2 Gawˇliˬtu 4:11 - Akha

¹¹ Nga maꞈ-euˬ buꞈ-iˇ cehˇ-iˇ nya-eu gʼawˇ mawˇ heu laꞈ kʼoeˇ Yeˬsuˇ dehꞈ luꞈ-eu gaˇ kawˆ aˬ cawˬ mawˇ nya ni, nga maꞈ yaw dehꞈ dehꞈ-eu heu aˬ yawꞈ gʼaˇ duˬ aˬ myah luꞈ shiˇ paˬ-ehˇ tsaˬ laˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqjeq mirnae aernar-aq, Yeqsur-euq daef-eu jeq, shirnya-eu nga’maf-euq mawrdo-anr nae byacaevni dovlar nya’ni, nga’maf daefluf-eu deuq-aq, aqmyanluf Yeqsur-euq gharduq shirni a’naeq-eu gar ya daqluf-eu ma.

2 Gawˇliˬtu 4:11 ပူးပေါင်းရင်းမြစ်များ

Jaceuq 141:7

Miˬ dzaˬ ceuꞈ kʼawˬ taˬ-awˇ ga-eu loꞈ-ehˇ, aˬ yawꞈ maꞈ-euˬ shaˬ yoeˬ lmˬ bymˇ gaˇ dzeˇ ga tehꞈ-a.

Jaceuq 44:22

Ehˇkʼawꞈ,nawˬ-euˬbaˬda baˇneh, nga maꞈshiˇnawˆnawˆluꞈ-eu ma. Bi sehꞈdzaˬ-euˬyawˇdeuˬloꞈ-ehˇ, nga maꞈ-ahˇjahˇnehˬlaꞈ-euˬmeh.

Lormav 8:11

Yeˬsuˇ-ahˇ shiˇ-euˬ gaˇ bi gʼoꞈ dehꞈ laˇ-euˬ Miˬyehˇ-euˬ Yaw sahˇ kʼoeˇ naw maꞈ-euˬ laꞈ kʼoeˇ jawˇ naˇ, Ka li-ahˇ shiˇ-euˬ gaˇ bi gʼoꞈ dehꞈ laˇ-euˬ kʼoeˇ gʼaˬ naw maꞈ-euˬ laꞈ kʼoeˇjawˇ-eu aˬ yawꞈ-euˬ Yaw sahˇ Miˬyehˇ-ahˇ gʼoe-awˇ, shiˇ nya-eu naw maꞈ-euˬ gʼawˇ mawˇ-ahˇ dehꞈ-eu jeˬ biꞈ nehˬ laꞈ tehꞈ-a.

Lormav 8:36

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Nawˬ-euˬ ba da neh sehꞈ laˇ gaˇ, nah ga ni nga maꞈ daˬ-euˬ ma. Sehꞈ-eu lehˇ gʼeh-eu yawˇ loꞈ-ehˇ, nga maꞈ-ahˇ jahˇ nehˬ laꞈ-euˬ meh.”

1 Gawˇliˬtu 15:31

Aˬ yuiꞈ aˬ nyiˇ Ka li zaˬ deuˬ-oˇ, shiˇ-eu jeˬ-ahˇ yawˬ nah na luꞈ ngaˇ ya tahˬ puˬ luꞈ-eu ma. Aˬ dui-euˬ Sahˬpaˬ Yeˬsuˇ Ka li-ahˇ taꞈ leˇ-eu yaw dehꞈ dehꞈ-eu jeˬ laꞈ kʼoeˇ naw maꞈ-ahˇ ngaˇ nui ma huiˬ kʼaˇ za-eu miˇ neh, ngaˇ heu loꞈ-ehˇ ehˇ tsehˆ peuˬ-eu ma.

1 Gawˇliˬtu 15:49

Miˇ tsaˬ yuˇ-awˇ tehˆ taˬ-euˬ gʼaˬ-euˬ aˇ gʼehˇ aˬ dui pi luꞈ-eu loꞈ-ehˇ, mˬ-ahˇ neh oe-euˬ gʼaˬ-euˬ aˇ gʼehˇ aˬ dui paˇ ya pi tehꞈ-a.

2 Gawˇliˬtu 4:10

Yeˬsuˇ dehꞈ luꞈ-eu gaˇ kawˆ nga maꞈ-euˬ gʼawˇ mawˇ laꞈ kʼoeˇ aˬ cawˬ mawˇ nya ni, aˬ yawꞈ shiˇ-euˬ kʼoeˇ nga maꞈ-euˬ gʼawˇ mawˇ laꞈ kʼoeˇ aˬ myah luꞈ pi luꞈ-eu ma.

2 Gawˇliˬtu 4:12

Ehˇ mawꞈ-eu-aˬ, saꞈ laˇ dehꞈ-eu jeˬ-ahˇ naw maꞈ siˬ nya laˇ ni, shiˬ shaˬ jiˇ shiˇ-eu jeˬ-ahˇ nga maꞈ maˬ tsehˆ leˇ ni ya tahˬ puˬ luꞈ ma.

2 Gawˇliˬtu 5:4

Miˇ tsaˬ heu kʼoeˇ taˆ jaˆ-eu yaˇ cmˇ laꞈ kʼoeˇ aˬ dui kʼaˆ behˆ kah-eu miˇ neh mahˇ luꞈ ma. Ehˇ kʼawꞈ, miˇ tsaˬ shiˬ shaˬ jiˇ gʼawˇ mawˇ heu-ahˇ lehˆ dzeh mawꞈ-eu miˇ neh mahˇ-eu maˬ ngeuˇ. Buꞈ-iˇ cehˇ-iˇ nya-eu jeˬ-ahˇ maˬ buꞈ maˬ cehˇ-iˇ nya-eu jeˬ neh bi myoꞈ ahˇ-eu gʼaˇ duˬ, mˬ taˆ-euˬ nymˇ dm daˆ mawꞈ-eu miˇ neh mahˇ-eu ma.

2 Gawˇliˬtu 6:9

Aˬ cawˬ tiˬ gʼaˬ-iˬ maˬ siˬ nya-eu tsawˇ haˬ-ahˇ duˇ kʼawꞈ, yawˬ gʼaˬ na luꞈ siˬ nya-eu tsawˇ haˬ ma. Shiˇ leˇ-eu tsawˇ haˬ-ahˇ duˇ kʼawꞈ, dehꞈ luꞈ-eu tsawˇ haˬ ma. Kʼehˬ dui kʼaˆ dui dui nehˬ laꞈ-euˬ kʼawꞈ, shiˇ gaˇ maˬ keuˆ-euˬ tsawˇ haˬ ma.