2 Gawˇliˬtu 12:7 - Akha

⁷ Yaw sahˇ laꞈ kʼoeˇ pah mehˬ nehˬ laꞈ-euˬ gʼawˬ mya jeˬ-ahˇ ngaˇ ya mawˇ-euˬ baˬ da neh, ngaˇ nui ma maˬ ya huiˬ maˬ ya mahˇ ni, ngaˬ-euˬ shiˬ shaˬ jiˇ gʼawˇ mawˇ-ahˇ daˇ ceh tsawˆ ahˇ nehˬ laꞈ-euˬ meh. Kʼoeˇ-aˬ, ngaˇ nui ma maˬ ya huiˬ maˬ ya mahˇ ni nehꞈ Saˬdaˬ-euˬ gʼaˬ kʼehˇ neh ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ngar panmaeq-eu jeq ghawqmya jeq-anr ya’mawr-eu mirnae, ngar nuima ardzaeq-aer maqbi huiqni, ngaq-euq shiqshaq mawrdo-anr aqgan tiqgan tsawvluf-eu mae. Aqgan khoer-aq, naef Saqdaq-euq ghaqkhaer pyeuf-awr, ngar nuima ardzaeq-aer maqbi huiqni ngaq-anr khaeqluf-eu mae.

2 Gawˇliˬtu 12:7 ပူးပေါင်းရင်းမြစ်များ

Aˇ dahˬ 32:25

Yaˬkoˆ-ahˇ aˬ yawꞈ maˬ dawꞈ gʼaˬ nya luꞈ-a lehˇ tsawˇ haˬ kʼoeˇ gʼaˬ siˬ duˬ ngeh, Yaˬkoˆ-euˬ shaˬ pyaˬ kʼehꞈ-ahˇ teˇ-awˇ, shaˬ pyaˬ myaˆ teˇ puiˇ nehˬ-euˬ meh.

Aˇ dahˬ 32:31

Peˬniˬlaˇ lehˇ kuˇ-eu jawˇ duˬ kʼoeˇ tsahˇ-ahˇ neh Yaˬkoˆ doˆ-iˇ ngeh, nahˇ ma doˆ laˇ-euˬ meh. Aˬ yawꞈ-euˬ shaˬ pyaˬ myaˆ bi teˇ puiˇ-euˬ miˇ neh, kuiˇ dzaˇ kuiˇ dzaˇ-ehˇ iˇ gʼeh-euˬ meh.

2 Laˬsaˬbaˬ 26:16

Sahˬ paˬ Awˇziˇ baoˬ huiˬ laˇ ngeh jawˇ, aˬ yawꞈ nui ma huiˬ laˇ-euˬ miˇ neh, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, yaw saw jeˬ lawˇ-eu lawˇ duˬ kʼoeˇ taˆ aˬ yawꞈ-euˬ gʼawˇ mawˇ yaw saw jeˬ doꞈ-awˇ lawˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ mˇ bahˬ-euˬ meh.

2 Laˬsaˬbaˬ 32:31

Baˬbuˇloˬ sahˬ paˬ neh tsawˇ haˬ pyehˬ gʼeh leꞈ-awˇ, Yuˇdaˆ miˇ kʼahˬ laꞈ kʼoeˇ tiˬ jawˇ-iˬ maˬ pyeuꞈ laˇ haw-euˬ zahˬ leˇ paˬ-ehˇ gʼeh-eu jeˬ pyeuꞈ laˇ taˬ-euˬ gaˇ bi pyehˆ tseˇ haw le ngeh kʼawꞈ, aˬ yawꞈ-euˬ nui noeˬ bi mˇ-awˇ, aˬ yawꞈ-euˬ nui ma-ahˇ Miˬyehˇ lawˬ haw-euˬ meh.

Yawˇbaˆ 2:6

Kʼoeˇ ngeh, Saˬdaˬ-ahˇ Sahˬpaˬ Miˬyehˇ ehˇ nehˬ-eu, “Muiˬ tehꞈ-a. Nymˬ-mˇ aˬ yawꞈ-euˬ gʼawˇ mawˇ nawˬ-euˬ aˬ laꞈ laꞈ kʼoeˇ jaˆ luꞈ-eu miˇ neh, nawˇ jahˇ mawꞈ-eu loꞈ-ehˇ jahˇ nya tehꞈ-a. Ehˇ kʼawꞈ, aˬ yawꞈ-ahˇ nawˇ maˬ ya laˆ sehꞈ ni yahˇ-awˬ.”

Yawˇbaˆ 2:7

Kʼoeˇ naˇ, Saˬdaˬ gʼaˬ, Sahˬpaˬ Miˬyehˇ jawˇ gaˇ neh doˆ-iˇ-awˇ, Yawˇbaˆ-euˬ gʼawˇ mawˇ mawˇ lah-ehˇ, aˬ kuiˇ pehˬ zaˬ-ahˇ neh uˬ duˬ-ahˇ doˆ ni maˇ naˇ naˇ byah jiˇ ni jahˇ-euˬ meh.

Yeˬsaˬgeˬlaˇ 28:24

Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ tiˬ jawˬ jawˇ-awˇ, Iˇsaˬleˬlaˆ miˇ kʼahˬ-ahˇ kʼaˇ laˆ bahˬ-eu miˇ kʼahˬ yawˬ kʼahˬ na luꞈ, aˬ gah hawˇ-eu daˇ ceh loꞈ-ehˇ maˬ paˇ laˆ bahˬ nya ni pyeuꞈ-iˇ-eu uˬ taꞈ, ngaˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu gaˇ kawˆ, aˬ yawꞈ maꞈ-ahˇ siˬ duˬ leˇ tehꞈ-a.”

Daˬyeˬlaˇ 5:20

Ehˇ kʼawꞈ, aˬ yawꞈ nui ma huiˬ-eu mahˇ-eu jeˬ ahˇ laˇ-awˇ nui ma gʼahˇ-eu uˬ taꞈ, aˬ cawˬ-ahˇ gʼawˬ shaˬ gaˬ-eu maˬ siˬ nya-eu miˇ neh, aˬ yawꞈ-euˬ sahˬ paˬ aˇ yaˬ bi yuˇ ka-awˇ, yaw shehꞈ kʼahˬ sehˇ maˬ jaˆ ni pyeuꞈ-iˇ-euˬ meh.

Hawˇseˬ 2:6

Kʼoeˇ baˬ da neh, yawꞈ-euˬ gaˇ ma. Aˬ gah duˬ gahˬ ngaˇ sheu uiˬ-awˇ, yawꞈ iˇ gaˇ ma maˬ bi mawˇ ni, lahˇ goˇ gawˬ -awˇ ciˬ tsoeˬ nehˬ ma.

Bawˇtsahˬ 33:55

Ehˇ kʼawꞈ, kʼoeˇ gaˇ jawˇ luꞈ-eu tsawˇ haˬ kʼoeˇ deuˬ-ahˇ naw maꞈ maˬ teh doˆ jiˇ naˇ, kʼaˇ dzeˇ yaꞈ-euˬ tsawˇ haˬ deuˬ-aˬ, naw maꞈ-euˬ myaˆ nuiˆ-ahˇ ahˇ-eu myaˆ pawꞈ hawˇ-eu naw maꞈ-euˬ byaˇ gʼaˇ-ahˇ tsawˆ-eu daˇ ceh loꞈ-ehˇ naw maꞈ-ahˇ laˆ bahˬ tehꞈ-a.

Maꞈtehˬ 26:67

Kʼoeˇ naˇ, aˬ yawꞈ maꞈ aˬ yawꞈ-euˬ myaˆ pyawˬ-ahˇ duˬ kʼaˬ kʼa daˆ-awˇ diˬ-euˬ meh. Tiˬ paˆ na deuˬ aˬ yawꞈ-euˬ baˬ ba-ahˇ tehˆ-awˇ heu loꞈ-ehˇ naˬ gʼa nehˬ-euˬ meh.

Maꞈtehˬ 4:10

Kʼoeˇ ngeh jawˇ, Yeˬsuˇ ehˇ-eu, “Saˬdaˬ-oˇ, doˆ-iˇ-awˬ. ‘Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ tehꞈ-ehˇ nawˇ uˬ duˬ ya tahˬ-awˇ, aˬ yawꞈ-euˬ nui kʼahˇ tehꞈ-ehˇ ya mˇ meh’ lehˇ, Jaˇ liꞈ laꞈ kʼoeˇ boꞈ taˬ-euˬ meh.”

Luˇkaꞈ 13:16

Toˆ-ehˇ ngeuˇ naˇ, nehꞈ Saˬdaˬ neh tseˇ yehꞈ kʼoꞈ keuˆ ni bi paꞈ tawꞈ taˬ-euˬ Aˬbyaˬhaˬ-euˬ aˬ buˇ heu gʼaˬ-ahˇ, Jawˇ nah ngeh nah puiˇ pyehˬ-awˇ bi buˬ-iˇ-eu maˬ tsaˬ-a loˇ.”

1 Gawˇliˬtu 4:11

Nymˬ-mˇ keuˆ ni nga maꞈ mehꞈ luꞈ shuꞈ luꞈ-eu ma. Mehˬ tsoeˬ dm-eu maˬ jaˆ-ehˇ, aˬ cawˬ neh bi diˬ bi diˬ-ehˇ, yuꞈ zaˇ jawˇ zaˇ maˬ baw ni shaˬ luꞈ-eu ma.

1 Gawˇliˬtu 5:5

Sahˬpaˬ Miˬyehˇ yaˇ kʼaˬ daˇ-eu Aˇ nah keuˆ le ngeh, tsawˇ haˬ kʼoeˇ gʼaˬ-euˬ saꞈ laˇ ka kʼoꞈ-eu jeˬ za nya-eu gʼaˇ duˬ, aˬ yawꞈ-euˬ gʼawˇ mawˇ-ahˇ nehꞈ Saˬdaˬ-euˬ aˬ laꞈ laꞈ kʼoeˇ a nehˬ-awˇ bi laˆ cawˆ-awˬ.

2 Gawˇliˬtu 10:10

“Pawˇluˆ neh boꞈ-euˬ sahˬ boꞈ-aˬ, kah dui dui-awˇ gʼaˬ kʼaˆ dui dui meh. Ehˇ kʼawꞈ, aˬ yawꞈ-euˬ gʼawˇ mawˇ nga maꞈ nehˬ-ehˇ jawˇ naˇ, nahˬ jawˆ ni gʼeh-awˇ, aˬ yawꞈ neh ngehˬ-euˬ dawˬ baoˬ tiˬ pawꞈ-iˬ maˬ ahˇ-a” lehˇ, tsawˇ haˬ tiˬ paˆ na deuˬ ehˇ tehꞈ-a.

2 Gawˇliˬtu 10:5

Miˬyehˇ-ahˇ siˬ nya-eu jeˬ-ahˇ kʼaˇ laˆ tsoeˬ-eu nui ma huiˬ-eu mahˇ-eu jeˬ-ahˇ nga maꞈ gʼeu ka-eu ma. Nui noeˬ yawˬ hmˬ na luꞈ-ahˇ nga maꞈ paꞈ cuꞈ-awˇ, Ka li-euˬ ehˇ dawˬ bi naˇ haˬ-eu ma.

2 Gawˇliˬtu 11:20

Aˬ cawˬ naw maꞈ-ahˇ kʼehˇ dzaˬ laˇ gaˇ maˬ ehˇ, nawˬ dzaˬ kʼaˆ dzaˬ laˇ gaˇ maˬ ehˇ, zuiˆ laˇ gaˇ maˬ ehˇ, daˆ dziˬ laˇ gaˇ maˬ ehˇ, baˬ ba-ahˇ tehˆ laˇ gaˇ maˬ ehˇ, naw maꞈ daˬ coeˇ meh ehˇ lawˬ laˬ.

2 Gawˇliˬtu 12:1

Kʼahˬ sehˇ jehˆ-eu jeˬ gaˇ dahˇ maˬ tsoeˬ kʼawꞈ, ngaˇ kʼahˬ sehˇ ya jehˆ meh. Nymˬ-mˇ ngaˇ Sahˬpaˬ Yeˬsuˇ neh pah mehˬ nehˬ laꞈ-euˬ yaw sahˇ laꞈ kʼoeˇ ya siˬ ya mawˇ-euˬ gaˇ kawˆ ja ma.

Gaˬlaˬtiˆ 4:13

Ngaˇ naw maꞈ-ahˇ Laˬ kʼaˬ cehˇ-eu Guiˬ lahˬ dawˬ mehˬ beh beh ngeh poˆ, aˬ jeˬ miˇ neh mehˬ-euˬ gaˇ kawˆ-ahˇ paˇ noeˬ mawˇ haw sheˇ. Ngaˇ naˇ-eu miˇ neh mehˬ-euˬ maˬ ngeuˇ-a loˇ.

Dawˬmehˬ 17:20

Kʼoeˇ loꞈ-ehˇ gui naˇ, “Ngaˇ-aˬ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ naˆ maˬ tseˇ huiˬ dzehˬ ma’ lehˇ aˬ yawꞈ maˬ noeˬ-ehˇ, Sahˬpaˬ Miˬyehˇ -euˬ zahˇ dawˬ kʼoꞈ dawˬ-ahˇ tiˬ jeˬ gʼeh-awˇ neh-iˬ maˬ puiˬ ni dehꞈ tehꞈ-a. Kʼoeˇ naˇ, aˬ yawꞈ gʼawˬ mya kʼoꞈ keuˆ ni sahˬ paˬ geuꞈ-awˇ ya uˆ lahˇ tehꞈ-a. Aˬ yawꞈ-euˬ zaˬ deuˬ uˆ deuˬ kʼawꞈ, gʼawˬ mya ziˇ keuˆ ni Iˇsaˬleˬlaˆ miˇ kʼahˬ-ahˇ ya uˆ lahˇ tehꞈ-a.

Dawˬmehˬ 8:14

naw maꞈ nui ma huiˬ laˇ-awˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ka kʼoꞈ doˆ nehˬ laꞈ-euˬ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ ya ngehˇ ni yaw kʼaˆ kʼaˆ-ehˇ yahˇ-awˬ.

1 Tiˆmoˇseˬ 3:6

Nehꞈ sahˬ pahˬ nui ma huiˬ-eu mahˇ-eu baˬ da neh Miˬyehˇ neh yaˇ kʼaˬ daˇ nehˬ-euˬ jeˬ-ahˇ ya daˬ-euˬ loꞈ-ehˇ maˬ ya pyeuꞈ ni, jah-eu jeˬ laꞈ kʼoeˇ gʼaˬ kʼaˆ loꞈ laˇ-euˬ tsawˇ haˬ ya bi pyeuꞈ meh.

Yaˇ kʼaˬ daˇ 2:3

Kʼoeˇ miˇ neh, naw maꞈ mehˬ hu paw le ngeh, tsawˇ haˬ kʼoeˇ deuˬ-ahˇ ngaˇ maˬ paˇ teh doˆ ma. Aˬ yawꞈ maꞈ-aˬ, naw maꞈ-ahˇ muiˇ-eu tsawˇ haˬ pyeuꞈ-awˇ, aˬ yawꞈ maꞈ-euˬ Miˬyehˇ deuˬ-ahˇ uˬ duˬ tahˬ-eu lahˇ ju-ahˇ naw maꞈ paꞈ leˇ tehꞈ-a.”