2 Gawˇliˬtu 2:13 - Akha

¹³ Ehˇ kʼawꞈ, a nyiˇ Tiˇtuˆ-ahˇ kʼoeˇ gaˇ maˬ ya mawˇ-euˬ miˇ neh nui ma tiˬ pawꞈ-iˬ maˬ saˇ nya. Kʼoeˇ miˇ neh, kʼoeˇ gaˇ jawˇ-eu tsawˇ haˬ deuˬ-ahˇ dawˬ cawˬ puˬ yaꞈ-awˇ, Maˬgeˬdawˇniˆˆ miˇ kʼahˬ-ahˇ le gʼeh leꞈ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aerkhawf, ngar, ngaq-euq maernmr Tirtuv-anr maqya mawr-euq mirnae nuima ghaqnaq maqdan-aer, khoergar jawr-eu tsawrhaq deuq-anr ghawq-awr, Maqgeqdawrniv mirkhanq-anr lar-euq ma.

2 Gawˇliˬtu 2:13 ပူးပေါင်းရင်းမြစ်များ

Daˬyeˬlaˇ 6:19

Uˬ bya bya laˇ ngeh, aˇ laˬ jaˬ shiˇ kuˆ-ahˇ sahˬ paˬ cehˆ gʼeh-euˬ meh.

Maˬkuˆ 6:46

Aˬ yawꞈ tsawˇ haˬ aˇ maꞈ-ahˇ gʼawˬ-iˇ gʼaˬ-awˇ, gawˬ jawˬ-ahˇ guiˬ lahˬ shaˇ leˇ-eu lehˇ le-euˬ meh.

Gʼaˬkʼehˇ 21:6

Kʼoeˇ naˇ, tiˬ gʼaˬ tiˇ gʼaˬ gʼoꞈ dawˬ tsaꞈ yaꞈ-awˇ, nga maꞈ saˇ baoˬ laꞈ kʼoeˇ uˇ-iˇ ngeh, aˬ yawꞈ maꞈ iˇ kahˇ paw gʼoꞈ leˇ-euˬ meh.

Lormav 15:26

Aˬ jeˬ miˇ neh ehˇ naˇ, Yeˬluˇsaˬlehˬ meuˬ-ahˇjawˇ-eu Miˬyehˇ-euˬ tsawˇ haˬ deuˬ laꞈ kʼoeˇ shaˬ-eu zahˬ-eu deuˬ-ahˇ caw ba nehˬ-eu gʼaˇ duˬ, Maˬgeˬdawˇniˆˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ jawˇ-eu Ka li zaˬ aˇ muˇ deuˬ pyuˇ daˬ biꞈ nehˬ-eu lehˇ noeˬ tsehˆ taˬ-euˬ meh.

2 Gawˇliˬtu 12:18

Tiˇtuˆ-ahˇ naw maꞈ jawˇ gaˇ iˇ-eu gʼaˇ duˬ ngaˇ shaˇ-awˇ, aˬ yuiꞈ aˬ nyiˇ Ka li zaˬ kʼoeˇ gʼaˬ-ahˇ aˬ yawꞈ nehˬ-ehˇ bi oe caw-euˬ ma. Tiˇtuˆ naw maꞈ-ahˇ mehˇ shuiˇ shuiˇ dzaˬ le-euˬ nga lehˇ ehˇ mawꞈ-eu nya loˇ. Tiˇtuˆ nga nyaꞈ nui ma tiˬ gaˇ taꞈ-awˇ, kuiˇ toꞈ tiˬ gaˇ ciˬ-euˬ maˬ ngeuˇ-a loˇ.

2 Gawˇliˬtu 7:13

Kʼoeˇ baˬ da neh, nga maꞈ-euˬ nui ma gʼaˬ tiˬ tiˆ lahˬ laˇ-euˬ ma. Nga maꞈ-euˬ nui ma gʼaˬ tiˬ tiˆ lahˬ laˇ-euˬ tehꞈ maˬ ngeuˇ-a siˬ. Tiˇ tuˆ-euˬ nui ma gʼaˬ doeˇ dah kʼaˇ za ni naw maꞈ dawˬ tawˆ luꞈ caw ba nehˬ-euˬ miˇ neh Tiˇtuˆ laˬ kʼaˬ cehˇ-eu kʼoeˇ, nga maꞈ-ahˇ laˬ kʼaˬ cehˇ-eu jeˬ bi lahˬ laˇ gaˇ duˇ miˇ-a.

2 Gawˇliˬtu 7:14

Naw maꞈ-euˬ gaˇ kawˆ Tiˇtuˆ-ahˇ ngaˇ kʼahˬ sehˇ jehˆ-euˬ ma. Kʼoeˇ loꞈ-ehˇ kʼahˬ sehˇ jehˆ-euˬ baˬ da neh ngaˇ daˬ ga kʼaˇ maˬ za. Nga maꞈ naw maꞈ-ahˇ aˬ myah luꞈ kʼaˇ ngeuˇ-eu loꞈ-ehˇ dawˇ coe ni ehˇ-euˬ ma. Tiˇtuˆ mehˬ shi nga maꞈ kʼahˬ sehˇ jehˆ-euˬ kʼoeˇ kʼawꞈ, kʼaˇ ngeuˇ-eu loꞈ-ehˇ naw maꞈ-ahˇ ehˇ-eu ma.

2 Gawˇliˬtu 8:16

Ngaˇ naw maꞈ gʼaˇ duˬ nui ma keuˆ-eu loꞈ-ehˇ, Tiˇtuˆ kʼawꞈ nui ma keuˆ ni Miˬyehˇ jahˇ-euˬ miˇ neh, Miˬyehˇ-euˬ guiˬ lahˬ-ahˇ ja ceuˬ ngeh maˬ jiˇ nya.

2 Gawˇliˬtu 8:23

Tiˇtuˆ gʼaˬ-aˬ, ngaˬ-euˬ gaˇ mˇ cawˬ pyeuꞈ-eu loꞈ-ehˇ, ngaˬ nehˬ-ehˇ tiˬ kawˆ loꞈ-ehˇ naw maꞈ-ahˇ caw ba-eu gaˇ mˇ luꞈ meh. Aˬ yawꞈ nehˬ-ehˇ oe caw-euˬ aˬ yuiꞈ aˬ nyiˇ nui deuˬ-aˬ, Ka li-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ Ka li zaˬ aˇ muˇ deuˬ-euˬ dah zaˇ oe-euˬ meh.

2 Gawˇliˬtu 8:6

Kʼoeˇ miˇ neh, Tiˇtuˆ aˬ yawꞈ naw maꞈ jawˇ gaˇ gʼoeˇ-eu gaˬ-eu jeˬ-ahˇ taꞈ-eu gaˇ heu hmˬ mˇ-eu gʼaˇ duˬ dahˬ beh nehˬ le-euˬ gʼaˬ pyeuꞈ-eu loꞈ-ehˇ, aˇ saˬ saˬ ngeh keuˆ ni mˇ daˆ leꞈ-eu gʼaˇ duˬ aˬ yawꞈ-ahˇ nga maꞈ gʼaˬ biꞈ-euˬ ma.

Gaˬlaˬtiˆ 2:1

Tseˇ oeˬ kʼoꞈ paˇ gʼeh-awˇ, Baˬnaˬbaˆ nga nyaꞈ Tiˇtuˆ sheuˬ-awˇ Yeˬluˇsaˬlehˬ meuˬ-ahˇ paˇ iˇ-euˬ ma.

Gaˬlaˬtiˆ 2:3

Ngaˬ-euˬ gaˇ mˇ cawˬ Tiˇtuˆ-aˬ, Heˬlaˬsaˇ tsawˇ haˬ pyeuꞈ-eu meh. Ehˇ kʼawꞈ, aˬ yawꞈ-ahˇ baˆ kʼoˆ mehˬ dzaˬ ya yehˬ meh lehˇ maˬ bi ka tiˇ-aˬ.

2 Tiˆmoˇseˬ 4:10

Deˬmaˆ-aˬ, heu ziˇ-ahˇ taꞈ-eu miˇ tsaˬ heu-ahˇ gaˬ-eu miˇ neh, ngaˬ-ahˇ byehˇ dzeh yaꞈ-awˇ Teˇsaˬloˇni meuˬ-ahˇ iˇ-euˬ meh. Gaˬleˬgeˬ gʼaˬ-aˬ, Gaˬlaˬtiˆ miˇ kʼahˬ-ahˇ iˇ-awˇ, Tiˇtuˆ gʼaˬ-aˬ, Daˬlaˬmaˬdiˇ miˇ kʼahˬ-ahˇ iˇ-euˬ meh.

Tiˇtuˆ 1:4

Jah-eu jeˬ laꞈ kʼoeˇ ngaˬ nehˬ-ehˇ tiˬ gaˇ taꞈ-eu ngaˬ li-ahˇ duˇ-eu Tiˇtuˆ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, nawˬ-euˬ kʼoeˇ taˆ jaˆ luꞈ-uˇ.