2 Gawˇliˬtu 13:8 - Akha

⁸ Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ bahˬ leˇ-eu jeˬ nga maꞈ maˬ mˇ nya-a. Yaw tsaˬ yaw dawˇ jeˬ gʼaˇ duˬ tehꞈ-ehˇ nga maꞈ ya mˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nga’maf, yawtsaq yawdawr-anr lavtsoeq-eu jeq tiqjeq-iq maq mrnya nya. Nga’maf-aq, yawtsaq yawdawr-euq gharduq taef-aer ya’mr-eu mae.

2 Gawˇliˬtu 13:8 ပူးပေါင်းရင်းမြစ်များ

1 Sahˬpaˬ 22:28

Miˇkaˬyaˇ ehˇ-eu, “Nawˇ tiˬ jeˬ-iˬ maˬ ca laˇ-ehˇ gʼoꞈ keuˆ le lawˬ naˇ, Sahˬpaˬ Miˬyehˇ ngaˬ-ahˇ gʼoe-awˇ dawˬ ngehˬ-euˬ maˬ ngeuˇ-aˇ. Ngaˬ neh ehˇ-euˬ dawˬ-ahˇ yawˬ gʼaˬ na luꞈ yaw muiˬ paˬ-ehˇ naˇ haˬ taˬ-awˬ.”

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Dawqdaq 26:2

Iˬ baˇ maˬ naꞈ gaˇ yaˬ kʼehˇ yaˬ-eu jeˬ-aˬ, maˬ ga dawꞈ le ni yaw dzeuˇ gʼeh-eu aˇ jiˇ-ahˇ duˇ-eu meh.

Maˬkuˆ 9:39

Ehˇ kʼawꞈ, Yeˬsuˇ ehˇ-eu, “Aˬ yawꞈ-ahˇ taˬ laˆ tsoeˬ. Aˬ jeˬ miˇ neh ehˇ naˇ, ngaˬ-euˬ tsawˇ myahˇ-ahˇ gʼoe-awˇ zahˬ leˇ paˬ-ehˇ gʼeh-eu jeˬ mˇ mehˬ-eu tsawˇ haˬ aˬ geuˬ gʼaˬ maˬ kaˬ, ngaˬ-ahˇ yaw awˬ awˬ-ehˇ maˬ ja bu-aˇ.

2 Gawˇliˬtu 10:8

Sahˬpaˬ Yeˬsuˇ neh nga maꞈ-ahˇ biꞈ laꞈ-euˬ baoˬ gaˇ kawˆ ngaˇ kʼahˬ sehˇ aˇ dzehˬ jehˆ dzeuˇ-euˬ baw law hawˇ kʼawꞈ, ngaˇ maˬ shaꞈ dawˇ. Baoˬ kʼoeˇ-aˬ, naw maꞈ-euˬ jah-eu jeˬ bi huiˬ bi mahˇ laˇ-eu gʼaˇ duˬ meh. Naw maꞈ-ahˇ laˇ cawˆ-eu gʼaˇ duˬ maˬ ngeuˇ-a.

2 Gawˇliˬtu 13:10

Ngaˇ naw maꞈ jawˇ gaˇ oe keuˆ ngeh, Sahˬpaˬ Ka li neh ngaˬ-ahˇ biꞈ laꞈ-euˬ baoˬ zmˬ-awˇ, naw maꞈ-ahˇ yaw kʼaˆ kʼaˆ-ehˇ maˬ ya jahˇ nehˬ-eu gʼaˇ duˬ, gaˇ mahˇ kaˬ gaˇ jawˇ ngeh neh heu loꞈ-ehˇ boꞈ ahˇ leꞈ-euˬ jeˬ pyeuꞈ-eu ma. Baoˬ kʼoeˇ-aˬ, naw maꞈ-ahˇ bi laˆ cawˆ-eu gʼaˇ duˬ biꞈ laꞈ-euˬ maˬ ngeuˇ-a. Naw maꞈ bi huiˬ bi mahˇ laˇ ni mˇ-eu gʼaˇ duˬ biꞈ laˬ-euˬ meh.

2 Gawˇliˬtu 13:7

Naw maꞈ yaw lehˬ jeˬ maˬ ya mˇ ni nga maꞈ Miˬyehˇ-ahˇ guiˬ lahˬ shaˇ luꞈ ma. Lawˬ haw-eu jeˬ-ahˇ nga maꞈ gʼaˬ leˇ-euˬ gaˇ kawˆ bi doˆ laˇ-eu lehˇ heu loꞈ-ehˇ shaˇ-eu maˬ ngeuˇ. Lawˬ haw-eu jeˬ-ahˇ nga maꞈ smˬ-iˇ-euˬ gaˇ duˇ leˇ law hawˇ kʼawꞈ, tsaˬ-eu jeˬ-ahˇ naw maꞈ mˇ nya ni shaˇ-eu jeˬ pyeuꞈ-eu ma.

2 Gawˇliˬtu 13:9

Nga maꞈ gʼaˬ baˬ-awˇ naw maꞈ gʼaˬ kʼaˆ gaˇ nga maꞈ laˬ kʼaˬ cehˇ-eu ma. Nga maꞈ guiˬ lahˬ shaˇ-eu-aˬ, naw maꞈ bi huiˬ bi mahˇ dzehˬ laˇ-eu gʼaˇ duˬ ma.

1 Tiˆmoˇseˬ 1:20

Tsawˇ haˬ kʼoeˇ deuˬ laꞈ kʼoeˇ, ngaˬ neh Saˬdaˬ-euˬ aˬ laꞈ laꞈ kʼoeˇ a dzeh nehˬ-awˇ bi kʼehˬ bi kʼaˆ-euˬ Huˬmiˬnehˇ hawˇ-eu Aˬleˬsaˬduˇ aˬ nyaꞈ kʼawꞈ ahˇ-eu meh. Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ maˬ ehˇ niˇ gʼa kʼmˬ-eu gaˇ kawˆ aˬ yawꞈ nyaꞈ bi siˬ duˬ-eu gʼaˇ duˬ, kʼoeˇ loꞈ-ehˇ a dzeh nehˬ-euˬ ma.