2 Gawˇliˬtu 3:13 - Akha

¹³ Nga maꞈ-aˬ, Moˇseˬ-ahˇ maˬ duˇ. Moˇseˬ-aˬ, aˬ yawꞈ-euˬ myaˆ pyawˬ kʼoeˇ taˆ bya-eu yaw shehꞈ kʼahˬ sehˇ kʼoeˇ byoˆ-iˇ gaˇ Iˇsaˬleˬlaˇ tsawˇ haˬ deuˬ maˬ bi mawˇ-eu gʼaˇ duˬ, myaˆ pyawˬ-ahˇ saˬ paˇ dehˬ kaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Byov-ir luf-eu yawshaef khanqsaer-anr arsaqsaq ngae keuvni, Irsaqleqlav tsawrhaq maqbi haw-eu laer Morseq, aqyawf-euq myavpyawq-anr saqpar daeqkaq taq-euq mae. Aqdui khoerlof-aer maqjanr.

2 Gawˇliˬtu 3:13 ပူးပေါင်းရင်းမြစ်များ

Maˬkuˆ 8:25

Tsawˇ haˬ kʼoeˇ gʼaˬ-euˬ myaˆ nuiˆ-ahˇ Yeˬsuˇ tiˬ poˆ paˇ toeˬ ciˆ-euˬ meh. Kʼoeˇ ngeh poˆ jawˇ, tsawˇ haˬ kʼoeˇ gʼaˬ yaw duˬ duˬ-ehˇ paˇ haw ngeh, myaˆ nuiˆ muiˬ laˇ-awˇ, yawˬ jeˬ na luꞈ mawˇ shawˇ laˇ-euˬ meh.

Lormav 10:4

Jah-eu tsawˇ haˬ yawˬ gʼaˬ na luꞈ Miˬyehˇ-ahˇ tsaˬ leˇ tsahˇ leˇ nya ni, Ka li neh Zahˇ dawˬ kʼoꞈ dawˬ-ahˇ aˇ saˬ bi saˬ-euˬ meh.

2 Gawˇliˬtu 3:7

Zahˇ dawˬ kʼoꞈ dawˬ kʼoeˇ-aˬ, kʼaˬ lo kʼoeˇ taˆ taꞈ boꞈ taˬ-awˇ, Zahˇ dawˬ kʼoꞈ dawˬ kʼoeˇ biꞈ le ngeh, Miˬyehˇ-euˬ yaw shehꞈ kʼahˬ sehˇ doˆ le-euˬ meh. Moˇseˬ-euˬ myaˆ pyawˬ kʼoeˇ taˆ bya-eu yaw shehꞈ kʼoeˇ-aˬ, tiˬ kʼehˇ laˇ kʼehˬ tehꞈ-ehˇ gmˬ-eu yaw shehꞈ pyeuꞈ kʼawꞈ, yaw shehꞈ aˇ dzehˬ-ehˇ kʼaˆ-eu miˇ neh Iˇsaˬleˬlaˇ tsawˇ haˬ deuˬ Moˇseˬ-euˬ myaˆ pyawˬ-ahˇ maˬ haw peuˬ-a. Shiˇ-eu jeˬ bi keuˆ le-eu Zahˇ dawˬ kʼoꞈ dawˬ kʼawꞈ, kʼoeˇ naˆ naˆ-ehˇ gʼeh-eu yaw shehꞈ kʼahˬ sehˇ laꞈ kʼoeˇ oe-euˬ ngeuˇ naˇ,

Gawˇlawˇsehˇ 2:17

Heu deuˬ dawˬ tawˆ Luꞈ aˬ kaˇ pyeuꞈ laˇ-eu gaˇ kawˆ-euˬ aˇ baˇ naˇ shmˇ loˆ ni tehꞈ meh. Maˇ maˇ ni gʼeh-eu jeˬ-aˬ, Ka li meh.