1 Yoˇhaˬ 4:19 - Akha

¹⁹ Miˬyehˇ aˬ dui-ahˇ jeˬ hu gaˬ-euˬ miˇ neh, aˬ dui aˬ yawꞈ-ahˇ gaˬ-awˇ, tiˬ gʼaˬ tiˇ gʼaˬ gaˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Miqyaer, aqdui-anr jeqhu gaq-euq mirnae, aqdui, aqyawf-anr gaq-eu ma.

1 Yoˇhaˬ 4:19 ပူးပေါင်းရင်းမြစ်များ

Luˇkaꞈ 7:47

Ngaˇ nawˬ-ahˇ ehˇ nehˬ nyaˇ. Aˬ yawꞈ neh mehˬ nehˬ laꞈ-euˬ gʼoeˇ-eu gaˬ-eu heu-aˬ, myaˬ dui dui-eu aˬ yawꞈ-euˬ iˬ baˇ buˬ-iˇ-euˬ saˇ kiˇ pyeuꞈ-eu meh. Ehˇ kʼawꞈ, iˬ baˇ ui cuiˆ tehꞈ-ehˇ ahˇ-awˇ, iˬ baˇ pyehˬ nehˬ-eu jeˬ-ahˇ za-euˬ tsawˇ haˬ-aˬ, gʼoeˇ-eu gaˬ-eu jeˬ ui cuiˆ tehꞈ-ehˇ ahˇ tehꞈ-a.”

Yoˇhaˬ 15:16

Naw maꞈ neh ngaˬ-ahˇ tseˇ geuꞈ-euˬ maˬ ngeuˇ-a. Ngaˬ neh naw maꞈ-ahˇ tseˇ doˆ-euˬ ma. Naw maꞈ iˇ-awˇ ziꞈ-eu gmˬ-eu aˇ siˬ gʼawˬ mya ni siˬ le-eu gʼaˇ duˬ tseˇ doˆ-euˬ ma. Kʼoeˇ ngeh jawˇ, ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ, Aˬda naw maꞈ-ahˇ biꞈ nehˬ laꞈ tehꞈ-a.

Yoˇhaˬ 3:16

Miˬyehˇ miˇ tsaˬ zaˬ-ahˇ gaˬ dui dui-eu miˇ neh, aˬ yawꞈ-euˬ Zaˬmaˇ tiˬ gʼaˬ tehꞈ kʼawꞈ biꞈ nehˬ leꞈ-euˬ meh. Zaˬmaˇ-ahˇ kʼaˇ jah-eu tsawˇ haˬ maˬ ya cawˆ-iˇ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Gaˬlaˬtiˆ 5:22

Ehˇ kʼawꞈ, Yaw sahˇ Miˬyehˇ laꞈ kʼoeˇ siˬ le-eu aˇ siˬ deuˬ-aˬ, gʼoeˇ-eu gaˬ-eu, laˬ kʼaˬ cehˇ-eu, nui saˇ oꞈ-eu, nui ma gʼawˬ mahˇ ni taˬ-eu, gʼawˬ shaˬ gaˬ-eu nui ma ahˇ-eu, yaw muiˬ jeˬ mˇ-eu, saˇ jaˇ ziꞈ-eu,

1 Yoˇhaˬ 4:10

Gʼoeˇ-eu gaˬ-eu jeˬ-aˬ, heu loꞈ-ehˇ meh. Aˬ dui Miˬyehˇ-ahˇ gaˬ-euˬ maˬ ngeuˇ. Aˬ yawꞈ aˬ dui-ahˇ gaˬ-awˇ, aˬ dui-euˬ iˬ baˇ bi pi dzeh le-eu gʼaˇ duˬ aˬ yawꞈ-euˬ Zaˬmaˇ-ahˇ kʼehˇ gʼeh leꞈ-euˬ meh.

1 Yoˇhaˬ 4:20

Tsawˇ haˬ tiˬ gʼaˬ Miˬyehˇ-ahˇ gaˬ ma lehˇ ehˇ kʼawꞈ, Ka li zaˬ cawˬ cawˬ maˬ gaˬ naˇ, jaˬ myawꞈ myawꞈ-eu tsawˇ haˬ meh. Aˬ jeˬ miˇ neh ehˇ naˇ, yawˬ ha ya mawˇ luꞈ-eu Ka li zaˬ cawˬ cawˬ maˬ gaˬ naˇ, maˬ ya mawˇ-eu Miˬyehˇ-ahˇ aˬ joˆ-ehˇ gaˬ nmˇ.