2 Gawˇliˬtu 10:10 - Akha

¹⁰ “Pawˇluˆ neh boꞈ-euˬ sahˬ boꞈ-aˬ, kah dui dui-awˇ gʼaˬ kʼaˆ dui dui meh. Ehˇ kʼawꞈ, aˬ yawꞈ-euˬ gʼawˇ mawˇ nga maꞈ nehˬ-ehˇ jawˇ naˇ, nahˬ jawˆ ni gʼeh-awˇ, aˬ yawꞈ neh ngehˬ-euˬ dawˬ baoˬ tiˬ pawꞈ-iˬ maˬ ahˇ-a” lehˇ, tsawˇ haˬ tiˬ paˆ na deuˬ ehˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqjeq mirnae aernar-aq, aqyawfmaf aer-eu, “Aqyawf nae bof-euq sanqbof-aq, kan duidui-awr, baoq khav duidui-eu khawf, aqyawf-euq mawrdo heugar jawr nar-aq, tiqpawf-iq ghaq maqanr-aer, aqyawf-euq dawq-aq shiqma maqnaf-a.”

2 Gawˇliˬtu 10:10 ပူးပေါင်းရင်းမြစ်များ

Doˆ-iˇ 4:10

Ehˇ kʼawꞈ, Moˇseˬ paˇ ehˇ-eu, “Sahˬpaˬ Miˬyehˇ-oˇ, ngaˬ-ahˇ taˬ bi iˇ laꞈ. Ngaˇ-aˬ, dawˬ yaw muiˬ paˬ-ehˇ ngehˬ nya-eu tsawˇ haˬ pyeuꞈ-eu maˬ ngeuˇ. Nawˇ ngaˬ-ahˇ dawˬ ngehˬ cawˬ dahˬ beh ngeh neh nymˬ-mˇ keuˆ ni, dawˬ yaw muiˬ paˬ-ehˇ ngehˬ nya-eu tsawˇ haˬ ngaˇ maˬ pyeuꞈ laˇ-aˬ siˬ. Ngaˇ-aˬ, dawˬ ngehˬ-eu paw yaw laꞈ-i tiˬ gʼaˬ pyeuꞈ-awˇ, dawˬ yaw kawˇ-ehˇ maˬ ngehˬ doˆ nya-eu uˬ taꞈ, dawˬ ngehˬ-eu yaw myaꞈ nya.”

Yeˬlaˬmiˇ 1:6

Kʼoeˇ ngeh ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˇ dawˬ ngehˬ tsaˬ maˬ siˬ-ehˇ, aˇ kʼoꞈ kʼawꞈ maˬ zeh laˇ nyaˬ siˬ.”

1 Gawˇliˬtu 1:17

Aˬ jeˬ miˇ neh ehˇ naˇ, iˇ cuꞈ bi shawˇ nehˬ-iˇ-eu gʼaˇ duˬ Ka li ngaˬ-ahˇ kʼehˇ gʼeh leꞈ-euˬ maˬ ngeuˇ-a. Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ kʼehˇ gʼeh leꞈ-eu meh. Kʼoeˇ uˬ taꞈ, tsawˇ haˬ zaˬ-euˬ zaˬ siˬ tsawˇ gahˇ-euˬ dawˬ-ahˇ gʼoe-awˇ ya mehˬ-eu maˬ ngeuˇ-a. Kʼoeˇloꞈ-ehˇ mehˬ naˇ, Ka li neh laꞈ yaꞈ kʼoeˇ taˆ kamˇ shiˇ-euˬ baoˬ byawˬ-iˇ jiˇ tehꞈ-a.

1 Gawˇliˬtu 1:21

Aˬ jeˬ miˇ neh ehˇ naˇ, tsawˇ haˬ zaˬ deuˬ yawˬ ha-euˬ zaˬ siˬ tsawˇ gahˇ-ahˇ gʼoe-awˇ Miˬyehˇ-ahˇ maˬ bi siˬ maˬ bi mawˇ nya ni, Miˬyehˇ neh aˬ yawꞈ-euˬ zaˬ siˬ tsawˇ gahˇ-ahˇ gʼoe-awˇ jahˇ taˬ-euˬ meh. Ehˇ kʼawꞈ, aˬ dzawˬ-euˬ dawˬ lehˇ aˬ cawˬ kuˇ-eu nymˬ-mˇ aˬ dui maꞈ dawˬ mehˬ mehˬ luꞈ-eu gaˇ kawˆ heu-ahˇ gʼoe-awˇ, jah-eu tsawˇ haˬ deuˬ-ahˇ ka kʼoꞈ nehˬ-eu gʼaˇ duˬ Miˬyehˇ noeˬ tsehˆ-euˬ meh.

2 Gawˇliˬtu 10:1

Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

2 Gawˇliˬtu 10:11

Kʼoeˇ loꞈ-ehˇ ehˇ-eu deuˬ bi gʼoˆ shaw mawꞈ-eu-aˬ, nga maꞈ gaˇ mahˇ jawˇ ngeh naw maꞈ jawˇ gaˇ boꞈ ahˇ leꞈ-euˬ sahˬ boꞈ laꞈ kʼoeˇ ehˇ taˬ-euˬ jeˬ hawˇ-eu, nga maꞈ naw maꞈ jawˇ gaˇ oe keuˆ-awˇ mˇ le-eu jeˬ-aˬ, nyiˬ jeˬ maˬ ngeuˇ de. Tiˬ jeˬ tehꞈ ma.

2 Gawˇliˬtu 10:9

Ngaˇ naw maꞈ-ahˇ sahˬ boꞈ boꞈ-awˇ guˆ tsiˬ nyehꞈ-eu nga lehˇ maˬ bi gʼoˆ pyawˆ mawꞈ nya.

2 Gawˇliˬtu 11:21

Nga maꞈ-aˬ, aˬ cawˬ-ahˇ kʼoeˇ naˆ naˆ-ehˇ daˬ coeˇ oˇ coeˇ gaˇ keuˆ ni maˬ gʼahˇ keuˆ nya lehˇ shaꞈ dawˬ zahˇ dawˬ ngehˬ-eu ma. Aˬ dzawˬ aˇ gah-euˬ dawˬ ngehˬ-awˇ ya ehˇ naˇ, aˬ cawˬ kʼahˬ sehˇ kʼaˇ jehˆ-eu jeˬ ngaˇ kʼawꞈ jehˆ peuˬ ma.

2 Gawˇliˬtu 11:6

Ngaˇ-aˬ, dawˬ ngehˬ-eu paw aˬ cawˬ naˆ-ehˇ maˬ bym law hawˇ kʼawꞈ, zaˬ siˬ tsawˇ gahˇ paw aˬ cawˬ taꞈ-ehˇ teˬ-eu tsawˇ haˬ maˬ ngeuˇ. Nga maꞈ naw maꞈ-ahˇ cawˬ cawˬ taꞈ luꞈ-eu laꞈ kʼoeˇ, aˬ joˆ-ehˇ pyeuꞈ-euˬ maˬ kaˬ, aˬ geu ngeh yamˬ-ahˇ maˬ kaˬ, gaˇ kawˆ heu bya cehˆ ni bi mawˇ-euˬ ma.

2 Gawˇliˬtu 13:3

Ngaˬ-ahˇ gʼoe-awˇ Ka li dawˬ ngehˬ-eu gaˇ kawˆ naw maꞈ siˬ mawꞈ-eu loꞈ-ehˇ ya siˬ ya mawˇ duˬ tehꞈ-a. Naw maꞈ-euˬ gaˇ kawˆ-ahˇ taꞈ leˇ-awˇ aˬ yawꞈ nahˬ jawˆ ni gʼeh-eu maˬ ngeuˇ-a. Aˬ yawꞈ-euˬ baoˬ naw maꞈ-ahˇ bi mawˇ-eu meh.