoeˬ-a.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.

Gawˇlawˇsehˇ 2:12

A jeˬ miˇ neh ehˇ naˇ, naw maꞈ iˇ cuꞈ shawˇ ngeh Ka li nehˬ-ehˇ tiˬ kawˆ loꞈ-ehˇ bi baꞈ pahˬ-awˇ, tiˬ kawˆ loꞈ-ehˇ paˇ gʼoꞈ dehꞈ laˇ-euˬ jeˬ pyeuꞈ-eu meh. Ka li-ahˇ bi gʼoꞈ dehꞈ laˇ-euˬ Miˬyehˇ-euˬ dehꞈ luꞈ-eu baoˬ-ahˇ naw maꞈ jah-eu laꞈ kʼoeˇ gʼoꞈ dehꞈ laˇ-euˬ jeˬ pyeuꞈ-eu meh.

Gawˇlawˇsehˇ 3:1

Naw maꞈ-ahˇ Ka li nehˬ-ehˇ bi gʼoꞈ dehꞈ laˇ-euˬ meh. Kʼoeˇ miˇ neh, mˬ kʼoeˇ taˆ Miˬyehˇ neh naw maꞈ gʼaˇ duˬ lehˬ hmˬ taˬ-euˬ jeˬ-ahˇ nui kʼahˇ jaˆ-awˬ. Kʼoeˇ gaˇ, Miˬyehˇ-euˬ aˇ maˇ paw jaˆ-eu dzoeˬ dzaˬ nuiˇ mahˬ kʼoeˇ taˆ Ka li nuiˇ luꞈ-eu meh.

Gawˇlawˇsehˇ 3:17

Naw maꞈ kʼaˇ mˇ kʼaˇ shaˇ kʼaˇ ngehˬ kʼaˇ tmˇ-eu jeˬ laꞈ kʼoeˇ, Sahˬ paˬ Yeˬsuˇ-euˬ tsawˇ myahˇ uˬ moˆ Aˬ da Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ mˇ-awˬ.

Gawˇlawˇsehˇ 3:23

Aˬ geu jeˬ mˇ-eu maˬ kaˬ, tsawˇ haˬ zaˬ gʼaˇ duˬ mˇ-eu loꞈ-ehˇ maˬ ngeuˇ ni, Sahˬpaˬ Yeˬsuˇ gʼaˇ duˬ mˇ-eu loꞈ-ehˇ nui ma keuˆ-awˇ mˇ-awˬ.

1 Teˇsaˬloˇni 5:10

Aˬ yawꞈ zaꞈ leh ngeh, aˬ dui dehꞈ-eu maˬ kaˬ, shiˇ-euˬ maˬ kaˬ, aˬ yawꞈ nehˬ-ehˇ tiˬ kawˆ loꞈ-ehˇ ya jawˇ ni aˬ dui gʼaˇ duˬ aˬ yawꞈ shiˇ dah-euˬ meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

1 Beˬtuˆluˆ 4:6

Kʼoeˇ miˇ neh, dehꞈ luꞈ ngeh aˬ cawˬ-ahˇ yaˇ kʼaˬ kʼaˇ daˇ nehˬ-euˬ loꞈ-ehˇ bi daˇ nehˬ-euˬ deuˬ pyeuꞈ-eu shiˇ dzeuˇ-euˬ tsawˇ haˬ deuˬ-ahˇ, Ka li aˬ yawꞈ Laˬ kʼaˬ cehˇ-eu Guiˬ lahˬ dawˬ mehˬ-iˇ-euˬ meh. Aˬ yawꞈ maꞈ saꞈ laˇ laꞈ kʼoeˇ dehꞈ luꞈ ngeh, Miˬyehˇ kʼaˇ dehꞈ-eu loꞈ-ehˇ dehꞈ nya ni mehˬ nehˬ-iˇ-euˬ jeˬ pyeuꞈ-eu meh.

1 Yoˇhaˬ 4:9

Miˬyehˇ-aˬ, aˬ yawꞈ-euˬ Zaˬmaˇ tiˬ gʼaˬ tehꞈ-ehˇ jawˇ-eu kʼawꞈ, Zaˬmaˇ baˬ da neh aˬ dui dehꞈ-eu jeˬ za nya ni miˇ tsaˬ kʼoeˇ taˆ kʼehˇ gʼeh le-awˇ, aˬ yawꞈ-euˬ gʼoeˇ-eu gaˬ-eu jeˬ aˬ dui-ahˇ bi mawˇ laꞈ-euˬ meh.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.