2 Gawˇliˬtu 11:7 - Akha

⁷ Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ nehˬ-euˬ aˇ poeˬ, ngaˇ naw maꞈ-ahˇ tiˬ jeˬ-iˬ maˬ shaˇ haw-aˬ. Naw maꞈ-ahˇ taˬ huiˬ-eu gʼaˇ duˬ, ngaˬ-euˬ gʼawˇ mawˇ-ahˇ ngaˇ taˬ nyiˇ-euˬ ma. Ngaˇ kʼoeˇ loꞈ-ehˇ mˇ-euˬ lehˬ ta loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nawmaf-anr taqhuiq-eu laer ngar, yawqha-euq mawrdo-anr taqnyir-awr, arpoeq maqyurni nawmaf-anr Miqyaer-euq guiqlanqdawq maeqnaeq-euq mirnae, ngar iqbax mr-euq nga lor?

2 Gawˇliˬtu 11:7 ပူးပေါင်းရင်းမြစ်များ

Gʼaˬkʼehˇ 20:33

Aˬ cawˬ-euˬ pyuˇ-ahˇ maˬ ehˇ, shuiˇ-ahˇ maˬ ehˇ, dm gʼaˬ dm lmˇ-ahˇ maˬ ehˇ, mehˇ juiˇ juiˇ-eu nui ma ngaˇ maˬ ahˇ.

Gʼaˬkʼehˇ 20:34

Ngaˇ hawˇ-eu ngaˬ-euˬ cawˬ deuˬ kʼaˇ loˬ-eu jeˬ za nya ni, ngaˬ-euˬ aˬ laꞈ heu neh gaˇ mˇ-awˇ pyuˇ poˆ-euˬ naw maꞈ siˬ nya meh.

Lormav 1:1

Ngaˇ-aˬ, Yeˬsuˇ Ka liˬ-euˬ zaˬ kʼaˆ Pawˇluˆ ma. Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ, Miˬyehˇ neh tseˇ doˆ-awˇ kuˇ-euˬ gʼaˬ kʼehˇ tiˬ gʼaˬ pyeuꞈ-eu ma.

1 Gawˇliˬtu 9:12

Naw maꞈ neh kʼoeˇ loꞈ-ehˇ gʼeh-eu jeˬ caw ba nehˬ-euˬ gaˇ aˬ cawˬ za geuˇ naˇ, nga maꞈ kʼoeˇ naˆ maˬ tseˇ maˬ za geuˇ-aˇ loˇ. Ehˇ kʼawꞈ, nga maꞈ kʼaˇ za geuˇ-eu jeˬ nga maꞈ maˬ geuꞈ-aˬ. Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ gaˇ jaˆ tsoeˬ-eu jeˬ maˬ bi pyeuꞈ-eu gʼaˇ duˬ, yawˬ jeˬ na luꞈ-ahˇ nga maꞈ daˬ dzeuˇ oˇ dzeuˇ yaꞈ-euˬ ma.

1 Gawˇliˬtu 9:6

Maˬ ngeuˇ naˇ, Baˬnaˬbaˇ nga nyaꞈ tehꞈ-ehˇ yawˬ haˇ yawˬ ha ya poˆ dzaˬ ta loˇ.

2 Gawˇliˬtu 10:1

Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

2 Gawˇliˬtu 10:16

Kʼoeˇ naˇ, naw maꞈ jawˇ-eu miˇ kʼahˬ iˇ dzeuˇ gʼeh-awˇ nga maꞈ Laˬ kʼaˬ cehˇ-eu Guiˬ lahˬ dawˬ mehˬ-iˇ nya tehꞈ-a. Kʼoeˇ ngeh jawˇ, aˬ cawˬ-euˬ deh yaˇ-ahˇ mˇ taˬ-euˬ jeˬ-ahˇ nga maꞈ kʼahˬ sehˇ maˬ paˇ ya jehˆ-aˇ.

2 Gawˇliˬtu 12:13

Pyuˇ shuiˇ caw ba nehˬ laꞈ lehˇ naw maꞈ-ahˇ ngaˇ maˬ shaˇ-euˬ kʼoeˇ tiˬ jeˬ maˬ ngeuˇ naˇ, Ka li zaˬ aˇ muˇ nui deuˬ-ahˇ naˆ maˬ tseˇ naw maꞈ-ahˇ ngaˬ neh jahˇ doeˇ nehˬ-euˬ aˬ jeˬ jaˆ ta. Ehˇ kʼawꞈ, ngaˬ-euˬ yaw lehˬ-ahˇ aˬ joˆ-ehˇ gʼeh-awˇ neh kʼawꞈ iˬ baˇ tiˬ poˆ pyehˬ nehˬ laꞈ lehˇ shaˇ-eu ma.

2 Gawˇliˬtu 2:12

Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu lehˇ Daˬloˇ meuˬ-ahˇ ngaˇ laˇ keuˆ ngeh, kʼoeˇ gaˇ gaˇ mˇ nya ni Sahˬpaˬ Yeˬsuˇ ngaˬ-ahˇ gaˇ ma pah nehˬ laꞈ taˬ-euˬ gaˇ ya mawˇ-euˬ ma.

1 Teˇsaˬloˇni 2:9

Aˬ yuiꞈ aˬ nyiˇ Ka li zaˬ deuˬ-oˇ, nga maꞈ aˇ naˆ ni shaˬ shaˬ-ehˇ mˇ dui dui-euˬ gaˇ kawˆ naw maꞈ siˬ duˬ luꞈ meh. Naw maꞈ-ahˇ Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ ngeh, nga maꞈ gʼaˇ duˬ naw maꞈ pyuˇ shuiˇ maˬ bi jiˇ mawꞈ-eu miˇ neh, uˬ ciꞈ nah gʼahˇ maˬ ehˇ maˬ naˬ ni nga maꞈ leh jeh-euˬ ma.

2 Teˇsaˬloˇni 3:8

Nga maꞈ-ahˇ kʼaˇ caw ba nehˬ laꞈ-euˬ jeˬ, aˇ poeˬ maˬ biꞈ ni nga maꞈ maˬ ha geuꞈ-aˬ. Nga maꞈ leh jeh dui dui-eu laꞈ kʼoeˇ gaˇ mˇ-euˬ ma. Nga maꞈ gʼaˇ duˬ naw maꞈ pyuˇ maˬ bi jiˇ mawꞈ-eu miˇneh, uˬ ciꞈ nah gʼahˇ maˬ ehˇ nga maꞈ gaˇ mˇ-euˬ ma.