2 Gawˇliˬtu 10:8 - Akha

⁸ Sahˬpaˬ Yeˬsuˇ neh nga maꞈ-ahˇ biꞈ laꞈ-euˬ baoˬ gaˇ kawˆ ngaˇ kʼahˬ sehˇ aˇ dzehˬ jehˆ dzeuˇ-euˬ baw law hawˇ kʼawꞈ, ngaˇ maˬ shaꞈ dawˇ. Baoˬ kʼoeˇ-aˬ, naw maꞈ-euˬ jah-eu jeˬ bi huiˬ bi mahˇ laˇ-eu gʼaˇ duˬ meh. Naw maꞈ-ahˇ laˇ cawˆ-eu gʼaˇ duˬ maˬ ngeuˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nawmaf-anr bicawv-ir-eu gharduq maqngeur-eu, nawmaf-anr bihuiq bi manrlar-eu laer Sanqpaq Miqyaer, nga’maf-anr aryaq bifnaeq laf-euq mae. Aryaq heu-euq garkawv, ngar khanqsaer uicuiv jaev-euq law-awr khawf, ngar maqya shafdawr-ar.

2 Gawˇliˬtu 10:8 ပူးပေါင်းရင်းမြစ်များ

2 Gawˇliˬtu 1:24

Naw maꞈ-euˬ jah-eu jeˬ-ahˇ nga maꞈ tuˆ tehˬ-awˇ uˆ lahˇ-eu lehˇ maˬ ngeuˇ. Jah-eu jeˬ laꞈ kʼoeˇ naw maꞈ ziꞈ dah ni yawꞈ luꞈ meh lehˇ nga maꞈ siˬ nya ma. Nga maꞈ-aˬ, naw maꞈ laˬ kʼaˬ cehˇ ni mˇ luꞈ-eu naw maꞈ-euˬ gaˇ mˇ cawˬ deuˬ pyeuꞈ-eu ma.

2 Gawˇliˬtu 10:4

Nga maꞈ zmˬ luꞈ-eu guiˇ deuˆ-eu keu ka-aˬ, miˇ tsaˬ kʼoeˇ taˆ zmˬ luꞈ-eu guiˇ deuˆ-eu keu ka maˬ ngeuˇ. Nga maꞈ-euˬ guiˇ deuˆ-eu keu ka-aˬ, ziꞈ dah ni gʼeh-eu taˆ deuˬ-ahˇ laˆ cawˆ nehˬ nya-eu Miˬyehˇ-euˬ baoˬ ma. Maˬ tsaˬ maˬ dawˇ gaˇ tsawˇ pyehˇ pyehˇ-eu jeˬ-ahˇ nga maꞈ laˆ cawˆ-eu ma.

2 Gawˇliˬtu 10:9

Ngaˇ naw maꞈ-ahˇ sahˬ boꞈ boꞈ-awˇ guˆ tsiˬ nyehꞈ-eu nga lehˇ maˬ bi gʼoˆ pyawˆ mawꞈ nya.

2 Gawˇliˬtu 12:19

Naw maꞈ-euˬ mehˬ shi nga maꞈ yawˬ haˇ yawˬ ha ja muiˬ-eu nga lehˇ tehꞈ-ehˇ naw maꞈ noeˬ luꞈ te loˇ. Gaˬ-eu aˬ yuiꞈ aˬ nyiˇ deuˬ-oˇ, kʼoeˇ loꞈ-ehˇ maˬ ngeuˇ. Miˬyehˇ-euˬ mehˬ shi Ka li bi ngehˬ mawꞈ-eu dawˬ tehꞈ-ehˇ nga maꞈ ngehˬ-awˇ, nga maꞈ kʼaˇ mˇ kʼaˇ shaˇ-euˬ jeˬ dawˬ tawˆ luꞈ, naw maꞈ bi huiˬ bi mahˇ laˇ-eu gʼaˇ duˬ tehꞈ-ehˇ pyeuꞈ-eu ma.

2 Gawˇliˬtu 12:6

Ngaˇ kʼahˬ sehˇ jehˆ mawꞈ lawˬ naˇ kʼawꞈ, aˬ dzawˬ aˇ gah miˇ neh maˬ ngeuˇ. Aˬ jeˬ miˇ neh ehˇ naˇ, ngeuˇ gaˇ keuˆ ni tehꞈ-ehˇ jehˆ-eu ma. Ehˇ kʼawꞈ, ngaˇ kʼahˬ sehˇ maˬ jehˆ. Aˬ jeˬ miˇ neh ehˇ naˇ, ngaˬ neh mˇ-euˬ jeˬ-ahˇ ya mawˇ-awˇ ngaˬ neh ngehˬ-euˬ dawˬ-ahˇ ya gaˬ-euˬ uˬ taꞈ-ehˇ, tsawˇ haˬ tiˬ gʼaˬ-iˬ ngaˬ-ahˇ maˬ bi noeˬ huiˬ mawꞈ nya.

2 Gawˇliˬtu 13:10

Ngaˇ naw maꞈ jawˇ gaˇ oe keuˆ ngeh, Sahˬpaˬ Ka li neh ngaˬ-ahˇ biꞈ laꞈ-euˬ baoˬ zmˬ-awˇ, naw maꞈ-ahˇ yaw kʼaˆ kʼaˆ-ehˇ maˬ ya jahˇ nehˬ-eu gʼaˇ duˬ, gaˇ mahˇ kaˬ gaˇ jawˇ ngeh neh heu loꞈ-ehˇ boꞈ ahˇ leꞈ-euˬ jeˬ pyeuꞈ-eu ma. Baoˬ kʼoeˇ-aˬ, naw maꞈ-ahˇ bi laˆ cawˆ-eu gʼaˇ duˬ biꞈ laꞈ-euˬ maˬ ngeuˇ-a. Naw maꞈ bi huiˬ bi mahˇ laˇ ni mˇ-eu gʼaˇ duˬ biꞈ laˬ-euˬ meh.

2 Gawˇliˬtu 13:8

Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ bahˬ leˇ-eu jeˬ nga maꞈ maˬ mˇ nya-a. Yaw tsaˬ yaw dawˇ jeˬ gʼaˇ duˬ tehꞈ-ehˇ nga maꞈ ya mˇ meh.

2 Gawˇliˬtu 7:14

Naw maꞈ-euˬ gaˇ kawˆ Tiˇtuˆ-ahˇ ngaˇ kʼahˬ sehˇ jehˆ-euˬ ma. Kʼoeˇ loꞈ-ehˇ kʼahˬ sehˇ jehˆ-euˬ baˬ da neh ngaˇ daˬ ga kʼaˇ maˬ za. Nga maꞈ naw maꞈ-ahˇ aˬ myah luꞈ kʼaˇ ngeuˇ-eu loꞈ-ehˇ dawˇ coe ni ehˇ-euˬ ma. Tiˇtuˆ mehˬ shi nga maꞈ kʼahˬ sehˇ jehˆ-euˬ kʼoeˇ kʼawꞈ, kʼaˇ ngeuˇ-eu loꞈ-ehˇ naw maꞈ-ahˇ ehˇ-eu ma.

2 Gawˇliˬtu 7:4

Naw maꞈ-ahˇ ngaˇ bya cehˆ ni ngehˬ cawˬ luꞈ-eu ma. Naw maꞈ-ahˇ ngaˇ nui kʼahˇ shiˇ dui dui nya. Nga maꞈ shaˬ zahˬ ya tahˬ puˬ dui dui kʼawꞈ, ngaˬ-euˬ nui ma kʼaˬ duˬ ni jaˆ luꞈ ma. Ngaˇ laˬ kʼaˬ cehˇ-eu byah kʼaˇ luꞈ ma.

Gaˬlaˬtiˆ 1:1

Gʼaˬ kʼehˇ bi geuꞈ-eu gʼaˇ duˬ tsawˇ haˬ zaˬ neh kuˇ-euˬ maˬ ngeuˇ-ehˇ, tsawˇ haˬ zaˬ neh gʼaˬ kʼehˇ ka nehˬ-euˬ kʼawꞈ maˬ ngeuˇ ni, Yeˬsuˇ Ka li hawˇ-eu aˬ yawꞈ-ahˇ bi gʼoꞈ dehꞈ laˇ-euˬ Aˬda Miˬyehˇ neh kuˇ-euˬ gʼaˬ pyeuꞈ-eu ngaˇ Pawˇluˆ hawˇ-eu

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.