2 Gawˇliˬtu 11:9 - Akha

⁹ Naw maꞈ nehˬ-ehˇ ngaˇ jawˇ ngeh, pyuˇ loˬ laˇ kʼawꞈ naw maꞈ-ahˇ maˬ shaˇ haw-aˬ. Maˬgeˬdawˇniˆˆ miˇ kʼahˬ-ahˇ neh oe-euˬ aˬ yuiꞈ aˬ nyiˇ Ka li zaˬ deuˬ ngaˇ kʼaˇ loˬ-eu jeˬ sha ha le-euˬ meh. Dzeuˇ laˇ ngeh naw maꞈ-ahˇ tiˬ jeˬ-iˬ maˬ shaˇ haw-euˬ loꞈ-ehˇ, aˬ kaˇ mehˬ hu paw kʼawꞈ maˬ shaˇ ni mˇ daˆ leꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ngar, nawmaf jawr-eu gar jawr ngae tiqjeqnav mawf-eu khawf, tiqghaq-iq-euq khavbaev maqbi pyeuf-aq. Aqjeq mirnae aernar-aq, Maqgeqdawrniv mirkhanq-anr nae oe-euq aqyuif aqnyir deuq nae ngar nym-eu jeq bifnaeq laf-euq mae. Dzeurlaf ngae, nawmaf-anr tiqjeq-iq maqbi dar-euq lof-aer, maeqhu paw khawf khoerlof-aer mrghae ma.

2 Gawˇliˬtu 11:9 ပူးပေါင်းရင်းမြစ်များ

Neˬhaˬmiˇ 5:15

Ngaˬ-euˬ mehˬ hu Yuˇdaˆ miˇ kʼahˬ-ahˇ uˆ lahˇ-eu gaˇ mˇ yaꞈ-euˬ deuˬ-aˬ, miˇ kʼahˬ zaˬ deuˬ-ahˇ kʼaˆ behˆ yaw kah ciˬ pi-awˇ, tiˬ nah dzaˬ-eu dzaˬ dzaˬ dawˇ dawˇ, aˬ gaꞈ dzaˇ uiˇ hawˇ-eu pyuˇ maˇ byaˆ oeˬ tseˇ byaˆ taꞈ-euˬ meh. Aˬ yawꞈ maꞈ-euˬ zaˬ kʼaˆ deuˬ kʼawꞈ miˇ kʼahˬ zaˬ kʼoeˇ taˆ kʼaˆ dzaˬ-euˬ meh. Ehˇ kʼawꞈ, ngaˇ-aˬ, Miˬyehˇ-ahˇ guˆ-eu miˇ neh kʼoeˇ loꞈ-ehˇ maˬ jahˇ-aˬ.

Gʼaˬkʼehˇ 18:3

Aˬ nyaꞈ dzeˇ zaˬ nehˬ-ehˇ aˬ yawꞈ jawˇ-awˇ gaˇ mˇ-euˬ meh. Aˬ jeˬ miˇ neh ehˇ naˇ, aˬ yawꞈ kʼawꞈ, aˬ nyaꞈ dzeˇ zaˬ loꞈ-ehˇ saˬ paˇ sehˬ gʼawˆ guꞈ ahˬ-awˇ dehꞈ-eu tsawˇ haˬ pyeuꞈ-eu meh.

Gʼaˬkʼehˇ 18:5

Siˬlaˆ hawˇ-eu Tiˆmoˇseˬ aˬ nyaꞈ Maˬgeˬdawˇniˆ miˇ kʼahˬ-ahˇ neh oe keuˆ ngeh, Pawˇluˆ gʼaˬ-aˬ, Miˬyehˇ dawˬ kawˬ mehˬ-eu gaˇ tehꞈ-ehˇ aˇ yamˬ tiˬ byah ni mˇ-awˇ, Yeˬsuˇ Meˬsiˇya pyeuꞈ-eu gaˇ kawˆ Yuˇdaˆ tsawˇ haˬ deuˬ-ahˇ saˇ kiˇ kamˬ-euˬ meh.

Gʼaˬkʼehˇ 20:33

Aˬ cawˬ-euˬ pyuˇ-ahˇ maˬ ehˇ, shuiˇ-ahˇ maˬ ehˇ, dm gʼaˬ dm lmˇ-ahˇ maˬ ehˇ, mehˇ juiˇ juiˇ-eu nui ma ngaˇ maˬ ahˇ.

Lormav 15:26

Aˬ jeˬ miˇ neh ehˇ naˇ, Yeˬluˇsaˬlehˬ meuˬ-ahˇjawˇ-eu Miˬyehˇ-euˬ tsawˇ haˬ deuˬ laꞈ kʼoeˇ shaˬ-eu zahˬ-eu deuˬ-ahˇ caw ba nehˬ-eu gʼaˇ duˬ, Maˬgeˬdawˇniˆˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ jawˇ-eu Ka li zaˬ aˇ muˇ deuˬ pyuˇ daˬ biꞈ nehˬ-eu lehˇ noeˬ tsehˆ taˬ-euˬ meh.

1 Gawˇliˬtu 16:17

Saˬteˬpaˬ, Pawˬduˇnaˆ, Aˬgaˬyaˬguˇ aˬ ha maꞈ ngaˇ jawˇ gaˇ laˇ keuˆ-euˬ miˇ neh laˬ kʼaˬ cehˇ dui dui nya. Naw maꞈ-euˬ dah zaˇ aˬ yawꞈ maꞈ ngaˬ-ahˇ caw ba nehˬ laꞈ-euˬ meh.

2 Gawˇliˬtu 6:4

Ehˇ kʼawꞈ, kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nga maꞈ Miˬyehˇ-euˬ zaˬ kʼaˆ pyeuꞈ-eu gaˇ kawˆ aˬ cawˬ-ahˇ mawˇ leˇ ni, shaˬ-eu zahˬ-eu jeˬ, noeˬ dui noeˬ duiˇ-eu jeˬ, nui ma shaˬ zahˬ naꞈ-eu jeˬ, heu deuˬ-ahˇ oˇ oˇ-ehˇ daˬ dui dui luꞈ ma.

2 Gawˇliˬtu 9:12

Aˬ jeˬ miˇ neh ehˇ naˇ, naw maꞈ heu loꞈ-ehˇ mˇ-eu heu-aˬ, Miˬyehˇ-euˬ tsawˇ haˬ loˬ luꞈ-eu tsahˇ-ahˇ gaˇ dahˇ tsoeˬ leˇ-eu tehꞈ maˬ ngeuˇ-a. Miˬyehˇ-euˬ guiˬ lahˬ-ahˇ ja ceuˬ-eu jeˬ kʼawꞈ maˬ ehˇ jiˇ coeˇ ni bi doˆ laˇ-eu meh.

Piˇliˇpiˆ 2:25

Laˬ kʼaˬ cehˇ-eu Guiˬ lahˬ dawˬ gʼaˇ duˬ, ngaˬ nehˬ-ehˇ mˇ caw shaˇ caw-awˇ guiˇ deuˆ caw luꞈ-eu tsawˇ haˬ tiˬ gʼaˬ pyeuꞈ-eu ngaˇ loˬ-eu jeˬ-ahˇ bi caw ba-eu lehˇ naw maꞈ neh kʼehˇ gʼeh leꞈ-euˬ aˬ dui-euˬ aˬ nyiˇ Iˬbaˬpawˬdiˇ-ahˇ kʼawꞈ, naw maꞈ jawˇ gaˇ ya bi laˇ meh lehˇ ngaˇ noeˬ-eu ma.

1 Teˇsaˬloˇni 2:6

Aˬ cawˬ neh bi ciˬ poeˬ-eu lehˇ nga maꞈ mˇ-euˬ maˬ ngeuˇ. Naw maꞈ neh maˬ ehˇ, aˬ cawˬ neh maˬ ehˇ, bi ja ceuˬ-eu lehˇ mˇ-euˬ maˬ ngeuˇ.

1 Teˇsaˬloˇni 2:9

Aˬ yuiꞈ aˬ nyiˇ Ka li zaˬ deuˬ-oˇ, nga maꞈ aˇ naˆ ni shaˬ shaˬ-ehˇ mˇ dui dui-euˬ gaˇ kawˆ naw maꞈ siˬ duˬ luꞈ meh. Naw maꞈ-ahˇ Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ ngeh, nga maꞈ gʼaˇ duˬ naw maꞈ pyuˇ shuiˇ maˬ bi jiˇ mawꞈ-eu miˇ neh, uˬ ciꞈ nah gʼahˇ maˬ ehˇ maˬ naˬ ni nga maꞈ leh jeh-euˬ ma.

HeˬByehˇ 11:37

Kʼaˬ lo neh bi biˬ sehꞈ-euˬ meh. Yehˬ ma neh bi yehˬ tsehˆ-euˬ meh. Mi cehˇ neh bi deuˆ sehꞈ-euˬ meh. Yawˇ baˆ kʼoˆ hawˇ-eu ciꞈ myehꞈ baˆ kʼoˆ dm dm-ehˇ cah-euˬ meh. Shaˬ dui dui-awˇ, kʼehˬ dui kʼaˆ dui bi dui-euˬ uˬ taꞈ, kʼaˇ gʼeh mawꞈ-eu jeˬ bi gʼeh-euˬ meh.