1 Yoˇhaˬ 4:4 - Akha

⁴ Ehˇ kʼawꞈ, ngaˇ gaˬ dui dui-eu zaˬ deuˬ-oˇ, naw maꞈ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ-ahˇ gʼaˬ leˇ-euˬ meh. Aˬ jeˬ miˇ neh ehˇ naˇ, naw maꞈ laꞈ kʼoeˇ jawˇ luꞈ-eu Yaw sahˇ-aˬ, miˇ tsaˬ heu-ahˇ taꞈ-eu tsawˇ haˬ deuˬ laꞈ kʼoeˇ jawˇ luꞈ-eu yaw sahˇ naˆ maˬ tseˇ baoˬ ahˇ dzehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ngar gaq-eu zaqdeuq-or! Nawmaf, Miqyaer-anr taf-eu tsawrhaq pyeuf-awr, nawmaf, aqyawf maf-anr ghaqler-euq mae. Aqjeq mirnae aernar-aq, nawmaf-euq lafkhoer jawr-eu ghaq-aq, mirtsaq-euq khoertav jawr-eu ghaq navmaqtser huiqdzaeq-eu mae.

1 Yoˇhaˬ 4:4 ပူးပေါင်းရင်းမြစ်များ

Yoˇhaˬ 12:31

Nymˬ-mˇ miˇ tsaˬ heu-ahˇ yaˇ kʼaˬ daˇ-eu aˇ yamˬ tsaˬ laˇ-euˬ meh. Nymˬ-mˇ miˇ tsaˬ heu-ahˇ uˆ lahˇ luꞈ-eu gʼaˬ bi teh dzeh tehꞈ-a.

Yoˇhaˬ 14:30

Ngaˇ naw maꞈ nehˬ-ehˇ ngehˬ cawˬ ngehˬ cawˬ-ehˇ jawˇ-eu aˇ yamˬ maˬ paˇ jaˆ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ oe luꞈ meh. Aˬ yawꞈ-aˬ, ngaˬ-ahˇ maˬ zuiˆ gʼaˬ nya-a.

Yoˇhaˬ 16:11

Yaˇ kʼaˬ daˇ-eu gaˇ kawˆ aˬ yawꞈ maꞈ jah lehˬ-euˬ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ yaˇ kʼaˬ daˇ-eu jeˬ-ahˇ ya daˬ gʼaˬ-euˬ meh.

Yoˇhaˬ 17:23

Nawˬ neh ngaˬ-ahˇ kʼehˇ gʼeh leꞈ-euˬ gaˇ kawˆ hawˇ-eu, ngaˬ-ahˇ nawˇ gaˬ-eu loꞈ-ehˇ, ngaˬ-ahˇ jah-eu tsawˇ haˬ heu deuˬ-ahˇ kʼawꞈ nawˇ gaˬ-eu gaˇ kawˆ miˇ tsaˬ zaˬ deuˬ bi siˬ nya-eu gʼaˇ duˬ, ngaˬ-ahˇ jah-eu tsawˇ haˬ heu deuˬ nui ma gʼawˇ mawˇ taꞈ leˇ nya ni, ngaˬ-euˬ laꞈ kʼoeˇ nawˇ jawˇ-awˇ, aˬ yawꞈ maꞈ-euˬ laꞈ kʼoeˇ ngaˇ jawˇ-eu ma.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Lormav 8:37

Maˬ ngeuˇ. Aˬ dui-ahˇ gaˬ-eu gʼaˬ baˬ da neh kʼoeˇ deuˬ dawˬ tawˆ luꞈ-ahˇ aˬ dui yaw muiˬ paˬ-ehˇ gʼaˬ leˇ-euˬ ma.

1 Gawˇliˬtu 2:12

Aˬ dui-aˬ, miˇ tsaˬ heu-euˬ yaw sahˇ za taˬ-euˬ maˬ ngeuˇ. Miˬyehˇ neh aˬ dui-ahˇ kʼaˇ biꞈ laꞈ-euˬ jeˬ-ahˇ aˬ dui siˬ nya jiˇ ni, Miˬyehˇ neh kʼehˇ gʼeh leꞈ-euˬ Yaw sahˇ Miˬyehˇ za taˬ-euˬ ma.

1 Gawˇliˬtu 6:13

“Dzaˬ-eu jeˬ-aˬ, uˬ maˆ gʼaˇ duˬ pyeuꞈ-awˇ, uˬ maˆ-aˬ, dzaˬ-eu jeˬ-euˬ gʼaˇ duˬ meh.” Ehˇ kʼawꞈ, nyiˬ jeˬ luꞈ-ahˇ Miˬyehˇ laˆ cawˆ tehꞈ-a. Gʼawˇ mawˇ-aˬ, aˬ cawˬ nehˬ-ehˇ joe-eu gʼaˇ duˬ maˬ ngeuˇ-a. Sahˬpaˬ Yeˬsuˇ-euˬ gaˇ mˇ-eu gʼaˇ duˬ meh. Gʼawˇ mawˇ-ahˇ bi dzaˬ bi dawˇ-eu gʼaˬ-aˬ, Sahˬpaˬ Yeˬsuˇ meh.

2 Gawˇliˬtu 4:4

Miˇ tsaˬ heu-ahˇ uˆ lahˇ luꞈ-eu miˬyehˇ pyeuꞈ-eu nehꞈ Saˬdaˬ neh aˬ yawꞈ maꞈ-euˬ nui ma-ahˇ yaw zahˇ laꞈ kʼoeˇ piˬ lahˇ taˬ-euˬ miˇ neh, aˬ yawꞈ maꞈ maˬ jah-a. Kʼoeˇ miˇ neh, Miˬyehˇ-ahˇ duˇ duˇ dehꞈ dehꞈ pyeuꞈ-eu Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ-euˬ yaw shehꞈ kʼahˬ sehˇ aˬ yawꞈ maꞈ kʼoeˇ taˆ bya luꞈ gaˇ aˬ yawꞈ maꞈ maˬ mawˇ nya-a.

2 Gawˇliˬtu 6:16

Miˬyehˇ-euˬ uˬ duˬ tahˬ nymˇ hawˇ-eu lawˇ ciꞈ zaˬ-euˬ tahˬ pahˬ aˬ ma mawˇ kawˇ aˬ joˆ-ehˇ tiˬ gaˇ jaˆ nya nmˇ. Aˬ dui-aˬ, dehꞈ luꞈ-eu Miˬyehˇ-euˬ uˬ duˬ tahˬ nymˇ pyeuꞈ-eu ma. Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ taˬ-euˬ meh. “Ngaˬ-euˬ tsawˇ haˬ nehˬ-ehˇ jawˇ-awˇ, yawꞈ maꞈ nehˬ-ehˇ cah ma. Ngaˇ yawꞈ maꞈ-euˬ Miˬyehˇ geuꞈ-awˇ, yawꞈ maꞈ ngaˬ-euˬ tsawˇ haˬ geuꞈ ma.”

Eˇpeˇsu 2:2

Kʼoeˇ ngeh, miˇ tsaˬ heu-ahˇ taꞈ-eu maˬ muiˬ maˬ jaˬ-eu jeˬ mehˬ nah naw maꞈ caw teh-awˇ, mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ-euˬ mehˬ nah caw teh-euˬ meh. Yaw sahˇ kʼoeˇ-aˬ, nymˬ-mˇ Miˬyehˇ-euˬ dawˬ-ahˇ maˬ naˇ haˬ-eu deuˬ-ahˇ uˆ lahˇ luꞈ-eu meh.

Eˇpeˇsu 3:17

Naw maꞈ jah-eu baˬ da neh naw maꞈ laꞈ kʼoeˇ Ka li jawˇ le ni ngaˇ guiˬ lahˬ shaˇ-eu ma. Naw maꞈ gʼoeˇ-eu gaˬ-eu jeˬ-ahˇ dawˬ pehˬ taˬ ni ngaˇ guiˬ lahˬ shaˇ-eu ma.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

1 Yoˇhaˬ 2:1

Ngaˇ gaˬ dui dui-eu zaˬ deuˬ-oˇ, naw maꞈ iˬ baˇ maˬ bi mˇ-eu gʼaˇ duˬ, gaˇ kawˆ heu deuˬ naw maꞈ jawˇ gaˇ ngaˇ boꞈ ahˇ laꞈ-eu jeˬ pyeuꞈ-eu ma. Ehˇ kʼawꞈ, tsawˇ haˬ tiˬ gʼaˬ na iˬ baˇ mˇ lawˬ naˇ, aˬ dui-euˬ dah zaˇ Aˬda Miˬyehˇ-ahˇ tahˬ shaˇ leˇ-eu gʼaˬ jawˇ ma. Kʼoeˇ-aˬ, yaw tsaˬ yaw dawˇ tsawˇ haˬ pyeuꞈ-eu Yeˬsuˇ Ka li meh.

1 Yoˇhaˬ 2:13

Aˬ da deuˬ-oˇ, mˬ beh miˇ beh ngeh neh dehꞈ luꞈ-eu gʼaˬ-ahˇ naw maꞈ siˬ nya-eu miˇ neh, ngaˇ naw maꞈ-ahˇ sahˬ boꞈ boꞈ ahˇ laꞈ-eu ma. Zaˬ guˬ deuˬ-oˇ, Haiˬ dui dui-eu Gʼaˬ-ahˇ naw maꞈ gʼaˬ leˇ-euˬ miˇ neh, ngaˇ naw maꞈ-ahˇ sahˬ boꞈ boꞈ ahˇ laꞈ-eu ma.

1 Yoˇhaˬ 3:20

Aˬ dui-euˬ nui ma aˬ dui-ahˇ iˬ baˇ taˬ kʼaˇ za ngeh, Miˬyehˇ-aˬ, aˬ dui-euˬ nui ma naˆ maˬ tseˇ huiˬ dzehˬ mahˇ dzehˬ-awˇ dawˬ tawˆ luꞈ-ahˇ siˬ nya meh lehˇ aˬ dui noeˬ duˬ kʼaˇ za-eu ma.

1 Yoˇhaˬ 3:24

Miˬyehˇ neh biꞈ-euˬ dawˬ-ahˇ kʼaˇ naˇ haˬ geuꞈ-eu tsawˇ haˬ-aˬ, Miˬyehˇ-euˬ laꞈ kʼoeˇ jawˇ-eu tsawˇ haˬ pyeuꞈ-awˇ, Miˬyehˇ kʼawꞈ, aˬ yawꞈ-euˬ laꞈ kʼoeˇ jawˇ-eu meh. Miˬyehˇ neh biꞈ leꞈ-euˬ Yaw sahˇ Miˬyehˇ baˬ da neh, Miˬyehˇ a dui-euˬ laꞈ kʼoeˇ jawˇ meh lehˇ aˬ dui siˬ duˬ-eu ma.

1 Yoˇhaˬ 4:13

Miˬyehˇ-euˬ laꞈ kʼoeˇ aˬ dui jawˇ luꞈ-awˇ, aˬ dui-euˬ laꞈ kʼoeˇ kʼawꞈ aˬ yawꞈ jawˇ luꞈ-eu yaw duˬ baw-eu ma. Aˬ jeˬ miˇ neh ehˇ naˇ, aˬ dui-ahˇ aˬ yawꞈ-euˬ Yaw sahˇ Miˬyehˇ biꞈ laꞈ-euˬ meh.

1 Yoˇhaˬ 4:16

Kʼoeˇ miˇ neh, Miˬyehˇ neh aˬ dui-ahˇ gaˬ-euˬ gʼoeˇ-eu gaˬ-eu jeˬ kʼoeˇ-ahˇ aˬ dui siˬ nya-awˇ jah-eu ma. Miˬyehˇ-aˬ, gʼoeˇ-eu gaˬ-eu jeˬ pyeuꞈ-eu meh. Gʼoeˇ-eu gaˬ-eu jeˬ laꞈ kʼoeˇ kʼaˇ jawˇ-eu tsawˇ haˬ-aˬ, Miˬyehˇ-euˬ laꞈ kʼoeˇ jawˇ-awˇ, Miˬyehˇ kʼawꞈ, aˬ yawꞈ-euˬ laꞈ kʼoeˇ jawˇ-eu meh.

1 Yoˇhaˬ 4:6

Ehˇ kʼawꞈ, aˬ dui-aˬ, Miˬyehˇ-ahˇ taꞈ-eu ma. Miˬyehˇ-ahˇ kʼaˇ siˬ nya-eu tsawˇ haˬ-aˬ, nga maꞈ-euˬ ehˇ dawˬ naˇ haˬ geuꞈ-eu meh. Miˬyehˇ-ahˇ maˬ kʼaˇ taꞈ-eu tsawˇ haˬ-aˬ, nga maꞈ-euˬ ehˇ dawˬ maˬ naˇ haˬ geuꞈ-a. Kʼoeˇ gaˇ haw-awˇ, ngeuˇ-eu Yaw sahˇ hawˇ-eu maˬ ngeuˇ-eu yaw sahˇ-ahˇ aˬ dui tseˇ paˆ geuꞈ nya tehꞈ-a.

1 Yoˇhaˬ 5:19

Miˇ tsaˬ zaˬ dawˬ tawˆ luꞈ Haiˬ dui dui-eu Gʼaˬ uˆ lahˇ-eu uˬ moˆ jawˇ luꞈ kʼawꞈ, aˬ dui-aˬ Miˬyehˇ-ahˇ taꞈ-eu tsawˇ haˬ ma lehˇ aˬ dui siˬ nya-eu ma.

1 Yoˇhaˬ 5:4

Aˬ jeˬ miˇ neh ehˇnaˇ, Miˬyehˇ-euˬ zaˬ aˬ geu gʼaˬ maˬ kaˬ, miˇ tsaˬ heu-ahˇ gʼaˬ leˇ nya-eu meh. Aˬ dui-euˬ jah-eu jeˬ baˬ da neh miˇ tsaˬ heu-ahˇ aˬ dui gʼaˬ leˇ-eu ma.

Panmaeq 12:11

Aˬ dui-euˬ aˬ yuiꞈ aˬ nyiˇ Ka li zaˬ deuˬ-aˬ, Yawˇzaˬ-euˬ shiˬ hawˇ-eu aˬ yawꞈ maꞈ mehˬ luꞈ-eu yaw tsaˬ yaw dawˇ jeˬ baˬ da neh aˬ yawꞈ-ahˇ gʼaˬ leˇ-euˬ meh. Aˬ yawꞈ maꞈ-aˬ, gʼawˇ mawˇ shiˇ dah peuˬ-eu meh.