2 Gawˇliˬtu 1:21 - Akha

²¹ Nga maꞈ hawˇ-eu naw maꞈ-ahˇ Ka li laꞈ kʼoeˇ ziꞈ dah ni dehꞈ nya ni jahˇ nehˬ laꞈ-euˬ gʼaˬ-aˬ, Miˬyehˇ meh. Aˬ dui-ahˇ tseˇ doˆ-awˇ kʼehˇ gʼeh-euˬ gʼaˬ kʼawꞈ, Miˬyehˇ aˬ yawꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Kali-euq lafkhoer nga’maf hawr-eu nawmaf-anr bizif naeqlaf-awr, tsaqtsov naeqlaf-euq ghaq-aq Miqyaer mae.

2 Gawˇliˬtu 1:21 ပူးပေါင်းရင်းမြစ်များ

Jaceuq 45:7

yaw tsaˬ yaw dawˇ jeˬ-ahˇ gaˬ-awˇ, maˬ tsaˬ maˬ dawˇ-eu jeˬ-ahˇ nawˇ bye-eu meh. Kʼoeˇ miˇ neh, nawˬ-euˬ Miˬyehˇ pyeuꞈ-eu Miˬyehˇ, nawˬ-ahˇ tseˇ doˆ-eu laꞈ kʼoeˇ, sahˬ paˬ nui deuˬ-ahˇ naˆ maˬ tseˇ, laˬ kʼaˬ cehˇ nui saˇ za-eu guiˬ lahˬ nawˬ-euˬ kʼoeˇ taˆ shehˆ daˆ-euˬ meh.

Jaceuq 87:5

Ziˇoˬ meuˬ-ahˇ taꞈ leˇ-awˇ heu loꞈ-ehˇ ehˇ tehꞈ-a. Tsawˇ jeuˬ dawˬ tawˆ luꞈ Ziˇoˬ-euˬ pyeuꞈ-awˇ, meuˬ kʼoeˇ meuˬ gʼaˬ kʼaˆ laˇ ni Baoˬ huiˬ-eu gʼaˬ jahˇ tehꞈ-a.

Jaceuq 89:4

‘Nawˬ-euˬ zaˬ nawˬ-euˬ uˆ aˬ myah luꞈ sahˬ paˬ ya geuꞈ tehꞈ-a. Nawˬ-eu dzoeˬ dzaˬ mˬ maˬ maˬ byaˆ zaˇ ziˇ bi ziꞈ ma.”’

Iˇsaˬyaˇ 49:8

Aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ ehˇ-eu, “Nawˬ-ahˇ ka kʼoꞈ-eu aˇ yamˬ tsaˬ laˇ ngeh, nawˬ-euˬ myaˆ pyawˬ naˇ mehˇ-ahˇ ngaˇ haw-awˇ, nawˬ-euˬ shaˇ dawˬ ngaˇ naˇ haˬ ma. Nawˬ-ahˇ ngaˇ bo saˆ haw piˇ-awˇ, nawˬ-ahˇ gʼoe-eu laꞈ kʼoeˇ tsawˇ jeuˬ dawˬ tawˆ luꞈ-ahˇ, ngaˇ dawˬ ma saˇ jaˇ dzaˬ taꞈ ma. Nymˬ-mˇ yaw cawˆ-ehˇ jaˆ-eu nawˬ-euˬ miˇ kʼahˬ-ahˇ, nawˬ-ahˇ paˇ bi jawˇ kʼoꞈ laˇ ma.

Iˇsaˬyaˇ 59:21

Kʼoeˇ naˇ, naw maꞈ nehˬ-ehˇ ngaˇ dawˬ ma saˇ jaˇ dzaˬ ma. Mˬ maˬ maˬ byaˆ zaˇ ziˇ naw maꞈ bi geuꞈ tsehˆ-eu gʼaˇ duˬ, ngaˬ-euˬ baoˬ hawˇ-eu ngaˬ-euˬ dawˬ deuˬ, naw maꞈ-ahˇ ngaˇ biꞈ gʼaˬ-euˬ ma. Nymˬ-mˇ neh aˇ dahˬ beh-awˇ ngaˬ-euˬ dawˬ-ahˇ naw maꞈ ya naˇ haˬ geuꞈ-awˇ, naw maꞈ-euˬ zaˬ hawˇ-eu oeˬ paˬ oeˬ ma deuˬ-ahˇ kʼawꞈ, mˬ maˬ maˬ byaˆ zaˇ ziˇ jiˇ ni ya mehˬ daˆ leꞈ meh.”

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Iˇsaˬyaˇ 62:7

Yeˬluˇsaˬlehˬ meuˬ-ahˇ aˬ yawꞈ paˇ laˆ ziꞈ-awˇ, miˇ tsaˬ dawˬ tawˆ luꞈ ya ja ceuˬ-eu meuˬ maˬ bi pyeuꞈ laˇ kʼoeˇ keuˆ, aˬ yawꞈ maꞈ aˬ yawꞈ-ahˇ gʼaˬ naˬ maˬ bi naˬ-a.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Uˬ duˬ 7:35

Heu-aˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ piˇ ma-euˬ aˇ yaˬ biꞈ ngeh nah, Sahˬpaˬ Miˬyehˇ-ahˇ lawˇ nehˬ-euˬ dzaˬ dzaˬ dawˇ dawˇ lawˇ-eu jeˬ laꞈ kʼoeˇ, Sahˬpaˬ Miˬyehˇ neh aˬ yawꞈ maꞈ-ahˇ biꞈ nehˬ taˬ-euˬ shaˬ bymˇ pyeuꞈ-eu meh.

Haˬbaˬkuˆ 2:12

Tsawˇ haˬ shiˬ neh meuˬ teˬ dzaˬ-awˇ, iˬ baˇ mˇ-awˇ pu tsoˆ-euˬ deuˬ, yaw kʼaˆ-ehˇ ya noeˬ shaˬ tehꞈ-a. Tsawˇ haˬ neh bawˬ toˆ toˆ-euˬ jeˬ, miˬ dzaˬ puiˆ dzeh nehˬ gaˇ duˇ-awˇ,

Yoˇhaˬ 3:34

Miˬyehˇ neh kʼehˇ gʼeh leꞈ-euˬ gʼaˬ-aˬ, Miˬyehˇ-euˬ dawˬ ngehˬ-eu meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ-euˬ Yaw sahˇ tiˬ byah ni biꞈ taˬ-euˬ meh.

Gʼaˬkʼehˇ 10:38

Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.

Lormav 16:25

Miˬyehˇ-euˬ yaw shehꞈ kʼahˬ sehˇ huiˬ dui dui gaˇ ja ceuˬ kaˇ-euˇ. Aˬ jeˬ miˇ neh ehˇ naˇ, ngaˬ neh Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-euˬ loꞈ-ehˇ maˬ ehˇ, aˇ hu-euˬ ziˇ-ahˇ neh zaꞈ taˬ-euˬ yaw tsaˬ yaw dawˇ jeˬ pah mehˬ nehˬ laꞈ-euˬ loꞈ-ehˇ maˬ ehˇ, jah-eu laꞈ kʼoeˇ naw maꞈ ziꞈ dah ni yawꞈ nya ni aˬ yawꞈ jahˇ-euˬ meh.

Lormav 8:9

Nui ma laꞈ kʼoeˇ Miˬyehˇ-euˬ Yaw sahˇ maˇ maˇ ni jawˇ naˇ, yawˬ ha-euˬ shiˬ shaˬ jiˇ nui noeˬ neh kʼaˇ bi dehꞈ-euˬ loꞈ-ehˇ maˬ dehꞈ ni, Yaw sahˇ Miˬyehˇ-euˬ ehˇ dawˬ naˇ haˬ-awˇ dehꞈ tehꞈ-a. Yawˬ ha laꞈ kʼoeˇ Ka liˬ-euˬ Yaw sahˇ maˬ jawˇ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ maˬ taꞈ-a.

1 Gawˇliˬtu 1:8

Aˬ dui-euˬ Sahˬpaˬ Yeˬsuˇ Ka li gʼoꞈ le ngeh Nah naw maꞈ-ahˇ iˬ baˇ taˬ kʼaˇ maˬ bi za-eu gʼaˇ duˬ, aˇ saˬ saˬ ngeh keuˆ ni aˬ yawꞈ naw maꞈ-ahˇ jah-eu laꞈ kʼoeˇ bi ziꞈ laꞈ tehꞈ-a.

2 Gawˇliˬtu 5:5

Aˬ dui kʼoeˇ loꞈ-ehˇ pyeuꞈ laˇ nya ni lehˬ hmˬ-euˬ gʼaˬ-aˬ, Miˬyehˇ pyeuꞈ-awˇ, aˬ yawꞈ kʼoeˇ loꞈ-ehˇ mˇ-eu lehˇ gʼeh-eu kʼoeˇ yaw duˬ yaw ciˇ baw ni, aˬ yawꞈ-euˬ Yaw sahˇ Miˬyehˇ aˬ dui-ahˇ biꞈ leꞈ-euˬ meh.

Gawˇlawˇsehˇ 2:7

Naw maꞈ-ahˇ mehˬ nehˬ tsoˆ nehˬ taˬ-euˬ loꞈ-ehˇ, aˬ yawꞈ laꞈ kʼoeˇ ciˇ ka bi naꞈ-awˇ, naw maꞈ yaw dehꞈ dehꞈ-eu jeˬ aˬ yawꞈ kʼoeˇ taˆ gawˬ daˆ leꞈ-awˇ, jah-eu jeˬ laꞈ kʼoeˇ gʼaˬ kʼaˆ dzehˬ laˇ-awˇ, Miˬyehˇ guiˬ lahˬ-ahˇ ja ceuˬ-eu jeˬ tiˬ byah ni bi ahˇ-awˬ.

1 Teˇsaˬloˇni 3:13

Aˬ dui-euˬ Sahˬpaˬ Yeˬsuˇ aˬ yawꞈ-euˬ tsawˇ haˬ dawˬ tawˆ luꞈ nehˬ-ehˇ oe ngeh, aˬ dui-euˬ Aˬda Miˬyehˇ mehˬ shi naw maꞈ iˬ baˇ taˬ kʼaˇ maˬ za-eu muiˬ-eu shawˇ-eu tsawˇ haˬ pyeuꞈ ni, aˬ yawꞈ naw maꞈ-ahˇ kʼoeˇ loꞈ-ehˇ gʼaˬ biꞈ lahˬ nehˬ luꞈ-uˇ.

2 Teˇsaˬloˇni 2:17

naw maꞈ yaw muiˬ jeˬ mˇ nya shaˇ nya ngehˬ nya tmˇ nya ni gʼaˬ biꞈ-awˇ, naw maꞈ-euˬ nui ma ziꞈ dah ni jaˆ nya ni ngehˬ gʼeh luꞈ-uˇ.

2 Teˇsaˬloˇni 2:8

Kʼoeˇ ngeh jawˇ, Haiˬ dui dui-eu gʼaˬ-ahˇ bya cehˆ ni ya mawˇ tehꞈ-a. Ehˇ kʼawꞈ, Sahˬpaˬ Yeˬsuˇ oe ngeh a yawꞈ-euˬ kʼaˬ meh-euˬ saꞈ neh Haiˬ dui dui-eu Gʼaˬ-ahˇ baw sehꞈ-awˇ, aˬ yawꞈ-euˬ yaw sehꞈ kʼahˬ sehˇ naˇ guiˇ guiˇ-eu kʼoeˇ neh laˆ piˬ laˆ byoˆ nehˬ tehꞈ-a.

2 Teˇsaˬloˇni 3:3

Ehˇ kʼawꞈ, Sahˬpaˬ Yeˬsuˇ saˇ jaˇ ziꞈ-eu meh. Aˬ yawꞈ naw maꞈ-ahˇ gʼaˬ biꞈ nehˬ laꞈ-awˇ, Haiˬ dui dui-eu Gʼaˬ-euˬ aˬ laꞈ laꞈ kʼoeˇ haw piˇ nehˬ laꞈ tehꞈ-a.

HeˬByehˇ 13:9

La kʼaˬ cehˇ-eu Guiˬ lahˬ dawˬ-ahˇ beu gaˇ-eu mehˬ-eu tsoˆ-eu gʼawˬ mya jeˬ neh gaˇ ma taˬ bi sheuˬ bahˬ. Dzaˇ dzaˬ sheuˬ-eu baˬ da neh naw maꞈ-euˬ saꞈ laˇ gʼaˬ kʼaˆ laˇ-eu maˬ ngeuˇ-a. Miˬyehˇ-euˬ guiˬ lahˬ yaw dzahˇ-aˬ, naw maꞈ-euˬ saꞈ laˇ gʼaˬ bi kʼaˆ laˇ-eu gʼaˇ duˬ muiˬ dui dui-eu jeˬ pyeuꞈ-eu meh. Dzaˇ dzaˬ sheuˬ-eu kʼoeˇ-aˬ, tsawˇ haˬ zaˬ gʼaˇ duˬ gaˇ dahˇ maˬ tsoeˬ-a.

1 Beˬtuˆluˆ 5:10

Ehˇ kʼawꞈ, naw maꞈ ti kʼehˬ tiˬ yamˬ kʼoeˇ loꞈ-ehˇ ya daˬ gʼaˬ ngeh jawˇ, Ka li laꞈ koeˇ aˬ yawꞈ-euˬ mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ bi za-eu gʼaˇ duˬ naw maꞈ-ahˇ kuˇ-euˬ gʼaˬ pyeuꞈ-eu aˬ dui-ahˇ gaˬ dui dui-eu Miˬyehˇ-aˬ, naw maꞈ-ahˇ bi byah laˇ tehꞈ-a. Aˬ yawꞈ naw maꞈ-ahˇ bi ziꞈ laˇ, bi kʼaˆ laˇ-eu uˬ taꞈ, Ka li-ahˇ jah-eu dawˬ pehˬ ziꞈ dah ni bi pyeuꞈ laˇ tehꞈ-a.

1 Yoˇhaˬ 2:20

Ehˇ kʼawꞈ, Ka li neh naw maꞈ kʼoeˇ taˆ Muiˬ-eu shawˇ-eu Yaw sahˇ Miˬyehˇ shehˆ daˆ nehˬ gʼaˬ-euˬ miˇ neh, naw maꞈ dawˬ tawˆ luꞈ yaw tsaˬ yaw dawˇ jeˬ-ahˇ siˬ nya meh.

1 Yoˇhaˬ 2:27

Ehˇ kʼawꞈ, Ka li neh naw maꞈ-euˬ kʼoeˇ taˆ aˬ yawꞈ-euˬ Yaw sahˇ shehˆ daˆ nehˬ gʼaˬ-euˬ meh. Aˬ yawꞈ-euˬ Yaw sahˇ kʼoeˇ naw maꞈ laꞈ kʼoeˇ kʼaˇ jawˇ kʼoeˇ keuˆ ni, aˬ cawˬ naw maꞈ-ahˇ mehˬ nehˬ tsoˆ nehˬ-eu maˬ paˇ loˬ meh. Aˬ jeˬ miˇ neh ehˇ naˇ, aˬ yawꞈ-euˬ Yaw sahˇ kʼoeˇ naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ tehꞈ-a. Aˬ yawꞈ-euˬ Yaw sahˇ kʼaˇ mehˬ kʼaˇ tsoˆ-eu jeˬ dawˬ tawˆ luꞈ, tsaˬ dui dui-eu meh. Tiˬ pawꞈ-iˬ maˬ lehˬ-a. Yaw sahˇ kʼoeˇ neh mehˬ nehˬ tsoˆ nehˬ laꞈ-euˬ jeˬ-ahˇ naˇ haˬ geuꞈ-awˇ, Ka li-euˬ laꞈ kʼoeˇ jawˇ-awˬ.

Panmaeq 1:6

Kʼoeˇ uˬ taꞈ, aˬ yawꞈ-euˬ Aˬda Miˬyehˇ-euˬ gaˇ bi mˇ-eu gʼaˇ duˬ, aˬ dui-ahˇ piˇ ma-euˬ miˇ kʼahˬ tiˬ kʼahˬ bi pyeuꞈ laˇ-euˬ meh. Yaw shehꞈ kʼahˬ sehˇ hawˇ-eu baoˬ, mˬ maˬ maˬ byaˆ zaˇ ziˇ Yeˬsuˇ Ka li-ahˇ jaˆ luꞈ-uˇ. Aˬ miˬ.

Panmaeq 3:18

Kʼoeˇ miˇ neh, nawˇ smˇ muiˬ bi muiˬ laˇ-eu gʼaˇ duˬ, ngaˇ jawˇ gaˇ maˇ jawˆ ni gʼeh-eu shuiˇ zeuˇ laˇ-awˬ lehˇ nui noeˬ nui duˇ biꞈ-eu ma. Nawˇ dm-eu gʼaˇ duˬ mehˬ tsoeˬ yaw pyuˇ kʼawꞈ zeuˇ-awˇ, shaꞈ dawˇ dui dui paˬ-ehˇ neˇ myawˆ ni gʼeh-eu nawˬ-euˬ gʼawˇ mawˇ-ahˇ dm kaˬ-awˬ. Nawˬ-euˬ myaˆ nuiˆ mawˇ nya laˇ ni, myaˆ nuiˆ-ahˇ dawˆ-eu tsiˇ zeuˇ-awˬ.