1 Yoˇhaˬ 4:6 - Akha

⁶ Ehˇ kʼawꞈ, aˬ dui-aˬ, Miˬyehˇ-ahˇ taꞈ-eu ma. Miˬyehˇ-ahˇ kʼaˇ siˬ nya-eu tsawˇ haˬ-aˬ, nga maꞈ-euˬ ehˇ dawˬ naˇ haˬ geuꞈ-eu meh. Miˬyehˇ-ahˇ maˬ kʼaˇ taꞈ-eu tsawˇ haˬ-aˬ, nga maꞈ-euˬ ehˇ dawˬ maˬ naˇ haˬ geuꞈ-a. Kʼoeˇ gaˇ haw-awˇ, ngeuˇ-eu Yaw sahˇ hawˇ-eu maˬ ngeuˇ-eu yaw sahˇ-ahˇ aˬ dui tseˇ paˆ geuꞈ nya tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aqdui-aq, Miqyaer-anr taf-eu tsawrhaq ma. Miqyaer-anr siqnya-eu tsawrhaq-aq, nga’maf-euq dawq narhaq-eu mae. Miqyaer-anr maqtaf-eu tsawrhaq-aq, nga’maf-euq dawq maq narhaq-a. Khoermirnae, yawtsaq yawdawr jeq-anr taf-eu Muiq-eu Saflar hawr-eu yawbanq yawlaeq jeq-anr taf-eu saflar-anr aqdui siqnya-eu ma.

1 Yoˇhaˬ 4:6 ပူးပေါင်းရင်းမြစ်များ

2 Laˬsaˬbaˬ 18:21

Aˬ yawꞈ ehˇ-eu, ‘Ngaˇ iˇ-awˇ, Aˬhaˆ-ahˇ Miˬyehˇ gʼaˇ duˬ ngehˬ dah nehˬ-eu deuˬ dawˬ tawˆ luꞈ jaˬ myawꞈ myawꞈ ni jahˇ ma’ lehˇ ehˇ-eu meh. ‘Mehˇ shuiˇ shuiˇ-iˇ-awˬ. Nawˬ neh mehˇ shuiˇ shuiˇ-euˬ gaˇ tawˆ laˇ tehꞈ-a’ lehˇ, Sahˬpaˬ Miˬyehˇ ehˇ nehˬ-euˬ meh.

Iˇsaˬyaˇ 29:10

Naw maꞈ yuꞈ kʼaˆ byoˆ ni, Sahˬpaˬ Miˬyehˇ jahˇ-euˬ meh. Miˬyehˇ gʼaˇ duˬ ngehˬ dah-eu deuˬ myaˆ nuiˆ bi dehˬ kaˬ-awˇ, nyiˇ paˬ shaˆ ma deuˬ myaˆ maˬ mawˇ nya-a.

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Hawˇseˬ 4:12

Daˇ kawˬ aˇ bawˇ ka tuˇ taˬ gaˇ, kʼaˇ ngeuˇ-eu jeˬ naˇ haˬ leˇ-awˇ, yawꞈ maꞈ kʼaˇ siˬ nya mawꞈ-eu jeˬ, daˇ kawˬ neh bi ehˇ nehˬ-eu meh. Kʼaˬ dzeˇ zaˬ-ahˇ byehˇ dzeh yaꞈ-awˇ, meh maˬ laˇ geuꞈ-iˇ-euˬ loꞈ-ehˇ, yawꞈ maꞈ ngaˬ-ahˇ byehˇ dzeh yaꞈ-awˇ, miˬ yehˇ nui deuˬ-ahˇ jah-euˬ meh.

Miˇkaˬ 2:11

“Naw maꞈ gʼaˇ duˬ aˬ gaꞈ dzaˇ uiˇ hawˇ-eu jiˇ baˬ yoeˇ le tehꞈ-a lehˇ jaˬ myawꞈ myawꞈ myawꞈ-ehˇ cah-eu Miˬyehˇ gʼaˇ duˬ ngehˬ dah-eu deuˬ-ahˇ tsawˇ haˬ heu deuˬ mawꞈ-eu meh.

Miˇkaˬ 3:8

Ehˇ kʼawꞈ, ngaˇ gʼaˬ-aˬ, Sahˬpaˬ Miˬyehˇ-euˬ yaw sahˇ hawˇ-eu baoˬ tiˬ byah ni za taˬ-awˇ, yaw tsaˬ yaw dawˇ-ahˇ siˬ nya-eu jeˬ hawˇ-eu, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ-euˬ iˬ baˇ gaˇ kawˆ ja mehˬ-eu gʼaˇ duˬ nui kʼaˬ biꞈ laꞈ taˬ-euˬ meh.

Luˇkaꞈ 10:22

“Yawˬ jeˬ naˬ luꞈ ngaˬ Da neh ngaˬ-ahˇ a nehˬ jiˇ laꞈ-euˬ meh. Zaˬmaˇ-aˬ, aˬ suˇ gʼaˬ-a lehˇ, Aˬda maˬ ngeuˇ naˇ tiˬ gʼaˬ-iˬ maˬ siˬ nya-a. Kʼoeˇ loꞈ-ehˇ duˇ ni, Aˬda-aˬ, aˬ suˇ gʼaˬ-a lehˇ, Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ deuˬ maˬ ngeuˇ naˇ, tiˬ gʼaˬ-iˬ maˬ siˬ nya-a.”

Yoˇhaˬ 10:16

Yawˇ yawˇ kuˆ heu kuˆ-ahˇ maˬ uˇ-eu ngaˬ-euˬ yawˇ deuˬ jawˇ te siˬ. Yawˇ kʼoeˇ deuˬ-ahˇ kʼawꞈ ngaˇ ya sheuˬ uˇ laꞈ-a siˬ. Aˬ yawꞈ maꞈ ngaˬ-euˬ dawˬ-ahˇ naˇ haˬ tehꞈ-a. Kʼoeˇ ngeh jawˇ, yawˇ dawˬ tawˆ luꞈ yawˇ yawˇ maꞈ tiꞈ maꞈ tehꞈ-ehˇ pyeuꞈ laˇ-awˇ, yawˇ bo-eu yaw sahˇ tiˬ sahˇ tehꞈ-ehˇ bo tehꞈ-a.

Yoˇhaˬ 10:27

Ngaˬ-euˬ yawˇ deuˬ ngaˬ-euˬ dawˬ naˇ haˬ-eu meh. Aˬ yawꞈ maꞈ-ahˇ ngaˇ siˬ nya-awˇ, aˬ yawꞈ maꞈ ngaˬ-euˬ mehˬ nah caw teh-eu meh.

Yoˇhaˬ 10:3

Gʼoˆ kʼehˬ-ahˇ loꞈ-eu gʼaˬ aˬ yawꞈ-ahˇ laˇ gʼoˆ pah nehˬ-awˇ, yawˇ deuˬ aˬ yawꞈ-euˬ teˇ saˇ ya gaˬ-awˇ, aˬ yawꞈ-euˬ yawˇ deuˬ-ahˇ aˬ yawꞈ tsawˇ myahˇ kuˇ kuˇ-ehˇ laꞈ nyiˇ sheuˬ doˆ gʼeh-eu meh.

Yoˇhaˬ 13:20

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ neh kʼehˇ gʼeh-euˬ tsawˇ haˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-awˇ, ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼaˬ-ahˇ ha geuꞈ gaˇ duˇ-eu meh.”

Yoˇhaˬ 14:17

Aˬ yawꞈ-aˬ, Miˬyehˇ-euˬ gaˇ kawˆ yaw tsaˬ yaw dawˇ jeˬ pah mehˬ-eu gʼaˬ pyeuꞈ-eu Yaw sahˇ Miˬyehˇ meh. Miˇ tsaˬ zaˬ deuˬ aˬ yawꞈ-ahˇ nui ma laꞈ kʼoeˇ maˬ ha geuꞈ nya-a. Aˬ jeˬ miˇ neh ehˇ naˇ, aˬ yawꞈ maꞈ aˬ yawꞈ-ahˇ maˬ siˬ maˬ mawˇ nya-a. Ehˇ kʼawꞈ, naw maꞈ aˬ yawꞈ-ahˇ siˬ nya meh. Aˬ jeˬ miˇ neh ehˇ naˇ, aˬ yawꞈ naw maꞈ nehˬ-ehˇ jawˇ-awˇ, naw maꞈ-euˬ nui ma laꞈ kʼoeˇ uˇ-eu meh.

Yoˇhaˬ 15:26

“Caw ba-eu gʼaˬ oe tehꞈ-a. Aˬ yawꞈ-aˬ, Miˬyehˇ gaˇ kawˆ yaw tsaˬ yaw dawˇ jeˬ bi siˬ bi mawˇ le-euˬ gʼaˬ pyeuꞈ-eu, Aˬda jawˇ gaˇ neh oe-euˬ Yaw sahˇ Miˬyehˇ meh. Aˬda jawˇ gaˇ neh aˬ yawꞈ-ahˇ ngaˇ bi oe-awˇ, ngaˬ-euˬ gaˇ kawˆ aˬ yawꞈ saˇ kiˇ kamˬ tehꞈ-a.

Yoˇhaˬ 16:13

Ehˇ kʼawꞈ, Miˬyehˇ gaˇ kawˆ yaw tsaˬ yaw dawˇ jeˬ pah mehˬ le-eu gʼaˬ pyeuꞈ-eu Yaw sahˇ Miˬyehˇ oe ngeh, yaw tsaˬ yaw dawˇ dawˬ tawˆ luꞈ-ahˇ naw maꞈ siˬ nya laˇ ni aˬ yawꞈ sheuˬ mehˬ laꞈ tehꞈ-a. Aˬ jeˬ miˇ neh ehˇ aˇ, aˬ yawꞈ-euˬ nui noeˬ nui loˆ maˬ ngehˬ maˬ tmˇ-ehˇ, Aˬda neh kʼaˇ ehˇ nehˬ-euˬ jeˬ naw maꞈ-ahˇ dzawˇ nehˬ-awˇ, mehˬ hu paw pyeuꞈ laˇ-eu lehˇ gʼeh-eu gaˇ kawˆ deuˬ ehˇ mehˬ laꞈ tehꞈ-a.

Yoˇhaˬ 18:37

Kʼoeˇ ngeh, sahˬ paˬ Piˇlaˆ aˬ yawꞈ-ahˇ naˇ haˬ-eu, “Nawˇ sahˬ paˬ ngeuˇ ma loˇ.” Yeˬsuˇ ehˇ-eu, “Ngaˇ sahˬ paˬ nga lehˇ ehˇ-euˬ-aˬ, naw maꞈ meh. Ngaˇ miˇ tsaˬ heu kʼoeˇ taˆ zaꞈ le-awˇ dehꞈ le-euˬ-aˬ, yaw tsaˬ yaw dawˇ jeˬ ngehˬ le tmˇ le-euˬ tehꞈ ma. Yaw tsaˬ yaw dawˇ jeˬ-ahˇ kʼaˇ taꞈ-eu tsawˇ haˬ-aˬ, ngaˬ-euˬ dawˬ naˇ haˬ geuꞈ-eu meh.”

Yoˇhaˬ 20:21

Yeˬsuˇ aˬ yawꞈ maꞈ-ahˇ tiˬ poˆ paˇ ehˇ nehˬ-eu, “Naw maꞈ nui saˇ oꞈ luꞈ-uˇ. Aˬda ngaˬ-ahˇ kʼehˇ gʼeh leꞈ-euˬ loꞈ-ehˇ, naw maꞈ-ahˇ ngaˇ kʼehˇ gʼeh-eu ma.”

Yoˇhaˬ 8:19

Aˬ yawꞈ maꞈ ehˇ-eu, “Nawˬ da aˬ gaˇ jawˇ ta.” Yeˬsuˇ ehˇ-eu, “Ngaˬ-ahˇ maˬ ehˇ, ngaˬ Da-ahˇ maˬ ehˇ, naw maꞈ maˬ siˬ nya-a. Naw maꞈ ngaˬ-ahˇ siˬ nya law nmˇ-aˬ, ngaˬ Da-ahˇ kʼawꞈ siˬ nya tehꞈ-a.”

Yoˇhaˬ 8:23

Yeˬsuˇ ehˇ-eu, “Naw maꞈ-aˬ, laꞈ oˆ miˇ tsaˬ zaˬ meh. Ngaˇ-aˬ, mˬ taˆ-euˬ tsawˇ haˬ ma. Naw maꞈ-aˬ miˇ tsaˬ heu-ahˇ taꞈ-eu tsawˇ haˬ meh. Ngaˇ-aˬ, miˇ tsaˬ heu-ahˇ maˬ taꞈ.

Lormav 1:1

Ngaˇ-aˬ, Yeˬsuˇ Ka liˬ-euˬ zaˬ kʼaˆ Pawˇluˆ ma. Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ, Miˬyehˇ neh tseˇ doˆ-awˇ kuˇ-euˬ gʼaˬ kʼehˇ tiˬ gʼaˬ pyeuꞈ-eu ma.

Lormav 11:8

Jaˇliꞈ laꞈ kʼoeˇ heu loꞈehˇ ehˇ taˬ-euˬ meh. “Aˬ yawꞈ maꞈ-euˬ nui ma gʼahˇ-awˇ, naˬ bawˬ bawˬ-awˇ myaˆ behꞈ behꞈ ni, Miˬyehˇ neh jahˇ nehˬ-euˬ miˇ neh, iˬ nah keuˆ ni maˬ mawˇ nya-a.”

1 Gawˇliˬtu 14:37

Tsawˇ haˬ tiˬ gʼaˬ na, yawˬ ha Miˬyehˇ gʼaˇ duˬ ngehˬ dah-eu tsawˇ haˬ ma lehˇ noeˬ-eu maˬ kaˬ, saꞈ laˇ paw-euˬ laꞈ sawˬ za taˬ-euˬ tsawˇ ma lehˇ noeˬ-eu maˬ kaˬ, ngaˬ neh naw maꞈ-ahˇ boꞈ ahˇ laꞈ-euˬ sahˬ boꞈ heu Miˬyehˇ neh biꞈ-euˬ dawˬ meh lehˇ siˬ duˬ-eu tsaˬ meh.

2 Gawˇliˬtu 10:7

Naw maꞈ-aˬ, myaˆ-ahˇ mawˇ laˇ-eu kʼoeˇ taˆ paw-euˬ gaˇ kawˆ-ahˇ tehꞈ-ehˇ haw-eu meh. Ngaˇ Ka li-euˬ tsawˇ haˬ ma lehˇ kʼaˬ duˬ ni ehˇ tsehˆ peuˬ-eu tsawˇ haˬ jawˇ-eu ngeuˇ naˇ, yawˬ ha gaˇ kawˆ yawˬ ha yaw muiˬ paˬ-ehˇ paˇ bi shaˇ noeˬ duˬ-awˬ. Aˬ jeˬ miˇ neh ehˇ naˇ, nga maꞈ kʼawꞈ aˬ yawꞈ loꞈ-ehˇ Ka liˬ-euˬ tsawˇ haˬ pyeuꞈ-eu ma.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

1 Tiˆmoˇseˬ 4:1

Aˇ nah aˇ nah-ehˇ, tsawˇ haˬ tiˬ paˆ na deuˬ jah-eu jeˬ-ahˇ byehˇ dzeh tehꞈ-a lehˇ Yaw sahˇ Miˬyehˇ ehˇ-eu meh. Jaˬ myawꞈ myawꞈ-eu yaw sahˇ deuˬ-euˬ dawˬ-ahˇ aˬ yawꞈ maꞈ naˇ haˬ-awˇ, nehꞈ mehˬ-eu tsoˆ-eu mehˬ nah caw teh gʼeh tehꞈ-a.

2 Beˬtuˆluˆ 3:2

Aˇ hu ba Miˬyehˇ gʼaˇ duˬ ngehˬ dah yaꞈ-euˬ muiˬ-eu shawˇ-eu tsawˇ haˬ deuˬ-euˬ dawˬ hawˇ-eu, naw maꞈ-ahˇ mehˬ-eu gʼaˬ kʼehˇ deuˬ neh biꞈ-euˬ ka kʼoꞈ-eu gʼaˬ pyeuꞈ-eu SahˬpaˬYeˬsuˇ-euˬ dawˬ-ahˇ naw maꞈ bi noeˬ mawˇ mawꞈ miˇ-a.

1 Yoˇhaˬ 4:1

Ngaˇ gaˬ dui dui-eu cawˬ deuˬ-oˇ, Yaw sahˇ Miˬyehˇ za-euˬ tsawˇ haˬ ma lehˇ kʼaˇ ehˇ laˇ gaˇ naw maꞈ maˬ jah ni, aˬ yawꞈ maꞈ za-euˬ yaw sahˇ kʼoeˇ Miˬyehˇ jawˇ gaˇ neh oe-euˬ nga loˇ lehˇ jeˬ huˬ lawˬ haw-awˬ. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ deuˬ miˇ tsaˬ doe ni iˇ byah taˬ-euˬ meh.

1 Yoˇhaˬ 4:4

Ehˇ kʼawꞈ, ngaˇ gaˬ dui dui-eu zaˬ deuˬ-oˇ, naw maꞈ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ-ahˇ gʼaˬ leˇ-euˬ meh. Aˬ jeˬ miˇ neh ehˇ naˇ, naw maꞈ laꞈ kʼoeˇ jawˇ luꞈ-eu Yaw sahˇ-aˬ, miˇ tsaˬ heu-ahˇ taꞈ-eu tsawˇ haˬ deuˬ laꞈ kʼoeˇ jawˇ luꞈ-eu yaw sahˇ naˆ maˬ tseˇ baoˬ ahˇ dzehˬ-eu meh.

1 Yoˇhaˬ 4:8

Gʼoeˇ-eu gaˬ-eu jeˬ maˬ kʼaˇ ahˇ-eu tsawˇ haˬ-aˬ, Miˬyehˇ-ahˇ maˬ siˬ nya-a. Aˬ jeˬ miˇ neh ehˇ naˇ, Miˬyehˇ-aˬ gʼoeˇ-eu gaˬ-eu jeˬ pyeuꞈ-eu meh.

1 Yoˇhaˬ 5:19

Miˇ tsaˬ zaˬ dawˬ tawˆ luꞈ Haiˬ dui dui-eu Gʼaˬ uˆ lahˇ-eu uˬ moˆ jawˇ luꞈ kʼawꞈ, aˬ dui-aˬ Miˬyehˇ-ahˇ taꞈ-eu tsawˇ haˬ ma lehˇ aˬ dui siˬ nya-eu ma.

Yuˇdaˆ 1:17

Ehˇ kʼawꞈ ngaˇ gaˬ-eu cawˬ deuˬ-oˇ, dzeuˇ laˇ ngeh aˬ dui-euˬ Sahˬpaˬ Yeˬsuˇ Ka li-euˬ gʼaˬ kʼehˇ deuˬ neh naw maꞈ-ahˇ ehˇ nehˬ-euˬ dawˬ kʼoeˇ deuˬ-ahˇ taˬ ngehˇ.