1 Yoˇhaˬ 5:20 - Akha

²⁰ Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

1 Yoˇhaˬ 5:20 ပူးပေါင်းရင်းမြစ်များ

Iˇsaˬyaˇ 44:6

Iˇsaˬleˬlaˆ-ahˇ ngehˬ gʼeh haw piˇ-eu Sahˬpaˬ Miˬyehˇ pyeuꞈ-eu, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ dahˬ beh-euˬ gʼaˬ hawˇ-eu aˇ saˬ saˬ-eu gʼaˬ ngaˇ ma. Ngaˇ uˬ taꞈ miˬ yehˇ nui gʼaˬ maˬ jawˇ,

Iˇsaˬyaˇ 54:5

Nawˬ-ahˇ beh-euˬ gʼaˬ nawˬ-euˬ kʼaˬ dzeˇ zaˬ-ahˇ duˇ tehꞈ-a. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh. Iˇsaˬleˬlaˆ-euˬ muiˬ-eu shawˇ-eu Miˬyehˇ nawˬ-ahˇ ka kʼoꞈ nehˬ laꞈ tehꞈ-a. Miˇ tsaˬ dawˬ tawˆ luꞈ-ahˇ aˬ yawꞈ uˆ lahˇ-eu meh.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Yeˬlaˬmiˇ 23:6

Aˬ yawꞈ sahˬ paˬ pyeuꞈ laˇ ngeh, Yuˇdaˆ tsawˇ haˬ deuˬ guˆ kʼaˇ maˬ za-ehˇ, Iˇsaˬleˬlaˆ tsawˇ haˬ deuˬ kʼawꞈ nui saˇ oꞈ tehꞈ-a. Aˬ yawꞈ-ahˇ, ‘Nga maꞈ-ahˇ ka kʼoꞈ-eu Sahˬpaˬ Miˬyehˇ’ lehˇ kuˇ tehꞈ-a.”

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Luˇkaꞈ 21:15

Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ maˬ ja gʼaˬ nya-eu dawˬ hawˇ-eu zaˬ siˬ tsawˇ gahˇ, naw maꞈ-ahˇ ngaˇ biꞈ ma.

Luˇkaꞈ 24:45

Kʼoeˇ ngeh, Jaˇ liꞈ-ahˇ gʼoˆ shaw nya ni, aˬ yawꞈ maꞈ-euˬ nui ma-ahˇ aˬ yawꞈ pah nehˬ-euˬ meh.

Yoˇhaˬ 1:18

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Aˬda-euˬ bawˇ kʼahˇ-ahˇ nuiˇ-eu Zaˬmaˇ tiˬ gʼaˬ tehꞈ neh, Miˬyehˇ aˬ suˇ gʼaˬ pyeuꞈ-eu gaˇ kawˆ pah mehˬ le-euˬ meh.

Yoˇhaˬ 10:30

Aˬda hawˇ-eu ngaˇ-aˬ, aˬ yawꞈ tiˬ gʼaˬ ma.”

Yoˇhaˬ 14:20

Aˇ nah kʼoeˇ nah keuˆ le ngeh, ngaˇ ngaˬ Da-euˬ laꞈ kʼoeˇ jawˇ-eu gaˇ kawˆ hawˇ-eu, ngaˇ naw maꞈ-euˬ ma laꞈ kʼoeˇ jawˇ-eu loꞈ-ehˇ naw maꞈ kʼawꞈ ngaˬ-euˬ laꞈ kʼoeˇ jawˇ-eu gaˇ kawˆ, naw maꞈ ya siˬ duˬ tehꞈ-a.

Yoˇhaˬ 14:23

Yeˬsuˇ ehˇ-eu, “Ngaˬ-ahˇ gaˬ-eu tsawˇ haˬ-aˬ, ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ tehꞈ-a. Kʼoeˇ loꞈ-ehˇ naˇ haˬ geuꞈ-eu tsawˇ haˬ-ahˇ ngaˬ Da gaˬ-awˇ, ngaˬ Da nga nyaꞈ aˬ yawꞈ-euˬ nui ma laꞈ kʼoeˇ jawˇ le ma.

Yoˇhaˬ 14:6

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

Yoˇhaˬ 14:9

Yeˬsuˇ ehˇ-eu, “Ngaˇ naw maꞈ nehˬ-ehˇ heu myah ni jawˇ keuˆ laꞈ-euˬ kʼawꞈ, Piˇliˇpuˆ nawˇ ngaˬ-ahˇ maˬ siˬ nya nga siˬ laˬ. Ngaˬ-ahˇ kʼaˇ ya mawˇ-euˬ tsawˇ haˬ-aˬ, Aˬda-ahˇ ya mawˇ-euˬ gaˇ duˇ meh. ‘Nga maꞈ-ahˇ Aˬda bi mawˇ laꞈ’ lehˇ aˬ jeˬ miˇ neh ehˇ te.

Yoˇhaˬ 15:4

Ngaˇ naw maꞈ-ahˇ tsoꞈ tsaꞈ taˬ-euˬ loꞈ-ehˇ, naw maꞈ ngaˬ-ahˇ tsoꞈ tsaꞈ-awˬ. Uˬ laꞈ-aˬ, baw duˆ-ahˇ maˬ tsoꞈ tsaꞈ naˇ aˇ siˬ maˬ siˬ le nya-eu loꞈ-ehˇ, naw maꞈ kʼawꞈ, ngaˬ-ahˇ maˬ tsoꞈ tsaꞈ naˇ, aˇ siˬ maˬ siˬ le nya-a.

Yoˇhaˬ 17:14

Ngaˇ aˬ yawꞈ maꞈ-ahˇ nawˬ-euˬ dawˬ biꞈ-euˬ ma. Miˇ tsaˬ zaˬ deuˬ aˬ yawꞈ maꞈ-ahˇ muiˇ-eu meh. Aˬ jeˬ miˇ neh ehˇ naˇ, ngaˇ miˇ tsaˬ heu-ahˇ maˬ taꞈ-eu loꞈ-ehˇ, aˬ yawꞈ maꞈ kʼawꞈ miˇ tsaˬ heu-ahˇ maˬ taꞈ-a.

Yoˇhaˬ 17:25

Tsaˬ dui dawˇ dui dui-eu Aˬda-oˇ, miˇ tsaˬ zaˬ deuˬ nawˬ-ahˇ maˬ siˬ nya kʼawꞈ, ngaˇ nawˬ-ahˇ siˬ nya-awˇ, nawˬ neh ngaˬ-ahˇ kʼehˇ gʼeh leꞈ-euˬ meh lehˇ tsawˇ haˬ heu deuˬ siˬ nya meh.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Yoˇhaˬ 20:28

Toˇmaˆ ehˇ-eu, “Nawˇ-aˬ, ngaˬ-euˬ Sahˬpaˬ hawˇ-eu ngaˬ-euˬ Miˬyehˇ meh.”

Yoˇhaˬ 8:42

Yeˬsuˇ ehˇ-eu, “Miˬyehˇ-aˬ, maˇ maˇ ni naw maꞈ-euˬ Aˬ da ma lehˇ ngeuˇ naˇ, naw maꞈ ngaˬ-ahˇ gaˬ tehꞈ-a. Miˬyehˇ jawˇ gaˇ neh ngaˇ oe taˬ-euˬ ma. Ngaˬ-euˬ nui noeˬ oe-euˬ maˬ ngeuˇ. Aˬ yawꞈ neh kʼehˇ gʼeh leꞈ-euˬ meh.

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

Lormav 9:5

Aˬ yawꞈ maꞈ-aˬ, tsawˇ myahˇ doˆ dui dui-eu Heˬbyehˇ tsawˇ haˬ aˬ poeˬ aˬ bawˇ kʼoeˇ deuˬ o neh jeuˬ le o le-euˬ tsawˇ haˬ deuˬ meh. Yeˬsuˇ Ka li kʼawꞈ, tsuiꞈ taꞈ gaˇ neh sawˇ leꞈ naˇ, aˬ yawꞈ maꞈ-euˬ tsawˇ jeuˬ pyeuꞈ-eu meh. Dawˬ tawˆ kʼoeˇ taˆ uˆ lahˇ-eu Miˬyehˇ-ahˇ mˬ maˬ maˬ byaˆ zaˇ ziˇ ja ceuˬ luꞈ-uˇ. Aˬ miˬ.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

2 Gawˇliˬtu 5:17

Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

Eˇpeˇsu 3:18

Ka li-euˬ gʼoeˇ-eu gaˬ-eu jeˬ aˇ naˆ ni huiˬ, aˇ naˆ ni mahˇ-awˇ, aˇ naˆ ni naꞈ, aˇ naˆ ni goˇ-eu gaˇ kawˆ, Miˬyehˇ-euˬ tsawˇ haˬ dawˬ tawˆ luꞈ tiˬ kawˆ loꞈ-ehˇ naw maꞈ gʼoˆ shaw nya-eu baoˬ ahˇ laˇ ni ngaˇ shaˇ-eu ma.

Piˇliˇpiˆ 3:9

A yawꞈ laꞈ kʼoeˇ tiˬ byah tiˬ loꞈ ya jawˇ ni, ngaˇ kʼoeˇ loꞈ-ehˇ sawˇ-euˬ ma. Zahˇ dawˬ kʼoꞈ dawˬ-ahˇ mˇ byah-eu baˬ da neh za nya meh lehˇ sawˇ taˬ-euˬ ngaˬ neh mˇ za-euˬ Miˬyehˇ-ahˇ tsaˬ leˇ tsahˇ leˇ-eu kʼoeˇ hmˬ tiˬ pawꞈ-iˬ maˬ paˇ ahˇ ma. Nymˬ-mˇ ngaˇ za taˬ-euˬ Miˬyehˇ-ahˇ tsaˬ leˇ tsahˇ leˇ-eu heu-aˬ, ngaˇ Ka li-ahˇ jah-eu baˬ da neh za taˬ-euˬ ma. Heu-aˬ, jah-eu kʼoeˇ taˆ Miˬyehˇ neh biꞈ nehˬ laꞈ-euˬ Miˬyehˇ-ahˇ tsaˬ leˇ tsahˇ leˇ-eu jeˬ pyeuꞈ-eu meh.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

Tiˇtuˆ 2:13

aˬ dui-euˬ huiˬ dui dui-eu Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw shehꞈ kʼahˬ sehˇ doˆ le-eu Aˇ nah kʼoeˇ nah-ahˇ noeˬ tmˬ-awˇ dawˬ-eu gʼaˇ duˬ mehˬ nehˬ laꞈ-euˬ meh.

HeˬByehˇ 1:8

Ehˇ kʼawꞈ, Zaˬmaˇ-euˬ gaˇ kawˆ Miˬyehˇ neh heu loꞈ-ehˇ ehˇ taˬ-euˬ meh. “Miˬyehˇ-oˇ, nawˬ-euˬ miˇ kʼahˬ, mˬ maˬ maˬ byaˆ zaˇ ziˇ ziꞈ meh. Nawˬ-euˬ tsawˇ haˬ deuˬ kʼoeˇ taˆ nawˇ, yaw tsaˬ yaw dawˇ neh uˆ lahˇ meh.

1 Yoˇhaˬ 2:23

A jeˬ miˇ neh ehˇ naˇ, Zaˬmaˇ-ahˇ kʼaˇ byehˇ dzeh-eu tsawˇ haˬ-aˬ, Aˬda Miˬyehˇ-ahˇ byehˇ dzeh gaˇ duˇ-awˇ, Zaˬmaˬ-ahˇ kʼaˇ ha geuꞈ-eu tsawˇ haˬ-aˬ, Aˬda Miˬyehˇ-ahˇ ha geuꞈ gaˇ duˇ-eu meh.

1 Yoˇhaˬ 2:24

Kʼoeˇ miˇ neh, aˇ dahˬ beh ngeh neh naw maꞈ ya gaˬ taˬ-euˬ guiˬ lahˬ dawˬ-ahˇ nui ma laꞈ kʼoeˇ ziꞈ dah ni tuˆ tehˬ taˬ-awˬ. Guiˬ lahˬ dawˬ kʼoeˇ-ahˇ naw maꞈ tuˆ tehˬ taˬ naˇ, Zaˬmaˇ hawˇ-eu Aˬda Miˬyehˇ laꞈ kʼoeˇ naw maꞈ aˬ myah luꞈ jawˇ tehꞈ-a.

1 Yoˇhaˬ 2:6

Miˬyehˇ laꞈ kʼoeˇ jawˇ luꞈ ma lehˇ ehˇ-eu tsawˇ haˬ aˬ geu gʼaˬ maˬ kaˬ, Yeˬsuˇ Ka li dehꞈ-eu loꞈ-ehˇ dehꞈ-eu tsaˬ meh.

1 Yoˇhaˬ 4:14

Miˬyehˇ neh aˬ yawꞈ-euˬ Zaˬmaˇ-ahˇ miˇ tsaˬ heu-ahˇ Ka kʼoꞈ-eu gʼaˬ bi geuꞈ-eu lehˇ kʼehˇ gʼeh leꞈ-euˬ gaˇ aˬ dui kʼaˇ ya mawˇ-euˬ loꞈ-ehˇ aˬ cawˬ-ahˇ ja mehˬ-eu ma.

1 Yoˇhaˬ 4:16

Kʼoeˇ miˇ neh, Miˬyehˇ neh aˬ dui-ahˇ gaˬ-euˬ gʼoeˇ-eu gaˬ-eu jeˬ kʼoeˇ-ahˇ aˬ dui siˬ nya-awˇ jah-eu ma. Miˬyehˇ-aˬ, gʼoeˇ-eu gaˬ-eu jeˬ pyeuꞈ-eu meh. Gʼoeˇ-eu gaˬ-eu jeˬ laꞈ kʼoeˇ kʼaˇ jawˇ-eu tsawˇ haˬ-aˬ, Miˬyehˇ-euˬ laꞈ kʼoeˇ jawˇ-awˇ, Miˬyehˇ kʼawꞈ, aˬ yawꞈ-euˬ laꞈ kʼoeˇ jawˇ-eu meh.

1 Yoˇhaˬ 4:2

Maˇ maˇ ni Miˬyehˇ-euˬ Yaw sahˇ ngeuˇ-eu maˬ ngeuˇ-eu naw maꞈ heu loꞈ-ehˇ siˬ duˬ nya tehꞈ-a. Yeˬsuˇ Ka li-aˬ, maˇ maˇ ni tsawˇ haˬ zaˬ-euˬ shiˬ shaˬ jiˇ pi-awˇ oe-euˬ meh lehˇ kʼaˇ ehˇ-eu tsawˇ haˬ-aˬ, Miˬyehˇ jawˇ gaˇ neh oe-euˬ Yaw sahˇ za taˬ-euˬ tsawˇ haˬ pyeuꞈ-eu meh.

1 Yoˇhaˬ 5:1

Yeˬsuˇ-ahˇ Ka li meh lehˇ kʼaˇ jah-eu tsawˇ haˬ-aˬ, Miˬyehˇ-euˬ zaˬ pyeuꞈ-eu meh. Aˬ da-ahˇ kʼaˇ gaˬ-eu tsawˇ haˬ-aˬ, aˬ da-euˬ zaˬ-ahˇ kʼawꞈ gaˬ-eu meh.

1 Yoˇhaˬ 5:15

Aˬ dui kʼaˇ shaˇ ngeh aˬ yawꞈ naˇ haˬ nehˬ laꞈ meh lehˇ aˬ dui siˬ duˬ taˬ-euˬ miˇ neh, aˬ dui neh aˬ yawꞈ-ahˇ kʼaˇ shaˇ-euˬ jeˬ biꞈ laꞈ meh lehˇ aˬ dui siˬ nya-eu ma.

1 Yoˇhaˬ 5:18

Miˬyehˇ-euˬ zaˬ tiˬ gʼaˬ-iˬ iˬ baˇ mˇ mˇ-ehˇ maˬ dehꞈ-a lehˇ aˬ dui siˬ nya meh. Aˬ jeˬ miˇ neh ehˇ naˇ, Miˬyehˇ-euˬ Zaˬmaˇ aˬ yawꞈ-ahˇ haw teˬ haw piˇ luꞈ-eu miˇ neh, Haiˬ dui dui-eu Gʼaˬ aˬ yawꞈ-ahˇ maˬ laˆ ciˆ leˇ nya-a.

1 Yoˇhaˬ 5:5

Miˇ tsaˬ heu-ahˇ gʼaˬ leˇ-eu aˬ suˇ gʼaˬ jawˇ ta. Yeˬsuˇ-ahˇ Miˬyehˇ-euˬ Zaˬmaˇ meh lehˇ jah-eu tsawˇ haˬ tehꞈ-ehˇ miˇ tsaˬ-ahˇ gʼaˬ leˇ-eu meh.

Panmaeq 15:3

Miˬyehˇ-euˬ zaˬ kʼaˆ pyeuꞈ-eu Moˇseˬ-euˬ caˇ dawˬ hawˇ-eu Yawˇzaˬ-euˬ caˇ dawˬ aˬ yawꞈ maꞈ caˇ luꞈ-eu meh. “Baoˬ huiˬ-eu Sahˬpaˬ Miˬyehˇ-oˇ, nawˬ neh mˇ-euˬ shaˇ-euˬ gaˇ deuˬ, aˇ naˆ ni zahˬ leˇ duˬ jaˆ nga. Tsawˇ jeuˬ dawˬ tawˆ-euˬ Sahˬpaˬ-oˇ, nawˬ-euˬ gaˇ ma tsaˬ meh dawˇ meh.

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.

Panmaeq 3:14

“Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.

Panmaeq 3:7

“Piˇlaˬdeˬpiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, muiˬ-eu shawˇ-eu tsaˬ-eu dawˇ-eu gʼaˬ pyeuꞈ-awˇ, Daˬbiˇ-euˬ mahˬ tawꞈ kahˬ tuˆ tehˬ taˬ-awˇ, aˬ yawꞈ laˇ gʼoˆ pah ngeh tsawˇ haˬ tiˬ gʼaˬ-iˬ maˬ piˬ tehꞈ kʼoꞈ nya-eu uˬ taꞈ, aˬ yawꞈ laˇ gʼoˆ piˬ tehˬ ngeh tsawˇ haˬ tiˬ gʼaˬ-iˬ maˬ pah nya-eu gʼaˬ-euˬ dawˬ meh.

Panmaeq 6:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Baoˬ huiˬ-eu Sahˬpaˬ Miˬyehˇ pyeuꞈ-eu muiˬ-eu shawˇ-eu tsaˬ-eu dawˇ-eu gʼaˬ-oˇ, nga maꞈ-ahˇ sehꞈ-euˬ miˇ tsaˬ kʼoeˇ taˆ jawˇ-eu tsawˇ haˬ kʼoeˇ deuˬ-ahˇ aˬ myah yaˇ kʼaˬ daˇ nehˬ-awˇ kʼehˬ-eu kʼaˆ-eu gʼeh te” lehˇ ehˇ-eu meh.