2 Gawˇliˬtu 3:10 - Akha

¹⁰ Maˇ maˇ ni ehˇ naˇ, nymˬ-mˇ-euˬ yaw shehꞈ kʼahˬ sehˇ heu hmˬ bya dzehˬ-eu miˇ neh, aˇ hu bya dui dui-euˬ yaw shehꞈ kʼahˬ sehˇ kʼoeˇ hmˬ miˆ-iˇ-euˬ gaˇ duˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nymq-mr-euq yawshaef khanqsaer heu huiq duidui-eu mirnae, yawbae jav-eu yawshaef khanqsaer khoer-aq, yawshaef khanqsaer maqjav-eu gar dur-eu mae.

2 Gawˇliˬtu 3:10 ပူးပေါင်းရင်းမြစ်များ

Yawˇbaˆ 25:5

Aˬ yawꞈ gʼaˇ duˬ ba la kʼawꞈ yaw shehꞈ bya gaˇ maˬ duˇ-ehˇ, aˬ guiˇ deuˬ kʼawꞈ shawˇ jehˆ ni maˬ gʼeh-a.

Iˇsaˬyaˇ 24:23

Baoˬ huiˬ-eu Sahˬpaˬ Miˬyehˇ uˆ lahˇ-eu miˇ neh, ba la yaw zahˇ zahˇ iˇ-awˇ, nahˇ ma yaw shehꞈ maˬ bya-ehˇ pyeuꞈ-iˇ tehꞈ-a. Ziˇoˬ gawˬ jawˬ-ahˇ aˬ yawꞈ maꞈ nuiˇ-awˇ, Yeˬluˇsaˬlehˬ meuˬ-ahˇ uˆ lahˇ ngeh jawˇ, miˇ kʼahˬ zaˬ-euˬ aˬ yuiꞈ aˬ tsu deuˬ, aˬ yawꞈ-euˬ yaw shehꞈ kʼahˬ sehˇ ya mawˇ tehꞈ-a.

Haˬgaiˇ 2:3

“Aˇ hu Uˬ duˬ tahˬ nymˇ nymˇ ma heu nymˇ yaw shehꞈ kʼahˬ sehˇ aˇ naˆ ni huiˬ gaˇ haw mawˇ-euˬ tiˬ gʼaˬ-iˬ maˬ jawˇ loˇ. Nymˬ-mˇ aˬ jeˬ-ahˇ duˇ nga lehˇ haw sheˇ. Geuꞈ paˬ-ehˇ gʼeh-eu aˬ jeˬ paˇ ahˇ-eu nga.

Gʼaˬkʼehˇ 26:13

Sahˬ paˬ-oˇ, gaˇ pehˇ-ahˇ nah loˆ ceh laˇ ngeh, nahˇ ma naˆ maˬ tseˇ kʼaˆ dui dui-eu yaw shehꞈ mˬ-ahˇ neh tahˬ tehˬ leꞈ-awˇ, ngaˇ hawˇ-eu ngaˬ nehˬ-ehˇ le luꞈ-eu tsawˇ haˬ deuˬ-euˬ tiˬ jawˬ bya le-euˬ meh.

2 Gawˇliˬtu 3:11

Tiˬ kʼehˬ tiˬ yamˬ tehꞈ-ehˇ gmˬ-eu jeˬ laꞈ kʼoeˇ kʼawꞈ yaw shehꞈ kʼahˬ sehˇ ahˇ-eu ngeuˇ naˇ, mˬ maˬ maˬ byaˆ zaˇ ziˇ gmˬ-eu jeˬ laꞈ kʼoeˇ yaw shehꞈ kʼahˬ sehˇ aˇ naˆ ni paˇ ahˇ paˬ nga.

2 Gawˇliˬtu 3:9

Iˬ baˇ ahˇ gaˇ kʼehˬ nehˬ kʼaˆ nehˬ le-euˬ kʼoeˇ jeˬ kʼoeˇ naˆ ni yaw shehꞈ kʼahˬ sehˇ ahˇ naˇ, tsawˇ haˬ zaˬ-ahˇ Miˬyehˇ mehˬ shi yaw tsaˬ yaw dawˇ tsawˇ haˬ bi pyeuꞈ laˇ ni mˇ-eu heu jeˬ aˇ naˆ ni yaw shehꞈ kʼahˬ sehˇ paˇ ahˇ dzehˬ nmˇ.

2 Beˬtuˆluˆ 1:17

Dawˬ tawˆ kʼoeˇ taˆ yaw shehꞈ kʼahˬ sehˇ huiˬ-eu gʼaˬ jawˇ gaˇ neh, “Heu-aˬ, ngaˇ nui kʼahˇ shiˇ-eu, ngaˇ gaˬ dui dui-eu ngaˬ Li ma” lehˇ ehˇ doˆ leꞈ-awˇ, Aˬda Miˬyehˇ neh aˬ yawꞈ-ahˇ taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ biꞈ nehˬ ngeh, nga maꞈ kʼoeˇ gaˇ jawˇ luꞈ-eu ma.

Panmaeq 22:5

Kʼoeˇ gaˇ uˬ ciꞈ ciꞈ le-eu maˬ paˇ baw-ehˇ, tsiˇ kʼmˬ hawˇ-eu nahˇ ma yaw shehꞈ maˬ paˇ loˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ maꞈ-euˬ yaw shehꞈ pyeuꞈ-awˇ, aˬ yawꞈ maꞈ sahˬ paˬ geuꞈ-awˇ mˬ maˬ maˬ byaˆ zaˇ ziˇ ya uˆ lahˇ tehꞈ-a.