1 Yoˇhaˬ 5:18 - Akha

¹⁸ Miˬyehˇ-euˬ zaˬ tiˬ gʼaˬ-iˬ iˬ baˇ mˇ mˇ-ehˇ maˬ dehꞈ-a lehˇ aˬ dui siˬ nya meh. Aˬ jeˬ miˇ neh ehˇ naˇ, Miˬyehˇ-euˬ Zaˬmaˇ aˬ yawꞈ-ahˇ haw teˬ haw piˇ luꞈ-eu miˇ neh, Haiˬ dui dui-eu Gʼaˬ aˬ yawꞈ-ahˇ maˬ laˆ ciˆ leˇ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Miqyaer-euq zaq tiqghaq-iq iqbax mrmr-aer maqdaef-a laer aqdui siqnya ma. Miqyaer-anr nae daefle-euq tsawrhaq-aq, yawqhar yawqha yawmuiq-aer bosav-eu mirnae, yawcawv ghaq, aqyawf-anr maq toeqciv nya-a.

1 Yoˇhaˬ 5:18 ပူးပေါင်းရင်းမြစ်များ

Jaceuq 119:101

Nawˬ-euˬ dawˬ-ahˇ ngaˇ naˇ haˬ geuꞈ mawꞈ-eu miˇ neh, yaw haiˬ jeˬ-ahˇ ngaˇ gaˇ jaw jaw-euˬ ma.

Jaceuq 119:3

Sahˬpaˬ Miˬyehˇ-euˬ gaˇ ma-ahˇ aˬ yawꞈ maꞈ cah-awˇ, yaw lehˬ jeˬ maˬ mˇ-a.

Jaceuq 17:4

Nawˬ-euˬdawˬ-ahˇnaˇhaˬgeuꞈ-awˇ, tsawˇhaˬzaˬ-euˬhaiˬ-eu gaˇdeuˬ, maˬmˇni ngaˇyahˇdzeuˇ-eu ma.

Jaceuq 18:23

Yawꞈ-euˬmehˬshi maˬmˇca ni, iˬbaˇ-ahˇyahˇ-awˇdehꞈ-euˬma.

Jaceuq 39:1

Ngaˇ heu loꞈ-ehˇ ehˇ-euˬ ma. “Mehˬlaˇ iˬbaˇmaˬya mˇni, yahˇ-eu laꞈkʼoeˇyaw dehꞈdehꞈma. Muiˇ-eu deuˬjawˇluꞈ-eu mehˬshi, dawˬmaˬngehˬdoˆni dzahˬtehˬma.

Dawqdaq 4:23

Dehꞈ jeˬ dehꞈ kawˆ nui ma-ahˇ doˆ le-euˬ miˇ neh, nui ma-ahˇ noeˬ-awˇ yaw dehꞈ dehꞈ-awˬ.

Uˬ duˬ 11:37

Siˬ yoeˬ sehˬ-eu lehˇ gʼeh-eu siˬ yoeˬ aˇ nuiˆ kʼoeˇ taˆ, kʼoeˇ loꞈ-ehˇ gʼeh-eu jeˬ zaˬ yaw shiˇ ga daˆ kʼawꞈ, siˬ yoeˬ kʼoeˇ yaw shawˇ meh.

Maꞈtehˬ 5:37

Ngeuˇ naˇ ‘Ngeuˇ ma’, maˬ ngeuˇ naˇ ‘Maˬ ngeuˇ’ lehˇ tehꞈ-ehˇ ehˇ-awˬ. Kʼoeˇ uˬ taꞈ-ehˇ ngehˬ dzehˬ tmˇ dzehˬ-eu dawˬ deuˬ-aˬ, Haiˬ-eu Nehꞈ sahˬ paˬ-euˬ laꞈ kʼoeˇ neh doˆ le-euˬ dawˬ meh.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Yoˇhaˬ 1:13

Aˬ yawꞈ maꞈ Miˬyehˇ-euˬ zaˬ pyeuꞈ laˇ-eu kʼoeˇ-aˬ, miˇ tsaˬ zaˬ deuˬ aˬ da o neh dehꞈ le-awˇ aˬ da-euˬ zaˬ deuˬ pyeuꞈ gaˇ maˬ duˇ-a. Miˬyehˇ neh aˬ yawꞈ maꞈ-ahˇ aˬ yawꞈ-euˬ zaˬ bi pyeuꞈ laˇ-euˬ tiˬ jeˬ meh.

Yoˇhaˬ 14:30

Ngaˇ naw maꞈ nehˬ-ehˇ ngehˬ cawˬ ngehˬ cawˬ-ehˇ jawˇ-eu aˇ yamˬ maˬ paˇ jaˆ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ oe luꞈ meh. Aˬ yawꞈ-aˬ, ngaˬ-ahˇ maˬ zuiˆ gʼaˬ nya-a.

Yoˇhaˬ 15:4

Ngaˇ naw maꞈ-ahˇ tsoꞈ tsaꞈ taˬ-euˬ loꞈ-ehˇ, naw maꞈ ngaˬ-ahˇ tsoꞈ tsaꞈ-awˬ. Uˬ laꞈ-aˬ, baw duˆ-ahˇ maˬ tsoꞈ tsaꞈ naˇ aˇ siˬ maˬ siˬ le nya-eu loꞈ-ehˇ, naw maꞈ kʼawꞈ, ngaˬ-ahˇ maˬ tsoꞈ tsaꞈ naˇ, aˇ siˬ maˬ siˬ le nya-a.

Yoˇhaˬ 15:7

Naw maꞈ ngaˬ-ahˇ tsoꞈ tsaꞈ-awˇ, ngaˬ-euˬ dawˬ naw maꞈ-ahˇ tsoꞈ tsaꞈ taˬ naˇ, naw maꞈ kʼaˇ shaˇ mawꞈ-eu jeˬ shaˇ-awˬ. Kʼaˇ shaˇ-eu jeˬ za tehꞈ-a.

Yoˇhaˬ 15:9

Aˬda ngaˬ-ahˇ gaˬ-eu loꞈ-ehˇ, naw maꞈ-ahˇ ngaˇ gaˬ-eu ma. Ngaˬ-euˬ gʼoeˇ-eu gaˬ-eu jeˬ laꞈ kʼoeˇ jawˇ-awˬ.

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

Yaˬkoˆ 1:18

Kʼaˇ beh dehꞈ taˬ-euˬ jeˬ dawˬ tawˆ luꞈ laꞈ kʼoeˇ aˬ dui aˬ cawˬ jeˬ hu hu saˬ ya jawˇ ni, aˬ yawꞈ nui ma kʼaˇ tsaˬ-eu loꞈ-ehˇ yaw tsaˬ yaw dawˇ dawˬ-ahˇ gʼoe-awˇ aˬ dui-ahˇ beh dehꞈ taˬ-euˬ meh.

Yaˬkoˆ 1:27

Aˬ da Miˬyehˇ-euˬ mehˬ shi shawˇ jehˆ ni gʼeh-awˇ maˇ jawˆ ni gʼeh-eu uˬ duˬ tahˬ-eu zahˇ sahˇ kʼoꞈ-aˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ shaˬ gaˇ zahˬ gaˇ caw ba nehˬ-awˇ, miˇ tsaˬ shiˬ shaˬ jiˇ-euˬ nui kʼahˇ neh maˬ bi laˆ jawꞈ ni yawˬ haˇ yawˬ ha yahˇ-awˇ dehꞈ-eu jeˬ pyeuꞈ-eu meh.

1 Beˬtuˆluˆ 1:23

Aˬ jeˬ miˇ neh ehˇ naˇ, naw maꞈ-aˬ, mˬ maˬ maˬ byaˆ zaˇ ziˇ ziꞈ-eu dehꞈ luꞈ-eu Miˬyehˇ-euˬ dawˬ kawˬ baˬ da neh tiˬ jawˇ-iˬ maˬ shiˇ ni dehꞈ-eu gʼaˬ-euˬ zaˬ pyeuꞈ laˇ-euˬ meh. Shiˇ nya-eu tsawˇ haˬ-euˬ zaˬ pyeuꞈ laˇ-euˬ maˬ ngeuˇ-a.

1 Yoˇhaˬ 2:29

Ka li yaw tsaˬ yaw dawˇ meh lehˇ naw maꞈ siˬ nya luꞈ-eu-aˬ, yaw tsaˬ yaw dawˇ jeˬ kʼaˇ mˇ-eu tsawˇ haˬ yawˬ gʼaˬ na luꞈ Miˬyehˇ-euˬ zaˬ meh lehˇ naw maꞈ siˬ nya-eu tsaˬ meh.

1 Yoˇhaˬ 3:12

Aˬ dui-aˬ, Gaˬiˇnaˆ loꞈ-ehˇ maˬ ya gʼeh-a. Aˬ yawꞈ-aˬ, Haiˬ dui dui-eu Gʼaˬ-ahˇ taꞈ-eu tsawˇ haˬ pyeuꞈ-awˇ, aˬ yawꞈ-euˬ aˬ nyiˇ tsi tsi ni gʼeh-eu Aˬbeˬlaˆ-ahˇ sehꞈ-euˬ meh. Aˬ jeˬ miˇ neh yawˬ ha-euˬ aˬ nyiˇ-ahˇ sehꞈ-euˬ ta. Aˬ yawꞈ neh mˇ-euˬ jeˬ lehˬ-awˇ, aˬ yawꞈ-euˬ aˬ nyiˇ neh mˇ-euˬ jeˬ tsaˬ-eu miˇ neh sehꞈ-euˬ meh.

1 Yoˇhaˬ 3:3

Ka li laꞈ kʼoeˇ, kʼoeˇ loꞈ-ehˇ kʼaˇ noeˬ tmˬ taˬ-euˬ tsawˇ haˬ deuˬ-aˬ, Ka li muiˬ-eu shawˇ-eu loꞈ-ehˇ, yawˬ ha kʼawꞈ ya bi muiˬ ya bi shawˇ meh.

1 Yoˇhaˬ 3:9

Miˬyehˇ-euˬ zaˬ pyeuꞈ laˇ-euˬ tsawˇ haˬ aˬ geuˬ gʼaˬ maˬ kaˬ, iˬ baˇ maˬ paˇ mˇ meh. Aˬ jeˬ miˇ neh ehˇ naˇ, Miˬyehˇ-euˬ seuˆ dzeuꞈ aˬ yawꞈ-euˬ laꞈ kʼoeˇ ahˇ-eu meh. Miˬyehˇ-aˬ, aˬ yawꞈ-euˬ aˬ da pyeuꞈ-eu baˬ da neh, aˬ yawꞈ iˬ baˇ maˬ paˇ mˇ daˆ leꞈ nya meh.

1 Yoˇhaˬ 4:6

Ehˇ kʼawꞈ, aˬ dui-aˬ, Miˬyehˇ-ahˇ taꞈ-eu ma. Miˬyehˇ-ahˇ kʼaˇ siˬ nya-eu tsawˇ haˬ-aˬ, nga maꞈ-euˬ ehˇ dawˬ naˇ haˬ geuꞈ-eu meh. Miˬyehˇ-ahˇ maˬ kʼaˇ taꞈ-eu tsawˇ haˬ-aˬ, nga maꞈ-euˬ ehˇ dawˬ maˬ naˇ haˬ geuꞈ-a. Kʼoeˇ gaˇ haw-awˇ, ngeuˇ-eu Yaw sahˇ hawˇ-eu maˬ ngeuˇ-eu yaw sahˇ-ahˇ aˬ dui tseˇ paˆ geuꞈ nya tehꞈ-a.

1 Yoˇhaˬ 5:1

Yeˬsuˇ-ahˇ Ka li meh lehˇ kʼaˇ jah-eu tsawˇ haˬ-aˬ, Miˬyehˇ-euˬ zaˬ pyeuꞈ-eu meh. Aˬ da-ahˇ kʼaˇ gaˬ-eu tsawˇ haˬ-aˬ, aˬ da-euˬ zaˬ-ahˇ kʼawꞈ gaˬ-eu meh.

1 Yoˇhaˬ 5:15

Aˬ dui kʼaˇ shaˇ ngeh aˬ yawꞈ naˇ haˬ nehˬ laꞈ meh lehˇ aˬ dui siˬ duˬ taˬ-euˬ miˇ neh, aˬ dui neh aˬ yawꞈ-ahˇ kʼaˇ shaˇ-euˬ jeˬ biꞈ laꞈ meh lehˇ aˬ dui siˬ nya-eu ma.

1 Yoˇhaˬ 5:19

Miˇ tsaˬ zaˬ dawˬ tawˆ luꞈ Haiˬ dui dui-eu Gʼaˬ uˆ lahˇ-eu uˬ moˆ jawˇ luꞈ kʼawꞈ, aˬ dui-aˬ Miˬyehˇ-ahˇ taꞈ-eu tsawˇ haˬ ma lehˇ aˬ dui siˬ nya-eu ma.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

1 Yoˇhaˬ 5:21

Ngaˇ gaˬ dui dui-eu zaˬ deuˬ-oˇ, maˬ ngeuˇ-eu miˬ yehˇ deuˬ jawˇ paw maˬ ya pyawˇ-iˇ ni, yawˬ haˇ yawˬ ha yahˇ dui dui-awˬ.

1 Yoˇhaˬ 5:4

Aˬ jeˬ miˇ neh ehˇnaˇ, Miˬyehˇ-euˬ zaˬ aˬ geu gʼaˬ maˬ kaˬ, miˇ tsaˬ heu-ahˇ gʼaˬ leˇ nya-eu meh. Aˬ dui-euˬ jah-eu jeˬ baˬ da neh miˇ tsaˬ heu-ahˇ aˬ dui gʼaˬ leˇ-eu ma.

Yuˇdaˆ 1:21

Aˬ dui-euˬ Sahˬpaˬ Yeˬsuˇ Ka li gʼawˬ shaˬ gaˬ nehˬ laꞈ-eu laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ biꞈ laꞈ gaˇ naw maꞈ loꞈ luꞈ-eu loꞈ-ehˇ, Miˬyehˇ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ yaw muiˬ-ehˇ jawˇ-awˬ.

Yuˇdaˆ 1:24

Naw maꞈ-ahˇ maˬ bi coˬ-iˇ ni bo saˆ hehˇ tehˇ nya-awˇ, yaw shehꞈ kʼahˬ sehˇ tiˬ byah ni jaˆ-eu aˬ yawꞈ jawˇ gaˇ naw maꞈ-ahˇ iˬ baˇ taˬ kʼaˇ maˬ za-ehˇ laˬ kʼaˬ tiˬ cehˇ sheuˬ keuˆ nehˬ nya-eu Miˬyehˇ-ahˇ, aˬ dui-euˬ Sahˬpaˬ Yeˬsuˇ Ka li baˬ da neh, yaw shehꞈ kʼahˬ sehˇ maˬ ehˇ, huiˬ-eu mahˇ-eu jeˬ maˬ ehˇ, baoˬ maˬ ehˇ, uˆ lahˇ-eu dzoeˬ dzaˬ maˬ ehˇ, aˇ hu-euˬ ziˇ, heu ziˇ, aˬ kaˇ mˬ maˬ maˬ byaˆ zaˇ ziˇ keuˆ ni jaˆ luꞈ-uˇ. Aˬ miˬ.

Panmaeq 2:13

Nawˇ aˬ gaˇ jawˇ-eu ngaˇ siˬ nya ma. Nehꞈ Saˬdaˬ-euˬ dzoeˬ dzaˬ nuiˇ mahˬ jaˆ gaˇ nawˇ jawˇ-eu meh. Nawˇ ngaˬ-ahˇ saˇ jaˇ ziꞈ-eu meh. Saˇ jaˇ ziꞈ-eu ngaˬ-euˬ gaˇ kawˆ saˇ kiˇ kamˬ-eu gʼaˬ pyeuꞈ-eu Aˬdiˇpaˆ-ahˇ nehꞈ Saˬdaˬ jawˇ gaˇ sehꞈ ngeh kʼawꞈ, ngaˬ-ahˇ jah-eu jeˬ-ahˇ nawˇ maˬ byehˇ dzeh-aˬ.