2 Gawˇliˬtu 1:20 - Akha

²⁰ Aˬ jeˬ miˇ neh ehˇ naˇ, Miˬyehˇ neh saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ, aˬ yawꞈ-euˬ laꞈ kʼoeˇ “Ngeuˇ meh” lehˇ ya mawˇ-eu meh. Kʼoeˇ miˇ neh, Miˬyehˇ-euˬ yaw shehꞈ kʼahˬ sehˇ-ahˇ taˬ huiˬ-eu laꞈ kʼoeˇ “Aˬ miˬ” lehˇ aˬ dui ehˇ ngeh, Yeˬsuˇ Ka li laꞈ kʼoeˇ aˬ dui ehˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Miqyaer nae sarjax dzaqtaq-euq dawqtawvluf Kali-euq lafkhoer ngeur-eu jeq taef mae. Khoermirnae, aqdui, Miqyaer-anr ciqhuiq ciqmanr ngae, Kali-euq lafkhoer Aqmeq laer aer-eu ma.

2 Gawˇliˬtu 1:20 ပူးပေါင်းရင်းမြစ်များ

Aˇ dahˬ 22:18

Nawˇ ngaˬ-euˬ ehˇ dawˬ naˇ haˬ-eu miˇ neh, nawˬ-euˬ zaˬ nawˬ-euˬ uˆ deuˬ guiˬ lahˬ za-eu loꞈ-ehˇ, aˬ yawꞈ maꞈ-ahˇ kʼawꞈ guiˬ lahˬ biꞈ laꞈ lehˇ, tsawˇ jeuˬ dawˬ tawˆ luꞈ ngaˬ-ahˇ shaˇ tehꞈ-a.”

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

Aˇ dahˬ 49:10

Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

Jaceuq 102:16

Ziˇoˬ meuˬ-ahˇ Sahˬpaˬ Miˬyehˇ paˇ tsoˆ muiˬ ngeh, aˬ yawꞈ huiˬ-eu mahˇ-eu gaˇ kawˆ pah mehˬ tehꞈ-a.

Jaceuq 72:17

Sahˬ paˬ-euˬ tsawˇ myahˇ tiˬ jawˇ-iˬ maˬ byoˆ-iˇ ni, nahˇ ma kʼaˇ bya kʼoeˇ keuˆ ni aˬ yawꞈ tsawˇ myahˇ doˆ luꞈ-uˇ. Tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ luꞈ-uˇ. Aˬ yawꞈ maꞈ-ahˇ guiˬ lahˬ biꞈ laꞈ lehˇ Miˬyehˇ-ahˇ aˬ yawꞈ maꞈ shaˇ-awˇ, sahˬ paˬ nui saˇ oꞈ ni aˬ yawꞈ maꞈ nui ma keuˆ luꞈ-uˇ.

Iˇsaˬyaˇ 65:16

Miˇ kʼahˬ heu kʼahˬ laꞈ kʼoeˇ guiˬ lahˬ yaw dzahˇ kʼaˇ shaˇ-eu deuˬ, saˇ jaˇ ziꞈ-eu Miˬyehˇ-euˬ guiˬ lahˬ yaw dzahˇ shaˇ tehꞈ-a. Saˇ jaˇ kʼaˇ dzaˬ-eu tsawˇ haˬ deuˬ, saˇ jaˇ ziꞈ-eu Miˬyehˇ-euˬ tsawˇ myahˇ uˬ moˆ dzaˬ tehꞈ-a. Dzeuˇ laˇ ngeh kʼaˇ ya tahˬ puˬ-euˬ shaˬ zahˬ dawˬ tawˆ, dzeuˇ-iˇ jiˇ-awˇ ya ngehˇ byoˆ jiˇ tehꞈ-a.”

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Luˇkaꞈ 2:14

“Mˬ taˆ yaw goˇ jawˇ-eu Miˬyehˇ, baoˬ yaw shehꞈ kʼahˬ sehˇ huiˬ luꞈ-uˇ. Miˇ tsaˬ tsawˇ haˬ zaˬ deuˬ laꞈ kʼoeˇ, aˬ yawꞈ nui kʼahˇ shiˇ-eu deuˬ-ahˇ, nui saˇ za-eu jeˬ oꞈ luꞈ-uˇ.”

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Yoˇhaˬ 14:6

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

Yoˇhaˬ 3:5

Yeˬsuˇ ehˇ-eu, “Ngaˇ nawˬ-ahˇ maˇ jawˆ ni ehˇ-eu ma. Iˇ cuꞈ laꞈ kʼoeˇ hawˇ-eu Yaw sahˇ Miˬyehˇ laꞈ kʼoeˇ maˬ dehꞈ le-euˬ tsawˇ haˬ-aˬ, Miˬyehˇ Miˇ kʼahˬ laꞈ kʼoeˇ maˬ ya uˇ leˇ-a.

Lormav 11:36

Kʼaˇ jawˇ kʼaˇ jaˆ-eu jeˬ dawˬ tawˆ luꞈ aˬ yawꞈ neh beh taˬ-euˬ meh. Dawˬ tawˆ luꞈ aˬ yawꞈ baˬ da neh jaˆ luꞈ jawˇ luꞈ-awˇ, aˬ yawꞈ-euˬ gʼaˇ duˬ jaˆ luꞈ jawˇ luꞈ-eu tehꞈ meh. Mˬ maˬ maˬ byaˆ zaˇ ziˇ Miˬyehˇ-ahˇ ciˬ huiˬ ciˬ mahˇ kaˇ-euˇ. Aˬ miˬ.

Lormav 6:23

Aˬ jeˬ miˇ neh ehˇ naˇ, iˬ baˇ-euˬ aˇ poeˬ-aˬ, shiˇ-eu jeˬ pyeuꞈ-eu meh. Ehˇ kʼawꞈ, Miˬyehˇ neh yawꞈ ngehꞈ-ehˇ biꞈ nehˬ laꞈ-euˬ laꞈ sawˬ-aˬ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

1 Gawˇliˬtu 14:16

Nawˬ-euˬ saꞈ laˇ tehꞈ-ehˇ Miˬyehˇ-euˬ guiˬ lahˬ-ahˇ ja ceuˬ naˇ, nawˬ nehˬ-ehˇ tiˬ kawˆ loꞈ-ehˇ uˬ duˬ tahˬ luꞈ-eu maˬ siˬ nya-eu tsawˇ haˬ nawˬ neh guiˬ lah shaˇ-euˬ gaˇ “Aˬ miˬ” lehˇ aˬ joˆ-ehˇ ehˇ caw nya nmˇ. Nawˇ aˬ jeˬ ehˇ luꞈ-eu aˬ yawꞈ tiˬ pawꞈ-iˬ maˬ gʼoˆ siˬ nya-a.

2 Gawˇliˬtu 4:15

Nga maꞈ kʼaˇ ya daˬ-euˬ heu deuˬ dawˬ tawˆ luꞈ, naw maꞈ-euˬ gʼaˇ duˬ pyeuꞈ-eu ma. Miˬyehˇ-euˬ guiˬ lahˬ yaw dzahˇ za-euˬ tsawˇ haˬ tiˬ jawˇ saˇ-iˬ tiˬ jawˇ myaˬ laˇ luꞈ-eu loꞈ-ehˇ, Miˬyehˇ-euˬ yaw shehꞈ kʼahˬ sehˇ hawˇ-eu aˬ yawꞈ-euˬ guiˬ lahˬ-ahˇ ja ceuˬ-eu jeˬ, tiˬ jawˇ saˇ-iˬ tiˬ jawˇ myaˬ laˇ tehꞈ-a.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

Gaˬlaˬtiˆ 3:22

Ehˇ kʼawꞈ, miˇ tsaˬ heu dawˬ tawˆ luꞈ iˬ baˇ uˆ lahˇ-eu uˬ moˆ jawˇ luꞈ-eu meh lehˇ Jaˇliꞈ laꞈ kʼoeˇ ehˇ taˬ-euˬ meh. Kʼoeˇ miˇ neh, Yeˬsuˇ Ka li-ahˇ jah-eu deuˬ-ahˇ biꞈ ma lehˇ ehˇ taˬ-euˬ laꞈ sawˬ kʼoeˇ-aˬ, jah-eu tsawˇ haˬ deuˬ-ahˇ biꞈ-euˬ meh.

Eˇpeˇsu 1:6

Aˬ yawꞈ-euˬ huiˬ dui muiˬ dui dui-eu gʼawˬ shaˬ gaˬ-eu guiˬ lahˬ kʼoeˇ, aˬ yawꞈ gaˬ dui dui-eu aˬ yawꞈ-euˬ Zaˬmaˇ laꞈ kʼoeˇ aˬ dui-ahˇ biꞈ laꞈ-euˬ miˇ neh, Miˬyehˇ-ahˇ ja ceuˬ kaˇ-euˇ.

Eˇpeˇsu 2:7

Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ bi mawˇ laꞈ-euˬ gʼoeˇ-eu gaˬ-eu jeˬ laꞈ kʼoeˇ ahˇ-eu maˬ ehˇ jiˇ coeˇ ni huiˬ-eu aˬ yawꞈ-euˬ guiˬ lahˬ yaw dzahˇ-ahˇ, aˬ kaˇ kaˇ ziˇ keuˆ ni a myah luꞈ bi siˬ bi mawˇ-eu gʼaˇ duˬ, Miˬyehˇ kʼoeˇ loꞈ-ehˇ mˇ-euˬ jeˬ pyeuꞈ-eu meh.

Gawˇlawˇsehˇ 1:27

Miˬyehˇ-aˬ, aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ aˬ yawꞈ neh zaꞈ taˬ-euˬ jeˬ kʼoeˇ aˇ naˆ ni yaw shehꞈ kʼahˬ sehˇ byah-awˇ, aˇ naˆ ni zahˬ leˇ paˬ-ehˇ gʼeh-eu gaˇ kawˆ, aˬ yawꞈ-euˬ tsawˇ haˬ deuˬ-ahˇ bi siˬ bi mawˇ-eu lehˇ lehˬ hmˬ taˬ-euˬ meh. Zaꞈ taˬ-euˬ kʼoeˇ-aˬ, naw maꞈ laꞈ kʼoeˇ Ka li jawˇ-eu kʼoeˇ meh. Kʼoeˇ-aˬ, Miˬyehˇ zahˬ leˇ paˬ-ehˇ gʼeh-eu gʼaˬ pyeuꞈ-eu loꞈ-ehˇ, naw maꞈ kʼawꞈ bi pyeuꞈ laˇ-eu gʼaˇ duˬ ehˇ mawꞈ-euˬ meh.

2 Teˇsaˬloˇni 1:10

Aˬ yawꞈ-ahˇ kʼaˇ jah-eu aˬ yawꞈ-euˬ tsawˇ haˬ dawˬ tawˆ luꞈ neh biꞈ-euˬ yaw shehꞈ kʼahˬ sehˇ hawˇ-eu ciˬ huiˬ ciˬ mahˇ nehˬ-eu jeˬ-ahˇ ha geuꞈ-eu lehˇ, Aˇ nah kʼoeˇ nah-ahˇ aˬ yawꞈ oe-eu meh. Sahˬpaˬ Yeˬsuˇ-ahˇ ciˬ huiˬ ciˬ mahˇ-eu tsawˇ haˬ kʼoeˇ deuˬ laꞈ kʼoeˇ, naw maꞈ kʼawꞈ ahˇ leˇ tehꞈ-a. Aˬ jeˬ miˇ neh ehˇ naˇ, nga maꞈ neh saˇ kiˇ kamˬ-euˬ guiˬ lahˬ dawˬ-ahˇ naw maꞈ jah-euˬ meh.

HeˬByehˇ 11:13

Tsawˇ haˬ heu deuˬ dawˬ tawˆ luꞈ, jah-eu jeˬ laꞈ kʼoeˇ shiˇ-euˬ meh. Miˬyehˇ neh saˇ jaˇ dzaˬ taˬ-euˬ jeˬ-ahˇ aˬ yawꞈ maꞈ maˬ za-aˬ. Ehˇ kʼawꞈ, Miˬyehˇ neh saˇ jaˇ dzaˬ taˬ-euˬ jeˬ byah laˇ gaˇ, gaˇ mahˇ kaˬ gaˇ neh aˬ yawꞈ maꞈ ya mawˇ-awˇ laˬ kʼaˬ cehˇ nui kʼahˇ shiˇ-eu laꞈ kʼoeˇ, aˬ yawꞈ maꞈ miˇ tsaˬ kʼoeˇ taˆ tiˬ kʼehˬ tiˬ yamˬ jawˇ naˬ mˇ-eu daˬ yah tehꞈ ma lehˇ ehˇ-eu meh.

HeˬByehˇ 13:8

Yeˬsuˇ Ka liˬ-aˬ, miˇ nah, iˬ nah hawˇ-eu, mˬ maˬ maˬ byaˆ zaˇ ziˇ tiˬ kawˆ meh.

HeˬByehˇ 7:6

Maˬlaˬkiˇsaˬdehˇ-aˬ, Leˬbiˇ-euˬ tsuiꞈ-ahˇ maˬ taꞈ-a. Ehˇ kʼawꞈ, Aˬbyaˬhaˬ neh damˬ nehˬ-euˬ tseˇ bymˇ tiˬ bymˇ ha geuꞈ-awˇ, Miˬyehˇ neh saˇ jaˇ dzaˬ-euˬ jeˬ-ahˇ za-euˬ gʼaˬ pyeuꞈ-eu Aˬbyaˬhaˬ-ahˇ dawˬ ngeh gʼeh nehˬ-euˬ meh.

1 Beˬtuˆluˆ 1:12

Aˇ hu Miˬyehˇ gʼaˇ duˬ ngeh dah-eu kʼoeˇ deuˬ neh mˇ-euˬ gaˇ-aˬ, aˬ yawꞈ maꞈ-euˬ gʼaˇ duˬ maˬ ngeuˇ-ehˇ, naw maꞈ-euˬ gʼaˇ duˬ pyeuꞈ-eu gaˇ kawˆ aˬ yawꞈ maꞈ-ahˇ Miˬyehˇ pah mehˬ nehˬ-euˬ meh. Aˇ hu aˬ yawꞈ maꞈ neh ngehˬ dah-euˬ gaˇ kawˆ kʼoeˇ deuˬ-aˬ, nymˬ-mˇ mˬ kʼoeˇ taˆ neh bi oe-euˬ Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ Laˬ kʼaˬ cehˇ-eu Guiˬ lahˬ dawˬ mehˬ-eu deuˬ mehˬ luꞈ-eu, naw maꞈ ya gaˬ luꞈ-eu gaˇ kawˆ heu deuˬ meh. Gaˇ kawˆ heu-aˬ, mˬ taˆ gʼaˬ kʼehˇ deuˬ-ahˇ keuˆ ni siˬ mawꞈ dui dui-eu gaˇ kawˆ meh.

1 Yoˇhaˬ 5:11

Saˇ kiˇ kamˬ-euˬ dawˬ kʼoeˇ-aˬ, heu loꞈ-ehˇ meh. Miˬyehˇ aˬ dui-ahˇ mˬ maˬ maˬ byaˆ zaˇ ziˇ dehꞈ-eu jeˬ biꞈ laˬ-euˬ meh. Mˬ maˬ maˬ byaˆ zaˇ ziˇ dehꞈ-eu jeˬ kʼoeˇ-aˬ, Zaˬmaˇ-ahˇ neh oe-euˬ meh.

Panmaeq 3:14

“Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.

Panmaeq 7:12

Aˬ yawꞈ maꞈ ehˇ-eu, “Aˬ miˬ. Ja ceuˬ-eu jeˬ, yaw shehꞈ kʼahˬ sehˇ, zaˬ siˬ tsawˇ gahˇ, guiˬ lahˬ-ahˇ ja ceuˬ-eu jeˬ, taˬ huiˬ taˬ mahˇ-eu jeˬ, baoˬ hawˇ-eu gʼaˬ dawˬ tawˆ luꞈ, mˬ maˬ maˬ byaꞈ zaˇ ziˇ aˬ dui-euˬ Miˬyehˇ-ahˇ oꞈ-eu meh. Aˬ miˬ.”