2 Gawˇliˬtu 10:1 - Akha

¹ Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar-aq, nawmaf naeq-aer jawr ngae nuinanq nuiyu anr-awr, nawmaf naeq-aer maqjawr ngae-aq, nuima khaqduqni ghae-eu Pawrluv ma. Nymq-mr ngar, Kali-euq nuinanq nuiyu hawr-eu nuima nanqyuni ghae-eu lafkhoer, nawmaf-anr shar-eu ma.

2 Gawˇliˬtu 10:1 ပူးပေါင်းရင်းမြစ်များ

Jaceuq 45:4

Yaw shehꞈ kʼahˬ sehˇ huiˬ-eu laꞈ kʼoeˇ mahˬ-ahˇ dziˬ leˇ-awˇ, guiˇ deuˆ gʼaˬ ngeh keuˆ ni dziˬ-awˬ. Yaw tsaˬ yaw dawˇ jeˬ maˬ bi byoˆ-iˇ-eu gʼaˇ duˬ, nawˬ-euˬ gʼaˬ neh huiˬ-eu guiˇ deuˆ gʼaˬ tehꞈ-a.

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Maꞈtehˬ 11:29

Ngaˬ-euˬ kʼaˆ baꞈ baꞈ-awˇ ngaˬ-ahˇ dzaw geuꞈ-awˬ. Aˬ jeˬ miˇ neh ehˇ naˇ, ngaˇ-aˬ, nui nahˬ nui yu ahˇ-awˇ, naw maꞈ-euˬ saꞈ laˇ gʼaˬ doeˇ dah kʼaˇ za ma.

Maꞈtehˬ 21:5

“Haw yawˬ, nawˬ-euˬ sahˬ paˬ, nawˇ jawˇ gaˇ oe meh lehˇ, Ziˇoˬ-ahˇ ehˇ gaˬ-awˬ. Aˬ yawꞈ nui nahˬ nui yu ahˇ-awˇ, mahˬ tahˬ laˆ-ahˇ dziˬ-awˇ oe meh. Tahˬ laˆ mahˬ ma-euˬ zaˬ pyeuꞈ-eu, tahˬ laˆ zaˬ-ahˇ dziˬ leꞈ-euˬ meh.”

Gʼaˬkʼehˇ 8:32

Aˬ yawꞈ gui luꞈ-eu Jaˇliꞈ aˇ deuˆ kʼoeˇ deuˆ-aˬ, heu loꞈ-ehˇ meh. “Diˬ sehꞈ-eu lehˇ bi tsahˇ gʼeh-euˬ, yawˇ-ahˇ aˬ yawꞈ duˇ leˇ-eu meh. Caꞈ hm bi tehˬ luꞈ-eu yawˇ zaˬ, ciˬ cuˇ ni awˆ daˬ-eu loꞈ-ehˇ, aˬ yawꞈ dawˬ maˬ ngehˬ doˆ laˇ-a.

Lormav 10:20

Iˇsaˬyaˇ neh kʼoeˇ naˆ maˬ tseˇ paˇ ehˇ taˬ-euˬ jaˆ-eu meh. “Ngaˬ-ahˇ maˬ poˆ-euˬ tsawˇ haˬ deuˬ. ngaˬ-ahˇ ya mawˇ duˬ gʼaˬ-euˬ meh. Ngaˬ-ahˇ maˬ shaˇ caw-eu deuˬ-ahˇ, ngaˇ iˇ dzoeˇ-awˇ bi mawˇ-euˬ ma.”

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Lormav 15:15

Ehˇ kʼawꞈ, yaw beh ngaˇ naw maꞈ-ahˇ ehˇ-euˬ gaˇ kawˆ deuˬ-ahˇ sahˬ boꞈ heu taꞈ laꞈ kʼoeˇ kʼaˬ duˬ ni boꞈ-eu ma. Miˬyehˇ neh ngaˬ-ahˇ aˬ yawꞈ-euˬ zaˬ kʼaˆ bi geuꞈ-eu gʼaˇ duˬ taˬ huiˬ nehˬ laꞈ-euˬ baˬ da neh, ngaˇ heu loꞈ-ehˇ kʼaˬ duˬ ni boꞈ-euˬ ma.

1 Gawˇliˬtu 2:3

Kʼoeˇ miˇ neh, naw maꞈ jawˇ gaˇ ngaˇ oe ngeh, ngaˇ nui ma baˬ dui dui-awˇ, guˆ dui dui-eu laꞈ kʼoeˇ yaw dzuˬ dzuˬ-euˬ ma.

1 Gawˇliˬtu 4:10

Nga maꞈ-aˬ, Ka li gʼaˇ duˬ aˬ dzawˬ aˇ gah pyeuꞈ-eu ma. Ehˇ kʼawꞈ, naw maꞈ-aˬ, Ka li laꞈ kʼoeˇ zaˬ siˬ tsawˇ gahˇ ahˇ-eu tsawˇ haˬ meh. Nga maꞈ gʼaˬ baˬ-awˇ, naw maꞈ gʼaˬ kʼaˆ-eu meh. Nga maꞈ-ahˇ aˬ cawˬ taˬ nyiˇ dui dui-awˇ, naw maꞈ-ahˇ taˬ huiˬ-eu meh.

1 Gawˇliˬtu 4:21

Naw maꞈ aˬ geu jeˬ mawꞈ-eu nya. Ngaˇ daˇ cuiˇ yuˇ-awˇ oe gaˇ geuꞈ mawꞈ-eu nya loˇ. Maˬ ngeuˇ naˇ, gʼoeˇ-eu gaˬ-eu jeˬ hawˇ-eu nui nahˬ nui yu yuˇ-awˇ oe gaˇ geuꞈ mawˬ-eu nya loˇ.

2 Gawˇliˬtu 10:10

“Pawˇluˆ neh boꞈ-euˬ sahˬ boꞈ-aˬ, kah dui dui-awˇ gʼaˬ kʼaˆ dui dui meh. Ehˇ kʼawꞈ, aˬ yawꞈ-euˬ gʼawˇ mawˇ nga maꞈ nehˬ-ehˇ jawˇ naˇ, nahˬ jawˆ ni gʼeh-awˇ, aˬ yawꞈ neh ngehˬ-euˬ dawˬ baoˬ tiˬ pawꞈ-iˬ maˬ ahˇ-a” lehˇ, tsawˇ haˬ tiˬ paˆ na deuˬ ehˇ tehꞈ-a.

2 Gawˇliˬtu 10:2

Ngaˇ naw maꞈ jawˇ gaˇ oe ngeh, nui ma huiˬ laˇ ni taˬ jahˇ nehˬ laꞈ. Nga maꞈ-ahˇ shiˬ shaˬ jiˇ-euˬ nui noeˬ mehˬ nah caw teh-awˇ dehꞈ-eu meh lehˇ ehˇ laˇ-eu deuˬ-euˬ mehˬ shi ngaˇ nui ma huiˬ-eu gaˇ kawˆ bi mawˇ ma lehˇ kʼaˬ duˬ ni ehˇ tsehˆ-eu ma.

2 Gawˇliˬtu 10:7

Naw maꞈ-aˬ, myaˆ-ahˇ mawˇ laˇ-eu kʼoeˇ taˆ paw-euˬ gaˇ kawˆ-ahˇ tehꞈ-ehˇ haw-eu meh. Ngaˇ Ka li-euˬ tsawˇ haˬ ma lehˇ kʼaˬ duˬ ni ehˇ tsehˆ peuˬ-eu tsawˇ haˬ jawˇ-eu ngeuˇ naˇ, yawˬ ha gaˇ kawˆ yawˬ ha yaw muiˬ paˬ-ehˇ paˇ bi shaˇ noeˬ duˬ-awˬ. Aˬ jeˬ miˇ neh ehˇ naˇ, nga maꞈ kʼawꞈ aˬ yawꞈ loꞈ-ehˇ Ka liˬ-euˬ tsawˇ haˬ pyeuꞈ-eu ma.

2 Gawˇliˬtu 11:21

Nga maꞈ-aˬ, aˬ cawˬ-ahˇ kʼoeˇ naˆ naˆ-ehˇ daˬ coeˇ oˇ coeˇ gaˇ keuˆ ni maˬ gʼahˇ keuˆ nya lehˇ shaꞈ dawˬ zahˇ dawˬ ngehˬ-eu ma. Aˬ dzawˬ aˇ gah-euˬ dawˬ ngehˬ-awˇ ya ehˇ naˇ, aˬ cawˬ kʼahˬ sehˇ kʼaˇ jehˆ-eu jeˬ ngaˇ kʼawꞈ jehˆ peuˬ ma.

2 Gawˇliˬtu 11:30

Ngaˇ kʼahˬ sehˇ ya jehˆ naˇ, ngaˇ gʼaˬ baˬ-eu gaˇ kawˆ kʼahˬ sehˇ jehˆ ma.

2 Gawˇliˬtu 12:5

Kʼoeˇ miˇ neh, tsawˇ haˬ kʼoeˇ gʼaˬ-euˬ gaˇ kawˆ ja-eu maˬ ngeuˇ naˇ, ngaˬ-euˬ gaˇ kawˆ ngaˇ kʼahˬ sehˇ maˬ paˇ jehˆ ma.

2 Gawˇliˬtu 3:12

Nga maꞈ heu loꞈ-ehˇ noeˬ tmˬ taˬ-euˬ miˇ neh, tiˬ pawꞈ-iˬ maˬ guˆ ni ngehˬ peuˬ tmˇ peuˬ-eu ma.

2 Gawˇliˬtu 5:20

Kʼoeˇ miˇ neh, nga maꞈ-aˬ, Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu ma. Nga maꞈ-ahˇ gʼoe-eu laꞈ kʼoeˇ naw maꞈ-ahˇ Miˬyehˇ shaˇ ju luꞈ gaˇ duˇ meh. Miˬyehˇ-ahˇ tsaˬ leˇ tsahˇ leˇ-awˬ lehˇ, Ka li-euˬ dah zaˇ naw maꞈ-ahˇ shaˇ-eu ma.

2 Gawˇliˬtu 6:1

Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

2 Gawˇliˬtu 7:4

Naw maꞈ-ahˇ ngaˇ bya cehˆ ni ngehˬ cawˬ luꞈ-eu ma. Naw maꞈ-ahˇ ngaˇ nui kʼahˇ shiˇ dui dui nya. Nga maꞈ shaˬ zahˬ ya tahˬ puˬ dui dui kʼawꞈ, ngaˬ-euˬ nui ma kʼaˬ duˬ ni jaˆ luꞈ ma. Ngaˇ laˬ kʼaˬ cehˇ-eu byah kʼaˇ luꞈ ma.

Gaˬlaˬtiˆ 4:13

Ngaˇ naw maꞈ-ahˇ Laˬ kʼaˬ cehˇ-eu Guiˬ lahˬ dawˬ mehˬ beh beh ngeh poˆ, aˬ jeˬ miˇ neh mehˬ-euˬ gaˇ kawˆ-ahˇ paˇ noeˬ mawˇ haw sheˇ. Ngaˇ naˇ-eu miˇ neh mehˬ-euˬ maˬ ngeuˇ-a loˇ.

Gaˬlaˬtiˆ 5:2

Ngaˇ Pawˇluˆ heu loꞈ-ehˇ ehˇ-eu ma. Naw maꞈ baˆ kʼoˆ mehˬ dzaˬ yehˬ naˇ, naw maꞈ gʼaˇ duˬ Ka li gaˇ dahˇ maˬ paˇ tsoeˬ meh.

Eˇpeˇsu 3:1

Kʼoeˇ baˬ da neh, naw maꞈ-euˬ gʼaˇ duˬ Yeˬsuˇ Ka li-euˬ gaˇ mˇ-euˬ miˇ neh tawˬ-ahˇ ya uˇ-euˬ gʼaˬ pyeuꞈ-eu ngaˇ Pawˇluˆ, Miˬyehˇ-ahˇ guiˬ lahˬ shaˇ-eu ma.

Eˇpeˇsu 4:1

Sahˬpaˬ Yeˬsuˇ-euˬ gaˇ mˇ-eu miˇ neh tawˬ-ahˇ ya uˇ-euˬ tsawˇ haˬ pyeuꞈ-eu ngaˇ, naw maꞈ-ahˇ heu loꞈ-ehˇ shaˇ-eu ma. Miˬyehˇ naw maꞈ-ahˇ kuˇ ngeh aˬ yawꞈ neh noeˬ taˬ-euˬ aˇ tiˆ kʼoeˇ tiˆ-ahˇ dehꞈ keuˆ-awˬ.

Piˇliˇpiˆ 4:5

Tiˬ gʼaˬ tiˇ gʼaˬ nui ma nahˬ yu ni taˬ-awˬ. Sahˬpaˬ Yeˬsuˇ zaꞈ le-eu aˇ yamˬ keuˆ le shawˬ-iˬ meh.

Gawˇlawˇsehˇ 1:23

Naw maꞈ jah-eu jeˬ laꞈ kʼoeˇ ziꞈ dah ni ya dehꞈ daˆ gʼeh-awˇ, Laˬ kʼaˬ cehˇ-eu Guiˬ lahˬ dawˬ ya gaˬ ngeh za taˬ-euˬ noeˬ tmˬ-eu jeˬ poˆ poˆ laˆ laˆ-ehˇ maˬ ya bi gʼeh-a. Ngaˇ Pawˇluˆ zaˬ kʼaˆ geuꞈ luꞈ-eu heu-aˬ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ mehˬ nehˬ-euˬ Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ ma.

2 Teˇsaˬloˇni 3:17

Ngaˬ-euˬ aˬ laꞈ neh heu loꞈ-ehˇ boꞈ-eu ma. Ngaˇ Pawˇluˆ naw maꞈ-ahˇ dawˬ cawˬ puˬ ahˇ laꞈ-eu ma. Ngaˬ neh kʼaˇ boꞈ-euˬ sahˬ boꞈ aˬ yawꞈ taꞈ yawꞈ laꞈ kʼoeˇ, ngaˬ-euˬ tsawˇ myahˇ heu loꞈ-ehˇ boꞈ-eu ma.

Piˇleˇmoˬ 1:19

Ngaˬ-euˬ aˬ laꞈ neh ngaˇ heu loꞈ-ehˇ boꞈ-eu ma. Ngaˇ Pawˇluˆ nawˬ-ahˇ tsoeˬ kʼoꞈ nehˬ ma. (Nawˬ-euˬ mawˇ do do lah-ehˇ ngaˬ-ahˇ dziˇ dzoˆ naꞈ luꞈ-eu gaˇ kawˆ ngaˇ maˬ paˇ ehˇ ma.)

Piˇleˇmoˬ 1:9

Ehˇ kʼawꞈ, ngaˇ nawˬ-ahˇ gaˬ-eu miˇ neh, dawˬ biꞈ-eu jeˬ-ehˇ maˬ ngeuˇ ni, nahˬ yu ni shaˇ ju-eu ma. Ngaˇ-aˬ, Yeˬsuˇ Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu Pawˇluˆ pyeuꞈ-eu uˬ taꞈ, aˬ yawꞈ-euˬ gʼaˇ duˬ nymˬ-mˇ tawˬ-ahˇ uˇ luꞈ-eu tsawˇ haˬ pyeuꞈ kʼawꞈ, nawˬ-ahˇ dawˬ maˬ biꞈ ni shaˇ ju-eu jeˬ pyeuꞈ-eu ma.

1 Beˬtuˆluˆ 2:11

Gaˬ-eu aˬ yuiꞈ aˬ nyiˇ Ka li zaˬ deuˬ-oˇ, yawˬ kʼahˬ yawˬ miˇ yawˬ-ahˇ cehˆ byaˆ taˬ-euˬ naw maꞈ-ahˇ ngaˇ heu loꞈ-ehˇ shaˇ-eu ma. Shiˬ shaˬ jiˇ-euˬ nui kʼahˇ naw maꞈ-ahˇ taˬ bi gʼaˬ leˇ. Shiˬ shaˬ jiˇ-euˬ nui kʼahˇ kʼoeˇ-aˬ, aˬ myah luꞈ saꞈ laˇ-ahˇ deuˆ ceh ceh luꞈ-eu jeˬ pyeuꞈ-eu meh.

Panmaeq 1:9

Ngaˇ-aˬ, naw maꞈ-euˬ aˬ yuiꞈ aˬ nyiˇ Ka li zaˬ pyeuꞈ-eu Yoˇhaˬ ma. Yeˬsuˇ-euˬ mehˬ nah caw teh-euˬ tsawˇ haˬ tiˬ gʼaˬ pyeuꞈ-eu loꞈ-ehˇ, aˬ yawꞈ-euˬ Miˇ kʼahˬ-ahˇ kʼaˇ taꞈ-eu tsawˇ haˬ deuˬ kʼoeˇ taˆ keuˆ le-euˬ shaˬ-eu zahˬ-eu jeˬ-ahˇ naw maꞈ nehˬ-ehˇ tiˬ kawˆ loꞈ-ehˇ oˇ-awˇ daˬ luꞈ-eu ma. Miˬyehˇ-euˬ dawˬ kawˬ hawˇ-eu Yeˬsuˇ neh pah mehˬ nehˬ laꞈ-euˬ yaw tsaˬ yaw dawˇ jeˬ gaˇ kawˆ ngaˇ mehˬ-euˬ miˇ neh, Baˬmoˇ iˇ jaw lahˇ-ahˇ ka lahˇ-awˇ bi jawˇ laꞈ-euˬ meh.