2 Gawˇliˬtu 12:1 - Akha

¹ Kʼahˬ sehˇ jehˆ-eu jeˬ gaˇ dahˇ maˬ tsoeˬ kʼawꞈ, ngaˇ kʼahˬ sehˇ ya jehˆ meh. Nymˬ-mˇ ngaˇ Sahˬpaˬ Yeˬsuˇ neh pah mehˬ nehˬ laꞈ-euˬ yaw sahˇ laꞈ kʼoeˇ ya siˬ ya mawˇ-euˬ gaˇ kawˆ ja ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar khanqsaer jaev-eu-aq gardanr maqtsoeq-a. Aerkhawf, Sanqpaq Miqyaer nae panmaeq naeqlaf-euq deuq hawr-eu mawrle-euq deuq-euq garkawv ngar ja’naeq ma de-eq.

2 Gawˇliˬtu 12:1 ပူးပေါင်းရင်းမြစ်များ

Yeˬsaˬgeˬlaˇ 11:24

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Miˬyehˇ ngaˬ-ahˇ ciˬ diˇ-awˇ, Baˬbuˇloˬ miˇ kʼahˬ-ahˇ bi nyehꞈ gʼeh-euˬ tsawˇ haˬ deuˬ jawˇ gaˇ sheuˬ kʼoꞈ gʼeh nehˬ laꞈ-euˬ meh. Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ jiˇ-euˬ meh.

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

Yoˇhaˬ 16:7

Ngaˇ naw maꞈ-ahˇ maˇ jawˆ ni ehˇ-eu ma. Ngaˇ gʼoꞈ leˇ-eu-aˬ, naw maꞈ gʼaˇ duˬ muiˬ dzehˬ meh. Aˬ jeˬ miˇ neh ehˇ naˇ, ngaˇ maˬ gʼoꞈ leˇ naˇ, Caw ba-eu gʼaˬ naw maꞈ jawˇ gaˇ maˬ oe nya-a. Ngaˇ gʼoꞈ leˇ naˇ, Caw ba-eu gʼaˬ-ahˇ kʼehˇ gʼeh leꞈ ma.

Yoˇhaˬ 18:14

Tsawˇ jeuˬ tiˬ jeuˬ jeuˬ lah ni ya cawˆ-iˇ-eu dah zaˇ tsawˇ haˬ tiˬ gʼaˬ bi shiˇ dah-eu muiˬ dzehˬ meh lehˇ, Yuˇdaˆ tsawˇ haˬ aˬ yuiꞈ aˬ tsu deuˬ-ahˇ ja noeˬ nehˬ-euˬ gʼaˬ-aˬ, Gaˬyaˬpaˇ meh.

Gʼaˬkʼehˇ 18:9

Tiˬ miˇ-aˬ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Pawˇluˆ-ahˇ Sahˬpaˬ Yeˬsuˇ ehˇ-eu,“Taˬguˆ. Dawˬ mehˬ maˬ mehˬ-ehˇ ciˬ cuˇ ni taˬ jawˇ.

Gʼaˬkʼehˇ 23:11

Kʼoeˇ ngeh miˇ, Sahˬ paˬ Yeˬsuˇ Pawˇluˆ-euˬ dawˬ peh yawꞈ le-awˇ ehˇ-eu, “Taˬ guˆ. Yeˬluˇsaˬlehˬ meuˬ laꞈ kʼoeˇ ngaˬ-euˬ gʼaˇ duˬ nawˇ saˇ kiˇ kamˬ gʼaˬ-euˬ meh. Loˇmaˆ meuˬ laꞈ kʼoeˇ kʼawꞈ, kʼoeˇ loꞈ-ehˇ ya kamˬ meh.”

1 Gawˇliˬtu 10:23

“Yawˬ jeˬ na luꞈ mˇ kʼmˬ meh.” Ehˇkʼawꞈ, yawˬ jeˬ na luꞈ gaˇ dahˇ tsoeˬ-eu maˬ ngeuˇ-a. “Yawˬ jeˬ na luꞈ mˇ kʼmˬ meh.” Ehˇ kʼawꞈ, yawˬ jeˬ na luꞈ guiˬ lahˬ baw-eu maˬ ngeuˇ-a.

1 Gawˇliˬtu 14:6

Teu baˬ da neh aˬ yuiꞈ aˬ nyiˇ Ka li zaˬ deuˬ-oˇ, naw maꞈ jawˇ gaˇ oe keuˆ ngeh ngaˇ dawˬ gʼawˬ mya jeˬ ngehˬ naˇ, naw maꞈ gʼaˇ duˬ aˬ jeˬ gaˇ dahˇ tsoeˬ nmˇ. Tiˬ pawꞈ-iˬ gaˇ dahˇ maˬ tsoeˬ-a. Miˬyehˇ neh pah mehˬ nehˬ laꞈ-euˬ jeˬ, zaˬ siˬ tsawˇ gahˇ, Miˬyehˇ gʼaˇ duˬ ngehˬ dah-eu dawˬ hawˇ-eu, mehˬ-eu tsoˆ-eu jeˬ, heu deuˬ-ahˇ naw maꞈ jawˇ gaˇ ngaˇ yuˇ leꞈ nehˬ-eu maˬ ngeuˇ naˇ gaˇ dahˇ maˬ tsoeˬ-a.

1 Gawˇliˬtu 6:12

“Ngaˇ maˬ mˇ kʼmˬ-eu jeˬ maˬ jaˆ.” Ehˇ kʼawꞈ, yawˬ jeˬ na luꞈ gaˇ dahˇ tsoeˬ-eu maˬ ngeuˇ-a. “Ngaˇ maˬ mˇ kʼmˬ-eu jeˬ maˬ jaˆ.” Ehˇ kʼawꞈ, aˬ geu jeˬ-euˬ laꞈ oˆ maˬ kaˬ, ngaˇ zaˬ kʼaˆ maˬ geuꞈ.

2 Gawˇliˬtu 12:11

Ngaˇ aˬ dzawˬ aˇ gah-euˬ dawˬ ngehˬ la. Kʼoeˇ loꞈ-ehˇ ngehˬ ni naw maꞈ neh teh suꞈ nehˬ laꞈ-euˬ meh. Naw maꞈ ngaˬ-ahˇ noeˬ muiˬ nehˬ laꞈ paˬ-ehˇ gʼeh-eu meh. Ngaˇ-aˬ, gaˇ dahˇ tsoeˬ leˇ-eu tsawˇ haˬ maˬ ngeuˇ kʼawꞈ, naw maꞈ-euˬ huiˬ dzehˬ mahˇ dzeuˬ-eu gʼaˬ kʼehˇ kʼoeˇ deuˬ taꞈ-ehˇ tiˬ pawꞈ-iˬ maˬ nyiˇ teˬ.

2 Gawˇliˬtu 12:5

Kʼoeˇ miˇ neh, tsawˇ haˬ kʼoeˇ gʼaˬ-euˬ gaˇ kawˆ ja-eu maˬ ngeuˇ naˇ, ngaˬ-euˬ gaˇ kawˆ ngaˇ kʼahˬ sehˇ maˬ paˇ jehˆ ma.

2 Gawˇliˬtu 12:7

Yaw sahˇ laꞈ kʼoeˇ pah mehˬ nehˬ laꞈ-euˬ gʼawˬ mya jeˬ-ahˇ ngaˇ ya mawˇ-euˬ baˬ da neh, ngaˇ nui ma maˬ ya huiˬ maˬ ya mahˇ ni, ngaˬ-euˬ shiˬ shaˬ jiˇ gʼawˇ mawˇ-ahˇ daˇ ceh tsawˆ ahˇ nehˬ laꞈ-euˬ meh. Kʼoeˇ-aˬ, ngaˇ nui ma maˬ ya huiˬ maˬ ya mahˇ ni nehꞈ Saˬdaˬ-euˬ gʼaˬ kʼehˇ neh ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ pyeuꞈ-eu meh.

2 Gawˇliˬtu 12:9

Ehˇ kʼawꞈ, aˬ yawꞈ ngaˬ-ahˇ ehˇ-eu, “Ngaˬ-euˬ guiˬ lahˬ yaw dzahˇ nawˬ-euˬ gʼaˇ duˬ loꞈ luꞈ meh. Aˬ jeˬ miˇ neh ehˇ naˇ, nawˇ gʼaˬ baˬ luꞈ ngeh, ngaˬ-euˬ baoˬ nawˬ-euˬ gʼaˇ duˬ byah dzehˬ-eu meh.” Ka li-euˬ baoˬ ngaˬ-ahˇ haw piˇ nehˬ laꞈ nya ni, ngaˇ gʼaˬ baˬ-eu gaˇ kawˆ laˬ kʼaˬ cehˇ cehˇ-ehˇ kʼahˬ sehˇ jehˆ ma.

2 Gawˇliˬtu 8:10

Gaˇ kawˆ heu hmˬ-ahˇ taꞈ leˇ-awˇ, ngaˇ naw maꞈ-ahˇ heu loꞈ-ehˇ gʼaˬ biꞈ-eu ma. Miˇ nui kʼoꞈ naw maꞈ neh beh-euˬ gaˇ heu hmˬ nymˬ-mˇ mˇ luiˆ jiˇ-eu tsaˬ meh. Naw maꞈ-aˬ, mˇ beh beh-euˬ deuˬ pyeuꞈ-eu tehꞈ-ehˇ maˬ ngeuˇ ni, mui ma keuˆ beh beh-euˬ deuˬ kʼawꞈ pyeuꞈ-eu meh.

Gaˬlaˬtiˆ 1:12

Tsawˇ haˬ zaˬ neh mehˬ nehˬ laꞈ-euˬ kʼawꞈ maˬ ngeuˇ-a. Yeˬsuˇ Ka li neh ngaˬ-ahˇ pah mehˬ nehˬ laꞈ-euˬ meh.

Gaˬlaˬtiˆ 2:2

Miˬyehˇ ngaˬ-ahˇ pah mehˬ nehˬ laꞈ-euˬ miˇ neh iˇ-euˬ ma. Aˬ yuiꞈ aˬ tsu deuˬ nehˬ-ehˇ ciˬ cuˇ ni tahˬ dzoeˇ-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-euˬ gaˇ kawˆ ngaˇ dzawˇ nehˬ-euˬ ma. Ngaˬ neh mˇ dzeuˇ yaꞈ-euˬ jeˬ hawˇ-eu nymˬ-mˇ mˇ luꞈ-eu jeˬ yawꞈ ngehꞈ-ehˇ maˬ bi pyeuꞈ-iˇ mawꞈ-eu miˇ neh, kʼoeˇ loꞈ-ehˇ dzawˇ nehˬ-euˬ ma.

Eˇpeˇsu 3:3

Miˬyehˇ-aˬ, aˬ yawꞈ neh zaꞈ taˬ-euˬ jeˬ ngaˬ-ahˇ pah mehˬ nehˬ laꞈ-euˬ meh. Gaˇ kawˆ heu ngaˇ yaw nymˇ nymˇ-ehˇ boꞈ taˬ-euˬ ma.

1 Teˇsaˬloˇni 4:15

Nymˬ-mˇ naw maꞈ-ahˇ nga maꞈ mehˬ luꞈ tsoˆ luꞈ-eu dawˬ heu-aˬ, Sahˬpaˬ Yeˬsuˇ-euˬ dawˬ ma. Sahˬpaˬ Yeˬsuˇ oe ngeh dehꞈ luꞈ-eu aˬ dui maꞈ-aˬ, shiˇ dzeuˇ-euˬ tsawˇ haˬ deuˬ-euˬ aˬ hu aˬ yawꞈ nehˬ-ehˇ ya jawˇ-eu maˬ ngeuˇ-a.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.