1 Yoˇhaˬ 5:3 - Akha

³ Aˬ dui Miˬyehˇ-ahˇ gaˬ-eu lehˇ ehˇ-eu kʼoeˇ-aˬ, aˬ yawꞈ-euˬ dawˬ-ahˇ naˇ haˬ geuꞈ gaˇ ehˇ-eu meh. Aˬ yawꞈ-euˬ dawˬ-aˬ, aˬ dui maˬ caw teh nya paˬ-ehˇ shaˬ-eu jeˬ maˬ ngeuˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Miqyaer-anr gaq-eu laer aer-eu-aq, aqdui, Miqyaer nae biftaq-euq dawq-anr narhaq geuf-eu gar aer-eu mae. Aqyawf nae biftaq-euq dawq-aq, aqdui-euq gharduq kan-eu khavbaev maqngeur-a.

1 Yoˇhaˬ 5:3 ပူးပေါင်းရင်းမြစ်များ

2 Sahˬpaˬ 18:6

Aˬ yawꞈ-aˬ, Sahˬpaˬ Miˬyehˇ-ahˇ saˇ jaˇ ziꞈ-awˇ, Sahˬpaˬ Miˬyehˇ-euˬ ehˇ dawˬ-ahˇ maˬ naˇ haˬ-ehˇ maˬ byehˇ-eu uˬ taꞈ, Sahˬpaˬ Miˬyehˇ neh Moˇseˬ-ahˇ kʼaˇ biꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ, yaw muiˬ paˬ-ehˇ caw teh-eu meh.

Jaceuq 119:140

Nawˬ-euˬ saˇ jaˇ dawˬ tiˬ dawˬ-iˬ maˬ lehˬ ni tsaˬ-eu meh. Dawˬ kʼoeˇ deuˬ-ahˇ ngaˇ gaˬ dui dui-eu ma.

Jaceuq 119:45

Nawˇ mehˬ nehˬ tsoˆ nehˬ-euˬ dawˬ-ahˇ ngaˇ leh jeh-awˇ caw teh-eu miˇ neh, kʼahˬ lahˇ kʼaˇ maˬ za ni ngaˇ dehꞈ ma.

Doˆ-iˇ 20:6

Ehˇ kʼawꞈ, ngaˬ-ahˇ gaˬ-awˇ, ngaˬ-euˬ zahˇ dawˬ kʼoꞈ dawˬ mehˬ nah caw teh-eu tsawˇ haˬ deuˬ-ahˇ, aˬ yawꞈ maꞈ-euˬ zaˬ ziˇ aˇ heˇ aˇ muiˇ ziˇ keuˆ ni, ngaˬ-euˬ gʼoeˇ-eu gaˬ-eu jeˬ ngaˇ bi mawˇ ma.

Dawqdaq 3:17

Zaˬ siˬ tsawˇ gahˇ kaˇ iˇ gaˇ laˬ kʼaˬ cehˇ-eu jeˬ byah-awˇ, aˬ yawꞈ-euˬ gaˇ ma-ahˇ nui saˇ oꞈ-eu jeˬ jaˆ-eu meh.

Daˬyeˬlaˇ 9:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ jeuˬ-euˬ iˬ baˇ ehˇ doˆ nehˬ-euˬ ma. “Sahˬpaˬ Miˬyehˇ pyeuꞈ-eu Miˬyehˇ-oˇ, nawˇ-aˬ, huiˬ dui mahˇ dui dui-eu gʼaˬ meh. Nawˬ-ahˇ nga maꞈ taˬ huiˬ taˬ mahˇ-eu ma. Nawˬ-euˬ dawˬ ma saˇ jaˇ-ahˇ nawˇ maˬ byehˇ dzeh ni, nawˬ-ahˇ gaˬ-awˇ, nawˬ-euˬ dawˬ-ahˇ naˇ haˬ geuꞈ-eu tsawˇ haˬ deuˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ tiˬ jawˇ-iˬ maˬ tsehˆ-iˇ-a.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Maꞈtehˬ 23:4

Maˬ pi coeˇ-eu kʼaˆ behˆ, aˬ cawˬ-ahˇ aˬ yawꞈ maꞈ ciˬ pi-awˇ, aˬ yawꞈ maꞈ-aˬ, laꞈ noeˇ tiˬ noeˇ neh tehꞈ-ehˇ kʼawꞈ, caw dehˬ caw toˆ nehˬ mawꞈ-eu nui ma maˬ ahˇ-a.

Yoˇhaˬ 14:15

“Naw maꞈ ngaˬ-ahˇ gaˬ naˇ, ngaˬ neh biꞈ-euˬ dawˬ deuˬ-ahˇ naˇ haˬ geuꞈ tehꞈ-a.

Yoˇhaˬ 15:10

Ngaˬ Da-euˬ dawˬ-ahˇ ngaˇ naˇ haˬ geuꞈ-awˇ, ngaˬ Da-euˬ gʼoeˇ-eu gaˬ-eu jeˬ laꞈ kʼoeˇ ngaˇ jawˇ-eu loꞈ-ehˇ, naw maꞈ ngaˬ-euˬ dawˬ-ahˇ naˇ haˬ geuꞈ naˇ, ngaˬ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ jawˇ tehꞈ-a.

Yoˇhaˬ 15:14

Ngaˬ neh dawˬ biꞈ taˬ-euˬ loꞈ-ehˇ naw maꞈ mˇ naˇ, naw maꞈ ngaˬ-euˬ cawˬ ma.

Lormav 7:12

Kʼoeˇ miˇ neh, Zahˇ dawˬ kʼoꞈ dawˬ-aˬ yaw muiˬ yaw shawˇ meh. Yawˬ dawˬ na luꞈ yaw shawˇ meh. Yaw dawˇ meh. Yaw muiˬ meh.

Lormav 7:22

Ngaˬ-euˬ gʼawˇ mawˇ laꞈ kʼoeˇ mawˇ-aˬ, Miˬyehˇ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ miˇ-a.

Dawˬmehˬ 5:10

Ehˇ kʼawꞈ, ngaˬ-ahˇ gaˬ-awˇ, ngaˬ-euˬ zahˇ dawˬ kʼoꞈ dawˬ mehˬ nah caw teh-eu tsawˇ haˬ deuˬ-ahˇ, aˬ yawꞈ maꞈ-euˬ zaˬ ziˇ aˇ heˇ aˇ muiˇ ziˇ keuˆ ni, ngaˬ-euˬ gʼoeˇ-eu gaˬ-eu jeˬ ngaˇ bi mawˇ ma.

Dawˬmehˬ 7:9

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ maˬ ehˇ, aˬ yawꞈ-euˬ saˇ jaˇ ziꞈ-eu jeˬ-ahˇ maˬ ehˇ, naw maꞈ maˬ ngehˇ ni noeˬ keuˆ-awˬ. Aˬ yawꞈ-ahˇ gaˬ-awˇ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-ahˇ, tiˬ heˇ ziˇ keuˆ ni aˬ yawꞈ dawˬ ma saˇ jaˇ ziꞈ-awˇ, maˬ tsehˆ leˇ-eu gʼoeˇ-eu gaˬ-eu jeˬ bi mawˇ tehꞈ-a.

HeˬByehˇ 8:10

Nymˬ-mˇ dawˬ ma saˇ jaˇ heu hmˬ, aˬ kaˇ mehˬ hu aˇ yamˬ laꞈ kʼoeˇ, Iˇsaˬleˬlaˇ tsawˇ haˬ nehˬ-ehˇ, ngaˇ dzaˬ taꞈ mˇ taꞈ geuꞈ ma lehˇ, Sahˬpaˬ Miˬyehˇ ehˇ taˬ-euˬ meh. Aˬ yawꞈ maꞈ-euˬ nui noeˬ laꞈ kʼoeˇ, zahˇ dawˬ kʼoꞈ dawˬ dawˆ ahˇ nehˬ-awˇ, nui ma laꞈ kʼoeˇ boꞈ myahˬ nehˬ ma. Ngaˇ yawꞈ maꞈ-euˬ Miˬyehˇ geuꞈ-awˇ, Yawꞈ maꞈ ngaˬ-euˬ tsawˇ haˬ geuꞈ ma.

1 Yoˇhaˬ 2:3

Miˬyehˇ neh biꞈ taˬ-euˬ dawˬ deuˬ-ahˇ aˬ dui naˇ haˬ geuꞈ naˇ, aˬ dui aˬ yawꞈ-ahˇ siˬ nya-eu yaw duˬ baw meh.

2 Yoˇhaˬ 1:6

Gʼoeˇ-eu gaˬ-eu jeˬ lehˇ ngaˇ ehˇ luꞈ-eu heu-aˬ, Miˬyehˇ-euˬ dawˬ-ahˇ naˇ haˬ geuꞈ gaˇ ehˇ mawꞈ-eu ma. Naw maꞈ dawˬ tawˆ luꞈ aˇ dahˬ beh ngeh neh ya gaˬ taˬ-euˬ dawˬ heu dawˬ-aˬ, naw maꞈ dawˬ tawˆ luꞈ gʼoeˇ-eu gaˬ-eu jeˬ laꞈ kʼoeˇ ya dehꞈ meh lehˇ ehˇ-eu kʼoeˇ meh.