2 Gawˇliˬtu 11:12 - Akha

¹² Gʼaˬ kʼehˇ kʼoeˇ deuˬ gʼeh nga maꞈ kʼaˇ mˇ-eu loꞈ-ehˇ mˇ luꞈ-eu ma lehˇ ehˇ-awˇ kʼahˬ sehˇ jehˆ kʼaˇ maˬ bi za ni, nymˬ-mˇ ngaˇ kʼaˇ mˇ luꞈ-eu jeˬ-ahˇ maˬ byehˇ dzeh ni mˇ daˆ leꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Ngar aqjox-aer janr-eu tsaq la. Tsawrhaq khoerdeuq, nga’maf kharmr-eu jeq mrluf-eu ma laer aeraer-aer, khanqsaer jaev-eu laer laejae luf-eu gar lavtsoeq-eu gharduq, nymq-mr ngar khar mrluf-eu lof-aer maeqhu paw khawf mrdavlef ma.

2 Gawˇliˬtu 11:12 ပူးပေါင်းရင်းမြစ်များ

Yawˇbaˆ 23:13

Aˬ yawꞈ tiˬ jawˇ-iˬ poˆ laˇ paˇ laˇ-eu maˬ baw-ehˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ ciˬ daˬ leˇ peuˬ-a. Aˬ yawꞈ mˇ mawꞈ-eu jeˬ mˇ gaˇ kʼawꞈ, tiˬ gʼaˬ-iˬ maˬ laˆ tsoeˬ leˇ nya-a.

Maꞈtehˬ 26:16

Kʼoeˇ ngeh nah neh naˇ, Yeˬsuˇ-ahˇ aˬ yawꞈ maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ aˬ myah yehꞈ laˇ nga lehˇ, Yuˇdaˆ jawˬ luꞈ-eu meh.

1 Gawˇliˬtu 5:6

Naw maꞈ nui ma huiˬ-eu maˬ tsaˬ-a. “Dehˬ tseˬ ui cuiˆ tehꞈ kʼawꞈ, kaˬ muˇ tiˬ tsmˇ tsmˇ lah ni bi poˬ laˇ nya meh” lehˇ ehˇ taˬ-euˬ jaˆ-eu naw maꞈ siˬ nya meh.

1 Gawˇliˬtu 9:12

Naw maꞈ neh kʼoeˇ loꞈ-ehˇ gʼeh-eu jeˬ caw ba nehˬ-euˬ gaˇ aˬ cawˬ za geuˇ naˇ, nga maꞈ kʼoeˇ naˆ maˬ tseˇ maˬ za geuˇ-aˇ loˇ. Ehˇ kʼawꞈ, nga maꞈ kʼaˇ za geuˇ-eu jeˬ nga maꞈ maˬ geuꞈ-aˬ. Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ gaˇ jaˆ tsoeˬ-eu jeˬ maˬ bi pyeuꞈ-eu gʼaˇ duˬ, yawˬ jeˬ na luꞈ-ahˇ nga maꞈ daˬ dzeuˇ oˇ dzeuˇ yaꞈ-euˬ ma.

2 Gawˇliˬtu 1:17

Ngaˇ naw maꞈ jawˇ gaˇ oe-eu lehˇ lehˬ hmˬ ngeh, ngaˬ-euˬ nui ma poˆ poˆ laˆ laˆ-ehˇ gʼeh taˬ loˇ. Ngaˇ tiˬ jeˬ paˬ mˇ-eu lehˇ gʼeh ngeh, miˇ tsaˬ zaˬ-euˬ nui noeˬ pi-awˇ, “Oe ma,” “Maˬ oe” lehˇ, nyiˬ jeˬ luꞈ tiˬ poˆ tehꞈ-ehˇ ehˇ-euˬ ta loˇ.

2 Gawˇliˬtu 10:17

Ehˇ kʼawꞈ, “Kʼahˬ sehˇ kʼaˇ jehˆ mawꞈ-eu tsawˇ haˬ deuˬ Sahˬpaˬ Yeˬsuˇ neh mˇ taˬ-euˬ gaˇ kawˆ jehˆ-awˬ” lehˇ Jaˇliꞈ laꞈ kʼoeˇ ehˇ taˬ-euˬ meh.

2 Gawˇliˬtu 11:18

Ehˇ kʼawꞈ, miˇ tsaˬ shiˬ shaˬ jiˇ gaˇ kawˆ tsawˇ haˬ gʼawˬ mya gʼaˬ kʼahˬ sehˇ jehˆ luꞈ-eu miˇ neh, ngaˇ gʼeh kʼoeˇ loꞈ-ehˇ kʼahˬ sehˇ jehˆ ma.

2 Gawˇliˬtu 11:9

Naw maꞈ nehˬ-ehˇ ngaˇ jawˇ ngeh, pyuˇ loˬ laˇ kʼawꞈ naw maꞈ-ahˇ maˬ shaˇ haw-aˬ. Maˬgeˬdawˇniˆˆ miˇ kʼahˬ-ahˇ neh oe-euˬ aˬ yuiꞈ aˬ nyiˇ Ka li zaˬ deuˬ ngaˇ kʼaˇ loˬ-eu jeˬ sha ha le-euˬ meh. Dzeuˇ laˇ ngeh naw maꞈ-ahˇ tiˬ jeˬ-iˬ maˬ shaˇ haw-euˬ loꞈ-ehˇ, aˬ kaˇ mehˬ hu paw kʼawꞈ maˬ shaˇ ni mˇ daˆ leꞈ ma.

2 Gawˇliˬtu 5:12

Nga maꞈ-ahˇ naw maꞈ ha geuꞈ nehˬ laꞈ ni, yawˬ ha-euˬ gaˇ kawˆ naw maꞈ-ahˇ maˬ paˇ boꞈ ahˇ laꞈ ma. Yawˬ ha nui ma aˬ joˆ-ehˇ taˬ-eu gaˇ kawˆ-ahˇ maˬ shaˇ sawˇ ni, aˬ cawˬ yawˬ ha-ahˇ noeˬ huiˬ laˇ gaˇ tehꞈ-ehˇ kʼahˬ sehˇ jehˆ luꞈ-eu tsawˇ haˬ deuˬ mehˬ shi, nga maꞈ-euˬ gaˇ kawˆ naw maꞈ kʼahˬ sehˇ bi jehˆ mawꞈ miˇ-a.

Gaˬlaˬtiˆ 1:7

Maˇ maˇ ni ehˇ naˇ, Laˬ kʼaˬ cehˇ-eu Guiˬ lahˬ dawˬ yawˬ hmˬ yawˬ maˬ jaˆ-a. Ehˇ kʼawꞈ, naw maꞈ-ahˇ laˆ bahˬ-awˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ yuˇ pyawˆ mawꞈ-eu tsawˇ haˬ tiˬ deuˬ jawˇ-eu miˇ neh, ngaˇ heu loꞈ-ehˇ ehˇ-eu ma.

1 Tiˆmoˇseˬ 5:14

Kʼoeˇ miˇ neh, aˬ dui-ahˇ muiˇ-eu deuˬ aˬ dui-euˬ gaˇ kawˆ ja bu ja doeˇ kʼaˇ maˬ bi za ni, aˇ kʼoꞈ maˬ kʼawˆ laˇ-euˬ zaˬ miˬ zaˬ deuˬ bi dahˬ dzaˬ-iˇ-awˇ, zaˬ ciˬ zaˬ cu mˇ-eu laꞈ kʼoeˇ yawˬ ha-euˬ nymˇ jiˇ-ahˇ bo saˆ-eu jeˬ-ahˇ ngaˇ geuꞈ mawꞈ-eu ma.