2 Gawˇliˬtu 3:16 - Akha

¹⁶ Ehˇ kʼawꞈ, tsawˇ haˬ tiˬ gʼaˬ Sahˬpaˬ Miˬyehˇ jawˇ gaˇ gʼoꞈ kʼoꞈ laˇ naˇ, saˬ paˇ kʼoeˇ hmˬ-ahˇ yuˇ dzeh nehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aerkhawf, tsawrhaq tiq ghaq Sanqpaq Yeqsur jawr-eu paw ghoflar-euq naeq-aer, daeqkaq-eu saqpar khoer khawf yurdzae-eu mae.

2 Gawˇliˬtu 3:16 ပူးပေါင်းရင်းမြစ်များ

Doˆ-iˇ 34:34

Sahˬpaˬ Miˬyehˇ jawˇ-eu Sehˬ gʼawˆ-ahˇ Moˇseˬ kʼaˇ le uˇ ngeh, aˬ yawꞈ-euˬ myaˆ pyawˬ-ahˇ dehˬ kaˬ taˬ-euˬ paˇ jeh kʼoeˇ lehˆ dzeh-eu meh. Aˬ yawꞈ paˇ doˆ le ngeh, Sahˬpaˬ Miˬyehˇ neh aˬ yawꞈ-ahˇ kʼaˇ bi ehˇ-euˬ jeˬ, Iˇsaˬleˬlaˆ tsawˇ haˬ deuˬ-ahˇ aˬ yawꞈ dzawˇ nehˬ le-eu meh.

Iˇsaˬyaˇ 25:7

Gawˬ jawˬ heu jawˬ kʼoeˇ taˆ, tsawˇ jeuˬ dawˬ tawˆ luꞈ-ahˇ ciˬ tehˬ taˬ-euˬ bi noeˬ shaˬ bi noeˬ zahˬ-eu mˬ dmˇ-ahˇ, ja pyuˬ ni aˬ yawꞈ yuˇ dzeh nehˬ tehꞈ-a.

Iˇsaˬyaˇ 29:18

Aˇ nah aˇ yamˬ kʼoeˇ keuˆ le ngeh, naˬ bawˬ deuˬ sahˬ boꞈ gui gaˇ gaˬ nya-awˇ, yaw zahˇ laꞈ kʼoeˇ jawˇ-euˬ myaˆ behꞈ deuˬ kʼawꞈ, myaˆ nuiˆ bye-awˇ mawˇ nya tehꞈ-a.

Iˇsaˬyaˇ 54:13

“Nawˬ-euˬ tsawˇ haˬ deuˬ-ahˇ ngaˇ mehˬ nehˬ tsoˆ nehˬ-awˇ, nui saˇ oꞈ-awˇ bi baw bi za le ma.

Yeˬlaˬmiˇ 31:34

Ngaˬ-ahˇ siˬ nya laˇ ni, aˬ yawꞈ maꞈ tiˬ gʼaˬ tiˇ gʼaˬ mehˬ-eu tsoˆ-eu maˬ paˇ loˬ-aˇ. Aˬ jeˬ miˇ neh ehˇ naˇ, huiˬ zaˬ nyiˇ zaˬ dawˬ tawˆ luꞈ ngaˬ-ahˇ siˬ nya jiˇ tehꞈ-a. Aˬ yawꞈ maꞈ-ahˇ ngaˇ iˬ baˇ pyehˬ nehˬ-awˇ, aˬ yawꞈ maꞈ-euˬ yaw lehˬ ngaˇ maˬ paˇ noeˬ taˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 3:40

Aˬ dui gaˇ ma saˇ shawˇ duˬ-awˇ, aˬ dui Sahˬpaˬ Miˬyehˇ jawˇ gaˇ, ciˬ pyawˇ-awˇ gʼoꞈ kʼoꞈ leˇ kaˇ-euˇ.

Lormav 11:23

Yuˇdaˆ tsawˇ haˬ deuˬ maˬ jah-eu nui ma kʼoeˇ siˬ-ahˇ byehˇ dzeh naˇ, aˬ yawꞈ maꞈ-euˬ jawˇ duˬ-ahˇ paˇ laˆ tsaꞈ kʼoꞈ nehˬ tehꞈ-a. Aˬ jeˬ miˇ neh ehˇ naˇ, Miˬyehˇ kʼoeˇ loꞈ-ehˇ jahˇ nya-eu baoˬ jaˆ-eu meh.

2 Gawˇliˬtu 3:15

Ngeuˇ meh. Iˬ nah keuˆ ni Moˇseˬ-euˬ Zahˇ dawˬ kʼoꞈ dawˬ-ahˇ aˬ yawꞈ maꞈ kʼaˇ gui ngeh, aˬ yawꞈ maꞈ-euˬ nui ma-ahˇ saˬ paˇ kʼoeˇ hmˬ dehˬ kaˬ taˬ-euˬ meh.

Dawˬmehˬ 30:10

Ehˇ kʼawꞈ, aˬ yawꞈ neh mehˬ nehˬ tsoˆ nehˬ-euˬ jeˬ boꞈ ahˇ taˬ-euˬ sahˬ boꞈ heu taꞈ laꞈ kʼoeˇ ahˇ-eu aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ nawˇ caw teh-awˇ, aˬ yawꞈ-euˬ ehˇ dawˬ ya naˇ haˬ geuꞈ meh.

Dawˬmehˬ 4:30

Shaˬ-eu zahˬ-eu jeˬ-ahˇ naw maꞈ ya tahˬ puˬ-awˇ, kʼoeˇ deuˬ dawˬ tawˆ luꞈ naw maꞈ kʼoeˇ taˆ keuˆ le naˇ, aˇ saˬ saˬ laˇ ngeh Sahˬpaˬ Miˬyehˇ jawˇ gaˇ naw maꞈ paˇ gʼoꞈ kʼoꞈ laˇ-awˇ, aˬ yawꞈ-euˬ ehˇ dawˬ naˇ haˬ tehꞈ-a.