2 Gawˇliˬtu 12:11 - Akha

¹¹ Ngaˇ aˬ dzawˬ aˇ gah-euˬ dawˬ ngehˬ la. Kʼoeˇ loꞈ-ehˇ ngehˬ ni naw maꞈ neh teh suꞈ nehˬ laꞈ-euˬ meh. Naw maꞈ ngaˬ-ahˇ noeˬ muiˬ nehˬ laꞈ paˬ-ehˇ gʼeh-eu meh. Ngaˇ-aˬ, gaˇ dahˇ tsoeˬ leˇ-eu tsawˇ haˬ maˬ ngeuˇ kʼawꞈ, naw maꞈ-euˬ huiˬ dzehˬ mahˇ dzeuˬ-eu gʼaˬ kʼehˇ kʼoeˇ deuˬ taꞈ-ehˇ tiˬ pawꞈ-iˬ maˬ nyiˇ teˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Nawmaf, ngaq-anr katir-eu mirnae, ngar khanqsaer jaev-eu lafkhoer aqdzawq argan pyeuf-ir-euq mir-a. Aqdir aernar-aq, nawmaf, ngaq-anr ciqpoeq paq-aer ghae-eu mae. Aqjeq mirnae aernar-aq, ngar tiqjeq-iq bym-awr nya-eu tsawrhaq maqngeur-eu khawf, huiq-awr manr-eu ghaqkhaer khoerdeuq taf-aer teqdzaeq-eu maqngeur.

2 Gawˇliˬtu 12:11 ပူးပေါင်းရင်းမြစ်များ

Dawqdaq 27:2

Yawˬ haˇ yawˬ ha taˬ ja ceuˬ. Aˬ cawˬ neh bi ja ceuˬ-awˬ. Boeˇ miˬ siˬ kʼaˬ deuˬ neh bi ja ceuˬ-awˬ.

Luˇkaꞈ 17:10

Kʼoeˇ loꞈ-ehˇ duˇ ni, naw maꞈ kʼawꞈ, naw maꞈ-ahˇ kʼaˇ kʼehˇ-euˬ jeˬ mˇ gʼaˬ jiˇ ngeh, ‘Nga maꞈ-aˬ, maˬ poeˬ maˬ lawˬ-eu zaˬ kʼaˆ tehꞈ ma. Nga maꞈ-ahˇ daˇ-eu gaˇ-ahˇ nga maꞈ mˇ jiˇ-euˬ tehꞈ ma’ lehˇ ehˇ-awˬ.”

1 Gawˇliˬtu 13:2

Ngaˇ-aˬ, Miˬyehˇ gʼaˇ duˬ ngehˬ dah nya-eu baoˬ za-euˬ tsawˇ haˬ pyeuꞈ-awˇ, zaˬ siˬ tsawˇ gahˇ dawˬ tawˆ luꞈ hawˇ-eu zaꞈ taˬ-euˬ jeˬ-ahˇ siˬ nya-eu tsawˇ gahˇ ahˇ-eu uˬ taꞈ, gawˬ jawˬ teh jiˆ nya gaˇ keuˆ ni jah-eu jeˬ ahˇ kʼawꞈ, gʼoeˇ-eu gaˬ-eu jeˬ maˬ ahˇ naˇ, tiˬ jeˬ-iˬ gaˇ dahˇ maˬ tsoeˬ-a.

1 Gawˇliˬtu 3:22

Pawˇluˆ maˬ ehˇ, Aˬpawˇluˆ maˬ ehˇ, Beˬtuˆluˆ maˬ ehˇ, miˇ tsaˬ tahˬ kʼawˇ maˬ ehˇ, dehꞈ-eu hawˇ-eu shiˇ-eu maˬ ehˇ, heu ziˇ hawˇ-eu aˬ kaˇ kaˇ ziˇ maˬ ehˇ, dawˬ tawˆ luꞈ naw maꞈ-ahˇ oꞈ-eu meh.

2 Gawˇliˬtu 1:6

Shaˬ-eu zahˬ-eu jeˬ-ahˇ nga maꞈ ya daˬ naˇ, naw maꞈ-ahˇ ngehˬ gʼeh dah teˬ-eu gʼaˇ duˬ hawˇ-eu naw maꞈ ka kʼoꞈ-eu jeˬ bi za-eu gʼaˇ duˬ daˬ-eu ma. Ngehˬ gʼeh dah teˬ nehˬ laꞈ-eu jeˬ-ahˇ nga maꞈ za naˇ, nga maꞈ daˬ dzeuˇ oˇ dzeuˇ-euˬ shaˬ zahˬ-ahˇ naw maꞈ daˬ dzeuˇ oˇ dzeuˇ coeˇ ni, gʼaˬ za lahˬ laˇ tehꞈ-a.

2 Gawˇliˬtu 11:1

Ngaˇ aˬ dzawˬ aˇ gah-euˬ dawˬ ui cuiˆ ngehˬ gaˇ naw maꞈ bi oˇ mawꞈ miˇ-a. Tiˬ poˆ oˇ nehˬ laꞈ-awˬ de.

2 Gawˇliˬtu 11:5

Huiˬ dzehˬ mahˇ dzehˬ-eu gʼaˬ kʼehˇ deuˬ lehˇ naw maꞈ kuˇ-eu gʼaˬ kʼehˇ kʼoeˇ deuˬ naˆ maˬ tseˇ ngaˇ tiˬ pawꞈ-iˬ maˬ nyiˇ teˬ lehˇ noeˬ-eu ma.

2 Gawˇliˬtu 12:12

Ngaˇ maˇ maˇ ni gʼaˬ kʼehˇ pyeuꞈ-eu gaˇ kawˆ bi siˬ bi mawˇ duˬ-euˬ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ-ahˇ, nui ma gʼawˬ mahˇ ni taˬ-eu laꞈ kʼoeˇ naw maꞈ-ahˇ mˇ mehˬ-euˬ ma.

2 Gawˇliˬtu 12:6

Ngaˇ kʼahˬ sehˇ jehˆ mawꞈ lawˬ naˇ kʼawꞈ, aˬ dzawˬ aˇ gah miˇ neh maˬ ngeuˇ. Aˬ jeˬ miˇ neh ehˇ naˇ, ngeuˇ gaˇ keuˆ ni tehꞈ-ehˇ jehˆ-eu ma. Ehˇ kʼawꞈ, ngaˇ kʼahˬ sehˇ maˬ jehˆ. Aˬ jeˬ miˇ neh ehˇ naˇ, ngaˬ neh mˇ-euˬ jeˬ-ahˇ ya mawˇ-awˇ ngaˬ neh ngehˬ-euˬ dawˬ-ahˇ ya gaˬ-euˬ uˬ taꞈ-ehˇ, tsawˇ haˬ tiˬ gʼaˬ-iˬ ngaˬ-ahˇ maˬ bi noeˬ huiˬ mawꞈ nya.

2 Gawˇliˬtu 3:1

Nga maꞈ yawˬ haˇ yawˬ ha kʼahˬ sehˇ paˇ jehˆ gaˇ duˇ-eu nga loˇ. Aˬ cawˬ jahˇ luꞈ-eu loꞈ-ehˇ, nga maꞈ gʼeh naw maꞈ jawˇ gaˇ laˇ ngeh naw maꞈ ha geuꞈ nehˬ laꞈ ni aˬ cawˬ neh nga maꞈ-euˬ gaˇ kawˆ naw maꞈ-ahˇ boꞈ nehˬ-euˬ sahˬ boꞈ yuˇ leꞈ-eu loˬ ta loˇ. Maˬ ngeuˇ naˇ, nga maꞈ aˬ cawˬ jawˇ gaˇ iˇ ngeh, aˬ cawˬ nga maꞈ-ahˇ ha geuꞈ nehˬ laꞈ ni, naw maꞈ neh nga maꞈ-euˬ gaˇ kawˆ boꞈ nehˬ-euˬ sahˬ boꞈ yuˇ gʼeh-eu loˬ ta loˇ.

2 Gawˇliˬtu 5:13

Nga maꞈ uˬ-iˇ-euˬ nga loˇ. Uˬ-iˇ-euˬ ngeuˇ naˇ, Miˬyehˇ hawˇ-eu nga maꞈ-euˬ yaw kaˬ-ahˇ jaˆ luꞈ-uˇ. Nga maꞈ maˬ uˬ-iˇ ngaˬ loˇ. Maˬ uˬ-iˇ-euˬ ngeuˇ naˇ kʼawꞈ, naw maꞈ gʼaˇ duˬ guiˬ lahˬ baw luꞈ-uˇ.

Gaˬlaˬtiˆ 6:3

Tsawˇ haˬ tiˬ gʼaˬ na, tiˬ jeˬ-iˬ maˬ mˇ maˬ shaˇ nya kʼawꞈ maˬ gaˇ ma lehˇ noeˬ naˇ, yawˬ haˇ yawˬ ha jaˬ myawꞈ myawꞈ gaˇ duˇ-eu meh.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.