2 Gawˇliˬtu 11:20 - Akha

²⁰ Aˬ cawˬ naw maꞈ-ahˇ kʼehˇ dzaˬ laˇ gaˇ maˬ ehˇ, nawˬ dzaˬ kʼaˆ dzaˬ laˇ gaˇ maˬ ehˇ, zuiˆ laˇ gaˇ maˬ ehˇ, daˆ dziˬ laˇ gaˇ maˬ ehˇ, baˬ ba-ahˇ tehˆ laˇ gaˇ maˬ ehˇ, naw maꞈ daˬ coeˇ meh ehˇ lawˬ laˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Tsawrhaq tiqghaqnav, nawmaf-anr zaqkhav bigeuf-awr, nawmaf-anr kawfsaef dzaqlar-eu uqtaf, nawmaf-anr myawfdzaq shuirdzaq lar-awr, yawqhar yawqha ciqgor-eu uqtaf, nawmaf-anr naqtaev taevlar-eu khawf, nawmaf daq-awr or-eu nga aerlawq.

2 Gawˇliˬtu 11:20 ပူးပေါင်းရင်းမြစ်များ

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

Ngoeˇ dawˬ 3:30

Naˬ tehˆ tehˆ-awˇ kʼehˬ nehˬ laꞈ kʼawꞈ, dawˬ gʼoꞈ maˬ doˆ ni ciˬ daˬ-awˬ.

Maˬkuˆ 12:40

Miˬ coeˬ miˬ ma deuˬ-euˬ nymˇ-ahˇ aˬ yawꞈ maꞈ nawˬ dzaˬ kʼaˆ dzaˬ-awˇ, aˬ cawˬ neh yaw muiˬ ngaˇ lehˇ bi haw-eu gʼaˇ duˬ guiˬ lahˬ gʼawˬ myahˇ ni shaˇ-eu meh. Doeˇ dui dui-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ tehꞈ-a.”

Luˇkaꞈ 6:29

Nawˬ-euˬ baˬ ba-ahˇ tehˆ laˇ-eu tsawˇ haˬ-ahˇ, baˬ ba yawˬ pyawˬ yawˬ paˇ ciˬ daˬ nehˬ-awˬ. Kʼoeˇ taˆ dm daˆ taˬ-eu pehˇ kʼahˬ yuˇ geuꞈ laˇ-eu tsawˇ haˬ-ahˇ, laꞈ kʼoeˇ dm ahˇ taˬ-euˬ kahˇ kʼawꞈ bi yuˇ geuꞈ-awˬ.

1 Gawˇliˬtu 4:11

Nymˬ-mˇ keuˆ ni nga maꞈ mehꞈ luꞈ shuꞈ luꞈ-eu ma. Mehˬ tsoeˬ dm-eu maˬ jaˆ-ehˇ, aˬ cawˬ neh bi diˬ bi diˬ-ehˇ, yuꞈ zaˇ jawˇ zaˇ maˬ baw ni shaˬ luꞈ-eu ma.

2 Gawˇliˬtu 1:24

Naw maꞈ-euˬ jah-eu jeˬ-ahˇ nga maꞈ tuˆ tehˬ-awˇ uˆ lahˇ-eu lehˇ maˬ ngeuˇ. Jah-eu jeˬ laꞈ kʼoeˇ naw maꞈ ziꞈ dah ni yawꞈ luꞈ meh lehˇ nga maꞈ siˬ nya ma. Nga maꞈ-aˬ, naw maꞈ laˬ kʼaˬ cehˇ ni mˇ luꞈ-eu naw maꞈ-euˬ gaˇ mˇ cawˬ deuˬ pyeuꞈ-eu ma.

2 Gawˇliˬtu 10:5

Miˬyehˇ-ahˇ siˬ nya-eu jeˬ-ahˇ kʼaˇ laˆ tsoeˬ-eu nui ma huiˬ-eu mahˇ-eu jeˬ-ahˇ nga maꞈ gʼeu ka-eu ma. Nui noeˬ yawˬ hmˬ na luꞈ-ahˇ nga maꞈ paꞈ cuꞈ-awˇ, Ka li-euˬ ehˇ dawˬ bi naˇ haˬ-eu ma.

2 Gawˇliˬtu 11:3

Eˇbaˆ-ahˇ aˇ lawˇ neh mehˇ shuiˇ bi shuiˇ tawˆ-euˬ loꞈ-ehˇ, Ka li-ahˇ maˇ maˇ ni shawˇ jehˆ ni gaˬ-eu naw maꞈ-euˬ nui ma bi tsahˇ pyawˇ gaˇ ngaˇ kʼahˬ lahˇ dui dui nya.

2 Gawˇliˬtu 12:16

Ngaˬ-euˬ gʼaˇ duˬ naw maꞈ-ahˇ maˬ bi shaˬ-aˬ lehˇ ehˇ gaˇ keuˆ ni naw maꞈ nui ma tsaˬ tehꞈ-a. Ehˇ kʼawꞈ, naw maꞈ tiˬ gʼaˬ na ngaˬ neh yaw gahˇ zmˬ-awˇ naw maꞈ-ahˇ kʼmˇ paꞈ-euˬ nya lehˇ ehˇ tehꞈ-a.

Gaˬlaˬtiˆ 2:4

Tiˬ paˆ na deuˬ-aˬ, aˬ yawꞈ-ahˇ baˆ kʼoˆ mehˬ dzaˬ bi yehˬ mawꞈ-eu meh. Tsawˇ haˬ kʼoeˇ deuˬ Ka li-ahˇ jah-eu tsawˇ haˬ jahˇ geuꞈ-awˇ, nga maꞈ-euˬ aˇ muˇ laꞈ kʼoeˇ uˇ kʼoeˬ laˇ-awˇ, Yeˬsuˇ Ka li laꞈ kʼoeˇ nga maꞈ Zahˇ dawˬ kʼoꞈ dawˬ dawˬ tawˆ luꞈ-ahˇ maˬ caw teh ni mˇ nya shaˇ nya-eu a kawˬ-aˬ za taˬ-euˬ gaˇ kawˆ-ahˇ kʼoeˬ sho haw laˇ-euˬ meh. Aˬ yawꞈ maꞈ-aˬ, nga maꞈ-ahˇ Zahˇ dawˬ kʼoꞈ dawˬ-euˬ zaˬ kʼaˆ bi geuꞈ mawꞈ-eu meh.

Gaˬlaˬtiˆ 4:25

Aˬleˬbyaˇ miˇ kʼahˬ-ahˇ jaˆ-eu Siˇnaˆ gawˬ jawˬ-euˬ dah zaˇ pyeuꞈ-eu Haˬgaˬlaˇ-aˬ, iˬ nah jaˆ luꞈ-eu Yeˬluˇsaˬlehˬ meuˬ kʼoeˇ meh. Meuˬ kʼoeˇ meuˬ hawˇ-eu kʼoeˇ gaˇ jawˇ-eu tsawˇ haˬ dawˬ tawˆ luꞈ, zaˬ kʼaˆ pyeuꞈ luꞈ-eu meh.

Gaˬlaˬtiˆ 4:3

Kʼoeˇ loꞈ-ehˇ duˇ ni, aˬ dui guiˬ lahˬ saꞈ laˇ paw tsawˇ kʼaˆ maˬ kʼaˆ laˇ kʼoeˇ keuˆ ni, boeˬ boeˬ luˆ luˆ-ahˇ uˆ lahˇ luꞈ-eu yaw sahˇ deuˬ-euˬ laꞈ oˆ zaˬ kʼaˆ ya geuꞈ-eu meh.

Gaˬlaˬtiˆ 4:9

Nymˬ-mˇ poˆ jawˇ-aˬ, naw maꞈ Miˬyehˇ-ahˇ siˬ nya laˇ-euˬ meh. Maˬ ngeuˇ naˇ, Miˬyehˇ naw maꞈ-ahˇ siˬ nya-euˬ meh lehˇ kʼawꞈ ehˇ-awˬ. Gʼaˬ baˬ dui dui-awˇ tiˬ jeˬ-iˬ maˬ jahˇ nya-eu yaw sahˇ kʼoeˇ deuˬ jawˇ paw naw maꞈ aˬ joˆ-ehˇ paˇ gʼoꞈ pyawˇ-iˇ mawꞈ-eu nya. Aˬ jeˬ miˇ neh aˬ yawꞈ maꞈ-euˬ zaˬ kʼaˆ paˇ geuꞈ poˆ mawꞈ-eu nya.

Gaˬlaˬtiˆ 5:1

Aˬ dui buˬ-iˇ-euˬ tsawˇ haˬ pyeuꞈ laˇ ni, Ka li neh aˬ dui-ahˇ bi buˬ-iˇ laꞈ-euˬ meh. Kʼoeˇ miˇ neh, buˬ-iˇ-euˬ tsawˇ haˬ loꞈ-ehˇ ziꞈ dah ni jawˇ-awˬ. Zaˬ kʼaˆ taˬ paˇ geuꞈ.

Gaˬlaˬtiˆ 5:10

Ehˇ kʼawꞈ, naw maꞈ-ahˇ ngaˇ jah coeˇ-eu nui ma ahˇ te siˬ. Aˬ dui-aˬ, Sahˬpaˬ Yeˬsuˇ laꞈ kʼoeˇ jawˇ luꞈ-eu miˇ neh, ngaˇ jah-eu jeˬ-ahˇ naw maꞈ maˬ jah ni yawˬ paw yawˬ maˬ iˇ pyawˇ-aˇ lehˇ ngaˇ siˬ nya ma. Ehˇ kʼawꞈ, naw maꞈ-ahˇ laˆ shaˬ-eu tsawˇ haˬ aˬ geu gʼaˬ maˬ kaˬ, Miˬyehˇ neh kʼehˬ nehˬ kʼaˆ nehˬ-euˬ jeˬ-ahˇ ya daˬ tehꞈ-a.

Gaˬlaˬtiˆ 6:12

Naw maꞈ-ahˇ baˆ kʼoˆ mehˬ dzaˬ bi yehˬ-eu lehˇ ciˬ tehˬ luꞈ-eu tsawˇ haˬ kʼoeˇ deuˬ-aˬ, laꞈ nyiˇ paw tehꞈ-ehˇ yaw muiˬ jahˇ geuꞈ-awˇ, kʼahˬ sehˇ jehˆ-eu tsawˇ haˬ deuˬ meh. Ka li-euˬ laꞈ yaꞈ baˬ da neh kʼehˬ-eu kʼaˆ-eu jeˬ-ahˇ maˬ ya daˬ ni, aˬ yawꞈ maꞈ kʼoeˇ loꞈ-ehˇ mˇ nya-eu jeˬ pyeuꞈ-eu meh.

Piˇliˇpiˆ 3:19

Aˬ yawꞈ maꞈ-aˬ, shiˬ buiˇ lah ma-ahˇ aˇ saˬ ya saˬ-iˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ shiˬ shaˬ jiˇ nui kʼahˇ-aˬ, aˬ yawꞈ maꞈ-euˬ miˬyehˇ meh. Aˬ yawꞈ maꞈ-aˬ, yawˬ ha shaꞈ dawˇ paˬ-ehˇ gʼeh-eu jeˬ-ahˇ maˬ shaꞈ dawˇ ni jahˇ gʼeh haw-awˇ, miˇ tsaˬ shiˬ shaˬ jiˇ-ahˇ taꞈ-eu jeˬ tehꞈ-ehˇ shaˇ noeˬ luꞈ-eu meh.

1 Teˇsaˬloˇni 2:5

Naw maꞈ-ahˇ nga maꞈ maˬ ja poeˬ-ehˇ, yawˬ ha gʼaˇ duˬ jiˇ jeuˬ doˆ laˇ ni maˬ ngehˬ maˬ tmˇ-euˬ gaˇ kawˆ naw maꞈ siˬ duˬ luꞈ meh. Miˬyehˇ-aˬ, nga maꞈ-euˬ saˇ kiˇ ma.