“Yeˬhawˇyaˬdaˬ-euˬ dah zaˇ Sahˬpaˬ Miˬyehˇ nawˬ-ahˇ piˇ ma ka nehˬ gʼaˬ-euˬ miˇ neh, nymˬ-mˇ Uˬ duˬ tahˬ nymˇ nymˇ ma laꞈ kʼoeˇ aˬ cawˬ naˆ maˬ tseˇ huiˬ dzehˬ-eu gʼaˬ nawˇ meh. Kʼoeˇ miˇ neh, Miˬyehˇ gʼaˇ duˬ ngehˬ dah-eu tsawˇ haˬ jahˇ geuꞈ-eu tsawˇ uˬ yawˬ gʼaˬ na luꞈ-ahˇ, aˬ kuiˇ-ahˇ shmˇ caˆ paꞈ-awˇ kawˬ lahˇ-ahˇ shmˇ laꞈ gʼahˬ nyehꞈ tawꞈ nehˬ-eu-aˬ, nawˬ-euˬ gaˇ meh.
2 Gawˇliˬtu 5:13 - Akha13 Nga maꞈ uˬ-iˇ-euˬ nga loˇ. Uˬ-iˇ-euˬ ngeuˇ naˇ, Miˬyehˇ hawˇ-eu nga maꞈ-euˬ yaw kaˬ-ahˇ jaˆ luꞈ-uˇ. Nga maꞈ maˬ uˬ-iˇ ngaˬ loˇ. Maˬ uˬ-iˇ-euˬ ngeuˇ naˇ kʼawꞈ, naw maꞈ gʼaˇ duˬ guiˬ lahˬ baw luꞈ-uˇ. အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq13 Nga’maf tsawruq uq-ir-euq nar-aq, Miqyaer-euq gharduq uq-ir-euq ma. Nga’maf-euq nuima ganrluf-eu ngeur nar-aq, nawmaf-euq gharduq ma. အခန်းကိုကြည့်ပါ။ |
2 Gawˇliˬtu 5:13
15 ပူးပေါင်းရင်းမြစ်များ
Miˬyehˇ neh ngaˬ-ahˇ gʼawˬ shaˬ gaˬ-eu laꞈ kʼoeˇ biꞈ laꞈ-euˬ laꞈ sawˬ baˬ da neh, naw maꞈ yawˬ gʼaˬ na luꞈ-ahˇ ngaˇ heu loꞈ-ehˇ ehˇ-eu ma. Naw maꞈ yawˬ haˇ yawˬ ha aˇ dzehˬ dzeuˇ ni taˬ noeˬ huiˬ. Tsaˬ tsaˬ ni tehꞈ-ehˇ noeˬ-awˬ. Miˬyehˇ neh biꞈ laꞈ-euˬ jah-eu jeˬ aˇ myaˆ ni ahˇ-eu nya lehˇ shaˇ sawˇ-awˇ, yawˬ haˇ yawˬ ha siˬ nya-awˬ.
Ngaˇ aˬ dzawˬ aˇ gah-euˬ dawˬ ngehˬ la. Kʼoeˇ loꞈ-ehˇ ngehˬ ni naw maꞈ neh teh suꞈ nehˬ laꞈ-euˬ meh. Naw maꞈ ngaˬ-ahˇ noeˬ muiˬ nehˬ laꞈ paˬ-ehˇ gʼeh-eu meh. Ngaˇ-aˬ, gaˇ dahˇ tsoeˬ leˇ-eu tsawˇ haˬ maˬ ngeuˇ kʼawꞈ, naw maꞈ-euˬ huiˬ dzehˬ mahˇ dzeuˬ-eu gʼaˬ kʼehˇ kʼoeˇ deuˬ taꞈ-ehˇ tiˬ pawꞈ-iˬ maˬ nyiˇ teˬ.
Ngaˇ kʼahˬ sehˇ jehˆ mawꞈ lawˬ naˇ kʼawꞈ, aˬ dzawˬ aˇ gah miˇ neh maˬ ngeuˇ. Aˬ jeˬ miˇ neh ehˇ naˇ, ngeuˇ gaˇ keuˆ ni tehꞈ-ehˇ jehˆ-eu ma. Ehˇ kʼawꞈ, ngaˇ kʼahˬ sehˇ maˬ jehˆ. Aˬ jeˬ miˇ neh ehˇ naˇ, ngaˬ neh mˇ-euˬ jeˬ-ahˇ ya mawˇ-awˇ ngaˬ neh ngehˬ-euˬ dawˬ-ahˇ ya gaˬ-euˬ uˬ taꞈ-ehˇ, tsawˇ haˬ tiˬ gʼaˬ-iˬ ngaˬ-ahˇ maˬ bi noeˬ huiˬ mawꞈ nya.
Kʼoeˇ miˇ neh, sahˬ boꞈ kʼoeˇ taꞈ ngaˇ boꞈ-euˬ kʼawꞈ, aˬ cawˬ-ahˇ mˇ lehˬ-euˬ tsawˇ haˬ gʼaˇ duˬ boꞈ-euˬ maˬ ngeuˇ. Aˬ cawˬ mˇ lehˬ gaˇ ya daˬ-euˬ tsawˇ haˬ gʼaˇ duˬ boꞈ-euˬ kʼawꞈ maˬ ngeuˇ. Nga maꞈ gʼaˇ duˬ naw maꞈ nui ma aˇ naˆ ni keuˆ-eu gaˇ kawˆ Miˬyehˇ mehˬ shi naw maꞈ siˬ duˬ mawˇ duˬ nya ni boꞈ-euˬ ma.
Nymˬ-mˇ naw maꞈ gʼaˇ duˬ ngaˇ ya daˬ luꞈ-eu heu-ahˇ, ngaˇ laˬ kʼaˬ cehˇ ma. Aˬ jeˬ miˇ neh ehˇ naˇ, ngaˬ-euˬ shiˬ shaˬ jiˇ gʼawˇ mawˇ heu loꞈ-ehˇ ya daˬ luꞈ-eu heu-aˬ, Ka li aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ gʼaˇ duˬ aˬ yawꞈ ya daˬ-euˬ kʼoeˇ maˬ byah laˇ jiˇ-ehˇ jaˆ yaꞈ-euˬ deuˬ bi byah laˇ-eu gʼaˇ duˬ caw ba gaˇ duˇ-eu ma.
Aˬ jeˬ miˇ neh ehˇ naˇ, naw maꞈ jawˇ gaˇ nga maꞈ Laˬ kʼaˬ cehˇ-eu Guiˬ lahˬ dawˬ hehˇ leꞈ ngeh, kʼaˬ meh mehˬ boeˬ neh tehꞈ-ehˇ hehˇ leꞈ-euˬ maˬ ngeuˇ. Baoˬ hawˇ-eu Muiˬ-eu shawˇ-eu Yaw sahˇ Miˬyehˇ laꞈ kʼoeˇ maˬ ehˇ, maˇ maˇ ni ngeuˇ meh lehˇ siˬ duˬ jah duˬ-eu laꞈ kʼoeˇ maˬ ehˇ, hehˇ leꞈ-euˬ jeˬ pyeuꞈ-eu ma. Naw maꞈ nehˬ-ehˇ jawˇ-euˬ aˇ yamˬ laꞈ kʼoeˇ nga maꞈ aˬ joˆ-ehˇ dehꞈ yaꞈ jawˇ yaꞈ-euˬ gaˇ kawˆ naw maꞈ siˬ nya meh. Kʼoeˇ-aˬ, naw maꞈ-euˬ gʼaˇ duˬ pyeuꞈ-eu ma.
ကြော်ငြာတွေ