2 Gawˇliˬtu 4:10 - Akha

¹⁰ Yeˬsuˇ dehꞈ luꞈ-eu gaˇ kawˆ nga maꞈ-euˬ gʼawˇ mawˇ laꞈ kʼoeˇ aˬ cawˬ mawˇ nya ni, aˬ yawꞈ shiˇ-euˬ kʼoeˇ nga maꞈ-euˬ gʼawˇ mawˇ laꞈ kʼoeˇ aˬ myah luꞈ pi luꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nga’maf-euq mawrdo-anr nae Yeqsur-euq daef-eu jeq byacaevni bi dovlar nya’ni, nga’maf-euq mawrdo-euq lafkhoer aqmyanluf Sanqpaq Yeqsur shir-euq jeq piluf-eu ma.

2 Gawˇliˬtu 4:10 ပူးပေါင်းရင်းမြစ်များ

Yoˇhaˬ 14:19

Tiˬ kʼehˬ tiˬ yamˬ laꞈ kʼoeˇ, miˇ tsaˬ zaˬ deuˬ ngaˬ-ahˇ maˬ paˇ ya mawˇ meh. Ehˇ kʼawꞈ, naw maꞈ ngaˬ-ahˇ ya mawˇ tehꞈ-a. Ngaˇ dehꞈ-eu baˬ da neh, naw maꞈ kʼawꞈ ya dehꞈ tehꞈ-a.

Lormav 6:5

Aˬ yawꞈ loꞈ-ehˇ shiˇ-euˬ laꞈ kʼoeˇ aˬ dui aˬ yawꞈ-ahˇ taꞈ leˇ gʼaˬ-euˬ-aˬ, aˬ yawꞈ loꞈ-ehˇ paˇ gʼoꞈ dehꞈ laˇ-eu laꞈ kʼoeˇ aˬ dui aˬ yawꞈ-ahˇ paˇ ya taꞈ leˇ tehꞈ-a.

Lormav 6:8

Aˬ dui Ka li nehˬ-ehˇ shiˇ-euˬ miˇ neh, aˬ yawꞈ nehˬ-ehˇ ya dehꞈ ma lehˇ aˬ dui jah-eu ma.

Lormav 8:36

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Nawˬ-euˬ ba da neh sehꞈ laˇ gaˇ, nah ga ni nga maꞈ daˬ-euˬ ma. Sehꞈ-eu lehˇ gʼeh-eu yawˇ loꞈ-ehˇ, nga maꞈ-ahˇ jahˇ nehˬ laꞈ-euˬ meh.”

2 Gawˇliˬtu 1:5

Ka li ya daˬ-euˬ shaˬ zahˬ gʼawˬ mya jeˬ-ahˇ aˬ dui caw daˬ-eu loꞈ-ehˇ, Miˬyehˇ-euˬ huiˬ dui dui-eu ngehˬ gʼeh dah teˬ nehˬ laꞈ-eu jeˬ-ahˇ Ka li laꞈ kʼoeˇ aˬ dui za-euˬ ma.

2 Gawˇliˬtu 1:9

Nga maꞈ-ahˇ bi shiˇ-eu gʼaˇ duˬ yaˇ kʼaˬ daˇ tsehˆ gʼaˬ-euˬ nga lehˇ nga maꞈ noeˬ-euˬ ma. Ehˇ kʼawꞈ, kʼoeˇ loꞈ-ehˇ pyeuꞈ laˇ-euˬ kʼoeˇ-aˬ, nga maꞈ yawˬ haˇ yawˬ ha maˬ gʼoe-ehˇ, shiˇ-euˬ tsawˇ haˬ-ahˇ bi gʼoꞈ dehꞈ laˇ nya-eu Miˬyehˇ-ahˇ tehꞈ-ehˇ gʼoe nya laˇ-eu gʼaˇ duˬ pyeuꞈ-eu meh.

2 Gawˇliˬtu 13:4

Aˬ jeˬ miˇ neh ehˇ naˇ, nahˬ jawˆ ni gʼeh-eu laꞈ kʼoeˇ aˬ yawꞈ-ahˇ laꞈ yaꞈ kʼoeˇ taˆ bi taꞈ sehꞈ-euˬ kʼawꞈ, Miˬyehˇ-euˬ baoˬ baˬ da neh nymˬ-mˇ aˬ yawꞈ dehꞈ luꞈ meh. Aˬ yawꞈ-ahˇ taꞈ-eu laꞈ kʼoeˇ nga maꞈ kʼawꞈ nahˬ jawˆ ni gʼeh-eu ma. Ehˇ kʼawꞈ, naw maꞈ nehˬ-ehˇ nga maꞈ dehꞈ taꞈ luꞈ-eu heu-aˬ, Miˬyehˇ-euˬ baoˬ-ahˇ gʼoe-awˇ Ka li nehˬ-ehˇ dehꞈ luꞈ-eu miˇ neh deuˇ geuˆ ni jaˆ luꞈ ma.

2 Gawˇliˬtu 4:11

Nga maꞈ-euˬ buꞈ-iˇ cehˇ-iˇ nya-eu gʼawˇ mawˇ heu laꞈ kʼoeˇ Yeˬsuˇ dehꞈ luꞈ-eu gaˇ kawˆ aˬ cawˬ mawˇ nya ni, nga maꞈ yaw dehꞈ dehꞈ-eu heu aˬ yawꞈ gʼaˇ duˬ aˬ myah luꞈ shiˇ paˬ-ehˇ tsaˬ laˇ-eu meh.

Gaˬlaˬtiˆ 6:17

Aˇ saˬ saˬ-eu dawˬ heu loꞈ-ehˇ ehˇ-eu ma. Iˬ nah taꞈ naˇ, tsawˇ haˬ tiˬ gʼaˬ-iˬ ngaˬ-ahˇ taˬ paˇ laˆ suˬ saˬ nehˬ laꞈ. Aˬ jeˬ miˇ neh ehˇ naˇ, ngaˬ-euˬ gʼawˇ mawˇ kʼoeˇ taˆ daˬ luꞈ-eu aˬ cawˬ neh bi kʼehˬ-euˬ maˇ byawꞈ heu deuˬ-aˬ, ngaˇ Yeˬsuˇ-euˬ zaˬ kʼaˆ meh lehˇ saˇ kiˇ kamˬ luꞈ meh.

Gawˇlawˇsehˇ 1:24

Nymˬ-mˇ naw maꞈ gʼaˇ duˬ ngaˇ ya daˬ luꞈ-eu heu-ahˇ, ngaˇ laˬ kʼaˬ cehˇ ma. Aˬ jeˬ miˇ neh ehˇ naˇ, ngaˬ-euˬ shiˬ shaˬ jiˇ gʼawˇ mawˇ heu loꞈ-ehˇ ya daˬ luꞈ-eu heu-aˬ, Ka li aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ gʼaˇ duˬ aˬ yawꞈ ya daˬ-euˬ kʼoeˇ maˬ byah laˇ jiˇ-ehˇ jaˆ yaꞈ-euˬ deuˬ bi byah laˇ-eu gʼaˇ duˬ caw ba gaˇ duˇ-eu ma.

2 Tiˆmoˇseˬ 2:11

Tsaˬ dui dui-eu dawˬ-aˬ, heu loꞈ-ehˇ meh. “Aˬ dui aˬ yawꞈ nehˬ-ehˇ shiˇ naˇ, aˬ yawꞈ nehˬ-ehˇ ya dehꞈ tehꞈ-a.

1 Beˬtuˆluˆ 4:13

Ka li ya shaˬ ya zahˬ gaˇ duˇ ni naw maꞈ kʼawꞈ ya shaˬ ya zahˬ-eu miˇ neh laˬ kʼaˬ cehˇ-awˬ. Aˬ jeˬ miˇ neh ehˇ naˇ, aˬ yawꞈ yaw shehꞈ kʼahˬ sehˇ laꞈ kʼoeˇ zaꞈ le ngeh, naw maꞈ laꞈ kʼaˬ ya cehˇ tehꞈ-a.

1 Beˬtuˆluˆ 4:14

Naw maꞈ Ka li-euˬ mehˬ nah caw teh-eu baˬ da neh aˬ cawˬ naw maꞈ-ahˇ ja bu ja doeˇ naˇ, naw maꞈ guiˬ lahˬ huiˬ-eu meh. Aˬ cawˬ kʼoeˇ loꞈ-ehˇ ehˇ laˇ-eu kʼoeˇ-aˬ, Miˬyehˇ-euˬ Yaw sahˇ pyeuꞈ-eu yaw shehꞈ kʼahˬ sehˇ huiˬ-eu Yaw sahˇ Miˬyehˇ naw maꞈ kʼoeˇ taˆ jawˇ luꞈ-eu saˇ kiˇ meh.

Panmaeq 1:17

Aˬ yawꞈ-ahˇ ngaˇ mawˇ ngeh, tsawˇ shiˇ loꞈ-ehˇ aˬ yawꞈ-euˬ aˬ kuiˇ dawˬ peh coˬ dzeh-euˬ ma. Kʼoeˇ ngeh, aˬ yawꞈ ngaˬ-ahˇ aˇ maˇ laꞈ baꞈ daˆ-awˇ, heu loꞈ-ehˇ ehˇ-eu meh. “Taˬ guˆ, ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma.