2 Gawˇliˬtu 3:7 - Akha

⁷ Zahˇ dawˬ kʼoꞈ dawˬ kʼoeˇ-aˬ, kʼaˬ lo kʼoeˇ taˆ taꞈ boꞈ taˬ-awˇ, Zahˇ dawˬ kʼoꞈ dawˬ kʼoeˇ biꞈ le ngeh, Miˬyehˇ-euˬ yaw shehꞈ kʼahˬ sehˇ doˆ le-euˬ meh. Moˇseˬ-euˬ myaˆ pyawˬ kʼoeˇ taˆ bya-eu yaw shehꞈ kʼoeˇ-aˬ, tiˬ kʼehˇ laˇ kʼehˬ tehꞈ-ehˇ gmˬ-eu yaw shehꞈ pyeuꞈ kʼawꞈ, yaw shehꞈ aˇ dzehˬ-ehˇ kʼaˆ-eu miˇ neh Iˇsaˬleˬlaˇ tsawˇ haˬ deuˬ Moˇseˬ-euˬ myaˆ pyawˬ-ahˇ maˬ haw peuˬ-a. Shiˇ-eu jeˬ bi keuˆ le-eu Zahˇ dawˬ kʼoꞈ dawˬ kʼawꞈ, kʼoeˇ naˆ naˆ-ehˇ gʼeh-eu yaw shehꞈ kʼahˬ sehˇ laꞈ kʼoeˇ oe-euˬ ngeuˇ naˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Shir-eu jeq-euq gar-aq, khaqlo-euq khoertav tafbof taq-awr yawshaef-euq lafkhoer dovlar-euq mae. Morseq-euq myavpyawq-anr byadov lef-eu yawshaef khoer byov-ir luf-eu khawf yawshaef ardzaeq-aer khav-eu mirnae, Irsaqleqlav tsawrhaq, aqyawf-euq myavpyawq-anr maq hawnya nar-aq,

2 Gawˇliˬtu 3:7 ပူးပေါင်းရင်းမြစ်များ

Aˇ dahˬ 3:21

Miˬyehˇ pyuꞈ-eu Sahˬpaˬ Miˬyehˇ-aˬ, Aˬdaˬ hawˇ-eu Eˇbaˆ aˬ nyaꞈ dzeˇ zaˬ-ahˇ, jeˬ zaˬ baˆ kʼoˆ mehˬ tsoeˬ guꞈ-awˇ bi dm-euˬ meh.

Neˬhaˬmiˇ 9:13

Siˇnaˆ gawˬ jawˬ kʼoeˇ taˆ mˬ-ahˇ neh nawˇ oe-awˇ, nawˬ-euˬ tsawˇ jeuˬ-ahˇ dawˬ ngehˬ cawˬ le-awˇ, muiˬ-eu tsaˬ-eu zahˇ sahˇ kʼoꞈ dawˬ kawˬ deuˬ, aˬ yawꞈ maꞈ-ahˇ nawˇ biꞈ le-euˬ meh.

Jaceuq 119:174

Sahˬpaˬ Miˬyehˇ-oˇ, nawˇ ka kʼoꞈ nehˬ laꞈ gaˇ ngaˇ noeˬ tmˬ dui dui-eu ma. Nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ laˬ kʼaˬ cehˇ-eu ma.

Jaceuq 119:97

Nawˬ-euˬ zahˇ dawˬ kʼoꞈ dawˬ-ahˇ ngaˇ aˇ naˆ ni gaˬ-eu nga. Nah ga-ehˇ zahˇ dawˬ kʼoꞈ dawˬ-ahˇ shaˇ noeˬ luꞈ-eu ma.

Doˆ-iˇ 24:12

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Gawˬ jawˬ-ahˇ, ngaˇ jawˇ gaˇ daˆ laˇ-awˬ. Nawˇ heu gaˇ laˇ keuˆ-awˇ jawˇ ngeh, Iˇsaˬleˬlaˆ tsawˇ haˬ-ahˇ mehˬ nehˬ tsoˆ nehˬ-eu gʼaˇ duˬ, ngaˬ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ nawˬ-ahˇ ngaˇ biꞈ ma.”

Doˆ-iˇ 31:18

Siˇnaˆ gawˬ jawˬ kʼoeˇ taˆ, Moˇseˬ-ahˇ Miˬyehˇ dawˬ ngehˬ cawˬ gʼaˬ ngeh, Miˬyehˇ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ Moˇseˬ-ahˇ Miˬyehˇ biꞈ nehˬ-euˬ meh.

Doˆ-iˇ 32:19

Iˇsaˬleˬlaˆ tsawˇ haˬ deuˬ-euˬ jawˇ duˬ dawˬ peh Moˇseˬ zaꞈ ka keuˆ-iˇ-awˇ, mawˇ neˇ mawˇ kawˇ hawˇ-eu tsawˇ haˬ kʼoeˇ deuˬ gaˇ nyeh nyeh luꞈ gaˇ ya mawˇ ngeh, nui ma pehˇ dui dui-euˬ meh. Kʼoeˇ gaˇ, gawˬ jawˬ dawˬ dahˬ-ahˇ, aˬ yawꞈ baꞈ luꞈ-eu kʼaˬ lo teˇ byaꞈ baꞈ dzeh ka gʼeh-awˇ, bi paˆ-iˇ-euˬ meh.

Doˆ-iˇ 34:1

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Kʼaˬ lo teˇ byaꞈ yaw beh kʼoeˇ nyiˬ byaꞈ-ahˇ duˇ-eu kʼaˬ lo teˇ byaꞈ nyiˬ byaꞈ taꞈ-awˬ. Nawˬ neh laˆ paˆ-euˬ kʼoeˇ nyiˬ byaꞈ kʼoeˇ taˆ boꞈ taˬ-euˬ dawˬ deuˬ, heu nyiˬ byaꞈ kʼoeˇ taˆ ngaˇ paˇ boꞈ ma.

Gʼaˬkʼehˇ 6:15

Baꞈ dzah-ahˇ kʼaˇ nuiˇ luꞈ-eu tsawˇ haˬ dawˬ tawˆ luꞈ, Saˬteˬpaˬ-ahˇ haw tsoˆ taˬ-euˬ meh. Kʼoeˇ ngeh, aˬ yawꞈ-euˬ myaˆ pyawˬ kʼoeˇ, mˬ taˆ gʼaˬ kʼehˇ-euˬ myaˆ pyawˬ-ahˇ duˇ gaˇ aˬ yawꞈ maꞈ ya mawˇ-euˬ meh.

Lormav 10:4

Jah-eu tsawˇ haˬ yawˬ gʼaˬ na luꞈ Miˬyehˇ-ahˇ tsaˬ leˇ tsahˇ leˇ nya ni, Ka li neh Zahˇ dawˬ kʼoꞈ dawˬ-ahˇ aˇ saˬ bi saˬ-euˬ meh.

Lormav 4:15

Zahˇ dawˬ kʼoꞈ dawˬ-aˬ, Miˬyehˇ nui ma pehˇ-eu jeˬ bi keuˆ le-eu meh. Ehˇ kʼawꞈ, zahˇ dawˬ kʼoꞈ dawˬ maˬ jaˆ gaˇ-aˬ, zahˇ dawˬ kʼoꞈ dawˬ-ahˇ mˇ bahˬ-eu jeˬ kʼawꞈ maˬ jaˆ-aˇ.

Lormav 5:20

Zahˇ dawˬ kʼoꞈ dawˬ biꞈ leꞈ-euˬ-aˬ, yaw lehˬ mˇ-eu bi myaˬ laˇ-eu gʼaˇ duˬ meh. Ehˇ kʼawꞈ, iˬ baˇ kʼaˇ myaˬ laˇ gaˇ Miˬyehˇ-euˬ guiˬ lahˬ kʼoeˇ myaˆ maˬ tseˇ myaˬ laˇ luꞈ-eu meh.

Lormav 7:10

ngaˇ shiˇ-euˬ gaˇ duˇ miˇ-a. Dehꞈ-eu jeˬ bi keuˆ le-eu gʼaˇ duˬ pyeuꞈ-eu zahˇ dawˬ kʼoꞈ dawˬ kʼoeˇ dawˬ-aˬ, shiˇ-eu jeˬ bi keuˆ le gaˇ duˇ miˇ-a.

Lormav 7:22

Ngaˬ-euˬ gʼawˇ mawˇ laꞈ kʼoeˇ mawˇ-aˬ, Miˬyehˇ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ miˇ-a.

Lormav 7:5

Aˬ jeˬ miˇ neh ehˇ naˇ, aˬ dui shiˬ shaˬ jiˇ-euˬ nui noeˬ dehꞈ luꞈ ngeh, Zahˇ dawˬ kʼoꞈ dawˬ baˬ da neh iˬ baˇ mˇ mawꞈ-eu nui kʼahˇ aˬ duiˬ-euˬ gʼawˇ mawˇ laꞈ kʼoeˇ gaˇ mˇ luꞈ-awˇ, aˬ dui kʼaˇ mˇ kʼaˇ shaˇ-euˬ yawˬ jeˬ na luꞈ shiˇ-eu jeˬ-ahˇ aˇ saˬ saˬ leˇ-eu meh.

1 Gawˇliˬtu 13:10

Byah-eu loꞈ-eu jeˬ keuˆ le ngeh, maˬ byah maˬ loꞈ-eu jeˬ byoˆ-iˇ jiˇ tehꞈ-a.

2 Gawˇliˬtu 3:3

Naw maꞈ-aˬ, Ka li neh boꞈ ahˇ leꞈ-awˇ nga maꞈ neh hehˇ leꞈ-euˬ sahˬ boꞈ tiˬ dzeh pyeuꞈ-eu meh. Sahˬ boꞈ heu dzeh-ahˇ sahˬ uiˇ zmˬ-awˇ boꞈ taˬ-euˬ maˬ ngeuˇ-a. Dehꞈ luꞈ-eu Miˬyehˇ-euˬ Yaw sahˇ-ahˇ zmˬ-awˇ boꞈ taˬ-euˬ meh. Kʼaˬ lo teˇ byaꞈ kʼoeˇ taˆ boꞈ taˬ-euˬ maˬ ngeuˇ-a. Tsawˇ haˬ-euˬ nui ma teˇ byaꞈ kʼoeˇ taˆ boꞈ taˬ-euˬ meh.

2 Gawˇliˬtu 3:6

Boꞈ doˆ taˬ-euˬ zahˇ dawˬ kʼoꞈ dawˬ-ahˇ maˬ taꞈ-ehˇ, Yaw sahˇ Miˬyehˇ-ahˇ taꞈ-eu dawˬ ma saˇ jaˇ yaw shuiꞈ gʼaˇ duˬ nga maꞈ gaˇ mˇ nya ni Miˬyehˇ neh jahˇ nehˬ laꞈ-euˬ meh. Boꞈ doˆ taˬ-euˬ zahˇ dawˬ kʼoꞈ dawˬ-aˬ, bi shiˇ-eu jeˬ pyeuꞈ-eu meh. Ehˇ kʼawꞈ Yaw sahˇ Miˬyehˇ-aˬ, bi dehꞈ laˇ-eu jeˬ pyeuꞈ-eu meh.

2 Gawˇliˬtu 3:8

Yaw sahˇ Miˬyehˇ neh mˇ-euˬ gaˇ deuˬ-ahˇ taꞈ leˇ-eu yaw shehꞈ kʼahˬ sehˇ-aˬ, aˇ naˆ ni paˇ kʼaˆ dzehˬ nmˇ.

Gaˬlaˬtiˆ 3:10

Zahˇ dawˬ kʼoꞈ dawˬ-ahˇ mˇ byah gaˇ gʼoe gʼoe-ehˇ dehꞈ-eu tsawˇ haˬ deuˬ-aˬ, yaˬ kʼehˇ yaˬ-eu jeˬ-ahˇ ya daˬ-eu meh. Aˬ jeˬ miˇ neh ehˇ naˇ, “Zahˇ dawˬ kʼoꞈ dawˬ sahˬ boꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ-ahˇ aˬ myah luꞈ maˬ byehˇ ni maˬ caw teh geuꞈ-eu tsawˇ haˬ-aˬ, Miˬyehˇ neh yaˬ kʼehˇ yaˬ-euˬ jeˬ-ahˇ ya daˬ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Gaˬlaˬtiˆ 3:21

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ Miˬyehˇ neh dzaˬ taˬ-euˬ saˇ jaˇ-ahˇ laˆ cawˆ ta loˇ. Maˬ ngeuˇ-a. Aˬ jeˬ miˇ neh ehˇ naˇ, dehꞈ-eu jeˬ biꞈ laꞈ nya-eu zahˇ dawˬ kʼoꞈ dawˬ-ahˇ tsawˇ haˬ zaˬ deuˬ za taˬ-euˬ ngeuˇ naˇ, zahˇ dawˬ kʼoꞈ dawˬ kʼoeˇ-ahˇ mˇ byah-eu laꞈ kʼoeˇ Miˬyehˇ-ahˇ tsaˬ leˇ tsahˇ leˇ nya tehꞈ-a.

Dawˬmehˬ 4:13

Naw maꞈ bi caw teh-eu gʼaˇ duˬ, aˬ yawꞈ-euˬ dawˬ ma saˇ jaˇ pyeuꞈ-eu Zahˇ dawˬ kʼoꞈ dawˬ Tseˇ dawˬ aˬ yawꞈ ehˇ mehˬ nehˬ-awˇ, kʼaˬ lo teˇ byaꞈ kʼoeˇ taˆ aˬ yawꞈ boꞈ-euˬ meh.

Dawˬmehˬ 4:8

Aˇ naˆ ni huiˬ-eu tsawˇ jeuˬ maˬ kaˬ, iˬ nah naw maꞈ-ahˇ ngaˇ mehˬ nehˬ tsoˆ nehˬ-euˬ zahˇ dawˬ kʼoꞈ dawˬ heu deuˬ loꞈ-ehˇ tsaˬ dui dawˇ dui dui-eu zahˇ dawˬ kʼoꞈ dawˬ maˬ jaˆ-a.

Dawˬmehˬ 5:22

“Heu-aˬ, gawˬ jawˬ dawˬ peh naw maꞈ uiˬ leˇ-awˇ jawˇ ngeh, naw maꞈ dawˬ tawˆ luꞈ-ahˇ Sahˬpaˬ Miˬyehˇ neh biꞈ-euˬ zahˇ dawˬ kʼoꞈ dawˬ deuˬ meh. Miˬ dzaˬ laꞈ kʼoeˇ hawˇ-eu zahˇ tsui ni gʼeh-eu mˬ dmˇ laꞈ kʼoeˇ, aˬ yawꞈ-euˬ baoˬ huiˬ-eu teˇ saˇ dawˬ ngehˬ doˆ laˇ ngeh, zahˇ dawˬ kʼoꞈ dawˬ heu deuˬ tehꞈ-ehˇ biꞈ laꞈ-euˬ meh. Kʼoeˇ naˇ, kʼaˬ lo teˇ byaꞈ nyiˬ byaꞈ kʼoeˇ taˆ zahˇ dawˬ kʼoꞈ dawˬ heu deuˬ aˬ yawꞈ boꞈ-awˇ, ngaˬ-ahˇ biꞈ laꞈ-euˬ meh.

Dawˬmehˬ 9:15

“Kʼoeˇ naˇ, dawˬ ma saˇ jaˇ boꞈ taˬ-euˬ kʼaˬ lo teˇ byaꞈ kʼoeˇ nyiˬ byaꞈ baꞈ-awˇ, gawˬ jawˬ dawˬ dahˬ-ahˇ ngaˇ gʼoꞈ ka le-euˬ ma.

HeˬByehˇ 12:18

Naw maꞈ-aˬ, Iˇsaˬleˬlaˇ tsawˇ haˬ kʼoeˇ deuˬ loꞈ-ehˇ toeˬ haw sawˆ haw nya-eu Siˇnaˆ gawˬ jawˬ-ahˇ laˇ-euˬ maˬ ngeuˇ-a. Aˬ yawꞈ maꞈ-aˬ, miˬ dzaˬ doꞈ luꞈ-eu Siˇnaˆ gawˬ jawˬ-ahˇ, zahˇ dui dui gaˇ maˬ ehˇ, jaˬ lehˇ lehˇ ma baw gaˇ maˬ ehˇ,

HeˬByehˇ 3:3

Nymˇ-ahˇ ciˬ huiˬ ciˬ mahˇ-eu naˆ maˬ tseˇ, nymˇ tsoˆ-euˬ gʼaˬ-ahˇ ciˬ huiˬ ciˬ mahˇ dzehˬ-eu meh. Kʼoeˇ gaˇ duˇ ni, Yeˬsuˇ-aˬ, Moˇseˬ naˆ maˬ tseˇ ciˬ huiˬ ciˬ mahˇ nehˬ-eu jeˬ-ahˇ za geuˇ-eu meh.

HeˬByehˇ 9:4

Kʼoeˇ-euˬ laꞈ kʼoeˇ, shuiˇ neh jahˇ taˬ-euˬ tsiˇ yaw saw jeˬ doꞈ damˬ-eu lawˇ duˬ maˬ ehˇ, maˬ naˆ kaˬ muˇ ahˇ-eu shuiˇ ciˬ cuˇ ciˬ ahˇ taˬ-euˬ shuiˇ yaw taˬ-euˬ Dawˬ ma saˇ jaˇ Bahˬ keuˆ maˬ ehˇ, baw nmˬ tsoꞈ-eu Aˬloˬ-euˬ gawˬ yoeˬ maˬ ehˇ, zahˇ dawˬ kʼoꞈ dawˬ tseˇ dawˬ boꞈ taˬ-euˬ kʼaˬ lo teˇ byaꞈ nyiˬ byaꞈ maˬ ehˇ, bi jaˆ-euˬ meh.