2 Gawˇliˬtu 10:17 - Akha

¹⁷ Ehˇ kʼawꞈ, “Kʼahˬ sehˇ kʼaˇ jehˆ mawꞈ-eu tsawˇ haˬ deuˬ Sahˬpaˬ Yeˬsuˇ neh mˇ taˬ-euˬ gaˇ kawˆ jehˆ-awˬ” lehˇ Jaˇliꞈ laꞈ kʼoeˇ ehˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Aerkhawf, “Khanqsaer jaevmawf-eu tsawrhaq-aq, Sanqpaq Miqyaer-euq lafkhoer khanqsaer jaev luf-ur!” (Ylm 9:25)

2 Gawˇliˬtu 10:17 ပူးပေါင်းရင်းမြစ်များ

Jaceuq 105:3

Aˬ dui aˬ yawꞈ-euˬ tsawˇ haˬ ya pyeuꞈ-eu miˇ neh, laˬ kʼaˬ cehˇ dui dui-awˬ. Aˬ yawꞈ-ahˇ uˬ duˬ kʼaˇ tahˬ-eu tsawˇ haˬ deuˬ laˬ kʼaˬ cehˇ-awˬ.

Jaceuq 106:5

Nawˬ-euˬ tsawˇ haˬ deuˬ baw le za le gaˇ ngaˬ-ahˇ bi mawˇ laꞈ-awˇ, nawˬ-euˬ tsawˇ jeuˬ nehˬ-ehˇ laˬ kʼaˬ caw cehˇ-eu laꞈ kʼoeˇ, nawˬ-ahˇ taꞈ-eu tsawˇ haˬ deuˬ loꞈ-ehˇ kʼahˬ sehˇ bi za nehˬ laꞈ.

Iˇsaˬyaˇ 41:16

Aˬ yawꞈ maꞈ-ahˇ dzeh diˇ-awˇ, jaˬ lehˇ neh bi baw byoˆ gʼeh-awˇ, jaˬ lehˇ lehˇ ma neh bi hehˇ dzaˬ tehꞈ-a. Kʼoeˇ naˇ, ngaˇ naw maꞈ-euˬ Miˬyehˇ pyeuꞈ-eu miˇ neh, naw maꞈ laˬ kʼaˬ ya cehˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, naw maꞈ ja ceuˬ tehꞈ-a.

Iˇsaˬyaˇ 45:25

Yaˬkoˆ-euˬ zaˬ deuˬ uˆ deuˬ dawˬ tawˆ-ahˇ, ngaˇ Sahˬpaˬ Miˬyehˇ ka kʼoꞈ-awˇ, aˬ yawꞈ maꞈ ngaˬ-ahˇ ya ja ceuˬ tehꞈ-a.

Iˇsaˬyaˇ 65:16

Miˇ kʼahˬ heu kʼahˬ laꞈ kʼoeˇ guiˬ lahˬ yaw dzahˇ kʼaˇ shaˇ-eu deuˬ, saˇ jaˇ ziꞈ-eu Miˬyehˇ-euˬ guiˬ lahˬ yaw dzahˇ shaˇ tehꞈ-a. Saˇ jaˇ kʼaˇ dzaˬ-eu tsawˇ haˬ deuˬ, saˇ jaˇ ziꞈ-eu Miˬyehˇ-euˬ tsawˇ myahˇ uˬ moˆ dzaˬ tehꞈ-a. Dzeuˇ laˇ ngeh kʼaˇ ya tahˬ puˬ-euˬ shaˬ zahˬ dawˬ tawˆ, dzeuˇ-iˇ jiˇ-awˇ ya ngehˇ byoˆ jiˇ tehꞈ-a.”

Yeˬlaˬmiˇ 4:2

naw maꞈ saˇ jaˇ dzaˬ-awˇ kamˬ ngeh, ngaˬ-euˬ tsawˇ myahˇ zmˬ-awˇ kamˬ nya tehꞈ-a. Kʼoeˇ ngeh tsawˇ jeuˬ dawˬ tawˆ luꞈ kʼawꞈ, guiˬ lahˬ biꞈ laꞈ lehˇ ngaˬ-ahˇ shaˇ laˇ-awˇ ngaˬ-ahˇ ja ceuˬ tehꞈ-a.”

Lormav 5:11

Ehˇ kʼawꞈ, kʼoeˇ naˆ tehꞈ-ehˇ maˬ ngeuˇ-a siˬ. Aˬ dui Miˬyehˇ-ahˇ cawˬ cawˬ taꞈ nya laˇ ni mˇ-euˬ gʼaˬ pyeuꞈ-eu Sahˬpaˬ Yeˬsuˇ Ka li-ahˇ gʼoe-eu laꞈ kʼoeˇ, Miˬyehˇ neh aˬ dui-ahˇ mˇ nehˬ laꞈ-euˬ jeˬ-ahˇ aˬ dui laˬ kʼaˬ cehˇ dui dui-eu ma.

1 Gawˇliˬtu 1:29

Tsawˇ haˬ tiˬ gʼaˬ-iˬ Miˬyehˇ mehˬ shi kʼahˬ sehˇ maˬ bi jehˆ nya-eu gʼaˇ duˬ, Kʼoeˇ loꞈ-ehˇ jahˇ-euˬ meh.

1 Gawˇliˬtu 1:31

Kʼoeˇ miˇ neh, Jaˇliꞈ laꞈ kʼoeˇ ehˇ taˬ-euˬ loꞈ-ehˇ, “Kʼahˬ sehˇ kʼaˇ jehˆ-eu tsawˇ haˬ deuˬ Sahˬpaˬ Miˬyehˇ neh mˇ-euˬ gaˇ-ahˇ tehꞈ-ehˇ jehˆ luꞈ-uˇ.”

Piˇliˇpiˆ 3:3

Dawˇ coe ni ya ehˇ naˇ, maˇ maˇ ni baˆ kʼoˆ mehˬ dzaˬ yehˬ-euˬ tsawˇ haˬ deuˬ-aˬ, aˬ yawꞈ maꞈ maˬ ngeuˇ-a. Aˬ dui maꞈ ma. Aˬ jeˬ miˇ neh ehˇ naˇ, Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ-ahˇ aˬ dui u duˬ tahˬ-awˇ, Yeˬsuˇ Ka li laꞈ kʼoeˇ yaw dehꞈ dehꞈ-eu jeˬ-ahˇ aˬ dui laˬ kʼaˬ cehˇ-eu ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ aˬ dui gʼoe-eu maˬ ngeuˇ.